كوممۋنيستەردىڭ ”كوڭىل ٴتالىمىن“ شىڭداۋ كەرەك
شينحۋا اگەنتتىگىنىڭ ٴتىلشىسى ياڭ ليۋ
پارتيالىلىق تاربيە — كوممۋنيستەردىڭ ٴوزىن تاربيەلەۋدەگى، ٴوزىن جەتىلدىرۋدەگى مىندەتتى ساباعى ٴارى كوممۋنيستەردىڭ ”كوڭىل ٴتالىمى“. ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرىپ، ستيل قۇرىلىسىن يگەرۋدە شىندىققا جۇگىنىپ، وزەكتى بەكەمدەپ، نەگىزدى جەتىلدىرىپ، مۇرات ـ سەنىمدى بەكەمدەۋدى، ٴتۇبىرلى ماقساتتى امالياتتا ايگىلەۋدى، ٴمورالدىق تاربيەلەنۋدى كۇشەيتۋدى ٴتۇيىندى تۇردە كورنەكتىلەندىرۋ كەرەك.
ستيل ماسەلەسى، ٴمانى جاعىنان العاندا، پارتيالىلىق ماسەلەسى. تاياۋدا ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساۋ جونىندەگى 10 تيپتىك ماسەلەنى اشىق حابارلادى، مۇندا كەيبىرەۋلەر بەلگىلەمەگە قايشىلىق جاساپ تارتۋ ـ تارالعى، سياقى قابىلداعان؛ كەيبىرەۋلەر ۇيرەنۋ، تەكسەرۋ دەگەن اتپەن ۇكىمەت اقشاسىمەن ساياحاتتاعان؛ كەيبىرەۋلەر اكىمشىلىك قىزمەت وتەۋ، ينفورماتسيالاندىرۋ قۇرىلىسى سياقتى جاقتاردا مىندەتىن وتەمەگەن، الباتى ىستەگەن. يدەيالىق جاقتاعى ”باس تەتىك“ مىقتى يگەرىلمەسە، دۇرىس ـ بۇرىس كوزقاراسى، ادىلەت ـ مۇددە كوزقاراسى، ۇقىق كوزقاراسى، كاسىپ كوزقاراسى جەتكىلىكسىز بولادى، دەمەك، جولدان تايىپ، شەكتەن اسىپ كەتۋدەن، ٴتۇرلى كىناراتتاردان ساقتانۋ قيىن.
كوكەيدە دۇرىس سالت ورناسا، جاماندىق ىستەلمەيدى. كوممۋنيستەردىڭ ”كوڭىل ٴتالىمىن“ شىڭداۋدا سۋبيەكتيۆ دۇنيەنى وزگەرتۋدى كۇشەيتىپ، جەكە ادامنىڭ جەتىلىمى مەن ساياسي قاسيەتىن جاپپاي جوعارىلاتىپ، كوكەيدە پارتيا بولۋدى، كوكەيدە حالىق بولۋدى، كوكەيدە جاۋاپكەرشىلىك بولۋدى، كوكەيدە تەجەم بولۋدى ورىنداۋ كەرەك. كوكەيدە پارتيا بولىپ، پارتيا ورتالىق كوميتەتىنىڭ تالابىمەن قاي ـ قاشان دا ”تۋرالانىپ“، پارتيا ۋستاۆىمەن، پارتيا قاعيداسىمەن ”سكانەرلەنگەندە“ عانا ساياسي بەتالىستان اداسپاۋعا بولادى؛ كوكەيدە حالىق بولىپ، حالىق بۇقاراسىنىڭ جاڭا ارمان ـ تىلەگى ارقىلى ”رەنتكەنگە ٴتۇسىپ“، اۋەلگى ماقساتتى ۇزدىكسىز قاداعالاپ، اۋەلگى ماقساتتان اينىماعاندا عانا ناتيجەنى حالىق تىلەگىنەن جوعارى قويماۋعا بولادى؛ كوكەيدە جاۋاپكەرشىلىك بولىپ، قايراتتانا العا ۇمتىلىپ، شىنايى يگەرىپ ناقتى ىستەگەندە عانا دامۋ بارىسىنداعى ٴتۇرلى قايشىلىقتار مەن ماسەلەلەردى ويداعىداي ٴبىر جاقتى ەتۋگە بولادى؛ كوكەيدە تەجەم بولىپ، باستان ـ اياق ىرقىنا جىبەرمەۋ، جولدان تايماۋ، قاعيدادان اتتاماۋ كەرەك، سوندا عانا ۇقىقتى زاڭ بويىنشا ادال ىستەتۋگە بولادى.
