ولشەمدى ەگىمشىلىك + بۇكىل ەل بويىنشا ورنالاستىرۋ
قۇمىل قاۋىنىن جىل بويى قالاعان كەزدە تۇتىنۋ جۇزەگە اسىرىلدى
انار بۇلت \ شينجياڭ گازەتىنىڭ ٴتىلشىسى ۋي يۇڭگۇي، ەرىكتى ٴتىلشى گو زى ـ ي
4 ـ ايدىڭ 14 ـ كۇنى قۇمىل قالاسى يجوۋ رايونى نانحۋ اۋىلى حۇڭشان قىستاعىنا بارعانىمىزدا مىرىش جالاتىلعان بولات تۇتىكتەن جاسالعان قاز ـ قاتار تىزىلگەن جۇقا جارعاقتى جىلىجايدىڭ قاڭقاسى اتىزدا سوزىلىپ، 200دەن استام جۇمىسشى دانەكەرلەپ بەكەمدەۋمەن قاربالاس ٴجۇردى. مەجەمەن ”1 ـ مامىردان“ بۇرىن العاشقى مەرزىمدەگى 504 مۋ جىلىجاي سالىنىپ بولادى ەكەن.
حۇڭشان قىستاعى قۇمىل قالاسىنداعى قۇمىل قاۋىنىن وندىرەتىن وزەكتى رايوننىڭ ٴبىرى، سالىنىپ جاتقان قۇمىل قالاسى 1000 مۋلىق قوس ماۋسىمدىق قۇمىل قاۋىنى ەگىمشىلىك بازاسىن قۇمىل قالالىق ەگىن، مال شارۋاشىلىعى كاسىپ سالاسىن دامىتۋعا قارجى قوسۋ شەكتى سەرىكتەستىگى سالىپ ىسكە قوسادى. بازانىڭ جالپى اۋدانى 1004 مۋ، ەكى مەرزىمگە ٴبولىپ سالىنادى، جالپى 35 ميلليون يۋان قارجى قوسىلادى.
”بازا قۇرىلىسى مەن مايسا جەتىلدىرۋ قىزمەتى قاتار اتقارىلىپ، سالىنىپ بولعاننان كەيىن دەرەۋ قاۋىن مايساسى كوشىرىلىپ ەگىلەدى، بيىل ەكى ماۋسىمدا ەگۋ جۇمىسى جۇزەگە اسىرىلادى“. قۇمىل قالالىق ەگىن، مال شارۋاشىلىعى كاسىپ سالاسىن دامىتۋعا قارجى قوسۋ شەكتى سەرىكتەستىگى قارجى قوسۋ، شارۋاشىلىق جۇرگىزۋ ٴبولىمىنىڭ ورىنباسار باستىعى ياڭ جيان بىلاي دەدى: بازا وسى سەرىكتەستىكتىڭ قۇمىل قالاسىنىڭ قۇمىل قاۋىنى جاس جەمىس ـ جيدەك كاسىپ سالاسى تىزبەگى تۇعىرىمەن بىرلەسىپ قۇرعان قۇمىل قاۋىنى كاسىپ سالاسى تىزبەگىن توعىستىرا دامىتۋ نىسانى بولىپ، زەردەلى اۋىل شارۋاشىلىعىن باسقارۋ جۇيەسىن ەنگىزۋ ارقىلى سۋدى، تىڭايتقىشتى، تەمپەراتۋرانى دالمە ـ ٴدال مەڭگەرىپ، سۋ بايلىعىنان پايدالانىلۋ مولشەرى %58.7گە جوعارىلاتىلدى، سونىمەن بىرگە جەردەن پايدالانىلۋ مولشەرىن بارىنشا جوعارىلاتىپ، ٴونىم مولشەرىن ٴداستۇرلى ۇلكەن اتىزدا ەگۋدەن 2 ەسە جوعارىلاتۋعا بولادى.
