— شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇمىسشى تابىنا جانە قالىڭ ەڭبەكشى قاۋىمعا كوڭىل بولگەندىگى، قامقورلىق جاساعاندىعى جونىندە ەستەلىك
شينحۋا اگەنتتىگىنىڭ تىلشىلەرى چي جۇڭشي، فان شي، يە حاۋميڭ، حۋاڭ ياۋ
ەڭبەك باقىت جاراتادى، ناقتى ىستەۋ ۇلى ىستەردى جارىققا شىعارادى.
”1 ـ مامىر“ حالىقارالىق ەڭبەكشىلەر مەرەكەسى كەلۋ بايلانىسىمەن باس شۋجي شي جينپيڭ جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسىنا قاتىناسىپ ٴارى ماڭىزدى ٴسوز سويلەپ، 100 جىلدان بەرگى پارتيا باسشىلىق ەتكەن جۇڭگو جۇمىسشىلار قوزعالىسىنىڭ شۇعىلالى بەلەسى مەن ۇلى تابىستارىنا جوعارى باعا بەرىپ، جۇڭگو جۇمىسشى تابى مەن جۇڭگو جۇمىسشى ۇيىمىنىڭ پارتيا مەن مەملەكەت ىستەرىنىڭ دامۋ جالپى جاعدايىنداعى ورنى مەن رولىن تولىق تۇراقتاندىرىپ، جۇمىسشىلار قوزعالىسى ىستەرى مەن جۇمىسشى ۇيىمى قىزمەتىنىڭ باعالى تاجىريبەلەرىن تەرەڭ قورىتىندىلاپ، ەلىمىزدىڭ جۇمىسشى تابى مەن قالىڭ ەڭبەكشى قاۋىمنىڭ جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋىنا شىنايى ٴۇمىت ارتىپ، جاڭا ٴداۋىردىڭ جاڭا جورىعىندا جۇمىسشى ۇيىمى قىزمەتىن ويداعىداي ىستەۋ جونىندە ايقىن تالاپتار قويدى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان ـ اياق بۇكىل ىنتا ـ پەيىلىمەن جۇمىسشى تابىنا سۇيەنۋ ٴتۇبىرلى باعىتىنا تاباندى بولىپ، پارتيانىڭ جۇمىسشىلار قوزعالىسى ىستەرى مەن جۇمىسشى ۇيىمى قىزمەتىنە ايرىقشا ٴمان بەرىپ جانە ونى بار كۇشپەن ىلگەرىلەتىپ، قالىڭ ەڭبەكشى قاۋىمعا كوڭىل ٴبولىپ، قامقورلىق جاساپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، جۇمىسشى تابى مەن قالىڭ ەڭبەكشى قاۋىمدى مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە بەلسەنە ات سالىسۋعا تولىق جۇمىلدىرىپ، جاڭا ٴداۋىر ەڭبەكشىلەرىنىڭ كۇرەس جىرىن بىرگە اسقاقتاتا شىرقادى.
”مەيلى ٴداۋىر شارت ـ جاعدايى قالاي وزگەرسەدە، ٴبىز باستان ـ اياق ەڭبەكتى قاستەرلەۋىمىز، ەڭبەكشىلەردى قۇرمەتتەۋىمىز كەرەك“
2025 ـ جىلى 4 ـ ايدىڭ 3 ـ كۇنى، استانا بەيجيڭ كوركەم كوكتەم تۇسىنە ەنىپ، ەركە سامال ەسىپ تۇر. باس شۋجي شي جينپيڭ فىڭتاي رايونىنداعى يۇڭديڭ وزەنى جاعاسىنا بارىپ، كادر ـ بۇقارامەن بىرگە مىندەتتى اعاش ەگۋگە قاتىناستى.
توپىراق كۇرەپ شۇقاناق قازدى، توپىراق قومداپ بوگەن جاسادى، شەلەكپەن سۋ تاسىپ اعاش سۋاردى... باس شۋجي شي جينپيڭ ٴبىرقانشا اعاش قالامشاسىن ارت ـ ارتىنان وتىرعىزدى. توسەلگەن ارەكەتتەرى ۋاقىت وتسە دە وزگەرمەگەن ەڭبەك قاسيەتىن اڭعارتتى.
زامان بىلىنبەي زىمىراپ بارادى، سارى توپىراقتى جەردەگى قىستاق ياچەيكا شۋجيىنەن ٴىرى پارتيانىڭ، ٴىرى ەلدىڭ كوسەمىنە دەيىن شي جينپيڭ جولداس باستان ـ اياق ەڭبەكشىلەردىڭ قاسيەتىن ساقتاپ، ەڭبەكشى حالىقپەن بىرگە تۇرىپ، بىرگە ويلاپ، بىرگە ىستەدى —
ەڭبەكتى قۇرمەتتەپ، جاسامپازدىقتى القاپ، قالىڭ ەڭبەكشى قاۋىمدى قاجىرلى ەڭبەك، ادال ەڭبەك، جاسامپاز ەڭبەك بارىسىندا ارمانعا جەتۋگە ىنتالاندىردى —
نيڭشيا نيڭدۇڭ ەنەرگيا، حيميا ونەركاسىپ بازاسىنىڭ يەن دالاسىندا 100 مەگاۆات / 200 مەگاۆات ساعاتتىق 2 جاڭاشا ەنەرگيا ساقتاۋ ەلەكتر ستانسياسى بوي كوتەردى، ”فوتوۆولت + ەكولوگيانى وڭاۋ“ كومىر قازىلعاننان كەيىن شوگىپ كەتكەن وڭىرلەردىڭ ”ٴشول دالاسىنان“ ”جاسىل قازىنا“ ٴوندىردى.
