شي جينپيڭ 35 ـ رەتكى مەملەكەتتىك مۇگەدەكتەرگە كومەكتەسۋ كۇنى بايلانىسىمەن ماڭىزدى نۇسقاۋ بەرىپ، بىلاي دەپ باسا دارىپتەدى
ٴوزىن الۋەتتەندىرۋ ۇلگىلەرىنەن رۋحاني كۇش قابىلداپ، قيىنشىلىقتى، سىن ـ سايىستى باتىلدىقپەن جەڭىپ، ومىرلىك ارمانعا بەلسەنە ۇمتىلۋ كەرەك
لي چياڭ 7 ـ رەتكى مەملەكەتتىك ٴوزىن الۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ ـ سيلاۋ جينالىسىنا قاتىناسقان ۋاكىلدەرمەن كەزدەستى
شينحۋا اگەنتتىگىنىڭ 5 ـ ايدىڭ 16 ـ كۇنى بەيجيڭنەن بەرگەن حابارى. 7 ـ رەتكى مەملەكەتتىك ٴوزىن الۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ ـ سيلاۋ جينالىسى 5 ـ ايدىڭ 16 ـ كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى نۇسقاۋ بەرىپ، 35 ـ رەتكى مەملەكەتتىك مۇگەدەكتەرگە كومەكتەسۋ كۇنى بايلانىسىمەن پارتيا ورتالىق كوميتەتى اتىنان ماداقتالىپ ـ سيلانعان مەملەكەتتىك ٴوزىن الۋەتتەندىرۋ ۇلگىلەرىن جانە مۇگەدەكتەر قىزمەتىندەگى وزات كوللەكتيۆتەردى، وزات جەكەلەردى قۇتتىقتادى، بۇكىل ەلدەگى مۇگەدەكتەرگە، ولاردىڭ تۋىس ـ تۋعاندارىنا، مۇگەدەكتەر ىستەرى قىزمەتكەرلەرىنە سالەم جولدادى.
شي جينپيڭ بىلاي دەپ اتاپ كورسەتتى: مۇگەدەكتەر — جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى كۇش ٴارى ايرىقشا كوڭىل بولۋگە، ايرىقشا نازار اۋدارۋعا مۇقتاج ەرەكشە قيىنشىلىعى بار قاۋىم. جاڭا جورىقتا جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، مۇگەدەكتەر قوعامدىق قامتاماسىزداندىرۋ ٴتۇزىمى مەن قامقورلىق جاساۋ، قىزمەت وتەۋ جۇيەسىن ونان ارى كەمەلدەندىرىپ، مۇگەدەكتەردىڭ تەرەزەسى تەڭ ۇقىق ـ مۇددەسىن شىنايى قامتاماسىزداندىرىپ، مۇگەدەكتەر ىستەرىنىڭ جان ـ جاقتى دامۋىن جەبەۋ كەرەك.
شي جينپيڭ بىلاي دەپ باسا دارىپتەدى: ٴار دارەجەلى پارتكومدار مەن ۇكىمەتتەر مۇگەدەكتەر قىزمەتىنە ايرىقشا ٴمان بەرىپ، مۇگەدەكتەر الەۋمەتتىك قىزمەت وتەۋىنىڭ ساپاسىن ۇزدىكسىز جوعارىلاتىپ، تۇتاس قوعامدا مۇگەدەكتەردى تۇسىنەتىن، مۇگەدەكتەرگە قۇرمەت ەتەتىن، كوڭىل بولەتىن، كومەكتەسەتىن تاماشا رايدى جانە ورتانى بەلسەنە قالىپتاستىرۋى كەرەك. ٴار دارەجەلى مۇگەدەكتەر بىرلەستىگى ۇيىمدارى مەن مۇگەدەكتەر ىستەرى قىزمەتكەرلەرى قىزمەت وتەۋ قابىلەتى مەن دەڭگەيىن ۇزدىكسىز جوعارىلاتىپ، مۇگەدەكتەردىڭ سەنىم ارتاتىن، سۇيەنەتىن سىرلاسى، جان اشىرى بولۋعا قۇلشىنۋى كەرەك. مۇگەدەكتەردىڭ ٴوزىن الۋەتتەندىرۋ ۇلگىلەرىنەن رۋحاني كۇش قابىلداپ، قيىنشىلىقتى، سىن ـ سايىستى باتىلدىقپەن جەڭىپ، ومىرلىك ارمانعا بەلسەنە ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە بەلسەندى ۇلەس قوسۋىن ٴۇمىت ەتەمىن.
