«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ورتالىقتىڭ سەگىز ٴتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، تاڭداۋلى پارتيا ستيلى ارقىلى قوعامدىق سالتقا، حالىق سالتىنا جەتەكشىلىك ەتۋ كەرەك
شينحۋا اگەنتتىگىنىڭ 5 ـ ايدىڭ 15 ـ كۇنى بەيجيڭنەن بەرگەن حابارى. 5 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 10 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «ورتالىقتىڭ سەگىز ٴتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، تاڭداۋلى پارتيا ستيلى ارقىلى قوعامدىق سالتقا، حالىق سالتىنا جەتەكشىلىك ەتۋ كەرەك» اتتى ماڭىزدى ماقالاسىن جاريالايدى. وعان باس شۋجي شي جينپيڭنىڭ 2012 ـ جىلى 12 ـ ايدان 2025 ـ جىلى 3 ـ ايعا دەيىنگى مەزگىلدەگى قاتىستى ماڭىزدى بايىمداۋلارىنان ۇزىندىلەر ەنگىزىلگەن.
ماقالادا مىنالار باسا دارىپتەلدى: پارتيا ستيلى ماسەلەسى بيلىك باسىنداعى پارتيانىڭ ٴومىر ٴسۇرۋى مەن قۇرىپ ـ جوعالۋىنا سايادى. ستيل قۇرىلىسى پارتيامىزدىڭ ۇزاق ۋاقىت بيلىك جۇرگىزە الۋ ـ الماۋىنا، بيلىك جۇرگىزۋ بورىشىن ويداعىداي اتقارا الۋ ـ الماۋىنا سايادى. پارتيا 18 ـ قۇرىلتايىنان بەرى، ٴبىز پارتيا ىشىندە ورىن تەۋىپ وتىرعان ٴتۇرلى ماسەلەلەر مەن كىناراتتارعا بەتپە ـ بەت كەلىپ، ورتالىقتىڭ سەگىز ٴتۇرلى بەلگىلەمەسىن بەلگىلەۋدەن جانە ونى اتقارۋدان باستاپ ماسەلەنى شەشىپ، جاڭا جاعدايداعى ستيل قۇرىلىسىندا نەنى يگەرۋ، قالاي يگەرۋ ماسەلەسىن شەشىپ، پارتيانى جاپپاي قاتاڭ باسقارۋدى ىلگەرىلەتتىك. جاڭا داۋىردە پارتيانى جاپپاي قاتاڭ باسقارۋ سىندى توڭكەرىستىك شىڭدالۋدان ٴوتۋ ارقىلى تارتىپتە بوساڭسۋ، ستيلدە تۇرلاۋسىز بولۋ جاعدايى كورنەكتى جاقسارىپ، شىنايى باسقارۋ، شىنايى قاتايتۋ، باتىلدىقپەن باسقارۋ، باتىلدىقپەن قاتايتۋ، ۇزاق ۋاقىت باسقارۋ، ۇزاق ۋاقىت قاتايتۋ رايى نەگىزىنەن قالىپتاسىپ، پارتيا ستيلى، ۇكىمەت ستيلى شىت جاڭارىپ، قوعام ستيلى، حالىق ستيلى ۇزدىكسىز جاقسارىپ، پارتيانىڭ حالىق جۇرەگىندەگى وبرازى قايتا سومدالدى.
ماقالادا مىنالار اتاپ كورسەتىلدى: سەگىز ٴتۇرلى بەلگىلەمەنىڭ جەتەكشى يدەياسى — قاتاڭ تالاپ قويۋ، پارتيانى پارتيا باسقارۋدى، پارتيانى قاتاڭ باسقارۋدى ايگىلەۋ، ورتالىق كوميتەت ساياسي بيۋروسىنان باستاپ كىرىسىپ قىزمەت ستيلىن جاقسارتۋ. پارتيا 18 ـ قۇرىلتايىنان بەرى، ورتالىق كوميتەت ساياسي بيۋروسىنىڭ باستاماشىلدىقپەن ستيلدى جاقسارتىپ، ورتالىقتىڭ سەگىز ٴتۇرلى بەلگىلەمەسىن قاتاڭ اتقارۋى ٴىس جۇزىندىك ارەكەتى ارقىلى بۇكىل پارتيانىڭ ستيلدى جاقسارتۋىنا جاقسى ۇلگى بولۋ ٴۇشىن. ٴار دارەجەلى باسشى كادرلار جوعارى ارقىلى تومەنگە باستاماشى بولىپ، جوعارىدان تومەنگە قاراي ىستەپ، ٴبىر دارەجە ٴبىر دارەجەنى باستاپ، ٴبىر دارەجە ٴبىر دارەجەگە ىستەپ كورسەتىپ، سانالى تۇردە ۇلگىلىك، باستاماشىلدىق رول اتقارۋى كەرەك. تەك شىنداپ كىرىسىپ يگەرسەك بولعانى شەشىلمەيتىن ماسەلە بولمايدى.
