انار بۇلت \ شينجياڭ گازەتىنىڭ ٴتىلشىسى سى لۋلۋ
تاڭ قىلاۋلاپ اتىپ كەلەدى، قارامايلى قالاسى قارامايلى رايونى جەڭىس جولى ٴمالىسى وداق قىزمەتى كوميتەتىنىڭ مۇشەسى، باتىس بولىك جوسپارىنىڭ ەرىكتىسى ليۋ حاۋياڭ ۆەلوسيپەدپەن سىرتقا شىقتى. ونىڭ ۆەلوسيپەد شارباعىنا حييۋشان قارتتار الەۋمەتتىك اۋماعىنىڭ قيمىل وتكىزۋىنە قاجەتتى ساحنالىق جابدىق ماتەريالدارى سالىنعان، سومكەسىنە ۇگىت لەكسيا قولدانباسى دا سالىنعان، بۇل ونىڭ الەۋمەتتىك اۋماق نەگىزگى ساتىسىندا قىزمەت وتەۋىنىڭ كۇندەلىكتى ولشەمدى دايىنداماسى. شينجياڭعا كەلىپ ەرىكتى قىزمەت وتەۋگە قاتىناسقان ٴبىر جىلدان استام ۋاقىتتا ليۋ حاۋياڭ جاس ”قىزىل كيىمدى ەرىكتى“ سالاۋاتىمەن قارامايلى قالاسىنىڭ مەيىرلى ”بويلىق، ەندىك سىزىعىن“ توقىپ شىقتى.
2023 ـ جىلى جازدا ليۋ حاۋياڭ چەمودانىن كوتەرىپ جىڭجوۋدان شينجياڭعا ۇشاتىن كەزەكشى ۇشاققا شىقتى. ۇشاق چيليانشان تاۋ سىلەمىنىڭ قارلى توبەسىنەن وتكەندە، ول تەرەزە سىرتىنداعى بارعان سايىن انىق كورىنە باستاعان قۇمدى شولگە قاراپ، ٴوزىنىڭ وسى رەتكى باتىس بولىككە ساپارىنىڭ سالماعىن شىنايى سەزىندى. تيانجين رىن ـ اي شۋەيۋانىندا ينفورماتسيا ينجەنەرياسى ماماندىعىن وقىعان ول ٴاسىلى تۇراقتى قىزمەت تابا الاتىن ەدى، ٴبىراق جوعارى مەكتەپ وقۋشىلارىنىڭ ەرىكتى قىزمەت وتەۋ باتىس بولىك جوسپارى بويىنشا قابىلداۋ جارناماسىنداعى ”وتان ەڭ قاجەت ەتكەن جەرگە بارۋ“ بەينە قىزىل جىپتەي ونى جەتەلەپ كەلەدى.
قارامايلىعا العاش كەلگەندە، مۇناي مادەنيەتى سىڭگەن وسى قالا ليۋ حاۋياڭعا تاڭسىق ٴارى بەيتانىس سەزىلدى. ول قىزمەت وتەيتىن جەڭىس جولى ٴمالى باسقارماسىندا جاستار جان سانىنىڭ جىلجىمالىلىعى زور، قارتتار جان سانى كوپ، الەۋمەتتىك اۋماقتىڭ قىزمەت وتەۋى مەن وداق قىزمەتىن كۇشەيتۋ ەرەكشە قاجەت. ليۋ حاۋياڭ قىزمەت ورنىنا كەلىسىمەن ـ اق قىزمەتكە ارالاسىپ، قىزمەتتەستەرىمەن بىرگە وتباسىلاردى ارالاپ، الەۋمەتتىك اۋماقتىڭ وداق كادرىمەن ىشكەرىلەي پىكىر اۋىستىرىپ، وداق مۇشەلەرىنىڭ جاعدايىن ۇعىسىپ، شەپ بايلىعىن دەن قويا اشتى.
