شينحۋا اگەنتتىگىنىڭ 5 ـ ايدىڭ 15 ـ كۇنى بەيجيڭنەن بەرگەن حابارى. تاياۋدا مەملەكەت ٴتوراعاسى شي جينپيڭ جۇڭگو دانيا ساۋدا قوعامىنىڭ جاۋاپتىسىنا جاۋاپ حات جازىپ، جۇڭگو دانيا ساۋدا قوعامىن جانە مۇشە كاسىپورىنداردى جۇڭگو مەن دانيانىڭ، جۇڭگو مەن ەۆروپانىڭ دوستىعىن كۇشەيتۋگە جانە ٴوزارا پايدا جەتكىزۋ سەلبەستىگىن تەرەڭدەتۋگە تىڭ ۇلەس قوسۋعا ىنتالاندىردى.
شي جينپيڭ بىلاي دەپ اتاپ كورسەتتى: حاتىڭىزدان ٴسىزدىڭ جۇڭگوعا تەرەڭ سۇيىسپەنشىلىگىڭىز بەن دانيانىڭ جۇڭگوداعى كاسىپورىندارىنىڭ جۇڭگونىڭ بولاشاق دامۋىنا دەگەن سەنىمىن سەزىندىم، مەن مۇنى القايمىن. جۇڭگو — بۇرىن شەتەل ساۋداگەرلەرىنىڭ ارمانداعىداي حاۋىپسىز، ٴىس تىندىرۋىنا بولاتىن قارجى قوسۋداعى نىسانالى جەرى، قازىر دە، بولاشاقتا دا، ٴسوز جوق، سولاي بولا بەرەدى. جۇڭگوعا سەنۋ — بولاشاققا سەنگەندىك، جۇڭگوعا قارجى قوسۋ — بولاشاققا قارجى قوسقاندىق. جۇڭگو دانيا ساۋدا قوعامى مەن مۇشە كاسىپورىنداردىڭ جۇڭگو مەن دانيا، جۇڭگو مەن ەۆروپا اراسىندا كوپىرلىك رولىن ۇزدىكسىز ساۋلەلەندىرىپ، جۇڭگو مەن دانيانىڭ، جۇڭگو مەن ەۆروپانىڭ ٴوزارا ٴتۇسىنىسۋى مەن دوستىعىن كۇشەيتۋگە، ەكى جاقتىڭ ٴوزارا پايدا جەتكىزۋ سەلبەستىگىن تەرەڭدەتۋگە ۇلەس قوسۋىن ٴۇمىت ەتەمىن.
بىرنەشە كۇننىڭ الدىندا جۇڭگو دانيا ساۋدا قوعامىنىڭ جاۋاپتىسى ٴوز اتىنان جانە ساۋدا قوعامى اتىنان ٴتوراعا شي جينپيڭگە حات جولداپ، جۇڭگو مەن دانيانىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن قۇتتىقتاپ، جۇڭگومەن سەلبەستىكتى ۇزدىكسىز تەرەڭدەتۋ تىلەگىن بىلدىرگەن بولاتىن.
