سانجى - گۋچۋان تۇراقتى توك جەتكىزۋ ينجەنەرياسى ەنەرگيا تەحنولوگياسىندا جاڭالىق اشۋ ناقتى قۋاتىن ايگىلەدى
دۇنيە ٴجۇزىنىڭ ەلەكتر قۋاتى ”جوعارى قارقىندى جولىندا“ الدىڭعى ورىندا تۇردى
انار بۇلت \ شينجياڭ گازەتىنىڭ ٴتىلشىسى جاڭ جىلي
سەكسەۋىل مەن جىڭعىل قاپتاعان ٴشول دالادا ەلەكتر جەتكىزەتىن تەمىر مۇنارالار بوي كوتەردى، تەمىر مۇنارالار اراسىنداعى كۇمىس ٴتۇستى وتكىزگىش سىم جول بويى شىعىسقا قاراي شينجياڭ ەنەرگيا بازاسىندا توپتالعان وت ەلەكترىن، جەل ەلەكترىن جەتكىزۋدە... 5 ـ ايدىڭ 15 ـ كۇنى ”ٴىرى ەل ينجەنەرياسىنان شينجياڭعا نازار“ جالپىلىق مەديالارىنىڭ حابارلاۋ ۇيىرمەسى شينجياڭ جۇندۇڭ ەكونوميكالىق ـ تەحنولوگيالىق اشۋ رايونىنداعى ۋساي ـ ۋان ٴشول دالاسىنا كەلگەندە، ۇزاقتان ايبىندى سانجى - گۋچۋان ±1100 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىن (تومەندە قىسقارتىلىپ ”سانجى - گۋچۋان تۇراقتى توك جەتكىزۋ ينجەنەرياسى دەلىنەدى“) كوردى.
سانجى - گۋچۋان تۇراقتى توك جەتكىزۋ ينجەنەرياسىنىڭ قاينار كوزى سانجى توك اۋىستىرۋ پۋنكتىنە جاقىنداعان سايىن ەلەكتر جەتكىزۋ، كەرنەۋ وزگەرتۋ جابدىقتارى بارعان سايىن كوبەيە تۇسەدى. اۆتوموبيل تەرەزەسىنەن تىلشىلىك ۇيىرمەسىنىڭ مۇشەلەرى جابال فوتو اپپاراتتارىن كوتەرىپ سۋرەتكە ٴتۇسىرىپ، قاباعات ٴسۇيىندى. 4 ”دۇنيە جۇزىندەگى ەڭ“ — دۇنيە جۇزىندەگى ەلەكتر كەرنەۋ دارەجەسى ەڭ جوعارى، جەتكىزۋ سيىمدىلىعى ەڭ ۇلكەن، ەلەكتر جەتكىزۋ ارالىعى ەڭ ۇزاق، تەحنولوگيالىق دەڭگەيى ەڭ وزىق وسى ەرەكشە جوعارى كەرنەۋلى تۇراقتى توك جەتكىزۋ ينجەنەرياسى الدىندا كوزگە كورىنبەيتىن، ەستي المايتىن ەلەكتر اعىسى ٴاربىر كەلۋشىنىڭ ٴبىلىم قۇمارلىعىن قوزعادى.
