نۇرلان ٴابىلماجىن ۇرىمجىدە تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
حالىق تۇرمىسىنا تىعىز جاناسىپ، جۇرت تىلەگىن ۇيىستىرىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ يانفاڭ، ەرىكتى ٴتىلشى گو بيڭ 5 ـ ايدىڭ 17 ـ كۇنى ۇرىمجىدەن حابارلايدى. 5 ـ ايدىڭ 16 ـ كۇنى اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴۇرىمجى قالاسىنىڭ سايباق رايونىن، تيانشان رايونىن ىشكەرىلەي ارالاپ، نىسان قۇرىلىسى، ەرەكشەلىككە يە كاسىپ سالالارىن دامىتۋ، شارۋالاردىڭ كىرىسىن ارتتىرۋ سياقتى قىزمەتتەر جونىندە تەكسەرۋ ـ زەرتتەۋ ورىستەتتى. ول بىلاي دەپ باسا دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، حالىق تۇرمىسىنا اناعۇرلىم ويداعىداي تىعىز جاناسىپ، جۇرت تىلەگىن ۇيىستىرىپ اۋىل ـ قىستاقتى جاپپاي گۇلدەندىرۋدى ىلگەرىلەتىپ، ٴار ۇلت بۇقاراسىنىڭ تابىس سەزىمىن اناعۇرلىم تولىق، باقىت سەزىمىن اناعۇرلىم باياندى، حاۋىپسىزدىك سەزىمىن اناعۇرلىم قامتاماسىز ەتۋگە قۇلشىنۋ كەرەك.
نۇرلان ٴابىلماجىن سايباق رايونى يۇڭفىڭ قالاشىعى بويۇڭ 1 ـ ۇڭعىماسىنا بارىپ، گەولوگيالىق بارلاۋ اياق الىسىن سول ورىندا تەكسەرىپ كورىپ، وڭىردەگى مۇناي ـ گاز بايلىعىنىڭ تارالۋى جانە بارلاۋ ـ تەكسەرۋ جەتىستىگى جونىندەگى تانىستىرۋدى تىڭداپ، قاتىستى جولداستارمەن ىشكەرىلەي اڭگىمەلەستى. ول بىلاي دەپ باسا دارىپتەدى: ستراتەگيالىق شالىمدىلىقتى كۇشەيتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدى ارقاۋ ەتىپ، ٴوڭىردىڭ جوعارى ساپالى دامۋ قاجەتىمەن تىعىز بايلانىستىرىپ، مۇناي ـ گاز بارلاۋ، اشۋ جانە قورىن مولايتىپ، ٴونىم مولشەرىن ارتتىرۋ جاعىندا اناعۇرلىم ىرىقتى تۇردە جاۋاپكەرشىلىك ارقالاپ ىسكەرلىك كورسەتىپ، سەرپىلىس جاساۋعا ۇمتىلۋ كەرەك. عىلمي دالەلدەپ، ۇڭعىما ورنىن بەلگىلەۋ، بارلاۋ ـ تەكسەرۋ تەبىنىن ورنىقتى ارتتىرىپ، جاڭا ىلگەرىلەۋشىلىكتەردى جۇزەگە اسىرۋعا قۇلشىنىپ، وڭىرلىك دامۋدىڭ جاڭا ارتۋ ٴتۇيىنىن تۇلعالاۋ كەرەك.
چىڭنان حالىقارالىق ساۋدا ـ زات اينالىمى پورتى نىسان قۇرىلىسى جۇمىس باسىندا نۇرلان ٴابىلماجىن نىسان قۇرىلىسىنىڭ جۇمىس جاعدايى جونىندەگى مالىمەتتى تىڭدادى. ول بىلاي دەپ باسا دارىپتەدى: شينجياڭنىڭ وڭىرلىك ورىن باسىمدىعىن تياناق ەتىپ، كەڭىستىك ورنالاسىمدى عىلمي جوسپارلاپ، نىسان قۇرىلىسىن تىڭعىلىقتى ىلگەرىلەتىپ، زەردەلى زات اينالىمى جۇيەسىمەن توعىستىرىپ، اناعۇرلىم كوپ جاڭا كاسىپ كۇيىن جەتىلدىرىپ، ساۋدا ـ زات اينالىمى كاسىپ سالاسىن دامىتۋدا جاڭا ىسكەرلىك كورسەتۋگە، جاڭا ونىمدىلىككە قول جەتكىزۋگە قۇلشىنىپ، شينجياڭنىڭ ەرەكشە اۋىل شارۋاشىلىعى قوسىمشا ونىمدەرىنىڭ كەڭ بازارعا بەت الۋىن اناعۇرلىم ويداعىداي ىلگەرىلەتىپ، اناعۇرلىم كوپ ەگىنشى ـ مالشىنى كىرىستەرىن ارتتىرىپ بايۋعا جەتەكتەۋ كەرەك.