2016 ـ جىلى 7 ـ ايدا باس شۋجي شي جينپيڭ وسى ارادا قىزمەت تەكسەرگەن كەزدە بىلاي دەپ اتاپ كورسەتتى: ”سوتسياليزم ىستەۋمەن كەلگەن، ياعني ٴبىز جۇمىسشى تابىنىڭ جان قيارلىقپەن شايقاس جاساۋ رۋحىنا سۇيەنگەن، باس الماي قاجىرلىلىقپەن ىستەۋدىڭ، شىنايى يگەرىپ ناقتى ىستەۋدىڭ ارقاسىندا عانا ٴبىز تالاي ـ تالاي ۇلى نىسانانى جۇزەگە اسىرا الدىق، تالاي ـ تالاي قوماقتى جەتىستىككە قول جەتكىزدىك“.
كۇرەس جاساۋ جۇڭحۋا پەرزەنتتەرىنىڭ گەنىنە سىڭگەن، جۇڭحۋا ۇلتىنىڭ ايشىقتى ٴتۇپ بوياۋى.
جاڭا داۋىرگە وتكەن سوڭ، جۇڭگو حالقىنىڭ ىنتىماقتاسا كۇرەس جۇرگىزۋ بەينەسى ٴتىپتى دە اسقاقتاپ، جان قيارلىقپەن ۇلەس قوسۋىنىڭ قوزعاۋشى كۇشى ٴتىپتى دە قۋاتتى بولا ٴتۇستى. شي جينپيڭ جولداستى ۇيتقى ەتكەن پارتيا ورتالىق كوميتەتى تۇتاس حالىقتى باستاپ ەكپىندەي ىلگەرىلەپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىس تۋىلۋدى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى.
جۇمىسشى تابى مەن قالىڭ ەڭبەكشى قاۋىم ٴداۋىر تىنىسىن مىقتاپ يگەرىپ، وزدەرىنىڭ دامۋىن ٴداۋىر دامۋىنىڭ زور اعىنىمەن توعىستىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ، جوعارى ساپالى دامۋدى ىلگەرىلەتۋ بارىسىندا نەگىزگى قوسىندىق رولىن ساۋلەلەندىرىپ، ەڭبەك داڭقتى، ٴبىلىم ارداقتى، دارىندىلار باعالى، جاسامپازدىق ۇلى دەيتىن قوعامدىق سالتتى قالىپتاستىردى.
جۇمىسشى تابىنا سۇيىسپەنشىلىك ارناپ، جۇمىسشىلار قوزعالىسى ىستەرىن كوكەيىندە ساقتاپ، جاڭا داۋىردەگى جۇمىسشى ۇيىمى قىزمەتىنىڭ جاڭا جاعدايىن اشۋدى ىلگەرىلەتتى —
”جۇمىسشى ۇيىمى قىزمەتى سان سالانى قامتيدى، ەڭ ٴتۇبىرلى سالاسىنىڭ ٴبىرى — قالىڭ جۇمىسشى ـ قىزمەتكەر قاۋىمىن پارتيانىڭ توڭىرەگىنە تىعىز ىنتىماقتاستىرىپ، پارتيانىڭ وزەكتى مىندەتىن جۇزەگە اسىرۋ ٴۇشىن ىنتىماقتاسا كۇرەس جۇرگىزۋ“. 2023 ـ جىلى 10 ـ ايدىڭ 23 ـ كۇنى جۇڭگو جۇمىسشى ۇيىمىنىڭ 18 ـ قۇرىلتايى جابىلعان سوڭ كوپ وتپەي، باس شۋجي شي جينپيڭ جۇڭحۋا مەملەكەتتىك باس جۇمىسشى ۇيىمىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق سويلەستى.
پارتيا 18 ـ قۇرىلتايىنان بەرى، باس شۋجي شي جينپيڭ ىلگەرىندى ـ كەيىندى 3 رەت جۇڭحۋا مەملەكەتتىك باس جۇمىسشى ۇيىمىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق سويلەسىپ، كوپ رەت مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ ـ سيلاۋ جينالىسى سياقتى ماجىلىستەرگە قاتىناسىپ ٴارى ماڭىزدى ٴسوز سويلەپ، كوپ رەت اڭگىمەلەسۋ، قۇتتىقتاۋ حاتىن جولداۋ، جاۋاپ حات جولداۋ، نۇسقاۋ بەرۋ، بەكىتۋ جازۋ سياقتى تاسىلدەرمەن پارتيانىڭ جۇمىسشىلار قوزعالىسى ىستەرى جانە جۇمىسشى ۇيىمى قىزمەتى ٴۇشىن العا باسۋ بەتالىسىن ايقىن كورسەتىپ، وراسان زور شابىت بەردى، كاسىپ سالاسى جۇمىسشىلار قوسىنى قۇرىلىسى رەفورماسىنا جانە جۇمىسشى ۇيىمى رەفورماسىنا ٴوزى جەتەكشىلىك ەتتى، جوسپارلادى.
پارتيانىڭ جۇمىسشىلار قوزعالىسى ىستەرى مەن جۇمىسشى ۇيىمى قىزمەتىنە جاپپاي باسشىلىعىنا تاباندى بولدى، بۇكىل ىنتا ـ پەيىلىمەن جۇمىسشى تابىنا سۇيەنۋ ٴتۇبىرلى باعىتىنا تاباندى بولدى، پارتيانىڭ وزەكتى مىندەتىنە بويسۇنۋعا جانە وعان قىزمەت ەتۋگە تاباندى بولدى، جۇمىسشى ۇيىمىنىڭ ساياسيلىعىنا، العاباسارلىعىنا، بۇقارالىعىنا تاباندى بولدى، جۇمىسشى ـ قىزمەتكەر قاۋىمىنا قىزمەت وتەۋدى جان تامىر ەتۋگە تاباندى بولدى، زاڭ بويىنشا، ەرەجە بويىنشا قىزمەت ورىستەتۋگە تاباندى بولدى...
”100 جىلدان بەرگى پارتيانىڭ جۇمىسشىلار قوزعالىسى ىستەرىنىڭ نازاريالىق جاسامپازدىعى مەن امالياتتىق دامۋىنىڭ ەڭ ماڭىزدى جەتىستىگى — جۇڭگوشا سوتسياليستىك جۇمىسشى ۇيىمى دامۋ جولىنىڭ قالىپتاسۋى“. باس شۋجي شي جينپيڭ وسىلاي دەپ باسا دارىپتەدى.