”قۇرىلعىلى اۋىل شارۋاشىلىعى مەن زەردەلى اۋىل شارۋاشىلىعىن ٴوزارا سايكەستىرگەندە ٴبىز توپىراقتىڭ سۋ قۇرامى كورسەتكىشىن دالمە ـ ٴدال باقىلاپ ـ ولشەپ، دالمە ـ ٴدال، ولشەمدەنگەن ەگۋدى جۇزەگە اسىرىپ، قوس ماۋسىمدىق قۇمىل قاۋىنىنىڭ ٴونىم مولشەرى مەن ساپاسىنا شىنايى كەپىلدىك ەتە الامىز“. قۇمىل قالاسى قۇمىل قاۋىنى جاس جەمىس ـ جيدەك اۋىل شارۋاشىلىعى عىلىم ـ تەحنولوگيا دامىتۋ شەكتى سەرىكتەستىگى وندىرىستەن ۇلگى كورسەتۋ ٴبولىمىنىڭ باس باقىلاۋشىسى جاڭ گودۇڭ بىلاي دەدى: 1000 مۋلىق قوس ماۋسىمدىق قۇمىل قاۋىنى ەگىمشىلىك بازاسى قۇرىلعاننان كەيىن قۇمىل قاۋىنى كاسىپ سالاسىنىڭ پەريودىن وزگەرتىپ، كوكتەم، كۇز ەكى ماۋسىمدا قۇمىل قاۋىنىن ۇزدىكسىز ەگۋدى قامتاماسىز ەتىپ، زاتپەن قامداۋ پەريودىن 60 كۇننەن استام ۇزارتۋعا بولادى.
قوس ماۋسىمدىق قۇمىل قاۋىنى ەگىمشىلىك بازاسىن قۇرۋ قۇمىل قالاسىنىڭ ساپالى قۇمىل قاۋىنىمەن تۇتاس جىلدا تۇراقتى قامداۋدى قامتاماسىز ەتۋ جۇيەسىن قۇرۋداعى، قۇمىل قاۋىنىنىڭ ”ساپالى ونىمدەرىمەن تۇراقتى قامداۋ 365“ نىساناسىن جۇزەگە اسىرۋدى ىلگەرىلەتۋدەگى شارالارىنىڭ ٴبىرى.
2024 ـ جىلدان بەرى، قۇمىل قالاسى قۇمىل قاۋىنى جاس جەمىس ـ جيدەك كاسىپ سالاسى تىزبەگى تۇعىرى شينجياڭنىڭ ٴىشى ـ سىرتىنداعى كاسىپورىندارمەن بىرلەسىپ، تۇعىرعا قاراستى كاسىپورىن قۇمىل قاۋىنى جاس جەمىس ـ جيدەك اۋىل شارۋاشىلىعى عىلىم ـ تەحنولوگيا دامىتۋ شەكتى سەرىكتەستىگى باس بولىپ اتقارىپ، قۇمىل قاۋىنى ٴوندىرىس بازاسى قۇرىلىسىن حاينان، يۇننان سياقتى قىسقى، كوكتەمگى ەگىس داقىلدارى وندىرىسىندە باسىمدىققا يە وڭىرلەرگە قاراي كەڭەيتىپ، ”جىل قۇسى ۇلگىسىندەگى“ ەگىمشىلىك ارقىلى وڭتۇستىك پەن سولتۇستىكتىڭ ۇتىلاۋىن جۇزەگە اسىرىپ، ٴار ايدا جاس قۇمىل قاۋىنىنىڭ بۇكىل ەل بازارىنا بەت الۋىنا شىنايى كەپىلدىك ەتتى.
