ما شيڭرۇي ٴماجىلىستى باسقارىپ، اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ دامۋ قىزمەتىن ارناۋلى تاقىرىپتا اقىلداستى
باس شۋجي شي جينپيڭنىڭ مەملەكەت مەنشىگىندەگى كاسىپورىنداردىڭ رەفورماسى، دامۋى جانە پارتيا قۇرىلىسى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، مەملەكەت مەنشىگىندەگى مال ـ مۇلىكتى، مەملەكەت مەنشىگىندەگى كاسىپورىنداردى كۇشەيتىپ، ساپالىلاندىرىپ، زورايتىپ، ستراتەگيالىق تىرەكتىك رولىن ونان ارى ويداعىداي ساۋلەلەندىرۋ كەرەك
5 ـ ايدىڭ 14 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقارىپ، اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ دامۋ قىزمەتىن ارناۋلى تاقىرىپتا اقىلداستى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 14 ـ كۇنى ۇرىمجىدەن حابارلايدى. باس شۋجي شي جينپيڭنىڭ مەملەكەت مەنشىگىندەگى كاسىپورىنداردىڭ رەفورماسى، دامۋى جانە پارتيا قۇرىلىسى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، شينجياڭداعى مەملەكەت مەنشىگىندەگى كاسىپورىنداردى كۇشەيتۋدى، ساپالىلاندىرۋدى، زورايتۋدى ىلگەرىلەتىپ، جۇمىستانۋدى ورنىقتىرۋ، كاسىپورىندى ورنىقتىرۋ، بازاردى ورنىقتىرۋ، مەجەنى ورنىقتىرۋ بارىسىندا ستراتەگيالىق تىرەكتىك رولىن اناعۇرلىم ويداعىداي ساۋلەلەندىرۋ ٴۇشىن، 5 ـ ايدىڭ 14 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي تولىق ٴبىر كۇن ۋاقىتپەن اۆتونوميالى رايونعا قاراستى مەملەكەت مەنشىگىندەگى كاسىپورىندار شارۋاشىلىعىنىڭ دامۋى جانە ٴتۇيىندى نىساندارعا قارجى قوسۋ قۇرىلىسى، اسىرەسە، وڭتۇستىك شينجياڭ كاسىپ سالاسىنىڭ ورنالاسۋى جاعدايىن ٴبىر ـ بىردەن تىڭداپ، جاعدايدى، مىندەتتى زەرتتەپ تالداۋ جاساپ، ماسەلەنى سول جەردىڭ وزىندە سايكەستىرىپ شەشىپ، مەملەكەت مەنشىگىندەگى كاسىپورىنداردىڭ وزەكتى يقۋاتتى كۇشەيتۋى، وزەكتى باسەكەلىك قابىلەتتى ارتتىرۋى توڭىرەگىندە، مەملەكەت مەنشىگىندەگى مال ـ مۇلىكتىڭ، مەملەكەت مەنشىگىندەگى كاسىپورىنداردىڭ ونان ارى جاۋاپكەرشىلىك ارقالاۋدى كۇشەيتىپ، ورايدى مىقتى يگەرىپ، ونىمدىلىكتى جوعارىلاتىپ، دامۋعا كۇش توپتاپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن قۇرۋعا، ٴار ۇلت بۇقاراسىنىڭ جۇمىستانۋىن، كىرىسىن ارتتىرۋىن جەبەۋگە تىڭ دا اناعۇرلىم زور ۇلەس قوسۋعا قۇلشىنۋىنا جەتەكشىلىك ەتتى، جەبەدى.
