9 ـ كەزەكتى شاڭحاي سەلبەستىك ۇيىمىنا مۇشە ەلدەر وقۋ ـ اعارتۋ مينيسترلەرى ٴماجىلىسى ۇرىمجىدە وتكىزىلدى

　　　　ما شيڭرۇي، حۋاي جينپىڭ، جانەش كان قارسى الۋ ٴسوزىن سويلەدى، حى جۇڭيوۋ قاتىناستى

　　5 ـ ايدىڭ 13 ـ كۇنى 9 ـ كەزەكتى شاڭحاي سەلبەستىك ۇيىمىنا مۇشە ەلدەر وقۋ ـ اعارتۋ مينيسترلەرى ٴماجىلىسى ۇرىمجىدە وتكىزىلدى. سۋرەتتە: اۆتونوميالى رايوندىق پارتكومنىڭ شۋجيى ما شيڭرۇي قارسى الۋ ٴسوزىن سويلەۋدە.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 13 ـ كۇنى ۇرىمجىدەن حابارلايدى. 5 ـ ايدىڭ 13 ـ كۇنى 9 ـ كەزەكتى شاڭحاي سەلبەستىك ۇيىمىنا مۇشە ەلدەر وقۋ ـ اعارتۋ مينيسترلەرى ٴماجىلىسى ۇرىمجىدە وتكىزىلدى. ماجىلىسكە قاتىناسقان ەلدەر ”شاڭحاي رۋحىن“ ۇستانىپ، بولاشاقتاعى وقۋ ـ اعارتۋدىڭ سەلبەسىپ دامۋى جوباسىن، شاڭحاي سەلبەستىك ۇيىمى وقۋ ـ اعارتۋ ۇلكەن شاڭىراعىن قول ۇستاسا بىرگە قۇرۋدى، وڭىردەگى ەلدەردىڭ كوركەيىپ، دامۋىنا وقۋ ـ اعارتۋ كۇش ـ قۋاتىن ارناۋدى بىرگە تالقىلادى.

　　اۆتونوميالى رايوندىق پارتكومنىڭ شۋجيى ما شيڭرۇي، وقۋ ـ اعارتۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر حۋاي جينپىڭ، شاڭحاي سەلبەستىك ۇيىمىنىڭ ورىنباسار باس حاتشىسى جانەش كان قارسى الۋ ٴسوزىن سويلەدى.

　　بەلورۋسسيا وقۋ ـ اعارتۋ مينيسترلىگىنىڭ مينيسترى يۆانەتس، يران عىلىم، زەرتتەۋ جانە تەحنولوگيا مينيسترلىگىنىڭ مينيسترى ساراف، قازاقستان عىلىم جانە جوعارى ٴبىلىم مينيسترلىگىنىڭ مينيسترى نۇربەك، قازاقستان وقۋ ـ اعارتۋ مينيسترلىگىنىڭ مينيسترى بەيسەمبايەۆ، قىرعىزستان وقۋ ـ اعارتۋ جانە عىلىم مينيسترلىگىنىڭ مينيسترى كەندىربايەۆا، وزبەكستان جوعارى وقۋ ـ اعارتۋ، عىلىم جانە جاڭالىق اشۋ مينيسترلىگىنىڭ مينيسترى ٴشارىپوۆ، تاجىكستان وقۋ ـ اعارتۋ جانە عىلىم مينيسترلىگىنىڭ مينيسترى سەيدزودا، رەسەي عىلىم جانە جوعارى وقۋ ـ اعارتۋ مينيسترلىگىنىڭ ورىنباسار مينيسترى موگيلەۆسكي، رەسەي وقۋ ـ اعارتۋ مينيسترلىگىنىڭ ۋاقىتشا مينيسترى كورنەيەۆ ماجىلىسكە قاتىناستى.

　　اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى.

