ٴزۇمىرات وبۇل نىلقىدا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
حالىق قۇرىلتايى ٴتۇزىمى باسىمدىعىنىڭ نەگىزگى ساتىنى باسقارۋ ونىمدىلىگىنە اناعۇرلىم ويداعىداي اينالۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 5 ـ ايدىڭ 14 ـ كۇنى نىلقىدان حابارلايدى. تاياۋدا اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ىلە قازاق اۆتونوميالى وبلىسىنىڭ نىلقى اۋدانىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، قىزمەت جاۋاپكەرشىلىگىن زاڭ بويىنشا اتقارىپ، حالىق قۇرىلتايى ٴتۇزىمىنىڭ باسىمدىعىن دامۋ باسىمدىعىنا جانە نەگىزگى ساتىنى باسقارۋ ونىمدىلىگىنە اناعۇرلىم ويداعىداي اينالدىرۋدى ىلگەرىلەتۋ كەرەك.
ٴزۇمىرات وبۇل قاراتوبە اۋىلى تاڭبالى مال شارۋاشىلىق رايونى كيىز ٴۇي ۋاكىلدەر بايلانىس پۋنكتىنە بارىپ، كۇندەلىكتى جۇمىس، سايلاۋشىلاردى قابىلداۋ جانە بۇقارانىڭ پىكىرىن ٴبىر جاقتى ەتۋ جاعدايىن ەگجەي ـ تەگجەيلى ۇعىسىپ، نەگىزگى ساتى حالىق قۇرىلتايى ۋاكىلدەرىمەن اڭگىمەلەسىپ، پىكىر اۋىستىردى ٴارى ۇسىنىس ـ پىكىرلەردى تىڭدادى. ول بىلاي دەپ اتاپ كورسەتتى: كيىز ٴۇي ۋاكىلدەر بايلانىس پۋنكتىن قۇرۋ مال شارۋاشىلىق رايونىنىڭ ەرەكشەلىگىنە ۇيلەسەدى، مالشى بۇقارا قاي جەردە بولسا، ۋاكىلدەردىڭ بايلانىس جاساپ قىزمەت وتەۋىنىڭ، رولىن ساۋلەلەندىرۋىنىڭ سول جەرگە جەتكىزىلۋىنە شىنايى كەپىلدىك ەتتى. جالپى بارىستىق حالىق دەموكراتياسى كەلەلى ۇستانىمىن امالياتتا ايگىلەپ، حالىق تىلەگىن قابىلداۋدى، حالىقتىڭ اقىل ـ پاراساتىن توپتاۋدى كوزدە ۇستاپ، ۋاكىلدەردىڭ پۋنكتكە بارىپ ۇيرەنۋى، ۇگىتتەۋى، ۇگىت لەكسيا جاساۋى، سايلاۋشى بۇقارانى قابىلداۋى سياقتى قىزمەت مەحانيزمىن كەمەلدەندىرىپ، بۇقارا اڭىس ەتكەن ماسەلەلەردى جيناۋ، بىتىرۋگە جىبەرۋ، قۋزاپ ٴبىتىرۋ، جاۋاپ قايتارۋ جابىق تىزبەگىن ورناتىپ، مالشى بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋدى زاڭ بويىنشا ىلگەرىلەتىپ، نەگىزگى ساتىنى باسقارۋعا اناعۇرلىم ويداعىداي دەم بەرۋ كەرەك.
شينجياڭ تيانيۇن ورگانيكالىق اۋىل شارۋاشىلىعى شەكتى سەرىكتەستىگى مەن نىلقى باتىس بولىك اۋماعىنداعى 1 ـ ، 2 ـ ، 3 ـ كاسىپتەردى توعىسپالى دامىتۋ نىسانى قۇرىلىسىنىڭ جۇمىس باسىندا ٴزۇمىرات وبۇل كاسىپورىننىڭ ٴوندىرىس، شارۋاشىلىق، نىسان قۇرىلىسىنىڭ ىلگەرىلەتىلۋ جاعدايىن ەگجەي ـ تەگجەيلى ۇعىستى. ول بىلاي دەپ باسا دارىپتەدى: اۋداندىق، اۋىلدىق حالىق قۇرىلتايلارى وزەكتى ارقاۋ ەتۋگە، كەلەلى جاعدايعا قىزمەت ەتۋگە تاباندى بولىپ، ٴتۇزىم باسىمدىعىن تولىق ساۋلەلەندىرۋ، مىندەتىن زاڭ بويىنشا اتقارۋ تۇرعىسىنان كىرىسۋ ٴتۇيىنى مەن قامال الۋ ٴتۇيىنىن ٴداپ باسىپ تاۋىپ، وڭىرلىك رەفورما، دامۋ، ورنىقتىلىق كەلەلى جاعدايىمەن جاپپاي توعىسىپ، پارتكوم ورنالاستىرۋ جاساعاندا حالىق قۇرىلتايى ارەكەتتەنەتىن بولۋدى ورىنداۋى كەرەك. حالىقتى بايىتىپ شينجياڭدى گۇلدەندىرۋدى ارقاۋ ەتىپ، حالىق قۇرىلتايىنىڭ باقىلاۋ قىزمەتىن ناقتى ىستەپ، قازىنا، ەكونوميكا قىزمەتىن باقىلاۋدى كورنەكتىلەندىرىپ، نازاردى كەلەلى كاسىپ سالاسى نىساندارى، ۇكىمەت قارىزى جانە مەملەكەت مەنشىگىندەگى مال ـ مۇلىكتى باسقارۋ، شارۋاشىلىق ـ ساۋدا ورتاسى، اۋىل ـ قىستاقتى گۇلدەندىرۋ، ەكولوگيالىق ورتانى قورعاۋ، سونداي ـ اق ”14 ـ بەسجىلدىق“ جوبانى اياقتاتۋ جانە ”15 ـ بەسجىلدىق“ جوبانى جاساۋ سياقتى ٴتۇيىندى قىزمەتتەرگە شوعىرلاندىرىپ، باقىلاۋدى كۇشەيتىپ، ەكونوميكانىڭ جوعارى ساپالى دامۋىن زاڭمەن باسقارۋ جاعىنان قامتاماسىز ەتۋ كەرەك. ۋاكىلدەردىڭ مىندەت وتەۋىن جوعارى ساپالى دامۋعا قىزمەت وتەۋمەن ۇشتاستىرۋعا تاباندى بولىپ، اۆتونوميالى رايوننىڭ ”ون ٴىرى كاسىپ سالاسى شوعىرىمەن“ تىعىز بايلانىستىرىپ، جەرگىلىكتى ورىننىڭ ٴىس جۇزىندىك جاعدايىمەن ۇشتاستىرىپ كاسىپتىك ۋاكىلدەر گرۋپپاسىن قۇرۋ جونىندە ىزدەنىس جاساپ، كاسىپ سالاسىنىڭ دامۋىنداعى كىلتەڭ ماسەلەلەردى شەشۋگە، كاسىپ سالاسىنىڭ دامۋ دەڭگەيىن جوعارىلاتۋعا دەم بەرىپ، بۇقارانىڭ جۇمىستانىپ، كىرىسىن ارتتىرۋىنا، تۇرمىسىن جاقسارتۋىنا جەتەكشىلىك ەتۋ كەرەك.
لي نيڭپيڭ تەكسەرۋ ـ زەرتتەۋگە قاتىناستى.
