شينحۋا اگەنتتىگىنىڭ 5 ـ ايدىڭ 15 ـ كۇنى بەيجيڭنەن بەرگەن حابارى. 5 ـ ايدىڭ 14 ـ كۇنى مەملەكەت ٴتوراعاسى شي جينپيڭ جان ـ ليۋسيەن ساۆي دەتوۆعا تەلەگرامما جولداپ، ونىڭ توگو رەسپۋبليكاسىنىڭ زۇڭتۇڭدىعىنا تاعايىندالعاندىعىن قۇتتىقتادى. سول كۇنى ٴتوراعا شي جينپيڭ فور ەسسوزيمنا گناسسينبەگە دە تەلەگرامما جولداپ، ونىڭ توگو رەسپۋبليكاسى مينيسترلەر كەڭەسىنىڭ ٴتوراعالىعىنا تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن توگونىڭ دوستىق قارىم ـ قاتىناسىن ەكى ەلدىڭ ٴار داۋىردەگى باسشىلارى بىرگە سومداعان جانە دەن قويا جەتىلدىرگەن. جارتى عاسىردان استام ۋاقىتتان بەرى، ەكى جاق باستان ـ اياق شىنايى دوستىققا، تەڭ تۇرعىدا ٴوزارا سەنىمدىلىككە، سەلبەسىپ تەڭ يگىلىككە كەنەلۋگە تاباندى بولىپ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴبىرىن ـ ٴبىرى باتىل قولداپ، ۇلكەن ـ كىشى ەلدەردىڭ تەڭ تۇرعىدا مامىلە جاساۋىنىڭ جانە جەر شارىنىڭ وڭتۇستىگىنىڭ ىنتىماقتاستىعىنىڭ، سەلبەستىگىنىڭ ۇلگىسىنە اينالدى. 2024 ـ جىلعى جۇڭگو - افريكا سەلبەستىك تالقى مىنبەرى بەيجيڭ باسشىلار ٴماجىلىسى كەزىندە جۇڭگو - توگو قارىم ـ قاتىناسى جالپى بەتتىك ستراتەگيالىق سەرىكتەستىك قارىم ـ قاتىناس دەڭگەيىنە كوتەرىلىپ، ەكى ەل قارىم ـ قاتىناسىنىڭ تىڭ پاراعىن اشتى. مەن جۇڭگو - توگو قارىم ـ قاتىناسىنىڭ دامۋىنا ايرىقشا ٴمان بەرەمىن، توگو باسشىلارىمەن بىرگە قۇلشىنىپ، جۇڭگو - افريكا سەلبەستىك تالقى مىنبەرى بەيجيڭ باسشىلار ٴماجىلىسى جەتىستىكتەرىن تياناقتاندىرۋدى وراي ەتىپ، ٴداستۇرلى دوستىقتى جالعاستىرىپ، ٴار سالاداعى سەلبەستىكتى كەڭەيتىپ، ەكى ەلدىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ مازمۇنىن ۇزدىكسىز بايىتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
سول كۇنى مەملەكەتتىك كەڭەستىڭ زۇڭليى لي چياڭ دا تەلەگرامما جولداپ، فۋلەيدىڭ توگو رەسپۋبليكاسى مينيسترلەر كەڭەسىنىڭ ٴتوراعالىعىنا تاعايىندالعاندىعىن قۇتتىقتادى.