　　ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان قوناقتاردىڭ جۇڭگونىڭ شينجياڭىنا كەلىپ باس قوسىپ، وقۋ ـ اعارتۋدى دامىتۋدى بىرگە اقىلداسقاندىعىن قارسى الدى. ول بىلاي دەدى: شاڭحاي سەلبەستىك ۇيىمى قۇرىلعاننان بەرى، تۇرلىشە قوعامدىق ٴتۇزىم مەن دامۋ جولىنداعى ەلدەردىڭ ىنتىماقتاسا ىستەستىك جاساۋ، ەسىك اشىپ تەڭ يگىلىككە كەنەلۋ، سيىسىمدى بولىپ ٴوزارا ۇلگى الۋ سىندى شىت جاڭا سەلبەستىك ۇلگىسىن اشتى. ٴتوراعا شي جينپيڭ ”شاڭحاي سەلبەستىك ۇيىمى +“ استانا باسشىلار ماجىلىسىندە شاڭحاي سەلبەستىك ۇيىمى سيفرلى وقۋ ـ اعارتۋ وداعىن قۇرۋدى دارىپتەپ، ٴبىزدىڭ وقۋ ـ اعارتۋ سەلبەستىگىن تەرەڭدەتۋىمىزگە ايقىن بەتالىس كورسەتىپ بەردى. تاياۋ جىلداردان بەرى، شينجياڭ جۇڭگو كوممۋنيستىك پارتياسى ورتالىق كوميتەتىنىڭ وقۋ ـ اعارتۋدا قۋاتتى ەل قۇرۋ جونىندەگى ستراتەگيالىق ورنالاستىرۋلارىن ىشكەرىلەي دايەكتىلەندىرىپ، وقۋ ـ اعارتۋدى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە ماڭىزدى ورىنعا قويىپ، وقۋ ـ اعارتۋ ىستەرىنىڭ دامۋىندا سەرپىلىس سيپاتتى ىلگەرىلەۋشىلىككە قول جەتكىزۋدى جەبەدى. ٴبىز جىبەك جولى ەكونوميكالىق بەلدەۋى وزەكتى رايونى مادەنيەت، عىلىم، وقۋ ـ اعارتۋ ورتالىعىن جەدەل قۇرۋدامىز، وسى رەتكى ٴماجىلىستى وراي ەتىپ، ”شاڭحاي رۋحىن“ اسقاقتاتىپ، وقۋ ـ اعارتۋ سەلبەستىگىن تەرەڭدەتىپ، اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قۇرۋعا ۇلەس قوسۋدى قالايمىز.

　　حۋاي جينپىڭ مىنالاردى ٴبىلدىردى: ٴتوراعا شي جينپيڭ وقۋ ـ اعارتۋ سياقتى سالالارداعى گۋمانيتارلىق ىستەر اۋىس ـ كۇيىسىن، سەلبەستىگىن ونان ارى تەرەڭدەتىپ، اناعۇرلىم تاماشا شاڭحاي سەلبەستىك ۇيىمى مەكەنىن بىرگە قۇرۋ كەرەكتىگىن اتاپ كورسەتتى. ٴارقايسى مۇشە ەلدەر «استانا جارناماسى» ارقىلى ورتاق تانىم ۇيىستىرىپ، وقۋ ـ اعارتۋ سەلبەستىگىن ۇزدىكسىز تەرەڭدەتۋگە ٴارى بىرگە العا باسۋدى جانە كوركەيۋدى ىلگەرىلەتۋگە بەرىك نەگىز قالادى. جاڭا داۋىردەن بەرى، جۇڭگو وقۋ ـ اعارتۋىندا تاريحي سيپاتتى ناتيجەلەرگە قول جەتتى، جۇلگەلىك وزگەرىستەر تۋىلدى، دۇنيە جۇزىندەگى كولەمى ەڭ ۇلكەن ٴارى جوعارى ساپالى وقۋ ـ اعارتۋ جۇيەسى قۇرىلىپ، ەكونوميكانىڭ، قوعامنىڭ دامۋىنا پارمەندى قىزمەت وتەپ، تىرەك بولدى، سىرتقا ەسىك اشۋ دەڭگەيى ۇزدىكسىز جوعارىلادى، سيفرلى وزگەرىسپەن بەلسەنە قاۋىشىپ، قوعامنىڭ كوركەيىپ، دامۋىنىڭ ماڭىزدى نەگىزىن جانە الەمدىك وقۋ ـ اعارتۋ ٴۇشىن وزگەشە ۇلەس تۇلعالادى. جۇڭگو وقۋ ـ اعارتۋى باستان ـ اياق سىرتقا ەسىك اشۋعا تاباندى بولدى، وسى كەزەكتى وقۋ ـ اعارتۋ مينيسترلەرى ٴماجىلىسىن وراي ەتىپ، ٴارقايسى مۇشە ەلدەرمەن وقۋ ـ اعارتۋدى باياندى دامىتۋ تاجىريبەلەرىن ٴبولىسىپ، سەلبەستىك جاساۋ جاڭا تۇعىرىن ورناتىپ، سەلبەستىك جاڭا ٴمانىن بايىتىپ، سەلبەستىكتى تىڭ سالالارعا كەڭەيتىپ، وقۋ ـ اعارتۋ سەلبەستىگىنىڭ تاماشا بولاشاعىن بىرگە جاراتۋدى قالايمىز.