تانىم مەن ارەكەتتى بىرلىككە كەلتىرىپ، جاۋاپكەرشىلىك ارقالاپ ىسكەرلىك كورسەتۋ كەرەك. ”ٴبىلۋدىڭ“ ماقساتى ”ارەكەتتە“، كوممۋنيستەردىڭ ”كوڭىل ٴتالىمىن“ شىڭداۋدىڭ ماقساتى ۇيرەنگەندى قولدانا ٴبىلۋ، امالياتقا جەتەكشىلىك ەتۋ، ەڭ سوڭىندا ناقتى ٴىس ىستەۋ ارقىلى دامۋدى ىلگەرىلەتۋ جاعىندا تياناقتاندىرۋ. دۇنيە ٴجۇزى 100 جىلدا بولماعان زور وزگەرىستەردى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، جاعداي، ورتا وزگەرىسىنىڭ تەز، رەفورما، دامۋ، ورنىقتىلىق مىندەتىنىڭ اۋىر، قايشىلىق، حاۋىپ ـ قاتەر، سىن ـ سايىستاردىڭ كوپ، ەل باسقارۋ جاعىنداعى سىناقتاردىڭ زور بولۋى بۇرىن بولىپ كورىلمەگەن. بۇل پارتيالى كادرلاردان ناقتى جاعدايدى تەكسەرۋگە، ناقتى ٴادىس ـ امال تابۋعا، ناقتى ٴىس ىستەۋگە، ناقتى ونىمدىلىككە تالپىنۋعا كۇش سالىپ، ەڭ اۋىر جۇكتى ارقالاۋدى، ەڭ قيىن ماسەلەلەردى شەشۋگە، كۇردەلى ماسەلەلەردى شەبەرلىكپەن قابىلداۋعا پەيىل بولىپ، ماسەلەگە بەتپە ـ بەت كەلۋ، قيىن ماسەلەلەردى شەشۋ بارىسىندا قىزمەت جاڭا جاعدايىن ۇزدىكسىز اشۋدى تالاپ ەتەدى.
كوممۋنيستەردىڭ ”كوڭىل ٴتالىمىن“ شىڭداۋدا ٴومىر بويى ۇيرەنىپ، ٴومىر بويى جەتىلۋ كەرەك. پارتيالى كادرلاردىڭ پارتيالىلىق جەتىلىمى، يدەيالىق ساناسى، ٴمورالدىق دەڭگەيى پارتيا ستاجىنىڭ ارتۋىنا بايلانىستى تابيعي جوعارىلامايدى، قىزمەت مىندەتىنىڭ جوعارىلاۋىنا بايلانىستى دا تابيعي جوعارىلامايدى، قايتا ٴومىر بويى قۇلشىنۋدى قاجەت ەتەدى. يدەيا انتەك بوساڭسىسا، ارەكەت باياۋلايدى. پارتيالىلىق جەتىلىمدى كۇشەيتۋدە، ٴسوز جوق، قاجىماي ـ تالماي، ۇزاق ۋاقىت ۇلەس قوسىپ، ٴوزىن ـ ٴوزى ۇزدىكسىز شىڭداۋ، ٴوزىن ـ ٴوزى تەجەۋ، ٴوزىن ـ ٴوزى وزگەرتۋ كەرەك.
ۇنەمى جەتىلىپ، ۇنەمى شىڭدالىپ، ٴاردايىم ٴتۇسىنىپ، ٴاردايىم ىلگەرىلەپ، پارتيالىلىقتى كوكەيگە ۇيالاتىپ، ارەكەتتە ايگىلەگەندە عانا ۇلكەن دۇرىس، ۇلكەن بۇرىس الدىندا تۋىمىز ايقىن بولىپ، سىن ـ سىناقتار الدىندا ەشتەڭەدەن تايسالماي، ٴتۇرلى ازعىرۋلار الدىندا تۇرعىمىز بەرىك بولادى.
(شينحۋا اگەنتتىگىنىڭ 5 ـ ايدىڭ 6 ـ كۇنى بەيجيڭنەن بەرگەن حابارى)