جينالىستىڭ الدىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ جينالىسقا قاتىناسقان ۋاكىلدەرمەن كەزدەستى ٴارى كوپشىلىكپەن توپتىق سۋرەتكە ٴتۇستى.
مەملەكەتتىك كەڭەستىڭ مۇشەسى، مەملەكەتتىك كەڭەس مۇگەدەكتەر قىزمەتى كوميتەتىنىڭ مەڭگەرۋشىسى شىن يچين كەزدەسۋگە قاتىناستى ٴارى جينالىستا شي جينپيڭنىڭ ماڭىزدى نۇسقاۋىن جەتكىزدى. وسىدان كەيىن ول سوزىندە مىنالاردى ٴبىلدىردى: باس شۋجي شي جينپيڭنىڭ ماڭىزدى نۇسقاۋى تەرەڭ سۇيىسپەنشىلىككە تولى، مازمۇنى باي، مۇگەدەكتەر مەن مۇگەدەكتەر ىستەرى قىزمەتكەرلەرىن ايرىقشا جىگەرلەندىردى جانە شابىتتاندىردى. باس شۋجيدىڭ تاپسىرماسىن ەستە بەرىك ساقتاپ، سۇيىسپەنشىلىكپەن، جاۋاپكەرشىلىكپەن مۇگەدەكتەرگە قامقورلىق جاساۋدى، كومەكتەسىپ ـ سۇيەمەلدەۋدى جانە ۇقىق ـ مۇددەسىن قامتاماسىزداندىرۋدى ونان ارى كۇشەيتىپ، مۇگەدەكتەردى ٴوزىن الۋەتتەندىرۋگە، ٴوز كۇشىنە سۇيەنىپ ٴومىر سۇرۋگە شابىتتاندىرىپ، تۇتاس قوعامدى مۇگەدەكتەردى سۇيەمەلدەۋگە، مۇگەدەكتەرگە كومەكتەسۋگە جۇمىلدىرىپ، جۇڭگو ۇلگىسىندەگى وسىزامانداندىرۋ ۇردىسىندە مۇگەدەكتەر ىستەرىنىڭ جاپپاي دامۋىن جەبەپ، مۇگەدەكتەردى اناعۇرلىم باقىتتى، تاماشا تۇرمىس جاراتۋعا ىنتىماقتاستىرىپ باستاۋىمىز، ولاردى قولداپ كومەكتەسۋىمىز كەرەك.
جينالىستا 200 ”مەملەكەتتىك ٴوزىن الۋەتتەندىرۋ ۇلگىسى“، 200 ”مەملەكەتتىك مۇگەدەكتەر قىزمەتىندەگى وزات كوللەكتيۆ“ جانە 60 ”مەملەكەتتىك مۇگەدەكتەر قىزمەتىندەگى وزات جەكە“ ماداقتالىپ ـ سيلاندى. بەيجيڭ شينشىڭميڭ قارتتاردى كۇتىمدەۋ، مۇگەدەكتەرگە كومەكتەسۋ قىزمەت وتەۋ ورتالىعىنىڭ مەڭگەرۋشىسى تاڭ جانشين، نيڭشيا ۋجۇڭ قالاسى حۇڭسىپۋ رايونى مۇگەدەكتەر بىرلەستىگىنىڭ باسالقاسى ما گۋاڭبۋ، ەلەكترون عىلىم ـ تەحنولوگيا داشۋەسىنىڭ پروفەسسورى شۇي پىڭ قاتارلى سيلانعان 3 ۋاكىل جينالىستا جەكە ـ جەكە ٴسوز سويلەدى.
جاڭ چيڭۋي، حى باۋشياڭ جانە جاڭ شىڭمين كەزدەسۋگە قاتىناستى ٴارى جينالىسقا قاتىناستى، ۋ جىڭلۇڭ كەزدەسۋگە قاتىناستى.
