ارمان ٴۇشىن تىنباي تالپىنعان بارلىق كۇرەسكەردى القايمىز
گازەتىمىزدىڭ شولۋشىسى
قوس قول قۇن جاراتادى، كۇرەس داۋىرگە انىقتاما بەرەدى. بيىل — جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعى، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى ٴارى ”14 ـ بەسجىلدىق“ اياقتالاتىن، ”15 ـ بەسجىلدىقتى“ جوسپارلايتىن شەشۋشى جىل. ماڭىزدى مانگە يە وسى جىلدا ”1 ـ مامىر“ حالىقارالىق ەڭبەكشىلەر مەرەكەسى قۇتتىقتالدى، ەڭبەكتىڭ داڭقى ايرىقشا كوز تارتتى، كۇرەستىڭ كۇشتى ٴۇنى جۇرت جۇرەگىن ايرىقشا تەبىرەنتتى.
ٴار ٴداۋىر ادامدارىنىڭ وزىنە ٴتان كۇرەسى، ٴار ٴداۋىردىڭ وزىنە ٴتان جاۋاپكەرشىلىگى بولادى. جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ ـ سيلاۋ جينالىسىندا باس شۋجي شي جينپيڭ بىلاي دەپ اتاپ كورسەتتى: جاڭا داۋىردەگى جاڭا جورىقتا، ٴسوز جوق، ەلىمىزدىڭ جۇمىسشى تابى مەن قالىڭ ەڭبەكشى قاۋىمىن جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا تىڭ دا اناعۇرلىم زور ۇلەس قوسۋعا ونان ارى جۇمىلدىرۋ جانە ىنتالاندىرۋ كەرەك. شينجياڭ جونىنەن العاندا، قالىڭ جۇمىسشى ـ قىزمەتكەر مەن ٴار ۇلت ەڭبەكشى قاۋىمىن ونان ارى جىگەرلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ەسە قوسىپ ەڭبەك سىڭىرۋگە، جاڭالىق اشىپ جاسامپازدىق جاراتۋعا شوعىرلاندىرىپ، جاڭا جورىقتا مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋعا اناعۇرلىم زور ۇلەس قوسۋ كەرەك.
گۇل ـ بايشەشەك ماڭداي تەرمەن جاينايدى، ىستەر كۇرەسپەن وركەندەيدى. جۋىق جىلداردان بەرى، شينجياڭداعى جۇمىسشى تابى مەن ٴار ۇلت ەڭبەكشى قاۋىم جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قىزمەت ورنىن ٴسۇيىپ، كاسىپتى قادىرلەپ، شوگەلدىلىكپەن، قاجىرلىلىقپەن ىستەپ، قوعام ورنىقتىلىعىن قورعاۋدىڭ ٴبىرىنشى شەبىندە ەڭبەك ٴسىڭىرىپ ەسە قوسىپ، جوعارى ساپالى دامۋدى ىلگەرىلەتۋدىڭ ۇلكەن ساحناسىندا قابىلەتتەرىن ايگىلەپ، بۇقاراعا قىزمەت وتەۋدىڭ ەڭ الدىڭعى لەگىندە جاۋاپكەرشىلىك ارقالاپ ىسكەرلىك كورسەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى ىلگەرىلەتۋگە ماڭىزدى ۇلەس قوستى. ٴبىز شينجياڭنىڭ دامۋىنا ۇلەس قوسقان بارلىق ەڭبەكشىلەرگە قۇرمەت بىلدىرەمىز، ارمان ٴۇشىن تىنباي تالپىنعان كۇرەسكەرلەردى القايمىز.
