شينحۋا اگەنتتىگىنىڭ 5 ـ ايدىڭ 13 ـ كۇنى بەيجيڭنەن بەرگەن حابارى (ٴتىلشى ما جويان). 5 ـ ايدىڭ 13 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن برازيليا زۇڭتۇڭى لۋلامەن كەڭەس وتكىزدى.
شي جينپيڭ بىلاي دەپ اتاپ كورسەتتى: بىلتىر جۇڭگو مەن برازيليا ديپلوماتيالىق قارىم ـ قاتىناس ورناتقاندىعىنىڭ 50 جىلدىعى قارساڭىندا ەكى جاق ەكى ەل قارىم ـ قاتىناسىن قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو - برازيليا تاعدىرلاس ورتاق تۇلعاسى دەڭگەيىنە كوتەرۋدى بىرگە جاريالادى، بۇل ستراتەگيالىق شەشىم جۇڭگو - برازيليا قارىم ـ قاتىناسىنىڭ كەلەسى ”التىن 50 جىلىنا“ ايبىندى جوبا كەسكىندەدى. وزگەرىس پەن بىلىقپالىق قاباتتاسقان حالىقارالىق جاعدايدا جۇڭگو - برازيليا ەكى ەل ادامزاتتىڭ العا باسۋى ٴۇشىن جاۋاپكەرشىلىك ارقالاۋ، دۇنيە ٴجۇزىنىڭ دامۋى ٴۇشىن جاۋاپكەرشىلىگىن ادا ەتۋ اۋەلگى ماقساتىنان جازباي، جۇڭگو - برازيليا تاعدىرلاس ورتاق تۇلعاسى قۇرىلىسىن ىشكەرىلەي ىلگەرىلەتىپ، دامۋ ستراتەگيالارىنىڭ ٴتۇيىلىسۋىن ۇزدىكسىز تەرەڭدەتىپ، جەر شارىنىڭ وڭتۇستىگىندەگى ەلدەردى ىنتىماقتاسا ىستەستىك جاساسۋدى كۇشەيتۋگە قول ۇستاسا جەتەكتەۋى كەرەك.
شي جينپيڭ بىلاي دەپ باسا دارىپتەدى: جاڭا تاريحي باستامادا جۇڭگو مەن برازيليا ەكى جاق ٴبىرىنشى، ستراتەگيالىق ٴوزارا سەنىمدىلىككە تاباندى بولىپ، جۇڭگو - برازيليا تاعدىرلاس ورتاق تۇلعاسىنىڭ نەگىزىن بەكەمدەپ، ٴوزارا قۇرمەت ەتۋ، ٴوزارا پايدا جەتكىزىپ تەڭ يگىلىككە كەنەلۋ سىندى تاڭداۋلى داستۇردەن جازباي، قارسى جاقتىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴبىرىن ـ ٴبىرى قولداپ، ٴار جىكتەگى، جان ـ جاقتى بارىس ـ كەلىستى كۇشەيتىپ، ەكى جاقتى قارىم ـ قاتىناستىڭ ۇزاق ۋاقىت اقاۋسىز، ورنىقتى دامۋىنا شىنايى كەپىلدىك ەتۋى كەرەك. ەكىنشى، سەلبەستىكتى كەڭەيتۋگە تاباندى بولىپ، جۇڭگو - برازيليا تاعدىرلاس ورتاق تۇلعاسىنىڭ مازمۇنىن بايىتىپ، ”ٴبىر بەلدەۋ، ٴبىر جول“ باستاماسىنىڭ برازيليانىڭ دامۋ ستراتەگياسىمەن ٴونىمدى ٴتۇيىلىسۋىن تەرەڭدەتىپ، ەكى ەلدىڭ ٴتۇرلى سەلبەستىك مەحانيزمدەرىنىڭ رولىن ويداعىداي ساۋلەلەندىرىپ، نەگىزدىك قۇرىلعى، اۋىل شارۋاشىلىعى، ەنەرگيا سياقتى ٴداستۇرلى سالالارداعى سەلبەستىكتى كۇشەيتىپ، ەنەرگيانىڭ تيبىن جاڭالاۋ، اۆياتسيا، عارىش، سيفرلى ەكونوميكا، جاساندى زەردە سياقتى سەلبەستىكتىڭ جاڭا ٴورىسىن كەڭەيتىپ، ەكى ەلدىڭ ناقتى سەلبەستىگىندە اناعۇرلىم كوپ جارقىن تۇيىندەر تۇلعالاۋى كەرەك. ٴۇشىنشى، گۋمانيتارلىق اۋىس ـ كۇيىسكە تاباندى بولىپ، جۇڭگو - برازيليا تاعدىرلاس ورتاق تۇلعاسىنىڭ ومىرشەڭ كۇشىن ارتتىرىپ، كەلەر جىلى ”جۇڭگو - برازيليا مادەنيەت جىلىن“ وتكىزۋدى وراي