ەلىمىزدىڭ جەكە گەنەراتورلار سيىمدىلىعى ەڭ ۇلكەن ”قۇمدى ٴشول، قۇبا ٴتۇز، قۋاڭ دالا“ فوتوۆولت نىسانى ساۋدالىق اينالىمعا تۇسەدى
كوگىلدىر تەڭىزدەي فوتوۆولت شەبى
بەتاشار
باتىستىڭ گازىن شىعىسقا جەتكىزۋ، باتىستىڭ ەلەكترىن شىعىسقا جەتكىزۋ، حوتان - چارقىلىق تەمىر جولى... كەڭ كوسىلگەن شينجياڭنىڭ بايتاق دالاسىندا ”ەل تاڭدانار دۇنيەنىڭ عاجابى“ بولعان ايبىندى ٴىرى ينجەنەريالار قۇلاشىن كەڭ جايعان جاڭا ٴداۋىر كارتيناسىن قالىپتاستىرىپ، جوعارى ساپالى دامۋعا جەتەكشىلىك ەتۋدىڭ، ٴار ۇلت بۇقاراسىنا تيىمدىلىك جاساۋدىڭ كۇشتى قوزعالتقىشىنا اينالىپ، جۇڭگو ۇلگىسىندەگى وسىزامانداندىرۋ قۇرىلىسىنا پارمەندى تىرەك ازىرلەدى.
اۆتونوميالى رايون قۇرىلعاندىعىنىڭ 70 جىلدىعى قارساڭىندا جۇڭگو ۇلگىسىندەگى وسىزامانداندىرۋدىڭ شىنجياڭ امالياتىنىڭ جاندى حيكايالارىن ويداعىداي بايانداۋ ٴۇشىن، انار بۇلت \ شينجياڭ گازەتى بۇگىننەن باستاپ ”ٴىرى ەل ينجەنەرياسىنان شينجياڭعا نازار“ ارناۋلى ايدارىن اشىپ، شينجياڭنىڭ كەلەلى ينجەنەريالارىنىڭ قۇرىلىس بارىسىن، كورنەكتى تابىستارىن، سونداي ـ اق تەرەڭ ىقپالىن جان ـ جاقتى ايگىلەپ، شينجياڭنىڭ بۇكىل ەلمەن بىرگە جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ سەنىمى مەن كۇش ـ قۋاتىن كوپ تۇرعىدان ايگىلەيدى.
انار بۇلت \ شينجياڭ گازەتىنىڭ ٴتىلشىسى يۇي جياڭيان 5 ـ ايدىڭ 15 ـ كۇنى چارقىلىقتان حابارلايدى. 5 ـ ايدىڭ 15 ـ كۇنى شىجىعان ىستىق ”اجال تەڭىزى“ اتالعان تاكلاماكان ٴشولىن وتقا قاقتاپ تۇرعانداي، ٴشولدىڭ شىعىس وڭتۇستىك جيەگىنە ورنالاسقان جۇڭگو لۇيفا توبى شينجياڭ جۇڭلۇي ەلەكترى چارقىلىق 4 ميلليون كيلوۆاتتىق فوتوۆولت نىسانى جۇمىس باسىندا ينجەنەريا تەحنولوگتارى ٴتۇرلى جۇيەلەردى سىناقتان وتكىزىپ، نىساننىڭ جاقىندا ساۋدالىق جۇمىس جۇرگىزۋىنە دايىندالۋدا.
سول كۇنى ”ٴىرى ەل ينجەنەرياسىنان شينجياڭعا نازار“ حابارلاۋ ۇجىمى نىسان جۇمىس باسىنا كەلىپ، ينجەنەريا كولەمىنە قاراپ تاڭ قالدى. قاراۋىل مىنبەسىنەن تومەنگە كوز جىبەرگەندە، كوگىلدىر تەڭىزدەي فوتوۆولت تىزبەكتەرىنىڭ ۇزىندىعى، كەڭدىگى ايىرىم ـ ايىرىم شامامەن 9 كيلومەتر كەلىپ، تۇرعان جەرىنەن الىستاعى التىن تاۋعا دەيىن سوزىلىپ جاتىر. بۇل اۋماقتىڭ يەلەگەن جەر اۋدانى 76.02 شارشى كيلومەتر بولىپ، 10 مىڭ 647 ولشەمدى فۋتبول الاڭىمەن قارايلاس كەلەدى.
