جۇڭحۋا حالىق رەسپۋبليكاسى ۇكىمەتى (”جۇڭگو“) جانە امەريكا قۇراما شتاتتارى ۇكىمەتى (”امەريكا“)،
ەكى جاقتى ەكونوميكا ـ ساۋدا قارىم ـ قاتىناسىنىڭ ەكى ەل جانە الەمدىك ەكونوميكا جونىندەگى ماڭىزدىلىعىن تانىپ جەتتى؛
باياندى، ۇزاق ۋاقىتتىق، ٴوزارا پايدا جەتكىزەتىن ەكى جاقتى ەكونوميكا ـ ساۋدا قارىم ـ قاتىناسىنىڭ ماڭىزدىلىعىن تانىپ جەتتى؛
ەكى جاقتىڭ جۋىقتان بەرگى تالقىسىنا مەڭزەس، ۇزدىكسىز كەڭەسۋدىڭ ەكى جاقتىڭ ەكونوميكا ـ ساۋدا سالاسىنداعى نازار اۋدارىپ وتىرعان ماسەلەلەردى شەشۋىنە كومەگى تيەتىندىگىنە سەنەدى؛
ٴوزارا ەسىك اشۋ، ۇزدىكسىز تىلدەسۋ، سەلبەستىك جاساۋ جانە ٴوزارا قۇرمەت ەتۋ رۋحى بويىنشا قاتىستى قىزمەتتەردى ۇزدىكسىز ىلگەرىلەتەدى؛
ەكى جاق 2025 ـ جىلى 5 ـ ايدىڭ 14 ـ كۇنىنەن بۇرىن تومەندەگى شارالاردى قولدانۋعا ۋادە بەرەدى:
امەريكا (1) 2025 ـ جىلى 4 ـ ايدىڭ 2 ـ كۇنگى 14257 ـ ٴنومىرلى ۇكىمەت جارلىعىندا بەلگىلەنگەن جۇڭگو تاۋارلارىنان (شياڭگاڭ ەرەكشە اكىمشىلىك رايونى مەن اۋمىن ەرەكشە اكىمشىلىك رايونىنىڭ تاۋارلارىن قامتيدى) الىناتىن ۇستەمە باجىنىڭ باعالىق كەدەن باجىسىنا وزگەرىس ەنگىزەدى، مۇنىڭ ىشىندە %24تىك كەدەن باجىسى باستابىنداعى 90 كۇن ىشىندە ۋاقىتشا اتقارىلمايدى، سونىمەن بىرگە وسى ۇكىمەت جارلىعىنىڭ بەلگىلەمەسى بويىنشا وسى تاۋارلاردان الىناتىن ۇستەمە باجىنىڭ قالعان %10تىك كەدەن باجىسى ساقتاپ قالىنادى؛ (2) 2025 ـ جىلى 4 ـ ايدىڭ 8 ـ كۇنگى 14259 ـ ٴنومىرلى ۇكىمەت جارلىعىنا جانە 2025 ـ جىلى 4 ـ ايدىڭ 9 ـ كۇنگى 14266 ـ ٴنومىرلى ۇكىمەت جارلىعىنا نەگىزدەلىپ، وسى تاۋارلاردان الىناتىن ۇستەمە كەدەن باجىسىن كۇشىنەن قالدىرادى.
جۇڭگو (1) مەملەكەتتىك كەڭەس كەدەندىك باجى باجى قاعيدالارى كوميتەتى حابارلاندىرعان 2025 ـ جىلعى 4 ـ ٴنومىرلى بەلگىلەمەدەگى امەريكا تاۋارلارىنان الىناتىن ۇستەمە باجىنىڭ باعالىق كەدەن باجىسىنا سايكەستى وزگەرىس ەنگىزەدى، مۇنىڭ ىشىندە %24تىك كەدەن باجىسى باستابىنداعى 90 كۇن ىشىندە ۋاقىتشا اتقارىلمايدى، سونىمەن بىرگە وسى تاۋارلاردان الىناتىن ۇستەمە باجىنىڭ قالعان %10تىك كەدەن باجىسى ساقتاپ قالىنادى ٴارى مەملەكەتتىك كەڭەس كەدەندىك باجى باجى قاعيدالارى كوميتەتىنىڭ حابارلاندىرۋىنىڭ 2025 ـ جىلعى 5 ـ ٴنومىرلى جانە 6 ـ ٴنومىرلى حۇجاتىنداعى وسى تاۋارلاردان الىناتىن ۇستەمە كەدەن باجى كۇشىنەن قالدىرىلادى؛ (2) قاجەتتى شارالاردى قولدانىپ، 2025 ـ جىلى 4 ـ ايدىڭ 2 ـ كۇنىنەن باستاپ امەريكاعا قاراتىلعان كەدەن باجىسىنا جاتپايتىن جازالاۋعا قارسى قولدانعان شارالار ۋاقىتشا توقتاتىلادى نەمەسە كۇشىنەن قالدىرىلادى.
جوعارىداعى شارالاردى قولدانعاننان كەيىن، ەكى جاق مەحانيزم ورناتىپ، ەكونوميكا ـ ساۋدا قارىم ـ قاتىناسى جونىندە ٴۇرتىس كەڭەس وتكىزەدى. جۇڭگو جاقتىڭ ۋاكىلى، مەملەكەتتىك كەڭەستىڭ ورىنباسار زۇڭليى حى ليفىڭ، امەريكا جاقتىڭ ۋاكىلى، قازىنا مينيسترى سكود بەسسەنت پەن امەريكانىڭ ساۋدا ۋاكىلى جاميسون گرير. كەڭەستى جۇڭگودا، امەريكادا نەمەسە ەكى جاق اقىلداسىپ بەلگىلەگەن ٴۇشىنشى ەلدە وتكىزۋگە بولادى. قاجەتكە قاراي ەكى جاق قاتىستى ەكونوميكا ـ ساۋدا كەڭەستىك تاقىرىپتارى جونىندە قىزمەت دەڭگەيىندە كەڭەس وتكىزۋىنە بولادى.
(شينحۋا اگەنتتىگىنىڭ 5 ـ ايدىڭ 12 ـ كۇنى جەنەۆادان بەرگەن حابارى).