ەتىپ، مادەنيەت، وقۋ ـ اعارتۋ، ساياحات، مەديا، جەرگىلىكتى ورىندار سياقتى جاقتارداعى سەلبەستىكتى كۇشەيتىپ، ەكى جاق ادامدارىنىڭ بارىس ـ كەلىسىنە اناعۇرلىم كوپ قولايلىلىق جاساۋ كەرەك. ٴتورتىنشى، كوپ جاقتى ىستەستىككە تاباندى بولىپ، جۇڭگو - برازيليا تاعدىرلاس ورتاق تۇلعاسىنىڭ ساپاسىن جوعارىلاتۋ كەرەك. شىعىس، باتىس جارتى شارداعى وركەندەپ كەلە جاتقان ەكى ٴىرى ەل رەتىندە، ەكى ەل بىرلەسكەن مەملەكەتتەر ۇيىمى، بريكس ەلدەرى، جۇڭگو - لاتىن امەريكاسى جانە كارايب ەلدەرى ورتاق تۇلعاسى تالقى مىنبەرى سياقتى كوپ جاقتى مەحانيزمدەگى سايكەسۋدى، سەلبەسۋدى كۇشەيتىپ، كوپ جاقتىلىققا بىرگە تاباندى بولىپ، الەمدىك باسقارۋدى كەمەلدەندىرىپ، حالىقارالىق ەكونوميكا ـ ساۋدا ٴتارتىبىن قورعاپ، سىڭار جاقتىلىق، قورعامپازدىق جانە زورەكەرلىك ارەكەتتەرىنە تۋى ايقىن تۇردە قارسى تۇرۋى كەرەك.
لۋلا مىنالاردى ٴبىلدىردى: برازيليا مەن جۇڭگو ٴبىر ـ بىرىنە قۇرمەت ەتەدى، تاعدىرلاس، ەكى ەل قارىم ـ قاتىناسى مىزعىمايدى، ٴارقانداي سىرتقى فاكتوردىڭ كەدەرگىسىنە، بۇلدىرۋىنە جول بەرىلمەيدى. باسقا ٴىرى ەلدەرگە ۇقسامايتىنى، جۇڭگو برازيليانى قامتىعان لاتىن امەريكاسىنداعى ەلدەردىڭ ەكونوميكالىق، قوعامدىق دامۋىن جۇزەگە اسىرۋىن باستان ـ اياق شىن نيەتىمەن قولدادى جانە بۇعان كومەكتەستى. برازيليا جاق جۇڭگو جاقپەن ستراتەگيالىق سەلبەستىكتى تەرەڭدەتىپ، برازيليا - جۇڭگو تاعدىرلاس ورتاق تۇلعاسى قۇرىلىسىن ىلگەرىلەتىپ، اناعۇرلىم ٴادىل، بەيبىت، گۇلدەنگەن دۇنيە ٴجۇزىن قۇرىپ، ٴار ەلگە ۇلگى بولۋدى قالايدى. برازيليا جاق ٴوزىنىڭ دامۋ ستراتەگياسى مەن ”ٴبىر بەلدەۋ، ٴبىر جول“ باستاماسىن ٴتۇيىلىستىرىپ، ەكى ەلدىڭ ەكونوميكا ـ ساۋدا، نەگىزدىك قۇرىلعى، عارىش، فينانس سياقتى سالالارداعى سەلبەستىگىن تەرەڭدەتۋدى قالايدى. جاستار، مادەنيەت اۋىس ـ كۇيىسىن كەڭەيتىپ، ەكى ەل حالقىنىڭ بارىس ـ كەلىسى مەن دوستىق سۇيىسپەنشىلىگىن نىعايتادى. جۇڭگونىڭ كەدەيلىكتەن ارىلتۋ تابىسى ادامدى سۇيىندىرەدى، برازيليا جۇڭگونىڭ تاجىريبەلەرىن ۇيرەنىپ، بۇدان ۇلگى الىپ، ٴتىپتى دە كوپ ادامنىڭ كەدەيلىك پەن اشارشىلىقتان ارىلۋىنا مۇمكىندىك جاساۋدى قالايدى. قازىرگى جاعدايدا كوپ جاقتىلىقتى باتىل قورعاۋ توتەنشە ماڭىزدى، قورعامپازدىق، كەدەن باجىسىن بەتالدى الۋ دامۋ، گۇلدەنۋ اكەلمەيدى، تەك بىلىقپالىق عانا تۋدىرادى، جۇڭگو جاقتىڭ الەمدىك سىن ـ سايىستارعا توتەپ بەرۋدەگى بەرىك پوزيتسياسى ٴار ەلگە كۇش ـ قۋات جانە سەنىم سيلادى. برازيليا جاق جۇڭگو جاقپەن حالىقارالىق ىستەردەگى ستراتەگيالىق ىستەستىكتى كۇشەيتىپ، جەر شارىنىڭ وڭتۇستىگىنىڭ ورتاق مۇددەسىن بىرگە قورعاۋدى، حالىقارالىق ادىلدىكتى، تۋراشىلدىقتى قورعاۋدى قالايدى.