ماقالادا مىنالار اتاپ كورسەتىلدى: ستيل ماسەلەسى، ماندىك جاقتان ايتقاندا، پارتيالىلىق ماسەلەسى. ”ٴتورت بۇرىس ستيل“ ماسەلەسى تۇبىرىنەن پارتيالىلىققا قايشى، باس ماقساتتان كوز جازعاندىق. ستيل قۇرىلىسىن كۇشەيتۋدە، ٴسوز جوق، پارتيانىڭ حالىق بۇقاراسىمەن ەتەنە بايلانىسىن ساقتاۋ سىندى وسى ٴبىر شەشۋشى تۇيىننەن جازباي، ورتالىقتىڭ سەگىز ٴتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، ”ٴتورت بۇرىس ستيلدى“ تۇزەتۋدى ۇزدىكسىز تەرەڭدەتىپ، ”قالجىراۋ جالپى بەلگىلەرىنىڭ“ تۋىلۋىنان باتىل ساقتانىپ، راحاتقۇمارلىق، ىسىراپشىلدىق سياقتى بۇرىس سالت، ناشار ادەتتەر بەلەڭ بەرسە بولدى سوققى بەرىپ، ”ٴتورت بۇرىس ستيلدىڭ“ كومەسكىلەنگەن، وزگەرگەن جاڭا اۋانىنان ٴسات سايىن ساقتانىپ، قايتا باس كوتەرۋىنە استە جول قويماۋ كەرەك! فورماشىلدىقتى، تورەشىلدىكتى تۇزەتۋدى اناعۇرلىم كورنەكتى ورىنعا قويىپ، ستيل قۇرىلىسىنىڭ ٴتۇيىندى مىندەتى ەتىپ، باعىتتامالى شارالاردى زەرتتەپ، عىلمي، دالمە ـ ٴدال نىسانالى وڭاپ، شىنداپ كىرىسىپ ناقتى ونىمدىلىككە ۇمتىلۋ كەرەك. تەك تاستى دومالاتىپ تاۋعا شىعاراتىن جىگەرمەن، كەزەڭ اسىپ كەدەرگىلەردەن وتەتىن باتىلدىقپەن تاباندىلىقتى ساقتاپ، تيتتەي دە جول بەرمەسەك، وڭاۋدى تەرەڭدەتىپ، تياناقتاندىرىپ ونىمدىلىك كورسەتسەك، جەمەڭگەرلىك بىرتىندەپ جويىلىپ، جامان سالت تەگىس تيىلىپ، ادىلدىك ورنايتىن، تىنىشتىق ورنايتىن جاعداي بىرتىندەپ جۇزەگە اسادى.
ماقالادا مىنالار باسا دارىپتەلدى: ستيل قۇرىلىسى ماڭگى جالعاسادى، اياقتامايدى. ورتالىقتىڭ سەگىز ٴتۇرلى بەلگىلەمەسىن جاساپ اتقارۋ — پارتيامىزدىڭ جاڭا داۋىردەگى حالىقتىڭ سەنىمىنە يە بولۋ شاراسى، ٴسوز جوق، قاجىماي ـ تالماي ۇنەمى يگەرىپ، ۇزاق ۋاقىت ەڭبەكتەنۋ، 10 جىل جەتپەسە 20 جىل، 20 جىل جەتپەسە 30 جىل، ناعىز سالتقا اينالعانعا دەيىن جالعاستىرىپ، تاڭداۋلى پارتيا ستيلى ارقىلى قوعامدىق سالتقا، حالىق سالتىنا جەتەكشىلىك ەتۋ كەرەك. تاسقا تاڭبا، تەمىرگە ٴىز قالدىراتىن تەبىنمەن يگەرىپ، ٴساتتى باستاپ، ٴساتتى اياقتاتۋىمىز، شەبەرلىكپەن ىستەپ، شەبەرلىكپەن ناتيجە جاراتۋىمىز كەرەك. پارتيا ورتالىق كوميتەتى بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋدى بەلگىلەدى، بۇل بيىلعى پارتيا قۇرىلىسى قىزمەتىنىڭ ٴتۇيىندى مىندەتى. ٴار دارەجەلى پارتيا ۇيىمدارى مۇقيات ۇيىمداستىرىپ اتقارىپ، پارتيا مۇشەلەرىنىڭ، كادرلاردىڭ تاباندىلىقتى كۇشەيتىپ، ادەت قالىپتاستىرۋىن جەبەپ، تاماشا ستيلمەن زەيىن ـ زەردە، كۇش ـ قۋات ۇيىستىرۋى، ٴىس تىندىرىپ ناتيجە شىعارۋى كەرەك.