شىن ىقىلاستان اينىماي، شىنايى سۇيىسپەنشىلىگىن ماڭگى ساقتاپ، قالىڭ ەڭبەكشى قاۋىمنىڭ بىلەك سىبانا قايراتتانا ىستەيتىن، بوران ـ شاشىندا بوگەلمەي العا ىلگەرىلەيتىن قۇدىرەتتى كۇش ـ قۋاتىن ۇيىستىردى —
2019 ـ جىلى كوكتەم مەرەكەسى قارساڭىندا باس شۋجي شي جينپيڭ بەيجيڭدەگى چيانمىن شىتوۋ حۋتۇڭىنداعى ٴبىر جەدەل جەتكىزۋ پۋنكتىنە كىرىپ، قىزمەت ىستەپ جاتقان ”جەدەل جەتكىزۋشى جىگىتتەرگە“ امانداستى.
پارتيا 18 ـ قۇرىلتايىنان بەرى، باس شۋجي شي جينپيڭنىڭ جۇمىسشى ـ قىزمەتكەر قاۋىمىنا كوڭىل ٴبولىپ، امانداسا بارعان ٴىزى بۇكىل جۇڭگونىڭ بايتاق دالاسىندا قالدى، قالىڭ ەڭبەكشى قاۋىمنىڭ ٴوندىرىس، تۇرمىس شارت ـ جاعدايىن جاقسارتۋدى ٴارقاشان كوكەيىندە ساقتادى.
حۋناننىڭ چاڭشاسىندا باس شۋجي شي جينپيڭ نەگىزگى ساتى ۋاكىلدەرى اڭگىمە ٴماجىلىسىن باسقارىپ اشتى، اۋىل ـ قىستاق وقىتۋشىلارى، شارۋا جۇمىسكەرلەر، كولەمدى استىق سالاتىن ەگىنشى، جۇك كولىگى شوفەرى... 30 نەگىزگى ساتى ۋاكىلى ٴبىر ارادا باس قوستى. باس شۋجي لەبىز بىلدىرگەن ۋاكىلدەرمەن پىكىر اۋىستىرعان سوڭ بىلاي دەپ اتاپ كورسەتتى: ”ٴار مەزگىلدىڭ ٴوز ماسەلەسى بولادى، ٴار قاۋىمنىڭ ٴوز قيىنشىلىعى بولادى، ٴبىز باسا ٴمان بەرىپ، ۇزدىكسىز شەشۋىمىز كەرەك“.
باس شۋجي شي جينپيڭ بىلاي دەپ باسا دارىپتەدى: ”حالىقتى وزەك ەتكەن دامۋ يدەياسىنا تاباندى بولىپ، اناعۇرلىم تاماشا جۇمىستانۋ جانە ەڭبەك شارت ـ جاعدايىن جاراتىپ، جوعارى ساپالى جۇمىستانۋدى ىلگەرىلەتىپ، ەڭبەك، شەبەرلىك، ٴبىلىم، جاڭالىق اشۋ سياقتى فاكتورلاردىڭ كىرىس بولىسىندەگى سالماعىن ٴتارتىپتى جوعارىلاتىپ، قالىڭ جۇمىسشى ـ قىزمەتكەردىڭ جانە ەڭبەكشى قاۋىمنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك“.
قويۋ سۇيىسپەنشىلىك، شىنايى قامقورلىق ەكپىندەي ىلگەرىلەۋدىڭ قوزعاۋشى كۇشىنە اينالدى.
جۇڭگونىڭ بايتاق دالاسىنا كوز جىبەرسەك، جۇمىسشى تابى مەن قالىڭ ەڭبەكشى قاۋىم پارتيامەن نيەتتەس بولىپ، پارتياعا ىلەسىپ كۇرەس جاساپ، جۇڭگو ۇلگىسىندەگى وسىزامانداندىرۋدى جوعارى ساپالى دامۋ ارقىلى ىلگەرىلەتۋدىڭ جالىندى امالياتىنا جابال ات سالىسىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن قاجىماي ـ تالماي كۇرەس جاسادى.
”سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتۋ كەرەك“
2024 ـ جىلى 9 ـ ايدا باس شۋجي شي جينپيڭ جۇڭگو يجۇڭ توبىنداعى كاسىپ سالاسى جۇمىسشىلارىنىڭ ۋاكىلدەرىنە جاۋاپ حات جولداپ، ولاردى شىنايى شابىتتاندىردى ٴارى ولارعا شىنايى ٴۇمىت ارتتى:
”جاساۋ كاسىبى — ەل بولىپ تۇرۋدىڭ تياناعى، مەملەكەتتى قۇدىرەتتەندىرۋدىڭ نەگىزى. جاڭا ٴداۋىردىڭ جاڭا جورىعىندا سىزدەردىڭ ونەرمەن وتان ٴۇمىتىن اقتاۋ اۋەلگى ماقساتىنان جازباي، ەڭبەك ەرى رۋحىن، ەڭبەك رۋحىن، ۇستا رۋحىن ساۋلەلەندىرىپ، قاجىرلىلىقپەن ونەرگە جاتتىعىپ، قابىلەتتى جوعارىلاتىپ، جاساۋدا قۇدىرەتتى ەل قۇرۋعا، شىعىس سولتۇستىكتىڭ جاپپاي گۇلدەنۋىن ىلگەرىلەتۋگە ۇزدىكسىز اقىل ـ پاراسات جانە كۇش ـ قۋات قوسۋلارىڭىزدى ٴۇمىت ەتەمىن“.
پارتيا 18 ـ قۇرىلتايىنان بەرى، باس شۋجي شي جينپيڭ جۇڭگو يجۇڭ توبىنا قاتىستى جاساۋ بازاسىنا 2 رەت بارىپ قىزمەت تەكسەرىپ، كاسىپورىنداردىڭ رەفورما جاساۋ، جاڭالىق اشۋ، شارۋاشىلىق باسقارۋ سياقتىلارى جونىندە تالاپ قويدى.