جاڭا داۋىردە ەڭبەك ٴسىڭىرىپ، جاڭا جورىقتا ەكپىندەي ىلگەرىلەۋدە ٴداۋىردىڭ بىلىكتى كىتابى ٴبىزدىڭ كۇرەستى قالام، اششى تەردى سيا ەتىپ، جاڭا كۇرەس تاراۋىن ايشىقتاپ جازۋىمىزدى اسا قاجەت ەتەدى. تۇتاس شينجياڭداعى قالىڭ جۇمىسشى ـ قىزمەتكەر مەن ٴار ۇلت ەڭبەكشى قاۋىم ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، تاباندىلىقپەن شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداپ، جۇڭگوشا سوتسياليزم مۇرات ـ سەنىمىن بەكەمدەپ، جەكە مۇراتىن پارتيا مەن مەملەكەت ىستەرىمەن توعىستىرىپ، پارتيانىڭ سوزىنە بۇلجىماي قۇلاق اسىپ، پارتياعا ىلەسۋى كەرەك. سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، وتاننىڭ شەكارا وڭىرىنە تامىر تارتىپ، ٴار ۇلت بۇقاراسىنا قىزمەت وتەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە كەرپىش بولىپ قالانۋ كەرەك. نەگىزگى كۇشتىك رولىن تولىق ساۋلەلەندىرىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، نازاردى باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرىپ، قوعام ورنىقتىلىعىن قورعاۋ، ۇلتتار ىنتىماعىن جەبەۋ، ەكونوميكالىق دامۋدى ىلگەرىلەتۋ بارىسىندا جاۋاپكەرشىلىك ارقالاپ ىسكەرلىك كورسەتىپ، شىن مانىندە جوعارى ساپالى دامۋدىڭ ات سالىسۋشىسى، كۇرەسكەرى، ۇلەس قوسۋشىسى بولۋ كەرەك.
پارتيا مەن مەملەكەت جۇمىسشى ۇيىمدارىنا زور ٴۇمىت ارتىپ وتىر، جۇمسشى ـ قىزمەتكەرلەر قاۋىمى جۇمىسشى ۇيىمدارىنان ٴۇمىت كۇتۋدە. پارتيانىڭ جالپى بەتتىك باسشىلىعىن جۇمىسشى ۇيىمى قىزمەتىنىڭ تۇتاس بارىسىندا، ٴارقايسى جاقتارىندا تياناقتاندىرىپ، ەڭبەكشىلەردىڭ زاڭدى ۇقىق ـ مۇددەسىن ويداعىداي جۇزەگە اسىرۋعا، ويداعىداي قورعاۋعا، ويداعىداي دامىتۋعا قۇلشىنىپ، قالىڭ جۇمىسشى ـ قىزمەتكەر مەن ٴار ۇلت ەڭبەكشى قاۋىمىنىڭ قۇت ـ ىرىسىن ورنىقتى ارتتىرىپ، ٴبىلىمدى، تەحنيكالىق قابىلەتكە يە، جاڭاشىل ەڭبەكشىلەر قوسىنىن جەدەل قۇرۋ كەرەك. ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم دەيتىن قوعامدىق سالتتى زور كۇشپەن اسقاقتاتىپ، شينجياڭ ەڭبەكشىلەرىنىڭ حيكاياسىن جاندى، ويداعىداي بايانداپ، امەريكا، باتىس ەلدەرىندەگى جۇڭگوعا قارسى كۇشتەردىڭ وسەك ـ اياڭدارى مەن ساندىراقتارىن شىندىق ارقىلى پاش ەتۋ كەرەك. جۇمىسشى ۇيىمى رەفورماسىن جانە قۇرىلىسىن تەرەڭدەتىپ، جۇمىسشى ـ قىزمەتكەرلەردى وزەك ەتكەن قىزمەت باعدارىنا جانە ساياسي سيپاتتى، العاباسار سيپاتتى، بۇقارالىق سيپاتتى رەفورما بەتالىسىنا تاباندى بولىپ، جەتەكشىلىك قابىلەتىن، ۇيىمداستىرۋ قابىلەتىن، قىزمەت وتەۋ قابىلەتىن ۇزدىكسىز كۇشەيتۋى كەرەك.
ەش ايانباي ەڭبەك ەتسەڭ، كۇتەر سەنى جاقسى شاق، ومىردەگى بار تابىستىڭ تياناعى — ماشاقات. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تىڭعىلىقتى ىستەپ، قايراتتانا العا ۇمتىلىپ، جان قيارلىقپەن ۇلەس قوسىپ، جاسامپازدىق ارقىلى داۋىرمەن قاۋىشىپ، كۇرەس ارقىلى جاڭا شۇعىلالى ناتيجە جاراتىپ، جۇڭگو ۇلگىسىندەگى وسىزامانداندىرۋدىڭ اناعۇرلىم تارتىمدى شينجياڭ تاراۋىن ۇزدىكسىز جازايىق.