ەكى ەلدىڭ مەملەكەت باسشىلارى تاعى ۋكراينا داعدارىسى جونىندە پىكىر اۋىستىرىپ، بەيبىتشىلىكتى سۇيەتىن العاباسار كۇش رەتىندە، جۇڭگو مەن برازيليا ەكى ەل بايلانىس جاساۋ مەن سايكەسۋدى كۇشەيتىپ، ”بەيبىتشىلىك دوسى“ گرۋپپاسىنىڭ رولىن ساۋلەلەندىرىپ، رەسەي مەن ۋكراينانىڭ تىكەلەي پىكىرلەسۋىن قولداپ، جەر شارىنىڭ وڭتۇستىگىندەگى ەلدەرمەن بىرگە داعدارىستى شەشۋدە ۇزدىكسىز سىندارلى رول اتقارۋعا ٴبىر اۋىزدان قوسىلدى.
كەڭەستەن كەيىن ەكى ەلدىڭ مەملەكەت باسشىلارى دامۋ ستراتەگيالارىن ٴتۇيىلىستىرۋ، عىلىم ـ تەحنولوگيا، اۋىل شارۋاشىلىعى، سيفرلى ەكونوميكا، فينانس، تەكسەرۋ ـ كارانتيندەۋ، مەديا سياقتى سالالارداعى 20 سەلبەستىك حۇجاتىنا قول قويىلۋىنا بىرگە كۋا بولدى.
ەكى ەلدىڭ مەملەكەت باسشىلارى تاعى بىرگە تىلشىلەرمەن كەزدەستى.
ەكى جاق «جۇڭحۋا حالىق رەسپۋبليكاسى مەن برازيليا فەدەراتسيالىق رەسپۋبليكاسىنىڭ قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو - برازيليا تاعدىرلاس ورتاق تۇلعاسىن قۇرۋدى كۇشەيتىپ، كوپ جاقتىلىقتى بىرگە قورعاۋ جونىندەگى بىرلەسكەن مالىمدەمەسىن» جانە «جۇڭگو مەن برازيليانىڭ ۋكراينا داعدارىسى جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ شىعىس قاقپاسىنىڭ سىرتىنداعى الاڭدا لۋلا مەن حانىمى روسانگەلاعا ارناپ قارسى الۋ سالتىن وتكىزدى.
لۋلا كەلگەندە قۇرمەت قاراۋىلى قاتار تۇزەپ قۇرمەت ٴبىلدىردى. شي جينپيڭ لۋلامەن بىرگە كوزدەن كەشىرۋ مىنبەسىنە شىقتى، اسكەري وركەستر جۇڭگو مەن برازيليا ەكى ەلدىڭ مەملەكەت ٴانىن ورىندادى، تيان ـ انمىن الاڭىندا 21 رەت قۇرمەت ساليۋتى اتىلدى. لۋلا شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ٴارى سالتانات قاتارىن تاماشالادى.
سول كۇنى كەشتە شي جينپيڭ مەن پىڭ لييۋان لۋلا مەن حانىمىنا ارناپ قارسى الۋ قوناعاسىن بەردى.
ۋاڭ ي جوعارىداعى قيمىلدارعا قاتىناستى.