ۇلى ٴىس ۇلى رۋحتى تۋىنداتادى، ۇلى رۋح ۇلى ىسكە جەتەكشىلىك ەتەدى.
100 جىلدىق كۇرەس داۋىرىنە كوز جىبەرسەك، ٴارقايسى تاريحي داۋىردە ەڭبەك ەرلەرى باستان ـ اياق ەلىمىز جۇمىسشى تابىنىڭ نۇر ـ شۇعىلا شاشقان شوعىرى بولىپ كەلەدى:
توڭكەرىستىك سوعىس جىلدارىندا ”شەكارا رايون جۇمىسشىلارى تۋى“ جاۋ جانكۇي، ”اسكەري ونەركاسىپ ىستەرىن اشۋشى“ ۋ يۇندو، ”جاڭا ەڭبەك قوزعالىسىنىڭ تۋشىسى“ جىن رۇڭديان قاتارلىلار وزدەرى ونەگە كورسەتىپ، بۇقارانى پارتيا باسشىلىعىنداعى حالىق ازاتتىق ىستەرىنە ات سالىسۋعا جەتەكتەدى؛
جاڭا جۇڭگو قۇرىلعاننان كەيىن، ”دومنا پەش قورعاۋشىسى“ مىڭ تاي، ”قۇرىش ادام“ ۋاڭ جينشي، ”ەكى بومبى ارداگەرى“ دىڭ جياشيان قاتارلىلار پارتيانىڭ ۇندەۋىنە ٴۇن قوسىپ، قالىڭ بۇقارانى ٴوز كۇشىنە سۇيەنىپ ٴومىر سۇرۋگە، قايراتتانا العا ۇمتىلۋعا جەتەكتەدى؛
رەفورما جاساپ، ەسىك اشۋ داۋىرىندە ”كوك جاعالىلار مامانى“ كۇڭ شياڭرۇي، ”بەتكە ۇستار جۇمىسشىسى“ دوۋ تيەچىڭ، ”جۇڭگو اۆياتسيا قوزعالتقىشىنىڭ اتاسى“ ۋ داگۋان سياقتى ٴبىر توپ ەڭبەك ەرى جانە وزات قىزمەتكەر ٴبىر كاسىپتى ىستەسە سول كاسىپتى ٴسۇيىپ، سول كاسىپتىڭ مايتالمانى بولىپ، سول كاسىپكە ىسىلىپ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنا بەلسەنە ات سالىستى.
پارتيا 18 ـ قۇرىلتايىنان بەرى، باس شۋجي شي جينپيڭ ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتىپ، ادال ەڭبەكتى، قۇلشىنا قىزمەت ىستەۋدى سالتقا اينالدىرۋدى باستان ـ اياق باسا دارىپتەپ كەلەدى.
2020 ـ جىلى 11 ـ ايدا مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسىندا باس شۋجي شي جينپيڭ ٴۇش ٴتۇرلى رۋحتىڭ عىلمي ٴمانىن ەگجەي ـ تەگجەيلى ٴتۇسىندىردى: ”قىزمەت ورنىن ٴسۇيىپ، كاسىپتى قادىرلەۋ، ۇزدىك بولۋعا ۇمتىلۋ، قاجىرلىلىقپەن كۇرەس جۇرگىزۋ، باتىلدىقپەن جاڭالىق اشۋ، اتاق ـ ابىرويعا بەرىلمەۋ، ۇلەس قوسۋعا پەيىل بولۋ سىندى ەڭبەك ەرى رۋحى“، ”ەڭبەكتى ارداقتايتىن، ەڭبەكتى قىزۋ سۇيەتىن، قاجىرلىلىقپەن ەڭبەك ەتەتىن، ادال ەڭبەك ىستەيتىن ەڭبەك رۋحى“، ”دەن قويۋدان جازبايتىن، كەمەلدەندىرۋگە ۇمتىلاتىن، ەرەكشە شوگەل بولاتىن، ەرەن بولۋعا ۇمتىلاتىن ۇستا رۋحى“.
باس شۋجي شي جينپيڭنىڭ جۇرەگىندە ەڭبەك ەرلەرى مەن وزات قىزمەتكەرلەر حالىقتىڭ ۇلگىسى، مەملەكەتتىڭ تىرەگى.
2013 ـ جىلى 4 ـ ايدىڭ 28 ـ كۇنى باس شۋجي شي جينپيڭ مەملەكەتتىك باس جۇمىسشى ۇيىمى ورگانىندا بۇكىل ەلدەگى 31 ولكە، اۆتونوميالى رايون، توتە قاراستى قالادان كەلگەن 65 ەڭبەك ەرى ۋاكىلىمەن بىرگە وتىردى. ولاردىڭ ىشىندە ەڭ ۇلكەنى 84 جاستا، ەڭ كىشىسى 25 جاستا ەدى.
باس شۋجي شي جينپيڭ بىلاي دەپ باسا دارىپتەدى: ”بۇكىل ەلدەگى ٴار ۇلت حالقى ەڭبەك ەرلەرىنەن ۇيرەنىپ، ەڭبەك ەرلەرىن ۇلگى ەتىپ، ۋاقىتپەن جارىساتىن كۇرەسكەرلىك رۋحتى ساۋلەلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇلى ىسىنە بىرگە ات سالىسۋى كەرەك“.
ۇلگىنىڭ كۇشى شەكسىز، رۋح كۇرەس جىگەرىن تاسقىنداتادى.
2018 ـ جىلعى ”1 ـ مامىر“ حالىقارالىق ەڭبەكشىلەر مەرەكەسى قارساڭىندا جۇڭگو ەڭبەك قاتىناسى شۋەيۋانىنىڭ ەڭبەك ەرلەرى تولىق كۋرس كلاسىنداعى كۋرسانتتار باس شۋجي شي جينپيڭنىڭ جاۋاپ حاتىن تاپسىرىپ الدى.
