حالىق گازەتىنىڭ شولۋشىسى
قازىر ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى بۇكىل پارتيادا تارتىپپەن ورىستەتىلۋدە. باس شۋجي شي جينپيڭ وسكەلەڭ ٴمان بەرىپ، كوپ رەت ماڭىزدى ٴسوز سويلەپ، كوپ رەت ماڭىزدى نۇسقاۋ بەرىپ، بەكىتۋ جازىپ، نىسانا ـ مىندەتتەردى، ٴادىس ـ جولداردى جانە قىزمەت تالاپتارىن اناعۇرلىم ايقىنداپ، ۇيرەنۋ تاربيەسىن ويداعىداي ورىستەتۋگە ماڭىزدى بويسۇنۋ ولشەمىن ازىرلەدى. ۇيرەنۋ تاربيەسى باستالىسىمەن باس شۋجي شي جينپيڭ گۇيجوۋعا، يۇننانعا بارىپ قىزمەت تەكسەرگەن كەزدە نەگىزگى ساتىنىڭ ٴبىرىنشى شەبىنە بارىپ، ٴوزى جەتەكشىلىك ەتىپ ۇيرەنۋ تاربيەسىن ىلگەرىلەتىپ، بۇكىل پارتياعا ۇلگى كورسەتتى.
پارتيا ورتالىق كوميتەتى ورتالىقتىڭ 8 جەتەكشىلىك ەتۋ گرۋپپاسىن 21 جەر مەن مەكەمە ـ ورىننىڭ ۇيرەنۋ تاربيەسىنە جەتەكشىلىك ەتۋ، قۋزاۋ ـ جەتەكشىلىك ەتۋ قىزمەتىن ورىستەتۋگە جىبەرۋدى ۇيعاردى، مۇنداعى ماقسات — ماسەلەنى باعدار ەتۋگە تاباندى بولىپ، وسى جەرلەر مەن مەكەمە ـ ورىنداردىڭ ۇيرەنۋ تاربيەسىن ويداعىداي يگەرۋىنە باعىتتامالى تۇردە قۋزاۋ، جەتەكشىلىك ەتۋ، ماسەلەنىڭ شەشىلۋىن ىلگەرىلەتۋ، سونداي ـ اق تۇيىنمەن كولەمدى جەبەۋ ارقىلى بۇكىل پارتيانىڭ ۇيرەنۋ تاربيەسىندە ناقتى ونىمدىلىككە قول جەتكىزۋىن ىلگەرىلەتۋ.
سەگىز ٴتۇرلى بەلگىلەمە تياناقتانىپ، ستيل قۇرىلىسى جالپى بەتتىك جاندانا ٴتۇستى. پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ورتالىقتىڭ سەگىز ٴتۇرلى بەلگىلەمەسىن جاساۋ جانە تياناقتاندىرۋ ارقىلى باستاما اشىپ ماسەلەنى شەشىپ، شەگە قاعۋ رۋحى ارقىلى ”ٴتورت ٴتۇرلى بۇرىس ستيل“ ماسەلەسىن تۇزەتىپ، ۇزاق ۋاقىتتان بەرى تەجەلمەگەن كەيبىر تەرىس ستيلدەردى تيىپ، كوپ جىلدان بەرى الاستالماعان ٴسىڭىستى كىناراتتاردى، قاساڭ دەرتتەردى تۇزەتىپ، پارتيا ستيلى، ۇكىمەت ستيلى، قوعامدىق ستيل شىت جاڭا بەينەگە ەنىپ، پارتيا تىلەگى، ارميا تىلەگى، حالىق تىلەگى بارىنشا ۇيىسىپ، پارتيامىزدىڭ جاڭا داۋىردەگى حالىقتىڭ سەنىمىنە يە بولۋ شاراسىنا اينالدى، جاڭا داۋىردەگى پارتيانى باسقارۋدىڭ، پارتيانى جونگە سالۋدىڭ ”التىن تانىسقىسىنا“ اينالدى. ستيل ماسەلەسىنىڭ قايتالامالى سيپات، قاساڭدىق سيپات الاتىندىعىن، ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋ قامال الۋ شايقاسى، ۇزاققا سوزىلاتىن شايقاس ەكەندىگىن دە سەرگەكتىكپەن كورە ٴبىلۋىمىز كەرەك. ٴىس جۇزىندىك جاعدايدان قاراعاندا، پارتيا مۇشەلەرىنىڭ، كادرلاردىڭ ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىنا