ساياحاتشىلاردىڭ ٴجۇرىس ـ تۇرىسىن قورعاعان بەينەلەر توتەنشە مەيىرىمدى
انار بۇلت \ شينجياڭ گازەتىنىڭ ٴتىلشىسى ۋاڭ نا
”1 ـ مامىر“ دەمالىسى كەزىندە شينجياڭ شەكارادان كىرۋ ـ شىعۋ شەكارالىق قورعانىس تەكسەرۋ باس پۋنكتىندەگى ٴار دارەجەلى حالىق ساقشىلارى شەكارانىڭ ٴبىرىنشى شەبىن، مەملەكەت قاقپاسىن، شەكارا وتكەلىن باتىل قورعاپ، قۇنتتى قىزمەت وتەۋ ارقىلى بۇقارانىڭ ٴجۇرىس ـ تۇرىس اماندىعىن قورعاپ، تۇرعان جەرلەرىنىڭ ەكونوميكاسىنىڭ دامۋىن قورعادى.
تاشقورعان تاجىك اۆتونوميالى اۋدانىنىڭ ٴۇستىرتتى كورىنىسى كوپتەگەن ساياحاتشىنى باۋرادى. قاشقار شەكارا باسقارۋ تارماق اترەتى تاشقورعان شەكارا باسقارۋ ۇلكەن اترەتى ساياحات كورىنىس تۇيىندەرىندە، ادام شوعىرلانعان جەرلەردە شارلاپ ساقتانۋدى كۇشەيتىپ، ساياحاتشىلاردىڭ حاۋىپسىز، ٴتارتىپتى، كوڭىلدى دە بەرەكەلى دەمالىس وتكىزۋىنە كۇش سالا كەپىلدىك ەتتى.
5 ـ ايدىڭ 1 ـ كۇنى كوكيار شەكارا ساقشى بولىمشەسىنىڭ ”اۋىل كادرلارى + كورىنىس ٴوڭىرى قىزمەتكەرلەرىنەن“ قۇرالعان ”مىندەتتى ساقشى اترەتى“ رەسمي جۇمىسقا شىعىپ، حالىق ساقشىلارىنىڭ مۇزتاع مۇزدىعى باقشاسىندا ساياحاتشىلارعا قىزمەت وتەۋىنە كومەكتەستى. ولار ٴۇستىرت ٴدارى ـ دارمەگى، وتتەگى قۇمىراسى، سونداي ـ اق شەكارا قورعانىسى ساياسات، زاڭ ەرەجەلەرىن الا ٴجۇرىپ، قالىڭ ساياحاتشىعا كەز كەلگەن ۋاقىتتا كەڭەس بەرۋ، قۇتقارۋ ـ كومەكتەسۋ، قىزمەت وتەۋىن ازىرلەدى. ”شەشە، باسىم قاتتى اۋىرىپ تۇر“. ”بۇل ٴۇستىرت اسەرى، دەرەۋ وتتەگى ٴسىمىرتىپ، بالانى دەمالىس ورنىنا الىپ بارىڭىزدار“. ٴبىر بالانىڭ دارمەنسىزدەنىپ شەشەسىنە ايتقان ٴسوزىن ەستىگەندە، جانىندا كۇزەتشىلىك ىستەپ تۇرعان مىندەتتى ساقشى ٴبىلىمجان فارمان دەرەۋ وتتەگى قۇمىراسىن الىپ شىعىپ بالاعا وتتەگى ٴسىمىرتىپ اۋرۋ بەلگىسىن باسەيتتى.
5 ـ ايدىڭ 1 ـ كۇنى ساعات 14 مولشەرىندە ۋاحان ٴدالىزى ٴۇشتاس كورىنىس تۇيىنىندە ٴبىر گۋاڭدۇڭدىق ساياحاتشى قاتتى شارشاپ، وعان ٴۇستىرت اسەرى قوسىلىپ جايسىزدانادى. دابۇدار شەكارا ساقشى بولىمشەسىنىڭ حالىق ساقشىسى احۋالدى بايقاعاننان كەيىن دەرەۋ ساياحاتشىعا ٴۇستىرت اسەرىن باسەيتەتىن ٴدارى بەرەدى ٴارى 120 قۇتقارۋ ماشيناسىمەن بايلانىس جاساپ، تەڭىز دەڭگەيىنەن بيىكتىگى ٴبىرشاما الاسا ورىنعا امان ـ ەسەن جەتكىزەدى.
تايكەشكەن شەكارا وتكەلى ”1 ـ مامىر“ دەمالىسىندا كەدەننەن قالىپتى ٴوتۋدى ىسكە اسىردى. تاڭەرتەڭنەن كەشكە دەيىن تايكەشكەن شەكارادان كىرۋ ـ شىعۋ شەكارالىق قورعانىس تەكسەرۋ پۋنكتىندە مىندەت وتەپ جاتقان حالىق ساقشىلارى قىزمەت ورىندارىنان تاپجىلماي، ٴاربىر كۋالىكتى، جۇكتى مۇقيات تەكسەرىپ، ساياحاتشىلارعا سابىرلىلىقپەن جول كورسەتىپ، قيىن ماسەلەلەردى شەشۋگە دەر كەزىندە كومەكتەستى. ”بۇل مەنىڭ قىزمەت ورنىمدا 5 ـ رەت ەڭبەكشىلەر مەرەكەسىن وتكىزۋىم، وسى بىرنەشە كۇندە شەكارا وتكەلى ساياحاتشىلار اعىنىنىڭ قاۋىرت مەزگىلىن قارسى الدى، ٴبىز تەكسەرۋ وتكەلىن كوبەيتىپ اشىپ، كەدەننەن ٴوتۋدىڭ جوعارى ٴونىمدى، ىركىلىسسىز بولۋىن بار كۇشپەن قامتاماسىز ەتىپ، كوپشىلىكتىڭ الاڭسىز ساپارلاۋىنا مۇمكىندىك جاسادىق“، ـ دەدى اتالعان پۋنكتتىڭ كۇزەتشىلىك 3 ـ اترەتىنىڭ حالىق ساقشىسى جاڭ شۋان.
”1 ـ مامىر“ دەمالىسىندا كوكتوعاي اۋدانىنا ورنالاسقان كوكتوعاي كورىنىس اۋماعىندا ساياحاتشىلار قايشالىستى. ساياحاتشىلاردىڭ حاۋىپسىزدىگىن قامتاماسىز ەتىپ، كورىنىس اۋماعىنىڭ ٴتارتىبىن ساقتاۋ ٴۇشىن، التاي شەكارا باسقارۋ تارماق اترەتى تۇرعىن شەكارا ساقشى بولىمشەسى كورىنىس اۋماعىنىڭ ەرەكشەلىگىنە، سونداي ـ اق وتكەن جىلدارداعى ساياحاتشىلار اعىنى زاڭدىلىعىنا ساي، ساقشى كۇشىن ۇيلەسىمدى ورنالاستىرىپ، ساياحاتشىلار شوعىرلى جەرلەردە جانە ٴتۇيىندى جول بولىكتەرىندە ساقشى كۇشىن كوبەيتىپ مىندەت وتەپ، ٴتۇرلى توسىن جاعدايلاردى دەر كەزىندە ٴبىر جاقتى ەتىپ، ساياحاتشىلاردىڭ الاڭسىز، كوڭىلدى بولۋىنا شىنايى كەپىلدىك ەتتى.