”سوتسياليزم ىستەۋدەن كەلگەن، جاڭا ٴداۋىر دە ىستەۋدەن كەلگەن. سىزدەردىڭ داڭقتى قاستەرلەپ، قۇلشىنا ۇيرەنىپ، ٴوز قىزمەت ورىندارىڭىزدا تىنباي كۇرەس جاساپ، تاعى دا تاماشا ناتيجە جاراتىپ، وزدەرىڭىزدىڭ قاجىر ـ قايراتتارىڭىزبەن، ارىندارىڭىزبەن، ىزدەنۋ تەبىندەرىڭىزبەن ٴتىپتى دە كوپ ادامعا دەم بەرىپ، قالىڭ ەڭبەكشى قاۋىمدى جاڭا ٴداۋىردىڭ كۇرەسكەرى بولۋعا شابىتتاندىرۋلارىڭىزدى ٴۇمىت ەتەمىن“.
تاياۋ جىلداردان بەرى، جۇڭحۋا مەملەكەتتىك باس جۇمىسشى ۇيىمى ٴار جىلى ”ٴىرى ەل ۇستاسى جىل تۇلعاسىن“ جاريالاپ، ەڭبەك ەرلەرى مەن وزات قىزمەتكەرلەردى تاڭداۋ قىزمەتىن ورىستەتىپ كەلەدى. 2021 ـ جىلدان 2024 ـ جىلعا دەيىن 1059 مەملەكەتتىك 1 ـ مامىر ەڭبەك سيلىعى كوللەكتيۆى، 4286 مەملەكەتتىك 1 ـ مامىر ەڭبەك مەدالى يەگەرى، 4331 مەملەكەتتىك جۇمىسشى اۆانگاردى ماداقتالىپ ـ سيلاندى.
بيىل 1670 مەملەكەتتىك ەڭبەك ەرى مەن 756 مەملەكەتتىك وزات قىزمەتكەر ماداقتالىپ ـ سيلاندى.
باس شۋجي شي جينپيڭنىڭ كوڭىلىندە ٴىرى ەل ۇستالارى جۇڭحۋا ۇلتى سارايىنىڭ ىرگە تاسى، تىرەگى سانالادى.
2021 ـ جىلى 6 ـ ايدىڭ 29 ـ كۇنى حالىق سارايىنىڭ جينسى زالى شىراقتار سامالاداي جارقىراپ، قىزۋ رايعا بولەندى.
اسقاقتاعان، ايبىندى مۋزيكا ٴۇنىنىڭ سۇيەمەلدەۋىمەن دانەكەرلەۋ جۇمىس ورنىندا 50 جىلدان اسا ۇلەس قوسقان، جاسى 70تەن اسقان ”بولات ـ تەمىر تىگىنشىسى“ اي ايگو ارشىنداي باسىپ وردەن بەرۋ تەكشەسىنە كوتەرىلدى، باس شۋجي شي جينپيڭ وعان ٴوز قولىمەن ”1 ـ شىلدە وردەنىن“ ۇسىنىپ، ونىمەن ىقىلاستى تۇردە قول الىسىپ قۇتتىقتايتىندىعىن ٴبىلدىردى ٴارى شىن ىقىلاستى قامقورلىقپەن: ”ٴىرى ەل ۇستاسى، مەملەكەتىمىز سىزدەي ادامدارعا مۇقتاج“، ـ دەدى.
جۇڭگو كەڭىستىك پۋنكتىنىڭ عارىشتى شارلاۋىنان ەلىمىز وندىرگەن ۇلكەن ۇشاق اۋەگە كوتەرىلگەنگە دەيىن، جۇڭگونىڭ جوعارى قارقىندى پويەزىنىڭ تۇتاس جەر شارىندا تانىلۋىنان شياڭگاڭ - جۋحاي - اۋمىن ۇلكەن كوپىرىنىڭ ٴۇش جەردى جالعاۋىنا دەيىن ٴىرى ەلدىڭ ٴبىرسىپىرا ماڭىزدى جابدىقتارى، اسا ٴىرى ينجەنەريالارى، عىلىم ـ تەحنولوگيا جەتىستىكتەرى، ٴبارى ـ ٴبارىن ٴىرى ەل ۇستالارىنىڭ قالتقىسىز ەڭبەك سىڭىرۋىنەن، ارمانعا تالپىنىسىنان بولە قاراۋعا كەلمەيدى.
پارتيا 18 ـ قۇرىلتايىنان بەرى، باس شۋجي شي جينپيڭ جوعارى ساپالى ەڭبەكشىلەر ٴىرى قوسىنىن قۇرۋعا ايرىقشا ٴمان بەرىپ، بىلاي دەپ باسا دارىپتەدى: ”مۇراتتى، سەنىمى بەرىك، تەحنولوگيانىڭ تەتىگىن يگەرىپ جاڭالىق اشا الاتىن، باتىلدىقپەن جاۋاپكەرشىلىك ارقالاپ ۇلەس قوسۋدى دارىپتەيتىن ونەركاسىپ جۇمىسشىلار زور قوسىنىن جەتىلدىرۋ كەرەك“، ”زامانىمىزداعى جۇمىسشىلار كۇش ـ قۋاتقا يە بولۋمەن بىرگە، تاعى اقىل ـ پاراساتقا يە بولۋى، تەحنولوگياعا يە بولۋى، تاپقىرلىق جاراتاتىن، جاڭالىق اشاتىن بولۋى، ٴىس جۇزىندىك ارەكەتى ارقىلى ٴداۋىردىڭ نەگىزگى اۋەنىن اسقاقتاتۋى كەرەك“، ”جاڭا ٴبىر رەتكى عىلىم ـ تەحنولوگيا توڭكەرىسى مەن كاسىپ سالاسى وزگەرىسىنە سايكەسىپ، ەڭبەكشىلەردىڭ ساپاسىن جاپپاي جوعارىلاتۋ كەرەك“...
