70 ميلليون مۋدان استام جەرگە ەگىس داقىلدارى ەگىلىپ، بىلتىرعى سول تۇستاعىدان تەز بولدى
انار بۇلت \ شينجياڭ گازەتىنىڭ ٴتىلشىسى ليۋ ي 5 ـ ايدىڭ 17 ـ كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنەن ۇعىسۋىمىزشا، تاياۋدا تۇتاس شينجياڭنىڭ جەر ـ جەرىندە كوكتەمگى ەگىس جۇمىسى سوڭعى كەزەڭگە وتكەن. قازىرگە دەيىن 70 ميلليون مۋدان استام جەرگە ٴتۇرلى ەگىس داقىلى ەگىلىپ، ەگۋ اياق الىسى بىلتىرعى سول تۇستاعىدان تەز بولعان.
بيىل بۇكىل رايوننىڭ كوكتەمگى ەگىس جۇمىسىندا ەرتە باستاۋ، ماشينالانۋ دەڭگەيى جوعارى بولۋ، جاڭا تەحنولوگيانىڭ جالپىلاسۋ كولەمى كەڭ بولۋ سياقتى ەرەكشەلىكتەر جارىققا شىقتى، تيانشان الابىنداعى كەڭ ـ بايتاق ەگىنجايلار اۋىل شارۋاشىلىعى ٴوندىرىسى جاڭا جابدىقتارىن، جاڭا تەحنولوگياسىن ايگىلەيتىن الاڭعا اينالدى. بۋرىلتوعاي اۋدانىندا، ۇلىڭگىر كولىنىڭ ەكى جاعالاۋىندا ماشينالار گۇرىلدەيدى، بەيدوۋ جول نۇسقاۋ جۇيەسى ورناتىلعان ٴىرى تۇرپاتتى تۇقىم ٴسىڭىرۋ ماشيناسى جازدىق ٴبيدايدىڭ تۇقىمىن اتىزعا دالمە ـ ٴدال سىڭىرۋدە، جەرگىلىكتى ورىن ۇقساماعان ماشينا ـ جابدىقتاردى، ۇقساماعان تۇقىم ٴسىڭىرۋ ٴتاسىلىن جالپىلاستىرۋ، وندىرىسكە اناعۇرلىم ۇيلەسىمدى تەحنولوگيا جۇيەسىن سارالاۋ، قورىتىندىلاۋ ارقىلى ٴبيدايدىڭ بىرلىك ٴونىمىن جوعارىلاتۋعا جان ـ جاقتى تەحنولوگيالىق قولداۋ كورسەتتى. كۇشار قالاسىنىڭ ٴبىر ميلليون 800 مۋ جەرگە ماقتا تۇقىمىن ٴسىڭىرۋ مەزگىلىندە جەرگىلىكتى ورىن زەردەلى تۇقىم ٴسىڭىرۋ ماشيناسىنا سۇيەنىپ، نەگىزىنەن ٴبىر جولدا 6 قاتار تۇقىم ٴسىڭىرۋ ۇلگىسىن جالپىلاستىرىپ، ماقتا ەگۋ تىعىزدىعىن ٴونىمدى ارتتىرىپ، ٴوندىرىس جالپىلىق ونىمدىلىگىن جوعارىلاتتى.
كوكتەمگى ەگىس ٴوندىرىسى باستالعاننان بەرى، شينجياڭنىڭ جەر ـ جەرى ەگىس ۋاقىتىن مىقتى يگەرىپ، تۇقىم سىڭىرىلەتىن جەردى ەرتە باستان جوسپارلاپ، ۇلكەن اتىزدا ەگۋ ولشەمى جوعارى بولۋعا، ساپاسى جاقسى بولۋعا شىنايى كەپىلدىك ەتىپ، داقىلدىڭ ٴبارى ۇيلەسىمدى تۇقىم ٴسىڭىرۋ مەزگىلىندە ەگىلدى. داقىلدار بويىنشا قاراعاندا، كەزەكتە بۇكىل رايوندا جازدىق ٴبيداي تۇقىمىن ٴسىڭىرۋ جوسپارى اسىرا ورىندالدى، جۇگەرى تۇقىمىن ٴسىڭىرۋ جۇمىسى 80 پايىز ورىندالدى، ماقتا تۇقىمىن ٴسىڭىرۋ نەگىزىنەن ورىندالدى، كوكونىس، جەمىس ـ جيدەك سياقتى داقىلداردىڭ تۇقىمىن ٴسىڭىرۋ جۇمىسى %60تەن استامعا جەتتى.
بيىل شينجياڭ جوعارى ولشەمدى ەگىس اتىزىن تىرەك ەتكەن، ۇيلەسىمدى تىعىز ەگۋدى نەگىزگى جالپىلاستىرۋ ۇلگىسى ەتكەن، سۋ مەن تىڭايتقىش ٴبىر تۇلعالاندىرىلعان دالمە ـ ٴدال رەتتەۋ، مەڭگەرۋ تەحنولوگياسىن ٴتۇيىن ەتكەن استىقتىڭ، ماقتانىڭ بىرلىك ٴونىمىن كەڭ كولەمدە جوعارىلاتۋ ارەكەتىن ۇزدىكسىز ويداعىداي يگەرەدى. جەر ـ جەر كوكتەمگى ەگىس جۇمىسىن ويداعىداي ىستەۋمەن بىرگە، مايساعا قاراي شارا قولدانىپ، تۇرلەرگە ٴبولىپ باسقارىپ، كوكتەمدە اتىزداعى داقىلدى باپتاۋدى ويداعىداي ىستەپ، قاۋىرت كەزگە شوعىرلاندىرماي كەزەكپەن سۋارۋ، نورما بەلگىلەپ باپتاۋ سياقتى شارالار ارقىلى كوكتەمگى سۋارۋدا سۋمەن قامداۋ بويىنشا قىزمەت وتەۋ قامتاماسىزدىعىن ويداعىداي ىستەپ، وڭىرلىك سيپاتتى كوكتەمگى قۋاڭشىلىقتىڭ تۋىلماۋىنا شىنايى كەپىلدىك ەتتى. ٴار دارەجەلى اۋىل شارۋاشىلىعى، اۋىل ـ قىستاق، اۋا رايى، سۋ يگىلىگى، ورمان شارۋاشىلىعى، جايلىم قاتارلى تاراۋلار بايلانىستى، ىستەستىكتى كۇشەيتىپ، اپاتتى باقىلاۋدى، الدىن الا مالىمدەۋدى، ساقتاندىرۋدى كۇشەيتىپ، اۋىل شارۋاشىلىعىن اپاتتان، قاتەردەن ساقتاندىرۋ ينفورماتسياسىن دەر كەزىندە جاريالاپ، كوكتەمگى اۋىل شارۋاشىلىعى اپات زيانىن بارىنشا ازايتىپ، تۇتاس جىلدا اۋىل شارۋاشىلىعىندا مول ٴونىم الۋ نەگىزىن بەكەمدەدى.
قازىرگە دەيىن بۇكىل رايوندا اتىزداعى داقىل مايساسىنىڭ ٴوسۋى جاقسى. سولتۇستىك شينجياڭدا دۇمبە ٴبيداي بۋازۋ مەزگىلىنە ٴوتتى، وڭتۇستىك شينجياڭدا باسىم كوپ دۇمبە ٴبيداي باس جارىپ گۇل اشتى، بۇكىل شينجياڭدا باسىم كوپ ماقتانىڭ مايساسى كوكتەدى، باسىم كوپ جۇگەرىنىڭ مايساسى 8 - 22 كۇن بۇرىن كوكتەدى.
