— باس شۋجي شي جينپيڭنىڭ جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
ەڭبەك باقىت جاراتادى، كۇرەس بولاشاقتى جاراتادى. جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسىندا باس شۋجي شي جينپيڭ ەلىمىزدىڭ جۇمىسشى تابى مەن قالىڭ ەڭبەكشى قاۋىمعا جاڭا جورىقتا ەكپىندەي ىلگەرىلەپ، جاڭا داۋىرگە ەسە قوسۋ جونىندە شىنايى ٴۇمىت ارتتى، ”تىڭعىلىقتى ىستەپ قايراتتانا العا ۇمتىلىپ، كۇرەس جاساپ ۇلەس قوسىپ، جاسامپازدىق ارقىلى جاڭا داۋىرمەن قاۋىشىپ، كۇرەس ارقىلى جاڭا شۇعىلالى ناتيجە جاراتۋعا“ ۇندەدى.
ەلىمىزدىڭ جۇمىسشى تابى — وزىق وندىرگىش كۇش پەن وندىرىستىك قاتىناستىڭ ۋاكىلى، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى كۇشى. جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتىپ، ەلىمىز دامۋىنىڭ جاڭا قوزعالىس قۋاتىن، جاڭا باسىمدىعىن ۇزدىكسىز سومداۋ نەگىزگى كۇشتىك رولدى ساۋلەلەندىرۋدى ەڭ قاجەت ەتەدى؛ حالىقارالىق جاعدايدا وزگەرىس پەن بىلىقپالىق قاباتتاسىپ، ەل ىشىندەگى ەكونوميكالىق اينالىم قىسىمعا ۇشىراعان كۇردەلى دە قاتاڭ ورتادا ٴوز ٴىسىمىزدى تاباندىلىقپەن ويداعىداي ىستەۋ ٴجۇز ميلليونداعان ەڭبەكشى قاۋىمنىڭ باتىلدىقپەن جاۋاپكەرشىلىك ارقالاپ، كۇرەس جاساپ العا باسۋىن شۇعىل قاجەت ەتەدى؛ بىرگە بايۋدى تىڭعىلىقتى ىلگەرىلەتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرىپ، قالىڭ ەڭبەكشىلەردى قاجىرلىلىقپەن ىستەۋ، ناقتى ىستەۋ بارىسىندا تىڭ ناتيجە جاراتۋعا ۇندەۋ كەرەك.
باس شۋجي شي جينپيڭ قۇتتىقتاۋ، ماداقتاۋ ـ سيلاۋ جينالىسىندا جاڭا ٴداۋىردىڭ جاڭا جورىعىندا پارتيانىڭ وزەكتى مىندەتىن كوزدەپ، ەلىمىز جۇمىسشىلار قوزعالىسىنىڭ داۋىرلىك تاقىرىبىن ايقىن كورسەتىپ: ”نازاردى جوعارى ساپالى دامۋدى ىلگەرىلەتۋگە شوعىرلاندىرىپ، قالىڭ جۇمىسشى ـ قىزمەتكەردى جانە ەڭبەكشى قاۋىمدى ەسە قوسىپ ناتيجە شىعارۋعا، جاڭالىق اشىپ جاسامپازدىق جاراتۋعا جۇمىلدىرۋ، ىنتالاندىرۋ كەرەك“، ـ دەپ باسا دارىپتەدى.