قايشىلىق جاساۋ ماسەلەسى ٴالى دە ارت ـ ارتىنان تۋىلۋدا، فورماشىلدىق، تورەشىلدىك قۇبىلىسى ٴالى دە ٴبىرشاما كورنەكتى، راقاتقۇمارلىق، استا ـ توك ىسىراپشىلدىق ٴالسىن ـ ٴالسىن باس كوتەرىپ، كومەسكى، قۇبىلمالى ارەكەتتەر جاسىرىن ٴورشىپ كەلەدى. بۇل ماسەلەلەردىڭ ٴسىڭىستى كىناراتتارى وتە تەرەڭ، بۇقارانىڭ اڭىسى كۇشتى، تەك جەرلەر مەن مەكەمە ـ ورىنداردىڭ وزىنە سۇيەنىپ ٴونىمدى شەشۋى قيىن. ستيل قۇرىلىسىن يگەرۋدە ىشكى كۇشتىڭ جەبەۋىنە سۇيەنۋ ٴارى سىرتقى كۇشتىڭ ىلگەرىلەتۋىنە سۇيەنۋ كەرەك. ورتالىق جەتەكشىلىك ەتۋ گرۋپپاسى ساياسي دەڭگەيدى جوعارىلاتىپ، ساياسي جاۋاپكەرشىلىكتى كۇشەيتىپ، تاڭداۋلى ستيلدى اسقاقتاتىپ، قىزمەتتىڭ ساپاسىن، ونىمدىلىگىن جوعارىلاتىپ، پارتيا ورتالىق كوميتەتى مەن باس شۋجي شي جينپيڭنىڭ ماڭىزدى تاپسىرماسىن ورىنداۋى كەرەك.
جاۋاپكەرشىلىكتى، مىندەتتى ٴدال يگەرگەندە عانا، جەتەكشىلىك ەتۋ، قۋزاۋ ـ جەتەكشىلىك ەتۋ قىزمەتىندە بەتالىس دۇرىس، كۇش سالۋ دالمە ـ ٴدال، ٴىس ناقتى دا جوعارى ٴونىمدى بولۋدى ورىنداۋعا بولادى. ورتالىق جەتەكشىلىك ەتۋ گرۋپپاسىنىڭ مىندەت جاۋاپكەرشىلىگى، مىندەتى، باستىسى، باس شۋجي شي جينپيڭنىڭ ماڭىزدى ٴسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن، پارتيا ورتالىق كوميتەتىنىڭ ۇيرەنۋ تاربيەسى جونىندەگى ورنالاستىرۋلارىن، تالاپتارىن دايەكتىلەندىرۋ، تياناقتاندىرۋ جاعدايىنا قۋزاۋ، تەكسەرۋ جۇرگىزۋ، بارعان جەرلەر مەن مەكەمە ـ ورىنداردىڭ ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىنا قايشىلىق جاساعان كورنەكتى ماسەلەلەردى شىنداپ ىسكە كىرىسىپ، قاتاڭ شارا قولدانىپ شەشۋىنە، بەلگىلەمەگە قايشى ٴىشىپ ـ جەۋ، بەلگىلەمەگە قايشى تۇردە تارتۋ ـ تارالعى، اقشا قابىلداۋ ـ ۇسىنۋ، بۇقارانىڭ مۇددەسىنە زيان جەتكىزۋ، جاۋاپكەرشىلىك ارقالاماۋ، ىسكەرلىك كورسەتپەۋ سياقتى كورنەكتى ماسەلەلەردى دەر كەزىندە بايقاۋىنا جانە شەشۋدى ىلگەرىلەتۋىنە قۋزاۋ سالۋ، جەتەكشىلىك ەتۋ كەرەك. جاۋاپكەرشىلىكتى ٴبىلىپ، جاۋاپكەرشىلىكتى ايقىنداپ، جاۋاپكەرشىلىك ارقالاپ، جاۋاپكەرشىلىكتى ادا ەتۋ كەرەك، اسىرەسە، ماسەلەنى شەشۋدى ىلگەرىلەتۋدى قىزمەت ٴتۇيىنى ەتىپ، نازاردى اڭىس كۇشتى بولعان، قايتا ـ قايتا تۋىلعان ماسەلەلەرگە شوعىرلاندىرىپ، دالمە ـ ٴدال تاۋىپ، دالمە ـ ٴدال قۋزاۋ ـ جەتەكشىلىك ەتىپ، باتىلدىقپەن ٴادىلعازى بولىپ، العان بەتىنەن قايتپاي، ماسەلەنى شەشپەيىنشە بوساڭسىماۋدى، تۇبەگەيلى شەشپەيىنشە قول ۇزبەۋدى ورىنداۋ كەرەك.