نۇرلان ٴابىلماجىن سايباق رايونىنىڭ يۇڭفىڭ قالاشىعى يۇڭشىڭ قىستاعىنا، شاڭسى قىستاعىنا، تيانشان رايونىنىڭ حۇڭيان ٴمالىسى ۇلانباي قىستاعىنا بارىپ، اۋىل ـ قىستاقتىڭ ەرەكشەلىككە يە كاسىپ سالالارىنىڭ دامۋ جاعدايىن ۇعىسىپ، بىلاي دەپ باسا دارىپتەدى: جەرگىلىكتى جاعدايعا قاراي اۋىل ـ قىستاق كاسىپ سالالارىنىڭ دامۋىن، زورايۋىن ىلگەرىلەتىپ، اۋىل شارۋاشىلىعى عىلىم ـ تەحنولوگياسىنىڭ قىزمەت وتەۋ دەڭگەيىن ٴوسىرىپ، اۋىل شارۋاشىلىعىنىڭ كەشەندى تيجارات ونىمدىلىگىن جوعارىلاتىپ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەلدەتۋ كەرەك. دامۋدىڭ جۇمىسقا ورنالاسۋدى جەتەكتەۋ كۇشىن ۇزدىكسىز جوعارىلاتىپ، قالىڭ شارۋانىڭ ىشكى قوزعاۋشى كۇشىن اناعۇرلىم ويداعىداي تاسقىنداتىپ، ولاردىڭ كورىكتى اۋىل ـ قىستاق قۇرۋ جولىندا سەنىمى كامىل، قايراتى مىعىم بولۋىنا مۇمكىندىك جاساۋ كەرەك.
ۇلانباي بايىرعى قالا ەسكى جۇرتىندا نۇرلان ٴابىلماجىن مادەني ەسكەرتكىشتەردى قورعاۋ قىزمەتى جاعدايىن تەكسەرىپ كورىپ، بىلاي دەپ اتاپ كورسەتتى: جۇڭحۋا ۇلتى ورتاق تۇلعا قۇرىلىسىن ىشكەرىلەي ىلگەرىلەتىپ، شينجياڭدى مادەنيەتپەن نارلەندىرۋدى ورىستەتۋمەن ۇشتاستىرىپ، جۇڭحۋا ۇلتىنىڭ كوپ نەگىزدى ٴبىر تۇلعالى جۇلگەسىنىڭ شينجياڭدا بەينەلەنۋى، جۇڭحۋا مادەنيەتى تامىرىنىڭ شينجياڭدا تەرەڭ تامىر تارتۋى، جۇڭحۋا ۇلتىنىڭ ارالاسۋ، ىشتەسۋ، توعىسۋىنىڭ شينجياڭدا امالياتتا ايگىلەنۋى سىندى شىندىق جونىندە ٴتىپتى دە كوپ جاندى تۇسىندىرۋلەر جانە پارمەندى بايىمداۋلار جاساپ، جۇڭحۋا مادەنيەتىنىڭ ورتاقتىعىن، ۇلتتاردىڭ ارالاسۋ، ىشتەسۋ، توعىسۋىنىڭ تاريحي فاكتتەرىن ايگىلەيتىن ٴسوز جۇيەسى مەن ٴونىمدى دانەكەردى قۇرۋ بارىسىندا اناعۇرلىم زور ىسكەرلىكتى ايگىلەۋ كەرەك.
ليۋ حۇيجۇن تەكسەرۋ ـ زەرتتەۋگە قاتىناستى.