بۇل ەلىمىزدىڭ جەكە گەنەراتورلار سيىمدىلىعى ەڭ ۇلكەن ”قۇمدى ٴشول، قۇبا ٴتۇز، قۋاڭ دالا“ فوتوۆولت نىسانى، 2024 ـ جىلى 12 ـ ايدا تورعا جالعانىپ ىسكە قوسىلدى، مەجەمەن 5 ـ ايدىڭ سوڭىندا ساۋدالىق جۇمىس جۇرگىزۋگە كىرىسەدى. ”ساۋدالىق جۇمىس جۇرگىزۋگە اينالدىرۋ راسمياتى جالپى 21 ٴتۇر، تەڭگەرۋدى اۆتوماتتاندىرۋ جۇيەسىن بىرىكتىرىپ رەتتەۋ، سىناقتان وتكىزۋ، ەلەكتر قۋاتى ساپاسىن تەكسەرۋ، ولشەۋ، ۋاقىتتىق كۇيدە ۇلگىلەۋ جۇيەسى سياقتى 15 ٴتۇرلى راسميات ٴبىتتى“، ـ دەدى جۇڭگو لۇيفا توبى شينجياڭ جۇڭلۇي ەلەكتر تەحنولوگياسى شەكتى سەرىكتەستىگى چارقىلىق ٴوڭىرى اينالىمدى تەكسەرۋ ورتالىعىنىڭ ورىنباسار ديرەكتورى گو شياۋياڭ.
بۇل نىسانعا 2 ميلليون 600 مىڭ قازىق فونتاميتى، 6 ميلليون 47 مىڭ 861 فوتوۆولت تاقتاسى ورناتىلعان. ”وسىنشاما ۇلكەن فوتوۆولت نىسانىن تەك ادام كۇشىمەن شارلاپ تەكسەرۋگە كوپ ۋاقىت جۇمسالادى“. گو شياۋياڭ بىلاي دەدى: فوتوۆولت نىسانىنىڭ ەلەكتر تاراتۋىنىڭ جوعارى ونىمدىلىگىن قامتاماسىزداندىرۋ ٴۇشىن، كەيىنگى مەزگىلدە ۇشقىش اپپاراتتىڭ جىلۋ ارقىلى كەسكىن ٴتۇسىرۋ تەحنولوگياسىن فوتوۆولت تاقتاسىن شارلاپ تەكسەرۋگە ىستەتەدى.
مۇنداي ٴىرى نىساندى باسقارۋعا كوپ ادام قاجەت ەمەس. نىساندا جالپى سيفرلانعان 4 جاڭاشا فوتوۆولت ەلەكتر ستانسياسى بار، زەردەلى تەرمينال باسقارۋ جۇيەسى ارقىلى پۋنكتتى باسقارىپ زەردەلى تەلە كامەرا، شارلاپ تەكسەرۋ ۇشقىش اپپاراتى، شارلاپ تەكسەرۋ قۇلتەمىرى، تازالاۋ قۇلتەمىرى، ۇلكەن ساندى مالىمەت، بۇلتتىق ەسەپتەۋ، جاساندى زەردە سياقتى جابدىقتارعا جانە تەحنولوگيالارعا سۇيەنىپ بايلىقتى ساپالى ۇلەستىرىپ ورنالاستىرۋدى جۇزەگە اسىرىپ، ەڭ سوڭىندا ”ادامسىز“ زەردەلى باسقارۋعا قول جەتكىزەمىز.
چارقىلىق اۋدانى قۇرلىقتىق قوڭىرجاي بەلدەۋدىڭ قۋاڭ، جارتىلاي قۋاڭ كليمات وڭىرىنە جاتادى، كليماتى قۇرعاق، جەل كۇشتى، شاڭ ـ توزاڭ كوپ. ”ٴشول جيەگىنە ورناتىلعان فوتوۆولت تاقتاسى ەلەكتر تاراتۋ جابدىعى ٴارى قۇمدى بوراندى توساتىن قالتقى، جەر بەتىندەگى جەل قارقىنىن ٴونىمدى تومەندەتەدى، جەلدىڭ جەمىرۋىن ازايتادى، قۇمنىڭ كوشۋىن توسادى“، ـ دەدى جۇڭگو لۇيفا توبى شينجياڭ جۇڭلۇي ەلەكتر تەحنولوگياسى شەكتى سەرىكتەستىگى چارقىلىق ٴوڭىرى اينالىمدى تەكسەرۋ ورتالىعىنىڭ ديرەكتور كومەكشىسى شىن جينشيڭ.
ەسەپتەۋگە نەگىزدەلگەندە، بۇل نىسانعا ورناتىلعان فوتوۆولت تاقتاسىنىڭ كۇن نۇرىن توسۋ اۋدانى 58 مىڭ 810 مۋعا جەتەدى، قازىق فونتاميتى 99 مىڭ 82 شارشى مەتر قۇمدى بوگەيدى، قۇمدى توپىراقتى ورنىقتىرىپ، قۇم توبەشىكتەردىڭ كوشۋىن توسادى.
نىسان ساۋدالىق جۇمىس جۇرگىزگەننەن كەيىن مەجەمەن ٴار جىلى تولىق كوتەرىمدىلىكپەن 6 ميلليارد 900 ميلليون كيلوۆات ساعات ەلەكتر تاراتادى، سونىمەن بىرگە 2 ميلليون وتباسىنىڭ ەلەكتردەن ٴبىر جىل پايدالانۋ قاجەتىن قاناعاتتاندىرا الادى، بۇل 2 ميلليون 82 مىڭ 400 توننا وڭدەلمەگەن كومىردى ۇنەمدەپ، 5 ميلليون 718 مىڭ 700 توننا كومىر قىشقىل گازىن از شىعارعانمەن بارابار.
