شينحۋا اگەنتتىگىنىڭ 5 ـ ايدىڭ 13 ـ كۇنى بەيجيڭنەن بەرگەن حابارى. 5 ـ ايدىڭ 13 ـ كۇنى مەملەكەت ٴتوراعاسى شي جينپيڭ انتوني البانەسكە تەلەگرامما جولداپ، ونىڭ اۆستراليا فەدەراتسيالىق ۇكىمەتىنىڭ زۇڭليى بولىپ تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: وتكەن 3 جىلدا مەن زۇڭلي مىرزامەن ديدارلاسىپ، جۇڭگو - اۆستراليا قارىم ـ قاتىناسىنىڭ دامۋىنا ساياتىن ستراتەگيالىق سيپاتتى، جالپى جاعدايلىق سيپاتتى، بەتالىستىق سيپاتتى ماسەلەلەر جونىندە ىشكەرىلەي پىكىرلەسىپ ٴارى ماڭىزدى ورتاق تانىمعا كەلىپ، ەكى ەل قارىم ـ قاتىناسىنىڭ جاقسارۋى مەن دامۋىنا ستراتەگيالىق جەتەكشىلىك ەتتىك. جۇڭگو - اۆستراليا ەكى جاقتىڭ سەلبەستىكتى ونان ارى كۇشەيتۋى ەكى ەلدىڭ بىرگە دامۋىن جۇزەگە اسىرۋ، دۇنيە ٴجۇزىنىڭ بەيبىتشىلىگىن، ورنىقتىلىعىن جەبەۋ جونىنەن ماڭىزدى مانگە يە. مەن البانەس زۇڭليمەن بىرگە قۇلشىنىپ، جۇڭگو - اۆستراليا جالپى بەتتىك ستراتەگيالىق سەرىكتەستىك قارىم ـ قاتىناسىنىڭ ورنىقتى قاداممەن الىسقا جەتۋىن ىلگەرىلەتىپ، ەكى ەل حالقىنا اناعۇرلىم ويداعىداي باقىت جاراتۋدى قالايمىن.
سول كۇنى مەملەكەتتىك كەڭەستىڭ زۇڭليى لي چياڭ البانەسكە قۇتتىقتاۋ تەلەگرامماسىن جولداپ، جۇڭگو جاقتىڭ اۆستراليانىڭ جاڭا ٴبىر كەزەكتى ۇكىمەتىمەن بىرگە اناعۇرلىم تولىسقان، ورنىقتى، اناعۇرلىم ناتيجەلى جۇڭگو - اۆستراليا جالپى بەتتىك ستراتەگيالىق سەرىكتەستىك قارىم ـ قاتىناسىن قۇرۋدى ىلگەرىلەتۋدى قالايتىندىعىن ٴبىلدىردى.