سول كۇندەردە ليۋ حاۋياڭ ۇلكەندى ـ كىشىلى كوشەلەردە تىنىم تاپپادى، كيىمى تەرگە مالشىنعانىمەن، جۇرەگىندەگى قىزۋ ىنتانى سوندىرە المادى. بىرتە ـ بىرتە ول بۇل اراعا ابدەن قانىق بولىپ، قىزمەت ورنىنا تەز ۇيلەستى.
ليۋ حاۋياڭ مەن قىزمەتتەستەرى بەلسەنە جاڭالىق اشىپ، ٴتۇرلى قيمىلداردى ۇيىمداستىرىپ ورىستەتىپ، ەرىكتىلەردى باستاپ مۇناي رۋحىن ايگىلەيتىن ىستەردى تاقپاق ەتىپ، قارامايلى مۇناي جۇمىسشىلارىنىڭ قيىنشىلىقتى جەڭىپ، قاجىرلىلىقپەن كۇرەس جۇرگىزگەن اڭگىمەلەرىن جاندى باياندادى.
ٴار سەنبىدە ليۋ حاۋياڭ ەرىكتىلەرمەن بىرگە حييۋشان قارتتار الەۋمەتتىك اۋماعىنا بارىپ ”جاستىق كوكتەمدە قارتتارعا كومەكتەسۋ ارەكەتىن“ ورىستەتىپ، قارتتارعا قامقورلىق جانە مەيىر جەتكىزدى. ولار قارتتارمەن بىرگە تۇشپارا ٴتۇيىپ، وتانشىلدىق اندەرىن شىرقادى. قازىر قيمىل 40 نەشە رەت ورىستەتىلىپ، وسى الەۋمەتتىك اۋماقتىڭ ٴبىر ۇلكەن ەرەكشەلىگىنە اينالدى.
2023 ـ جىلى ليۋ حاۋياڭنىڭ ۇيىمداستىرۋىمەن، 50 نەشە ەرىكتىدەن قۇرالعان ”قىزىل كۇرمەلى شارشى توپ“ قارامايلى مارافون جارىسى الاڭىنداعى كوركەم كورىنىسكە اينالدى. ولار ساڭلاقتاردى جىگەرلەندىرىپ، مەدەت بەرىپ، ەمدەۋ، زاتتىق ماتەريال سياقتى جاقتاردان قامتاماسىز ەتتى. 2024 ـ جىلى جۇڭگو - شاڭحاي سەلبەستىك ۇيىمىنىڭ سيفرلى تەحنولوگيا حالىقارالىق اۋىس ـ كۇيىس زەرتتەۋ ـ تالقى ماجىلىسىندە ەرىكتىلەر جاتىق اعىلشىن تىلىمەن جانە ىستىق ىقىلاستى پوزيتسيامەن جۇڭگو جاستارىنىڭ كەلبەتىن ايگىلەدى. مۇنداي قيمىلعا ولار جيىنى 20 نەشە رەت قاتىناستى، ٴار رەتكە ليۋ حاۋياڭ مەن ەرىكتىلەردىڭ جۇرەك قانى، ماڭداي تەرى ٴسىڭىپ، قارامايلى جاستارىنىڭ جالىندى كۇشىن جاندى ايگىلەدى.
2024 ـ جىلى ليۋ حاۋياڭ مەملەكەت بويىنشا جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىندا ۇزدىك ەرىكتى بولىپ باعالاندى، ونىڭ ىزگى ىستەرى ميكرو كينو ەتىپ جاسالىپ، مەكتەپ اۋلاسىندا قويىلدى. ونىڭ باستاۋىندا جەڭىس جولى كوشەسىندەگى ەرىكتى قىزمەت وتەۋ اترەتى ەڭ العاشقى بىرنەشە ادامنان قازىرگى 300 نەشە ادامعا كوبەيدى. ”بۇل ارا مەنىڭ ەكىنشى مەكەنىم، مەن ’ەرىكتى قىزىلدى‘ قارامايلىنىڭ جارقىراعان قالا تانىسقىسىنا اينالدىرامىن“، ـ دەدى ليۋ حاۋياڭ.
