— 2025 ـ جىلعى مەملەكەتتىك ەڭبەك ەرلەرىنە جانە وزات قىزمەتكەرلەرگە ۇندەۋ حات
بۇكىل ەلدەگى ٴار سالا، ٴار كاسىپتەگى جولداستار:
بۇگىن پارتيا ورتالىق كوميتەتى سالتاناتتى جينالىس اشىپ، جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاپ، مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاپ ـ سيلادى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇمىسشى تابى مەن جۇمىسشى ۇيىمى قىزمەتىنە ايرىقشا ٴمان بەرەتىندىگىن، مەملەكەتتىك ەڭبەك ەرلەرىنە جانە وزات قىزمەتكەرلەرگە شىنايى قامقورلىعىن تولىق ايگىلەدى. ٴبىز بۇدان تەرەڭ شابىت الىپ، توتەنشە جىگەرلەندىك. جاڭا جورىقتا ەكپىندەي العا ىلگەرىلەۋدە، جاڭا داۋىرگە ۇلەس قوسۋدا قالىڭ ەڭبەكشىنىڭ جاۋاپكەرشىلىگى اۋىر، بورىشى داڭقتى. وسى ورايدا ٴبىز تومەندەگىدەي ۇندەۋ تاستايمىز:
ٴبىرىنشى، ساياسي قاسيەتتى ساقتاپ، پارتياعا ادال بەرىك سەنۋشى بولۋعا قۇلشىنايىق. شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋعا تاباندى بولىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ تاباندىلىقپەن ورىنداپ، مىزعىماس تاباندىلىقپەن پارتيانىڭ سوزىنە قۇلاق اسىپ، بۇلجىماي پارتياعا ىلەسەيىك.
ەكىنشى، باتىلدىقپەن جاۋاپكەرشىلىك ارقالاپ ىسكەرلىك كورسەتىپ، ەڭبەك ٴسىڭىرىپ ۇلەس قوسۋدىڭ قاجىماس كۇرەسكەرى بولۋعا قۇلشىنايىق. ەڭبەك ەرى رۋحىن، ەڭبەك رۋحىن، ۇستا رۋحىن بارىنشا اسقاقتاتىپ، قىزمەت ورنىمىزدى ٴسۇيىپ، كاسىپتى قادىرلەپ، جان قيارلىقپەن ۇلەس قوسىپ، ادال ەڭبەك ەتىپ، قۇلشىنا قىزمەت ىستەپ، جوعارى ساپالى دامۋدى ىلگەرىلەتۋ بارىسىندا نەگىزگى قوسىندىق رولىمىزدى تولىق ساۋلەلەندىرەيىك.
ٴۇشىنشى، ساپانى، قابىلەتتى جوعارىلاتىپ، جاڭالىق اشۋدىڭ، جاسامپازدىق جاراتۋدىڭ بەلسەندى امالياتتا ايگىلەۋشىسى بولۋعا قۇلشىنايىق. جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسىنە ىرىقتىلىقپەن ۇيلەسىپ، قاجىرلىلىقپەن ۇيرەنىپ، قاجىرلىلىقپەن جاتتىعىپ، ىشكەرىلەي زەرتتەۋ جۇرگىزىپ، باتىلدىقپەن الدا ٴجۇرىپ، بىرەگەي بولۋعا قۇلشىنىپ، ٴىس تىندىرىپ ناتيجە شىعارۋعا، ىسىمەر قىزمەت ورنى شەبەرى، كاسىپ مايتالمانى بولۋعا قۇلشىنايىق.
ٴتورتىنشى، ٴوزىن ارناۋ رۋحىن ساۋلەلەندىرىپ، ىنتىماقتى قورعاۋدىڭ ۇلگىلى باستاۋشىسى بولۋعا قۇلشىنايىق. جالپى تۇلعانى اڭعارۋعا، كەلەلى جاعدايمەن ساناسۋعا تاباندى بولىپ، جەكە مۇددە مەن كوللەكتيۆ مۇددەنىڭ، ٴىشىنارالىق مۇددە مەن جالپىلىق مۇددەنىڭ، كوز الداعى مۇددە مەن ۇزاق بولاشاقتىق مۇددەنىڭ قاتىناسىن دۇرىس ٴبىر جاقتى ەتىپ، تۇتاس قوعامنىڭ ىنتىماعى مەن سەلبەستىگىن كۇشەيتىپ، ٴىس جۇزىندىك ارەكەتىمىز ارقىلى قوعامنىڭ جاراسىمدىلىعى مەن ورنىقتىلىعىن قورعايىق.
داڭق ەڭبەكشىلەرگە ٴتان، باقىت كۇرەسكەرلەرگە ٴتان. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋىر مىندەتتى باتىلدىقپەن ارقالاپ، ىنتىماقتاسا كۇرەس جۇرگىزىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋگە تىڭ دا اناعۇرلىم زور ۇلەس قوسايىق!
(شينحۋا اگەنتتىگىنىڭ 4 ـ ايدىڭ 28 ـ كۇنى بەيجيڭنەن بەرگەن حابارى)