”سانجى - گۋچۋان تۇراقتى توك جەتكىزۋ ينجەنەرياسى — ەلىمىز دەربەس جوبالاپ سالعان تۇڭعىش ±1100 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى، شينجياڭنىڭ سانجىسىنان باستالىپ، انحۇيدىڭ شۋانچىڭىنا دەيىن جالعاسادى، شينجياڭ، گانسۋ، نيڭشيا، شانشي، حىنان، انحۇي سىندى 6 ولكە، اۆتونوميالى رايوندى باسىپ وتەدى، جالپى ۇزىندىعى 3293 كيلومەتر، 2019 ـ جىلى 9 ـ ايدىڭ 26 ـ كۇنى رەسمي پايدالانۋعا بەرىلگەن“، ـ دەپ تانىستىردى سانجى كەرنەۋ اۋىستىرۋ پۋنكتىنىڭ مۇنارالار ٴتارىزدى تۇراقتى توكتى تولقىن سۇزگىش، تەگىس تولقىندى رەاكتور، كەرنەۋ اۋىستىرۋ ترانسفورماتورى سياقتى جابدىقتار جۇمىس رايونىنان ٴوتىپ بارا جاتقاندا، مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى ەرەكشە جوعارى كەرنەۋلى بولىمشە سەرىكتەستىگى سانجى كەرنەۋ اۋىستىرۋ پۋنكتىنىڭ باستىعى ۋاڭ حۇڭ.
سانجى كەرنەۋ اۋىستىرۋ پۋنكتىنىڭ جەر اۋماعى 630 مۋ، اۋدانى 59 فۋتبول الاڭىمەن بارابار، 30 مىڭنان استام جابدىق وسى ارادا جۇمىس جۇرگىزەدى، ەلەكتر قۇرىلعىلارىنىڭ قالىپتى جۇمىس جۇرگىزۋىن قورعاۋ قىزمەتىنىڭ كەزەكشىلىگىندە نەبارى 14 - 12 ادام ىستەيدى. قاعىر دالاداعى ەلەكتر جەتكىزۋ جەلىسىندە اۋىق ـ اۋىق جوعارى كەرنەۋلى ەلەكتر قاتەرىن ەسكەرتۋ تاقتاسى جارقىراپ تۇرادى، كەرنەۋ اۋىستىرۋ پۋنكتىنىڭ تەحنيكتەرى ٴتۇرلى ەلەكتر جابدىعىنا قالاي جاقىندايدى؟ شينجياڭنىڭ ەلەكتر ەنەرگياسى 6000 شاقىرىم شالعايداعى حۋادۇڭ رايونىنا نەبارى 0.01 سەكۋندتا جەتكىزىلەدى، بۇل قالاي ىسكە استى... تىلشىلىك ۇيىرمەسىنىڭ مۇشەلەرى بىرىنەن كەيىن ٴبىرى سۇراۋ قويدى.
”سانجى - گۋچۋان تۇراقتى توك جەتكىزۋ ينجەنەرياسى دۇنيە ٴجۇزىنىڭ ەلەكتر قۋاتى دامۋ تاريحىنداعى ماڭىزدى بەلەس رەتىندە، ەلەكتر جەتكىزۋى كوپ، ەلەكتر جەتكىزۋى الىس، ەلەكتر جەتكىزۋى تەز بولىپ قانا قويماي، شوعىرلانعان كوپتەگەن جاڭالىق اشۋ تەحنولوگياسى دا دۇنيە ٴجۇزى بويىنشا ماڭداي الدى ورىندا تۇرادى“. ۋاڭ حۇڭ ماقتانىشپەن بىلاي دەدى: سانجى كەرنەۋ اۋىستىرۋ پۋنكتىندە قۇرىلعان 5G ينتەرنەت بازالىق ستانسياسى — شينجياڭنىڭ ەرەكشە جوعارى كەرنەۋلى ەلەكتر تورىنىڭ تۇڭعىش 5G بازالىق ستانسياسى. بەيدوۋ جول نۇسقاۋ جۇيەسى ورناتىلعان شارلاۋشى ۇشقىش اپپارات جەر بەتىندەگى قۇلتەمىرمەن سەلبەسىپ جۇمىس ىستەيدى، 5G ينتەرنەتى تىرەك بولعان قىراعى تەلە كامەراسى، تەمپەراتۋرانى ينفرا قىزىل ساۋلەمەن ولشەۋ جۇيەسى ٴتۇرلى ەلەكتر جابدىعىنىڭ قىزمەت جاعدايىن دەر كەزىندە يەلەپ، +5G سيفرلى ەگىز تەحنولوگياسىن بار كۇشپەن قولدانۋ ارقىلى جابدىقتاردىڭ اينالىم جاعدايىن دەر كەزىندە يگەرۋدى جۇزەگە اسىرادى.