2022 ـ جىلى 4 ـ ايدىڭ 27 ـ كۇنى تۇڭعىش كەزەكتى ٴىرى ەل ۇستالارىنىڭ جاڭالىق اشۋ اۋىس ـ كۇيىس جينالىسى اشىلدى. باس شۋجي شي جينپيڭ قۇتتىقتاۋ حاتىن جولداپ، بىلاي دەپ باسا دارىپتەدى: ”تەحنولوگيالىق جۇمىسشى قوسىنى جۇڭگونىڭ جاساۋ كاسىبىنە، جۇڭگونىڭ جاسامپازدىعىنا تىرەك بولاتىن ماڭىزدى كۇش“، ”ٴار دارەجەلى پارتكومدار مەن ۇكىمەتتەر كاسىپ سالاسى جۇمىسشىلارى قوسىنى قۇرىلىسىن رەفورمالاۋدى تەرەڭدەتىپ، تەحنولوگيالىق جۇمىسشىلار قوسىنىنىڭ رولىن ساۋلەلەندىرۋگە ٴمان بەرىپ، ولاردىڭ جاڭالىق اشۋ قابىلەت، دارىندارىنىڭ تولىق تاسقىنداۋىنا مۇمكىندىك جاساۋى كەرەك“.
ىقىلاستى تاپسىرما جۇمىسشى تابى مەن قالىڭ ەڭبەكشى قاۋىمنىڭ شەبەرلەنە تۇسۋىندەگى، ۇزدىكتىككە ۇمتىلۋىنداعى، ەرلىكپەن بيىكتەرگە تالپىنۋىنداعى قۋاتتى قوزعاۋشى كۇشكە اينالدى.
”ەڭبەك جاسامپازدىعى ارقىلى جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا نەگىزگى قوسىندىق رولىن تولىق ساۋلەلەندىرۋ كەرەك“
جۇڭگو ۇلگىسىندەگى وسىزامانداندىرۋدى ىلگەرىلەتۋ تۇبىرىنەن العاندا ەڭبەكتەنۋگە سۇيەنەدى، ەڭبەكشىلەردىڭ جاسامپازدىعىنا سۇيەنەدى.
باس شۋجي شي جينپيڭ بىلاي دەپ باسا دارىپتەدى: ”اماليات مىنانى تولىق دالەلدەدى: ەلىمىز جۇمىسشى تابى ايتسا ايتقانداي جۇڭگو كوممۋنيستىك پارتياسىنىڭ ەڭ بەرىك، ەڭ سەنىمدى تاپتىق نەگىزى، ايتسا ايتقانداي سوتسياليستىك مەملەكەتىمىزدىڭ باسشىلىق تابى، ايتسا ايتقانداي وزىق وندىرگىش كۇش پەن وندىرىستىك قاتىناستىڭ ۋاكىلى، ايتسا ايتقانداي جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى كۇشى“.
”ٴبىر ماشينا، ٴبىر ۇشاق، ٴبىر تانكى، ٴبىر تراكتور دا جاساي الماۋدان“ بىرلەسكەن مەملەكەتتەر ۇيىمىنىڭ ونەركاسىپتى تۇرگە ٴبولۋ تىزىمىندەگى بارلىق ونەركاسىپ تۇرلەرىنە يە جاساۋ كاسىبى بويىنشا ٴبىرىنشى ٴىرى ەل بولعانعا دەيىن؛ تاۋ ـ وزەنى تەلىم بولۋدان، كۇيزەلىس جايلاعان جاعدايدان بۇكىل جەر شارىنداعى ەڭ ٴىرى جوعارى قارقىندى تەمىر جول تورىن، جوعارى قارقىندى تاس جول تورىن، دۇنيە جۇزىلىك دەڭگەيدەگى كەمەجاي شوعىرىن قۇرعانعا دەيىن...
جۇڭگو كوممۋنيستىك پارتياسىنىڭ باسشىلىعىندا جۇمىسشى تابى مەن قالىڭ ەڭبەكشى قاۋىم كۇرەستى قالام، ماڭداي تەرىن سيا ەتىپ، وشپەس تە ايبىندى ەڭبەك جىرىن جازدى —
2008 ـ جىلى حالىقارالىق فينانس داعدارىسىنىڭ سوققىسىنا توتەپ بەرۋدە سان ميلليونداعان كاسىپ سالاسى جۇمىسشىلارى جۇمىلا ىنتىماقتاسىپ، بارىن سالا ىستەپ، ٴۇنسىز ۇلەس قوسىپ، ەلىمىز ەكونوميكاسىنىڭ ارتۋ جىلدامدىعى تومەندەۋ جاعدايىن ٴبىرشاما تەزدىكپەن وڭاپ، رەسپۋبليكانىڭ تىرەگىنە اينالدى.
دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، ەكونوميكانىڭ جاھاندانۋى كەرى اعىنعا ۇشىرادى. كەدەن باجىسى شايقاسى، ساۋدا شايقاسى ٴار ەلدىڭ ورىندى ۇقىق ـ مۇددەسىنە زيان جەتكىزىپ، كوپ جاقتى ساۋدا ٴتۇزىلىسىن ٴبۇلدىرىپ، دۇنيە ٴجۇزىنىڭ ەكونوميكا تارتىبىنە سوققى جاساعاندا جۇڭگوداعى سان ميلليونداعان كاسىپ سالاسى جۇمىسشىلارى ساندىراققا سەنبەي، قىسىمنان قورىقپاي، قيىندىقتان جاسقانباي، قيىندىققا قارسى ۇمتىلىپ، قاجىرلىلىقپەن جاسامپازدىق جاراتاتىن جۇرەكتىلىكپەن، باتىلدىقپەن الدا جۇرەتىن جىگەرمەن، ەكپىندەي العا ىلگەرىلەيتىن تەبىنمەن جۇڭگو اتتى الىپ كەمەنىڭ تولقىن جارا العا ىلگەرىلەيتىن، ورنىقتى قاداممەن الىسقا جەتەتىن قۋاتى مەن سەنىمىن ايگىلەدى.