جوعارى ساپالى دامۋ جوعارى ساپالى ەڭبەك جاسامپازدىعىنان ايرىلا المايدى. جاڭا داۋىردەن بەرى، عىلىم ـ تەحنولوگيا قىزمەتكەرلەرى قامال الىپ، قيىندىقتاردى جەڭۋدى ماقسات ەتىپ، ”چاڭى“، ”بەيدوۋ“، ”تيانحى“ سياقتى ٴىرى ەلدىڭ ماڭىزدى جابدىقتارىنىڭ ۇزدىكسىز ”جاڭالانۋىن“ جۇزەگە اسىرۋدان كاسىپ سالاسى جۇمىسشىلارى مەن تەحنيكالىق قابىلەتكە يە دارىندىلاردىڭ باتىلدىقپەن جاڭالىق اشىپ قامال الۋىنا دەيىن، جاساندى زەردە، جاڭا ەنەرگيالى اۆتوكولىك، ادام ٴتارىزدى قۇلتەمىر سياقتى كاسىپ سالالارىنىڭ جاسىل تيپ جاڭالاۋىن، جاڭاعا قاراي بەت الۋىن ىلگەرىلەتۋگە، ونان عىلىم ـ تەحنولوگيا جەتىستىكتەرى مەن سيفرلى تەحنولوگيادان شەبەرلىكپەن پايدالانعان جاڭاشا ەگىنشىلەردىڭ اۋىل شارۋاشىلىعىنا، اۋىل ـ قىستاققا، شارۋالار اراسىنا تامىر تارتۋىنا، استىق كەسەسىن ورنىقتى ۇستاۋعا، مىقتى ۇستاۋعا دەم بەرۋىنە دەيىن... ەلىمىزدىڭ جوعارى ساپالى دامۋىنىڭ ۇزدىكسىز تىڭ تابىستارعا قول جەتكىزۋىندەگى ماڭىزدى ٴبىر سەبەپ قالىڭ جۇمىسشى ـ قىزمەتكەر قاۋىمىنىڭ ەڭبەك ىنتاسى مەن جاسامپازدىق كومەسكى قۋاتىن تولىق تاسقىنداتىپ، ەكونوميكالىق، قوعامدىق دامۋ ساپاسىن جوعارىلاتىپ، ونىمدىلىگىن ارتتىرۋعا، تيبىن جاڭالاپ دارەجەسىن وسىرۋگە سارقىلماس قوزعالىس قۋاتىن ۇستەگەندىگىندە.
قازىر جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسى ىشكەرىلەي دامىپ، ىقپال كولەمىنىڭ كەڭدىگى، ىقپال دارەجەسىنىڭ تەرەڭدىگى بۇرىن بولىپ كورمەگەن دارەجەگە جەتتى. ٴبىز جوعارى ساپالى دامۋدى ىلگەرىلەتۋدە بۇرىن بولماعان ورايعا دا، شەشۋگە ٴتيىستى كوپتەگەن قيىن ماسەلەگە دە ٴدوپ كەلىپ وتىرمىز. بۇل حالىق بۇقاراسى اراسىندا ساقتالعان شەكسىز اقىل ـ پاراسات پەن كۇش ـ قۋاتتى ۇيىستىرىپ، تۇتاس قوعامنىڭ جاڭالىق اشۋ، جاسامپازدىق جاراتۋ ومىرشەڭ كۇشىن تاسقىنداتۋدى تالاپ ەتەدى. نازاردى جاڭاشا وندىرگىش كۇشتەردى دامىتۋ سىندى ىشكى تالاپ پەن ماڭىزدى كۇش سالۋ تۇيىنىنە شوعىرلاندىرىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋ سىندى نەگىزگى جولدى مىقتى يگەرىپ، قالىڭ ەڭبەكشىلەردى ٴوز قىزمەت ورنىن تياناق ەتۋگە ۇيىمداستىرىپ، جەتەكتەپ، ٴداستۇرلى كاسىپ سالاسىنىڭ تيبىن جاڭالاپ دارەجەسىن جوعارىلاتۋ بارىسىندا قامال الىپ قيىندىقتاردى جەڭىپ، جاڭادان گۇلدەنگەن كاسىپ سالالارىنىڭ دامۋى، زورايۋى بارىسىندا ٴورىس اشا العا ىلگەرىلەپ، بولاشاق كاسىپ سالاسىن باۋلۋ، جەتىلدىرۋ بارىسىندا باتىلدىقپەن ىزدەنىس جاساساق، ٴسوز جوق، ەلىمىزدىڭ جوعارى ساپالى دامۋىنىڭ تولقىن جارا العا باسۋىن ىلگەرىلەتە الامىز.