ماجىلىستە اۆتونوميالى رايونعا قاراستى مەملەكەت مەنشىگىندەگى 20 كاسىپورىنداعى جاۋاپتى جولداستار جەكە ـ جەكە ٴسوز سويلەپ، كاسىپورىننىڭ شارۋاشىلىقتى دامىتۋ، كاسىپ سالاسى ورنالاسىمى، نىساننىڭ ىلگەرىلەتىلۋى سياقتى جاعدايلاردان مالىمەت بەرىپ، قولداۋدى، شەشۋدى قاجەت ەتەتىن ماسەلەلەردى ورتاعا قويدى. ما شيڭرۇي ٴاربىر جاۋاپتىمەن ىشكەرىلەي اڭگىمەلەسىپ، تالقى جۇرگىزىپ، ٴبىر ـ بىردەن ٴاۋ ـ جايدى ٴتۇيىپ، جاعدايدى سۇراپ تەكسەرىپ، مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىنداعى، دامۋىنداعى كەلەلى ماسەلەلەردى سايكەستىرىپ شەشتى.
ما شيڭرۇي مىنالاردى اتاپ كورسەتتى: سوڭعى جىلدارى اۆتونوميالى رايوندىق پارتكوم باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولىپ، شينجياڭنىڭ جوعارى ساپالى دامۋىنىڭ ستراتەگيالىق وراي مەزگىلىن مىقتى يگەرىپ، مەملەكەت مەنشىگىندەگى كاسىپورىنداردى كۇشەيتۋدى، ساپالىلاندىرۋدى، زورايتۋدى ارقاۋ ەتىپ، مەملەكەت مەنشىگىندەگى كاسىپورىنداردى رەفورمالاۋدى جانە عىلمي قايتا ۇيىمداستىرۋدى ستراتەگيالىق جانە جالپى جاعداي بيىگىنەن ىلگەرىلەتىپ، مەملەكەت مەنشىگىندەگى كاسىپورىنداردى بەلسەندى تۇردە قىسپاقتان قۇتىلدىرىپ، قيىنشىلىقتان ارىلتىپ، حاۋىپ ـ قاتەردى جويىپ، مەملەكەت مەنشىگىندەگى كاسىپورىنداردىڭ پارتيا قۇرىلىسى مەن باسشىلىق القا قۇرىلىسىن ۇزدىكسىز كۇشەيتىپ، مەملەكەت مەنشىگىندەگى كاسىپورىنداردىڭ شينجياڭنىڭ ”ون ٴىرى كاسىپ سالاسى شوعىرى“ قۇرىلىسىمەن تەرەڭدەي توعىسۋىن قولداپ، جەتەكشىلىك ەتىپ، شينجياڭنىڭ مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار قىزمەتىنىڭ تىڭ ىلگەرىلەۋشىلىككە قول جەتكىزىپ، جاڭا لەپ، جاڭا بەينە ايگىلەۋىن ىلگەرىلەتتى.
ما شيڭرۇي بىلاي دەپ باسا دارىپتەدى: مەملەكەت مەنشىگىندەگى كاسىپورىندار ساياسي دەڭگەيدى ونان ارى جوعارىلاتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جەتە تانىپ، جوعارى ساپالى دامۋ سىندى ماڭداي الدى مىندەتتى مىقتى يگەرىپ، ”تىرەكتىك“، ”نەگىزگى كۇشتىك“ رولىن تولىق ساۋلەلەندىرىپ، باتىلدىقپەن اۋىر جۇك ارقالاپ، ىرىقتىلىقپەن ىسكەرلىك كورسەتىپ، ەكونوميكالىق، قوعامدىق دامۋعا قىزمەت وتەۋدى، بۇقارانىڭ جۇمىستانۋىن، كىرىستەرىن ارتتىرۋىن جەبەۋدى باستالۋ ٴتۇيىنى جانە كۇش سالۋ ٴتۇيىنى ەتۋگە تاباندى بولىپ، كەلەلى نىساندارعا قارجى قوسۋ قۇرىلىسىن جەدەل ىلگەرىلەتىپ، شينجياڭنىڭ بايلىق ارتىقشىلىعىن، وڭىرلىك ورىن باسىمدىعىن رەال وندىرگىش كۇشكە شىن مانىندە اينالدىرىپ، وسىزاماندانعان كاسىپ سالاسى جۇيەسىن قۇرۋعا دەم بەرۋى كەرەك. اسىرەسە، اۆتونوميالى رايوندىق پارتكومنىڭ ستراتەگيالىق ويىن دالمە ـ ٴدال يگەرىپ، وڭتۇستىك شينجياڭنىڭ كەلەلى وندىرگىش كۇش ورنالاستىرۋىنا بەلسەنە ات سالىسىپ، كاسىپ سالاسى دامۋىنىڭ مەشەۋ قالۋىنداعى كورنەكتى ماسەلەلەردى كۇش سالا شەشىپ، وڭىرلىك دامۋدىڭ جاڭا ارتۋ ۇيەگىن جەدەل جەتىلدىرىپ، ”شاحمات كوزىن“ بار كۇشپەن جانداندىرۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ جالپى بەتتىك باسشىلىعىن كۇشەيتۋدى مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىنىڭ، دامۋىنىڭ جالپى بارىسىمەن، ٴارقايسى جاعىمەن ساباقتاستىرىپ، بۇكىل شينجياڭداعى مەملەكەت مەنشىگىندەگى كاسىپورىنداردىڭ جالپىلىق قۋاتىن جانە وزەكتى باسەكەلىك قابىلەتىن ۇزدىكسىز جوعارىلاتۋ كەرەك. مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن ۇزدىكسىز تەرەڭدەتىپ، مەملەكەت مەنشىگىندەگى كاسىپورىنداردى ستراتەگيالىق سيپاتتى قايتا ۇيىمداستىرۋدى، ارنايىلاندىرا بىرىكتىرۋدى ۇزدىكسىز باعىتتامالى تۇردە ىلگەرىلەتىپ، مەملەكەت مەنشىگىندەگى كاپيتالدىڭ ورنالاسىمىن جانە اينالىم ونىمدىلىگىن ونان ارى جوعارىلاتىپ، مەملەكەت مەنشىگىندەگى كاسىپورىنداردى نازاردى نەگىزگى جاۋاپكەرشىلىككە شوعىرلاندىرۋعا، نەگىزگى كاسىپتى ويداعىداي ىستەۋگە جەتەكتەپ، كاسىپ سالاسىنىڭ ساپاسىن جوعارىلاتىپ دارەجەسىن ٴوسىرۋدى، باياندى دامۋدى جۇزەگە اسىرۋدى بار كۇشپەن ىلگەرىلەتۋ كەرەك. مەملەكەت مەنشىگىندەگى كاسىپورىنداردى باقىلاۋ ـ باسقارۋعا قىزمەت وتەۋ ساپاسىن، ونىمدىلىگىن جوعارىلاتىپ، ٴارى باتىل تۇردە ويداعىداي باسقارىپ، زاڭ بويىنشا باقىلاۋدى، دۇرىس باقىلاۋدى كۇشەيتىپ، اۋىر حاۋىپ ـ قاتەرلەردى، كومەسكى كىناراتتاردى كۇش سالا ويداعىداي جويۋ كەرەك؛ ٴارى تولىق جانداندىرىپ، بازار رولىن ٴونىمدى ساۋلەلەندىرىپ، كاسىپورىنداردىڭ بەل شەشە جۇمىسقا كىرىسۋىنە مۇمكىندىك جاساپ، مەملەكەت مەنشىگىندەگى كاسىپورىنداردىڭ رەفورماسىنا، دامۋىنا بەلسەنە تاماشا شارت ـ جاعداي ازىرلەۋ كەرەك. مەملەكەت مەنشىگىندەگى كاسىپورىنداردىڭ باسشىلىق القا قۇرىلىسىن كۇشەيتىپ، نەگىزگى جاۋاپتى جولداستاردىڭ ماسەلەنى زەرتتەۋ، قيىن ماسەلەلەردى شەشۋ، قىزمەتتى ىلگەرىلەتۋ قابىلەتىن، ونەرىن ۇزدىكسىز جوعارىلاتىپ، ورايدى