　　جانەش كان جۇڭگو جاقتىڭ وسى ٴماجىلىستى دەن قويا ۇيىمداستىرعاندىعىنا العىس ايتتى. ول مىنالاردى ٴبىلدىردى: شاڭحاي سەلبەستىك ۇيىمى وقۋ ـ اعارتۋدى دامىتۋعا، وقۋ ـ اعارتۋدىڭ حالىقارالىق سەلبەستىگىن ىلگەرىلەتۋگە ايرىقشا ٴمان بەرەدى، بۇل ٴار ەلدىڭ دامۋ تاجىريبەسىن اناعۇرلىم بايىتىپ، تىزە قوسا كۇش سالۋ ارقىلى باياندى دامۋدى ٴتىپتى دە جاقسى قامتاماسىز ەتۋگە سەپتىگىن تيگىزەدى. ٴارقايسى جاق ٴوزارا سەنىمدى بولۋ، ٴوزارا پايدا جەتكىزۋ، تەپە ـ تەڭ بولۋ، كەڭەسۋ، الۋان ٴتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ سىندى ”شاڭحاي رۋحىنا“ تاباندى بولىپ جانە ونى اسقاقتاتىپ، قاتىستى سەلبەستىك جوسپارى بويىنشا سەلبەستىك تابىستارىن ونان ارى بەكەمدەپ، سەلبەستىك كومەسكى قۋاتىن جارىققا شىعارىپ، وقۋ ـ اعارتۋدا اۋىس ـ كۇيىستى، ٴوزارا ۇلگى الۋدى كۇشەيتىپ، جوعارى مەكتەپتەر سەلبەستىگىن جۇيەلى ىلگەرىلەتىپ، دارىندى جەتىلدىرۋدى بىرلەسىپ ورىستەتىپ، شاڭحاي سەلبەستىك ۇيىمىنا سۇيەنىپ داشۋەلەردە قاتىستى قيمىلدار وتكىزىپ، وقۋ ـ اعارتۋ سالاسىنداعى سەلبەستىك ٴورىسىن ۇزدىكسىز كەڭەيتۋگە ٴتيىس.

　　وسىدان سوڭ ٴار ەلدىڭ وقۋ ـ اعارتۋ تاراۋلارىنىڭ جاۋاپتىلارى جانە پاكيستاننىڭ جۇڭگودا تۇراتىن ەلشىحاناسىنىڭ وقۋ ـ اعارتۋ ارناۋلى قىزمەتكەرى جەكە ـ جەكە ٴسوز سويلەپ، 8 ـ كەزەكتى شاڭحاي سەلبەستىك ۇيىمىنا مۇشە ەلدەر وقۋ ـ اعارتۋ مينيسترلەرى ماجىلىسىنەن بەرگى ٴار ەلدىڭ وقۋ ـ اعارتۋ سالاسىنداعى كەلەلى رەفورمالارىن جانە ستراتەگيالىق دامۋ شارالارىن تانىستىرىپ، كەلەسى قادامداعى وقۋ ـ اعارتۋ سالاسىنداعى سەلبەستىكتە الدىمەن ويلاستىرىلاتىن بەتالىستى ارقاۋ ەتىپ ىشكەرىلەي اۋىس ـ كۇيىس جاسادى.

　　ماجىلىسكە قاتىناسۋشىلار تاعى شاڭحاي سەلبەستىك ۇيىمى داشۋەلەردى سايكەستىرۋ كوميتەتى 2 ـ رەتكى ٴماجىلىسىنىڭ ەستەلىگىن، «شاڭحاي سەلبەستىك ۇيىمىنىڭ داشۋەلەردە سيفرلى وقۋ ـ اعارتۋدى دامىتۋ جوسپارىن»، 15 ـ كەزەكتى ”وقۋ ـ اعارتۋدا مەملەكەت شەكاراسى بولمايدى“ وقۋ ـ اعارتۋ اپتالىعىنىڭ قاتىستى مازمۇندارىن قارادى، سونىمەن بىرگە 9 ـ كەزەكتى شاڭحاي سەلبەستىك ۇيىمىنا مۇشە ەلدەر وقۋ ـ اعارتۋ مينيسترلەرى ٴماجىلىسىنىڭ ٴۇرىمجى باستاماسىن جانە بىرلەسكەن مالىمدەمەسىن قارادى. تاراپتار 10 ـ كەزەكتى ٴماجىلىستىڭ ۋاقىتى مەن ورنىن تۇراقتاندىرىپ، بەلورۋسسيانىڭ 10 ـ كەزەكتى شاڭحاي سەلبەستىك ۇيىمىنا مۇشە ەلدەر وقۋ ـ اعارتۋ مينيسترلەرى ٴماجىلىسىن مىندەتىنە الىپ وتكىزۋىنە قوسىلدى.

　　ٴتۇرلى كۇن تارتىپتەردى اياقتاتقاننان كەيىن، تاراپتار 9 ـ كەزەكتى شاڭحاي سەلبەستىك ۇيىمىنا مۇشە ەلدەر وقۋ ـ اعارتۋ مينيسترلەرى ٴماجىلىسى ەستەلىگىنە قول قويىستى.

　　شاڭحاي سەلبەستىك ۇيىمى مەملەكەتتىك سيفرلى وقۋ ـ اعارتۋ وداعى جانە جۇڭگو _ شاڭحاي سەلبەستىك ۇيىمى دوكتور جەتىلدىرۋ جاڭالىق اشۋ ورتالىعى وسى ماجىلىستە ماڭدايشالىق اشىپ قۇرىلدى.

　　ٴماجىلىستى وقۋ ـ اعارتۋ مينيسترلىگىنىڭ ورىنباسار مينيسترى ۋ يان باسقاردى. ۋاڭ جيانشين، قادەن كابەن جانە اۆتونوميالى رايوننىڭ قاتىستى باسشىلارى، وقۋ ـ اعارتۋ مينيسترلىگىندەگى قاتىستى جولداستار، ەل ىشىندەگى ٴبىر ٴبولىم جوعارى مەكتەپتەردىڭ جاۋاپتىلارى جانە ۋاكىلدەرى قاتارلىلار ماجىلىسكە قاتىناستى.

　　ماجىلىسكە قاتىناسقان ٴار ەلدىڭ وقۋ ـ اعارتۋ تاراۋلارى مەن جوعارى مەكتەپتەرىنىڭ ۋاكىلدەرى، جۇڭگودا تۇراتىن ەلشىحانالارىنىڭ قىزمەتكەرلەرى قاتارلىلار ماجىلىسكە قاتىناستى.