انار بۇلت \ شينجياڭ گازەتىنىڭ ٴتىلشىسى لي جياني 5 ـ ايدىڭ 16 ـ كۇنى ۇرىمجىدەن حابارلايدى. 5 ـ ايدىڭ 16 ـ كۇنى 7 ـ رەتكى مەملەكەتتىك ٴوزىن الۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ ـ سيلاۋ جينالىسى بەيجيڭدە اشىلدى، جيىنى 200 ”مەملەكەتتىك ٴوزىن الۋەتتەندىرۋ ۇلگىسى“، 200 ”مەملەكەتتىك مۇگەدەكتەر قىزمەتى وزات كوللەكتيۆى“ جانە 60 ”مەملەكەتتىك مۇگەدەكتەر قىزمەتىندەگى وزات جەكە“ ماداقتالىپ ـ سيلاندى. اۆتونوميالى رايونىمىزدان 5 ادام ”مەملەكەتتىك ٴوزىن الۋەتتەندىرۋ ۇلگىسى“ بولىپ باعالاندى، 5 كوللەكتيۆ ”مەملەكەتتىك مۇگەدەكتەر قىزمەتىندەگى وزات كوللەكتيۆ“ بولىپ باعالاندى، ٴبىر ادام ”مەملەكەتتىك مۇگەدەكتەر قىزمەتىندەگى وزات جەكە“ بولىپ باعالاندى.
جاڭا داۋىردە ەلىمىزدىڭ مۇگەدەكتەر ٴىسىنىڭ دامۋىندا قول جەتكىزگەن كورنەكتى تابىستارىن شوعىرلى ايگىلەپ، تەرەزەسى تەڭ بولۋ، توعىسۋ، بىرگە يگىلىكتەنۋ قۇن ۇستانىمىن كەڭىنەن اسقاقتاتىپ، داڭقتىڭ، ماداقتاپ ـ سيلاۋدىڭ رۋحاني جەتەكشىلىگى مەن تيپتىك ۇلگىلەردىڭ ونەگەلىك رولىن تولىق ساۋلەلەندىرىپ، مۇگەدەكتەردى ٴوزىن قۇرمەتتەۋگە، وزىنە سەنۋگە، ٴوزىن الۋەتتەندىرۋگە، ٴوز كۇشىنە سۇيەنىپ ٴومىر سۇرۋگە ونان ارى ىنتالاندىرىپ، مۇگەدەكتەردىڭ حال ـ جايىن تۇسىنەتىن، ولارعا قۇرمەت ەتەتىن، كوڭىل بولەتىن، كومەكتەسەتىن تاماشا قوعامدىق سالت قالىپتاستىرۋ ٴۇشىن، مەملەكەتتىك كەڭەس مۇگەدەكتەر قىزمەتى كوميتەتى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جۇڭگو مۇگەدەكتەر بىرلەسكەن قوعامى 7 ـ رەتكى مەملەكەتتىك ٴوزىن الۋەتتەندىرۋ ۇلگىلەرىن جانە مۇگەدەكتەرگە كومەكتەسۋ بويىنشا وزاتتاردى باعالاۋ، ماداقتاپ ـ سيلاۋ قيمىلىن ورنالاستىرىپ ورىستەتتى.
وسى رەتكى ماداقتاپ ـ سيلاۋ قيمىلىندا رايونىمىزدان بۋ يۇنشيۋ، چىن ليفىڭ، لۇي جىڭباۋ، اياتقان بەكتۇ، شاۋكەت تىلەۋالدى قاتارلى 5 ادام ”مەملەكەتتىك ٴوزىن الۋەتتەندىرۋ ۇلگىسى“ اتاعىنا؛ شينجياڭ دۇڭفاڭ جينشىڭ شارۋاشىلىق توبى شەكتى سەرىكتەستىگى، قۇمىل جۇڭلي بەتون فۋلي شەكتى جاۋاپكەرشىلىك سەرىكتەستىگى، قۇتىبي اۋدانى ياڭگۋاڭ ساييىن شەكتى سەرىكتەستىگى، ياركەن اۋداندىق مۇگەدەكتەر بىرلەستىگى، كوكتوعاي اۋداندىق مۇگەدەكتەر بىرلەستىگى سىندى 5 كوللەكتيۆ ”مەملەكەتتىك مۇگەدەكتەر قىزمەتىندەگى وزات كوللەكتيۆ“ اتاعىنا؛ ما لي ”مەملەكەتتىك مۇگەدەكتەر قىزمەتىندەگى وزات جەكە“ اتاعىنا يە بولدى.