ەڭبەكشىلەردىڭ ساپاسى ٴبىر مەملەكەتتىڭ، ٴبىر ۇلتتىڭ دامۋى جونىنەن توتەنشە ماڭىزدى. ەڭبەكشىلەردىڭ ٴبىلىمى مەن قابىلەتى قانشالىق كوپ توپتالسا، جاسامپازدىق قابىلەتى دە سونشالىق زور بولادى. باس شۋجي شي جينپيڭ بىلاي دەپ باسا دارىپتەدى: ”جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسىنە سايكەسىپ، ەڭبەكشىلەردىڭ ساپاسىن جاپپاي جوعارىلاتۋ كەرەك“. قازىر ەلىمىزدىڭ دامۋ نەگىزى ورنىقتى، باسىمدىعى كوپ، سەرپىمدىلىگى كۇشتى، كومەسكى قۋاتى زور، ”قىرۋار جوعارى ساپالى ەڭبەكشى مەن كاسىپورىنشى سىندى دارىندىلار باسىمدىعى“ ەلىمىز دامۋىنىڭ ٴتورت ۇلكەن باسىمدىعىنىڭ ٴبىرى بولىپ تابىلادى. دارىندىلاردىڭ سانى مەن ساپاسىنان قاراعاندا، ەلىمىزدىڭ جوعارى ٴبىلىم العان جان سانى 250 ميلليونعا جەتىپ، جاڭادان ارتقان ەڭبەككۇشتەردىڭ ورتاشا ٴبىلىم الۋ جىل شەگى 14 جىلدان اسقان؛ تەحنيكالىق قابىلەتكە يە دارىندىلاردىڭ جالپى مولشەرى 200 ميلليوننان اسىپ، جوعارى تەحنيكالىق قابىلەتكە يە دارىندىلار 60 ميلليوننان اسقان؛ ينجەنەرلەردىڭ جالپى مولشەرى دۇنيە ٴجۇزى بويىنشا الدىڭعى قاتارعا ٴوتىپ، كولەمى زور ۇزدىك ينجەنەرلەر قوسىنى جەدەل قالىپتاسقان. كاسىپ سالاسى جۇمىسشىلار قوسىنى قۇرىلىسى رەفورماسىن تەرەڭدەتىپ، ٴبىلىمدى، تەحنيكالىق قابىلەتكە يە، جاڭاشىل ەڭبەكشىلەر ٴىرى قوسىنىن قۇلشىنا قۇرىپ، ”ادام كۇشى بايلىعى باسىمدىعىن“ ”دارىندىلار بايلىعى باسىمدىعىنا“ اينالدىرىپ، ”جان سانى پايداسىنان“ ”دارىندىلار پايداسىن“ تەرەڭ اشاتىن بولساق، كۇن سايىن شيەلەنىسكەن حالىقارالىق باسەكەدە ورايدى الدىمەن يەلەپ، ىرىقتىلىققا قول جەتكىزەتىندىگىمىز ٴشۇباسىز.
ٴبىزدىڭ وسىزاماندانۋىمىز ٴارى ەڭ قيىن، ٴارى ەڭ ۇلى ٴىس. ٴجۇز ميلليونداعان حالىقتىڭ زەيىن ـ زەردەسىن، كۇش ـ قۋاتىن شوعىرلاندىرۋ — ونداعى ”ەڭ قيىن ٴىستى“ شەشۋدىڭ، ونداعى ”ەڭ ۇلى ٴىستى“ ىسكە اسىرۋدىڭ كىلتى. بيىل ”14 ـ بەسجىلدىق“ جوبا اياقتالاتىن جىل، نىسانا ـ مىندەتتەردى جوعارى ساپالى ورىنداپ، ”15 ـ بەسجىلدىقتىڭ“ تاماشا باستاماسىن اشۋعا بەرىك نەگىز قالاۋ كەرەك، ۋاقىت تىعىز، مىندەت اۋىر، تالاپ جوعارى. ٴبىز سەنىمدى بەكەمدەپ، تاباندىلىقتى ساقتاپ، ناقتى ىستەۋدى ماڭداي الدى ورىنعا قويىپ، ەل بىرلىگىنەن بەرىك قامال تۇرعىزىپ، جاڭا بەينە، جاڭا ىسكەرلىك ارقىلى جوعارى ساپالى دامۋدى ىلگەرىلەتۋدە تىڭ تابىستارعا قول جەتكىزىپ، ۇزدىكسىز كۇرەس جۇرگىزۋ بارىسىندا جۇڭگو ۇلگىسىندەگى وسىزامانداندىرۋ ۇلى ىستەرىن العا ىلگەرىلەتۋىمىز كەرەك.
(شينحۋا اگەنتتىگىنىڭ 4 ـ ايدىڭ 29 ـ كۇنى بەيجيڭنەن بەرگەن حابارى)