سانجى كەرنەۋ اۋىستىرۋ پۋنكتىنىڭ 750 كيلوۆولتتىق اينىمالى توك الاڭىندا كەرنەۋ اۋىستىرۋ پۋنكتىنىڭ تۇراقتى توك جەتكىزۋ ەلەكتر قۇرىلعىلارىنىڭ قالىپتى جۇمىس جۇرگىزۋىن قورعاۋ جۇمىسىنا ارناۋلى جاۋاپتى ۋاڭ چۋان تىلشىگە بىلاي دەدى: ەلەكتر قۇرىلعىلارىنىڭ قالىپتى جۇمىس جۇرگىزۋىن قورعاۋ قىزمەتكەرلەرىنىڭ جوعارى كەرنەۋلى ەلەكتر جابدىقتارىنا جاقىنداي الۋىن، ٴتىپتى، ورتالىق مەڭگەرۋ بولمەسىندە وتىرىپ وسى جابدىقتاردىڭ ”قىزمەت جاعدايىن“، ”اقاۋسىزدىق دەڭگەيىن“ بەس ساۋساعىنداي بىلە الۋىن جوعارى ٴونىمدى، دالمە ـ ٴدال سيفرلاندىرۋدىڭ تىرەگىنەن بولە قاراۋعا بولمايدى، ەگەر جابدىقتاردىڭ اينالىمى قالىپسىز بولسا، جابدىقتاعى سەنسور اۋا اعىسى، قىسىم، ماي دەڭگەيى، سۇيىقتىق دەڭگەيى سياقتى كورسەتكىشتەرگە نەگىزدەلىپ دالمە ـ ٴدال تالداۋ جاساپ، جاي كوزبەن تۇجىرىمداۋ قيىن بولماشى وزگەرىستەردى باقىلاۋ ـ تەكسەرۋ جۇيەسىنە جەتكىزىپ، باقىلاۋ ـ تەكسەرۋ جۇيەسى سايكەستى شارالار قولدانادى.
”ەلەكتر وتكىزەتىن كوپتەگەن جابدىقتىڭ بيىكتىگى 40 - 30 مەترگە جەتەدى، ٴبىز ۇشقىش اپپاراتپەن شارلاپ تەكسەرىپ، ادام كۇشىن ۇنەمدەدىك، سونداي ـ اق جابدىقتاردىڭ اناعۇرلىم ٴدال اينالىم ينفورماتسياسىنا يە بولدىق. بۇل جابدىقتار قىزۋدان قاتتى قورقادى، ادام شارلاپ تەكسەرگەندە، وزگەرىسى بولماشى تەمپەراتۋرا پارقىن پارىقتاۋ قيىن، ونىڭ ۇستىنە سۋبيەكتيۆ فاكتور بار، ٴبىز قۇرعان ’ادام + قۇلتەمىر + ۇشقىش اپپارات‘ ٴۇش ولشەمدى شارلاپ تەكسەرۋ جۇيەسى شارلاپ تەكسەرۋدەگى، جۇمىس جۇرگىزۋىن كۇتىمدەۋدەگى قيىن ماسەلەلەردى شەشتى“، ـ دەدى ۋاڭ چۋان.
وزىق تەحنولوگيالار تۇراقتى ەلەكتر ەنەرگياسىن حۋادۇڭ رايونىنا تولاسسىز جەتكىزۋدە شينجياڭنىڭ ەلەكترىن سىرتقا جەتكىزۋدىڭ وسى ”كۇرە تامىرىندا“ ٴتىپتى دە كوپ عىلىم ـ تەحنولوگيا جەتىستىگىنىڭ جارىققا شىعاتىندىعىنا سەنەمىز.
