شينحۋا اگەنتتىگىنىڭ 5 ـ ايدىڭ 12 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ەكولوگيالىق ورتانى قورعاۋ بويىنشا باقىلاۋ ـ تەكسەرۋ قىزمەتى ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ٴارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: «ەرەجە» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ ەكولوگيالىق وركەنيەت يدەياسىن جاپپاي دايەكتىلەندىرىپ، جاڭا داۋىردەگى ەكولوگيالىق ورتانى قورعاۋ بويىنشا باقىلاۋ ـ تەكسەرۋدىڭ نازاريالىق جانە امالياتتىق تاجىريبەلەرىن قورىتىندىلاپ، ەكولوگيالىق ورتانى قورعاۋ بويىنشا باقىلاۋ ـ تەكسەرۋ قىزمەتى ٴتۇزىلىس ـ مەحانيزمىن ونان ارى كەمەلدەندىردى، بۇل پارتيانىڭ ەكولوگيالىق وركەنيەت قۇرىلىسىنا جانە ەكولوگيالىق ورتانى قورعاۋعا جالپى بەتتىك باسشىلىعىنا تاباندى بولۋ جانە ونى كۇشەيتۋ، ەكولوگيالىق ورتانى قورعاۋ بويىنشا باقىلاۋ ـ تەكسەرۋ قىزمەتىن ىشكەرىلەي ىلگەرىلەتۋ، كورىكتى جۇڭگو قۇرىلىسىن جاپپاي ىلگەرىلەتۋ جونىنەن ماڭىزدى مانگە يە.
حابارلاندىرۋدا مىنالار تالاپ ەتىلدى: وڭىرلەر، تاراۋلار «ەرەجەنى» مۇقيات ۇيرەنىپ، دايەكتىلەندىرىپ، ۇگىتتى، ٴتۇسىندىرۋدى ويداعىداي يگەرىپ، «ەرەجەدەگى» ٴتۇرلى بەلگىلەمەلەردىڭ ناقتى تياناقتانۋىنا شىنايى كەپىلدىك ەتۋى كەرەك. كورىكتى جۇڭگو قۇرىلىسىن ويداعىداي يگەرۋ ساياسي جاۋاپكەرشىلىگىن ونان ارى ناقتىلاندىرىپ، ەكولوگيالىق ورتانى قورعاۋ جاۋاپكەرشىلىك ٴتۇزىمى سىندى وسى ”بۇيدانى“ مىقتى يگەرىپ، كەلەلى جاعداي تانىمىن كۇشەيتىپ، قاتاڭ بولۋ نەگىزگى اۋەنىن ساقتاپ، باتىلدىقپەن شىنداپ كىرىسىپ، ماسەلەلەردى ۇزدىكسىز بايقاپ، ماسەلەلەردى مۇقيات شەشىپ، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جونىندەگى شەشىمدەرى مەن ورنالاستىرۋلارىن اتقارۋ قۋاتىن جوعارىلاتۋ كەرەك. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە، مەملەكەتتىك كەڭەسكە دەر كەزىندە مالىمدەۋى كەرەك.
