نۇرلان ٴابىلماجىن كەزدەسۋگە قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 ـ ايدىڭ 13 ـ كۇنى ۇرىمجىدە اۋمىن ونەركاسىپ ـ ساۋدا سالاسى ۋاكىلدەرى مەملەكەت جاعدايىن تەكسەرۋ ۇيىرمەسىندەگىلەرمەن كەڭەس وتكىزىپ، پىكىر اۋىستىردى.
اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن كەزدەسۋگە قاتىناستى.
ما شيڭرۇي بىلاي دەدى: كوپشىلىكپەن ۇرىمجىدە كەزدەسكەنىمە وتە قۋانىشتىمىن، مەن اۆتونوميالى رايوندىق پارتكوم مەن ۇكىمەت اتىنان كوپشىلىكتىڭ شينجياڭعا قىزمەت تەكسەرىپ، پىكىر اۋىستىرۋعا كەلگەندىگىن قارسى الامىن. باس شۋجي شي جينپيڭ جانە پارتيا ورتالىق كوميتەتى شينجياڭ قىزمەتىنە ايرىقشا ٴمان بەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىرىپ، مەملەكەت جالپى جاعدايىندا شينجياڭعا ەرەكشە ماڭىزدى ستراتەگيالىق ورىن بەلگىلەپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭ قۇرۋعا تاماشا جوبا كەسكىندەپ، پارمەندى قوزعاۋشى كۇش ۇستەدى. شينجياڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، قوعامدىق كەلەلى جاعدايدىڭ ورنىقتىلىعىن باتىل قورعاپ، ەكونوميكانىڭ ورنىقتى ارتۋىن جەدەل ىلگەرىلەتىپ، جوعارى دەڭگەيدە ىشكە، سىرتقا ەسىك اشۋدى ۇزدىكسىز كەڭەيتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، جوعارى ساپالى دامۋدا جالىندى ومىرشەڭ كۇش ايگىلەدى، جاڭا دامۋ ارناسىنا قىزمەت وتەۋدە جانە ونىمەن توعىسۋدا تىڭ ىلگەرىلەۋشىلىككە قول جەتكىزدى. شينجياڭ مەن اۋمىن مەملەكەتتىڭ دامۋىندا تۇگەلدەي ماڭىزدى بورىش ارقالاپ وتىر. ەكى جاقتىڭ ناقتى ىستەر سەلبەستىگىن تەرەڭدەتىپ، ”ٴبىر بەلدەۋ، ٴبىر جول“ بازارىن قول ۇستاسا اشىپ، ەكونوميكا ـ ساۋدا اۋىس ـ كۇيىسىن ۇزدىكسىز كەڭەيتىپ، مادەنيەت ـ ساياحات سەلبەستىگىن تەرەڭدەتىپ، مەملەكەتتىڭ دامۋ جالپى جاعدايىنا قىزمەت وتەۋگە بىرگە تىڭ ۇلەس قوسۋىن ٴۇمىت ەتەمىن.
ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسىنىڭ ورىنباسار مەڭگەرۋشىسى لۇي يۇييىن مىنالاردى ٴبىلدىردى: تەكسەرۋ ۇيىرمەسىنىڭ وسى رەت شينجياڭعا كەلۋى، باستىسى، باس شۋجي شي جينپيڭنىڭ اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا قاتىناسقاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، مەملەكەت جاعدايىن جانە شينجياڭنىڭ رايون جاعدايىن ۇعىسىپ، اۋمىن _ شينجياڭ ەكى جەردىڭ سەلبەستىگىن تەرەڭدەتىپ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم جاقسى توعىسۋىن ىلگەرىلەتۋ ٴۇشىن بولىپ تابىلادى. بيىل _ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى. 70 جىلدان بەرى، شينجياڭ ٴتۇرلى ىستەردىڭ دامۋىندا وراسان زور تابىستارعا قول جەتكىزدى، ٴار سالاداعى وزگەرىستەر كۇن سايىن جاڭالانۋدا، ۋاكىلدەر ۇيىرمەسى مۇنى شىن جۇرەكتەن قۇتتىقتايدى. وسى رەتكى شينجياڭ ساپارى ٴبىر رەتكى ۇيرەنۋ، تەكسەرۋ ساپارى، اۋىس ـ كۇيىس، سەلبەستىك ساپارى، شينجياڭنىڭ ٴىس تىندىرىپ ناتيجە جاراتۋداعى باعالى تاجىريبەلەرىن مۇقيات ۇيرەنىپ، اۋمىن مەن شينجياڭنىڭ باسىمدىقتار ارقىلى ٴبىرىن ـ ٴبىرى تولىقتاۋىن، ٴوزارا پايدا جەتكىزۋ سەلبەستىگىن كۇشەيتىپ، مەملەكەتتىڭ دامۋىنا قول ۇستاسا قىزمەت وتەۋىن جەبەيدى.
اۋمىن جۇڭحۋا باس ساۋدا قوعامىنىڭ، ساۋدا ـ ونەركاسىپشىلەر بىرلەستىگىنىڭ قاتىستى جاۋاپتىلارى مەن كاسىپورىنشىلار ۋاكىلدەرى ٴسوز سويلەپ، مىنالاردى ٴبىلدىردى: قازىر شينجياڭنىڭ ەكونوميكالىق، قوعامدىق دامۋ جاعدايى بەلسەندى، ناتيجەسى كورنەكتى، ساۋدا قوعامى مەن كاسىپورىننىڭ ارتىقشىلىعىن تياناق ەتىپ، قاتىستى سالالارداعى سەلبەستىكتى بەلسەنە ورىستەتىپ، ونەركاسىپ ـ ساۋدا سالاسىنىڭ كوپىرلىك، دانەكەرلىك رولىن ويداعىداي ساۋلەلەندىرىپ، ەكى جەردىڭ سەلبەستىگىنە، دامۋىنا اناعۇرلىم كوپ ۇلەس قوسامىز.
چىن ۋيجۇن، ۋاڭ جيانشين، ەلزات احمەتجان، قادەن كابەن، جين جىجىن، ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسىندەگى قاتىستى جولداستار، اۆتونوميالى رايوننىڭ قاتىستى ورىندارى مەن كاسىپورىندارىنداعى جاۋاپتى جولداستار كەزدەسۋگە قاتىناستى.