مىقتى يگەرۋگە شەبەر بولىپ، قىزمەت ونىمدىلىگىن جوعارىلاتىپ، شارۋاشىلىق باسقارۋ ورەسىن جوعارىلاتىپ، كاسىپورىندى باسقارۋ، كاسىپورىندى گۇلدەندىرۋ قىزمەت جاۋاپكەرشىلىگىن، بورىشىن شىن مانىندە ارقالاۋ كەرەك. دۇرىس ناتيجە كوزقاراسىن ورناتىپ جانە ونى امالياتتا ايگىلەپ، جۇيەلى ويلاۋعا جانە جالپى جاعداي كوزقاراسىنا تاباندى بولىپ، بازاردىڭ دامۋ زاڭدىلىعىنا، كاسىپورىن باسقارۋ زاڭدىلىعىنا بويسۇنىپ، ٴوڭىردىڭ دامۋ ٴىس جۇزىندىگىن جانە كاسىپورىننىڭ وزىندىك شارت ـ جاعدايىن نەگىزگە الۋعا تاباندى بولىپ، زەرتتەۋدى، دالەلدەۋدى ىشكەرىلەي جۇرگىزىپ، نىسانعا قارجى قوسۋ قۇرىلىسىن جەرگىلىكتى جاعدايعا قاراي عىلمي، ناقتى ىلگەرىلەتىپ، قاراپايىمداستىرۋدى، ابسۋلياتتاندىرۋدى باتىل تيىپ، امالياتتان الشاقتاۋدان، زورلانىپ ىستەۋدەن، الباتى ىستەۋدەن باتىل ساقتانۋ كەرەك. پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن نىعايتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ويداعىداي ورىستەتىپ، ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ۇزدىكسىز تەرەڭدەتىپ، دەلو ارقىلى تۇزەتۋدى جەبەۋدى، دەلو ارقىلى باسقارۋدى جەبەۋدى ىشكەرىلەي ىلگەرىلەتىپ، ادام تاڭداۋ، ادام ىستەتۋ دۇرىس باعدارىنا تاباندى بولىپ، ستيلى پاك، سالتى دۇرىس ٴىس تىندىرىپ ناتيجە شىعارۋ ورتاسىن قالىپتاستىرۋ كەرەك.
ما شيڭرۇي بىلاي دەپ باسا دارىپتەدى: بۇكىل شينجياڭداعى مەملەكەت مەنشىگىندەگى كاسىپورىندار پارتيا ورتالىق كوميتەتىنىڭ ”14 ـ بەسجىلدىقتى“ اياقتاتۋ، ”15 ـ بەسجىلدىقتى“ جوسپارلاۋ جونىندەگى ٴتۇرلى ورنالاستىرۋلارىن، تالاپتارىن ىشكەرىلەي دايەكتىلەندىرىپ، تياناقتاندىرىپ، مەملەكەتتىڭ ستراتەگيالىق جالپى جاعدايىنا سانالىلىقپەن قىزمەت وتەپ، شينجياڭ ەرەكشەلىگىن ايگىلەۋگە، سالىستىرمالى باسىمدىقتى ساۋلەلەندىرۋگە ٴمان بەرىپ، رەفورمانى ونان ارى تەرەڭدەتىپ، جاڭالىق اشۋدى كۇشەيتىپ، ورنالاسىمدى ساپالىلاندىرىپ، قۇرىلىمدى رەتتەپ، ستراتەگيالىق سيپاتقا، نەگىزدىك سيپاتقا، جەتەكشىلىك سيپاتقا يە ٴبىر توپ كەلەلى نىساندى عىلمي جوسپارلاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم مىعىم تىرەك ازىرلەۋى كەرەك.
چىن ۋيجۇن، قادەن كابەن، اۆتونوميالى رايونداعى قاتىستى باسشىلار، اۆتونوميالى رايونداعى جانە ورتالىقتىڭ شينجياڭدا تۇراتىن قاتىستى ورىندارىنداعى جاۋاپتى جولداستار ماجىلىسكە قاتىناستى.