جەتەكشىلىك ەتۋ، قۋزاۋ ـ جەتەكشىلىك ەتۋ قىزمەتىندە، ٴسوز جوق، ٴادىس ـ امالعا ٴمان بەرۋ كەرەك. ۇقساس سۇراۋعا بىردەي جاۋاپ بەرۋگە تاباندى بولىپ، جەرگىلىكتى ورىندار جانە مەكەمە ـ ورىن پارتكومدارىمەن (پارتيا باسشىلىق گرۋپپاسى) تىلدەسۋدى، بايلانىس جاساۋدى كۇشەيتىپ، سىندارلى پىكىرلەردى كوبىرەك بەرىپ، كومەكتەسۋ، جەبەۋ قىزمەتىن كوبىرەك ىستەۋ كەرەك. تۇرگە ٴبولىپ جەتەكشىلىك ەتۋگە تاباندى بولىپ، جەرگىلىكتى جاعدايعا قاراي ىستەپ، جاعدايعا قاراي شارا قولدانىپ، نىسانالى تۇردە شىندىققا جۇگىنىپ ناقتى ٴىس ىستەپ، پارتيا ورتالىق كوميتەتىنىڭ رۋحىنا ۇيلەسپەيتىندەرىن بايقاعاندا دەر كەزىندە اتاپ كورسەتىپ، پارىقتاردى تۇزەتۋ كەرەك. تيپتىك ماسەلەلەردى تەكسەرۋ ـ زەرتتەۋگە تاباندى بولىپ، جەرلەر مەن مەكەمە ـ ورىنداردىڭ تيپتىك مىسالدارىمەن ۇشتاستىرىپ، تەرەڭ تالداۋ جاساپ، تۇيىنشەكتى ٴداپ باسىپ تاۋىپ، قاينارىن تەرەڭ اشىپ، ”ٴبىر ماسەلەنى بورشالاۋدان“ ”ٴبىر ٴتۇرلى ماسەلەنى شەشۋگە“ دەيىن ورىنداۋ كەرەك. ەسىكتى ايقارا اشۋعا تاباندى بولىپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرىپ، ناقتى ورىندا احۋال ۇعىسۋ، ٴىشىنارا سۇحباتتاسۋ، تۇتقيىل ۇلگى الىپ تەكسەرۋ، توراپتاعى قوعامدىق پىكىردى ۇعىسۋ سياقتى تاسىلدەردەن جان ـ جاقتى پايدالانىپ، نەگىزگى ساتىداعى پارتيا مۇشەلەرىنىڭ، كادرلاردىڭ، بۇقارانىڭ پىكىر ـ ۇسىنىسىن مۇقيات تىڭداپ، ناقتى جاعدايدى جان ـ جاقتى، دالمە ـ ٴدال ۇعىسىپ، تومەننەن جوعارىعا قاراۋعا، ەلەۋسىز ىستەردەن ونىڭ ماڭىزدىلىعى مەن دامۋ بەتالىسىن اڭعارۋعا ٴمان بەرىپ، جەتەكشىلىك ەتۋدە ٴادىس بولۋدى، قۋزاۋ ـ جەتەكشىلىك ەتۋدىڭ پارمەندى بولۋىن، قىزمەتتىڭ ٴونىمدى بولۋىن ورىنداۋ كەرەك.
ستيل قۇرىلىسى ماڭگى جالعاسادى. جەتەكشىلىك ەتۋ، قۋزاۋ ـ جەتەكشىلىك ەتۋ قىزمەتىن جوعارى ولشەممەن، جوعارى ساپامەن ويداعىداي ىستەپ، ۇيرەنۋ تاربيەسىنىڭ ساتىلار بويىنشا تياناقتانۋىن، قادام سايىن تەرەڭدەۋىن ىلگەرىلەتىپ، ۇيرەنۋدە ساپا بولۋعا، تەكسەرۋدە تەبىن بولۋعا، تۇزەتۋدە ونىمدىلىك بولۋعا شىنايى كەپىلدىك ەتكەندە عانا ستيل قۇرىلىسىنىڭ جاڭا بەينەسىن جالىنداتىپ، ٴىس تىندىرىپ ناتيجە شىعارۋدىڭ جاڭا ىسكەرلىگىن قاۋلاتىپ، حالىق بۇقاراسىنىڭ سەنىمىنە، قولداۋىنا ۇزدىكسىز قول جەتكىزىپ، ”14 ـ بەسجىلدىقتىڭ“ شەشۋشى شايقاسىنىڭ شەشۋشى جەڭىسىنە قول جەتكىزۋگە سارقىلماس قوزعاۋشى كۇش ۇستەپ، رەفورمانى ونان ارى جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەۋگە بولادى.
(شينحۋا اگەنتتىگىنىڭ 4 ـ ايدىڭ 29 ـ كۇنى بەيجيڭنەن بەرگەن حابارى)