”ٴبىز وسى جىلداردا نىق قادام باستىق، جۇڭگوشا سوتسياليستىك وسىزاماندانعان قۇدىرەتتى ەل قۇرۋعا ناعىز ۇلەس قوسقان ادامدار تۇگەل ٴبىزدىڭ قۇرمەتتەۋىمىزگە تاتيدى“، ”ٴبىزدىڭ وسىزامانداندىرۋىمىز ٴارى ەڭ قيىن، ٴارى ەڭ ۇلى. وسى تۇرعىدان العاندا، جۇمىسشى تابىنا تىعىز سۇيەنۋ كەم بولسا بولمايدى، جۇمىسشى تابى وزىق وندىرگىش كۇشكە ۋاكىلدىك ەتەدى.“ 2022 ـ جىلى 10 ـ ايدىڭ 17 ـ كۇنى باس شۋجي شي جينپيڭ پارتيا 20 ـ قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناسقاندا وسىلاي دەپ اتاپ كورسەتتى.
جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، جوعارى ساپالى ەڭبەكشىلەر زور قوسىنىن جەتىلدىرۋ كەرەك.
2019 ـ جىلى 9 ـ ايدا باس شۋجي شي جينپيڭ ەلىمىز شەبەرلىك ساڭلاقتارىنىڭ 45 ـ كەزەكتى دۇنيە جۇزىلىك شەبەرلىك جارىسىندا تاماشا ناتيجەگە قول جەتكىزگەندىگى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: ەڭبەكشىلەردىڭ ساپاسى ٴبىر مەملەكەتتىڭ، ٴبىر ۇلتتىڭ دامۋى جونىنەن توتەنشە ماڭىزدى. تەحنولوگيا جۇمىسشىلار قوسىنى جۇڭگو جاساۋىنا، جۇڭگو جاسامپازدىعىنا تىرەك بولاتىن ماڭىزدى نەگىز، ەكونوميكانىڭ جوعارى ساپالى دامۋىن ىلگەرىلەتۋ جونىنەن ماڭىزدى رولعا يە.
2025 ـ جىلى 1 ـ ايدا باس شۋجي شي جينپيڭ لياۋنيڭ بىنشيگە كەلىپ، انگاڭ توبىنا قاراستى بىنگاڭ تاقتايشا ماتەريالداردى سۋىقتاي پىشىندەۋ باس زاۆودىنىڭ سۋىقتاي پىشىندەۋ 3 ـ زاۆودىندا قىزمەت تەكسەرىپ، كاسىپورىننىڭ تيپ جاڭالاپ دارەجەنى ٴوسىرۋدى جەدەلدەتۋ، جوعارى ساپالى دامۋدى ىلگەرىلەتۋ سياقتى جاعدايلارىن ۇعىستى.
ەڭبەك ەرلەرى، جاس تەحنولوگيا تىرەكتىلەرى، ٴبىرىنشى شەپتەگى جۇمىسشى ـ قىزمەتكەرلەر ۋاكىلدەرى الدىندا باس شۋجي شي جينپيڭ شىن ىقىلاسپەن بىلاي دەدى: ”ۇزدىكسىز قۇلشىنىپ، ولقىلىقتاردى تولىقتاپ، قۇرىلىمدى رەتتەپ، ساپالىلاندىرىپ، ۇزدىكسىز جۇڭگو ۇلگىسىندەگى وسىزامانداندىرۋعا كوبىرەك ۇلەس قوسىڭىزدار“.
ونەركاسىپ جۇمىسشىلار قوسىنى قۇرىلىسى رەفورماسى پارتيا مەن مەملەكەتتىڭ ستراتەگيالىق سيپاتقا، جالپى جاعدايلىق سيپاتقا يە كەلەلى شەشىمى، ورنالاستىرۋى ٴارى باس شۋجي شي جينپيڭ ٴوزى تاقىرىپ كورسەتكەن، ٴوزى ورنالاستىرعان، ٴوزى جەتەكشىلىك ەتكەن كەلەلى رەفورما.
2024 ـ جىلى 10 ـ ايدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ونەركاسىپ جۇمىسشىلار قوسىنى قۇرىلىسى رەفورماسىن تەرەڭدەتۋ جونىندەگى پىكىردى» باسىپ تاراتىپ، 9 جاقتان، 27 تارماقتى ماڭىزدى شارانى ايقىن ورتاعا قويىپ، باس شۋجي شي جينپيڭ مەن پارتيا ورتالىق كوميتەتىنىڭ جۇمىسشى تابى مەن جۇمىسشى ۇيىمى قىزمەتىنە وسكەلەڭ ٴمان بەرەتىندىگىن، قالىڭ ونەركاسىپ جۇمىسشىلارىنا كوڭىل بولەتىندىگىن، قامقورلىق جاسايتىندىعىن تولىق ايگىلەپ، ونەركاسىپ جۇمىسشىلار قوسىنى قۇرىلىسى رەفورماسىن ونان ارى تەرەڭدەتۋگە ايقىن بەتالىس كورسەتىپ بەردى.
2020 ـ جىلى 5 ـ ايدا باس شۋجي شي جينپيڭ سانشيدە قىزمەت تەكسەرگەندە تايگاڭ تاتتانبايتىن بولات نازىك تاسپاشا بولات شەكتى سەرىكتەستىگىنىڭ سەحىنا بارعاندا، قاعازداي جۇقا جارقىراعان كۇمىس ٴتۇستى جاپىراقشا ماتەريالداردىڭ ىلە ـ شالا تاسپالى ماشينامەن جوعارى تەمپەراتۋرالى سۋىتۋ پەشىنە جەتكىزىلىپ جاتقانىن كوردى.
ەرەكشە جۇقا وسى نازىك تاتتانبايتىن تاسپاشا بولاتتىڭ قالىڭدىعى نەبارى 0.02 ميلليمەتر، عارىش ـ اۆياتسيا، وزىق ەلەكتروندى جابدىق، جاڭا ەنەرگيا سياقتى سالالارعا كەڭىنەن پايدالانىلادى، دۇنيە جۇزىندە وزىق ورەگە جاتادى. وڭاي جىرتىلاتىندىقتان وبرازدى تۇردە ”قولمەن جىرتۋعا بولاتىن بولات“ دەپ اتالعان.
باس شۋجي ٴبىر جاپىراق ”قولمەن جىرتۋعا بولاتىن بولاتتى“ الىپ مۇقيات تەكسەرىپ، ساۋساعىمەن اقىرىن عانا مايىستىرىپ كورىپ ەرىكسىزدەن: ”تەحنولوگياسى، شىنىندا، جاقسى، بەينە قالايى قاعازداي جۇقا ەكەن، كوپ شىڭدالعان بولات قولمەن جۇمارلاۋعا بولاتىن ەتىپ جاسالىپتى“، ـ دەپ ماقتاۋ ايتتى.
جۇمىسشى ۇيىمى — جۇمىسشى ـ قىزمەتكەرلەردىڭ ٴۇيى، جۇمىسشى ۇيىمى كادرلارى — جۇمىسشى ـ قىزمەتكەرلەردىڭ ”توركىنى“. جاڭا جاعدايدا جۇمىسشى ۇيىمىنىڭ قىزمەتىن تەك كۇشەيتۋ كەرەك، السىرەتۋگە بولمايدى؛ تەك جاقسارتىپ دەڭگەيىن جوعارىلاتۋعا بولادى، توقىراپ، الدىعا ىلگەرىلەمەي قالۋىنا بولمايدى.
تاياۋ جىلداردان بەرى، ەلىمىز ونەركاسىپ جۇمىسشىلارىنىڭ قوجايىندىق ورنىن قامتاماسىز ەتۋ تۇزىمدىك ورنالاستىرۋىن اقاۋسىزداندىرۋدى ۇزدىكسىز جەدەل ىلگەرىلەتىپ، ماداقتاۋ ـ سيلاۋ، شابىتتاندىرۋ تەبىنىن كۇشەيتتى. 14 ـ كەزەكتى مەملەكەتتىك حالىق قۇرىلتايى ۋاكىلدەرىنىڭ ىشىندە ٴبىرىنشى شەپتەگى جۇمىسشىلار، شارۋالار ۋاكىلى ۋاكىلدەر جالپى سانىنىڭ %16.69ىن يەلەدى؛ 2018 ـ جىلدان بەرى، مەملەكەتتىك 1 ـ مامىر ەڭبەك مەدالىمەن ماداقتالعان ـ سيلانعان ونەركاسىپ جۇمىسشىلارىنىڭ سالىستىرماسى تۇگەلدەي %40تەن استى.
باس شۋجي شي جينپيڭ بىلاي دەپ باسا دارىپتەدى: 100 جىلدىق جۇمىسشى ۇيىمى ٴدال تاريحتىڭ تىڭ باستاماسىندا تۇر، پارتيا مەن مەملەكەت جۇمىسشى ۇيىمى ۇيىمدارىنا زور ٴۇمىت ارتىپ وتىر، جۇمىسشى ـ قىزمەتكەرلەر، بۇقارا جۇمىسشى ۇيىمى ۇيىمدارىنان ٴۇمىت كۇتەدى. ٴار دارەجەلى جۇمىسشى ۇيىمى پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، جۇمىسشى ۇيىمى قىزمەتىنىڭ جوعارى ساپالى دامۋىن ىلگەرىلەتىپ، ەلىمىز جۇمىسشىلار قوزعالىسى ٴىسىنىڭ ٴتىپتى دە سالتاناتتى ٴداۋىر تاراۋىن جازۋى كەرەك.
2023 ـ جىلى 7 ـ ايدا باس شۋجي شي جينپيڭ جياڭسۋدا قىزمەت تەكسەرگەندە نانرۇي توبى شەكتى سەرىكتەستىگىنە باردى. كاسىپورىننىڭ زەردەلى جاساۋ ٴوندىرىس اۋماعىندا قىزۋ ىنتالى قىزمەتكەرلەر قاۋمالاي كەلىپ باس شۋجيگە داۋىستاپ امانداستى.
كوپشىلىكتىڭ ارىنىن، جىگەرىن كورگەن باس شۋجي شي جينپيڭ زور ۇمىتپەن بىلاي دەدى: ”ٴبىز بىرەگەي دۇنيە بىرتىندەپ كەمەلدەنەدى دەيمىز، وسىنداعى بىرەگەي دۇنيە دەگەنىمىز نە؟ اتاپ ايتقاندا، ەڭ تاماشا نارسەلەر، ەڭ جوعارى، نازىك، وزىق نارسەلەر، وسى نارسەلەردىڭ بارلىعى ٴبىر جولدا ورىندالا سالمايدى، ولارعا اسا زور كۇش جۇمساۋعا، ٴتىپتى، ومىرلىك قاجىر ـ قايرات جۇمساۋعا تۋرا كەلەدى. كوپشىلىكتىڭ اسقاق مۇرات ورناتىپ، تىڭعىلىقتى ىستەپ، نىق قاداممەن العا ىلگەرىلەپ، تاباندىلىقپەن تابىسقا جەتەتىن قايسارلىقپەن، ’ٴومىر بويى ٴبىر ٴىستى تىندىرامىن‘ دەيتىن قاجىر ـ قايراتپەن قۇندى ومىرگە قول جەتكىزۋىن ٴۇمىت ەتەمىن“.
جاسامپازدىق ارقىلى جاڭا داۋىرمەن قاۋىشىپ، كۇرەس ارقىلى جاڭا شۇعىلالى ناتيجە جاراتايىق.
جاڭا ٴداۋىردىڭ جاڭا جورىعىندا جۇمىسشى تابى مەن قالىڭ ەڭبەكشى قاۋىم شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، تىڭعىلىقتى ىستەپ، قايراتتانا العا ىلگەرىلەپ، ايانباي ۇلەس قوسىپ، اناعۇرلىم تاسقىنداعان ىنتامەن، اناعۇرلىم اسقاق جىگەرمەن مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن تاعى دا تىڭ داڭق جاراتادى!
(شينحۋا اگەنتتىگىنىڭ 4 ـ ايدىڭ 30 ـ كۇنى بەيجيڭنەن بەرگەن حابارى)