بۇكىل ەلدىڭ جەر ـ جەرىندەگى ەگىمشىلىك بازالارىنداعى قۇمىل قاۋىنىنىڭ ساپاسىنا شىنايى كەپىلدىك ەتۋ ٴۇشىن، قۇمىل قاۋىنى جاس جەمىس ـ جيدەك اۋىل شارۋاشىلىعى عىلىم ـ تەحنولوگيا دامىتۋ شەكتى سەرىكتەستىگى ولشەمدەنگەن ەگىمشىلىك ۇلگىسىن كۇش سالا جالپىلاستىرىپ، سۋ مەن تىڭايتقىشتى ٴبىر تۇلعالاندىرۋ، زات ينتەرنەتى سياقتى زەردەلى اۋىل شارۋاشىلىعى تەحنولوگياسىن قولدانىپ، جەر ـ جەردىڭ كليمات شارت ـ جاعدايىنا ۇيلەسەتىن سورتتى تۇقىمدى سۇرىپتاپ، قۇمىل قاۋىنى ەگىمشىلىگىن جالپىلاستىرۋ بارىسىنداعى ٴوڭىردىڭ جانە كليماتتىڭ شەكتەمەسىن بۇزىپ، گانسۋ، حىنان، شاندۇڭ، جياڭسۋ سياقتى قاۋىن وندىرەتىن 10 نەشە نەگىزگى رايوندا جازعى، كۇزگى ەگىمشىلىك بازاسىن قۇرىپ، سولتۇستىكتەن وڭتۇستىككە قاراي ۇتىلاپ كەزەكتەستىرىپ ەگىپ، قۇمىل قاۋىنىن جىلىنا 5 - 4 رەت ٴۇزىلىسسىز ٴوندىرۋدى جۇزەگە اسىردى. بۇكىل ەل كولەمىندە قۇمىلدان كەلگەن قۇمىل قاۋىنى ەگىمشىلىك كاسىبى ”تابيعاتقا قاراپ كۇنەلتۋدەن“ ”تابيعات زاڭدىلىعىن بىلۋگە، وعان سايكەسۋگە“ وزگەرىپ، بارلىق جاعدايدا بىردەي بولۋدى، بارلىق فاكتوردى قامتۋدى، تۇتاس تىزبەك بويىنشا ٴوندىرۋدى جۇزەگە اسىردى.
بيىل 3 ـ ايدىڭ اياق شەنىندە ”2025 حاينان حالىقارالىق ىستىق بەلدەۋ جەمىس ـ جيدەك كاسىپ سالاسى كورمەسى جانە مەملەكەتتىك كوكتەمگى اۋىل شارۋاشىلىق ونىمدەرى جارمەڭكەسى . تۇڭعىش كەزەكتى الەمدىك جەمىس ـ جيدەك شارۋاشىلىعى جاڭا سورت جەتىستىكتەرىن كادەگە جاراتۋ جينالىسى — قاربىز ـ قاۋىن ارناۋلى الاڭىندا“ جۇڭگو ولشەمدەندىرۋ قوعامى مەن جۇڭگو ساپانى كۋالاندىرۋ ورتالىعى «قۇمىل قاۋىنىنىڭ ساپاسىن دارەجەگە ٴبولۋ» توپتىق ولشەمىن جاريالادى. بۇل ولشەم ەگۋ بارىسى، سىرتقى كورىنىسى، قانت قۇرامى، سالماعى سياقتى كوپتەگەن ولشەمدەر بويىنشا ەگجەي ـ تەگجەيلى دارەجەگە ٴبولۋ كورسەتكىشىن بەلگىلەپ، قۇمىل قاۋىنىن دارەجەگە ٴبولۋ ولشەمىندەگى اقتاڭداقتى تولتىرىپ، بۇكىل ەلدىڭ جەر ـ جەرىنە تارالعان ەگىمشىلىك بازالارىنىڭ قۇمىل قاۋىنىنىڭ ساپاسىن كۋالاندىرۋىنا العى شارت ازىرلەدى.
«قۇمىل قاۋىنىنىڭ ساپاسىن دارەجەگە ٴبولۋ» توپتىق ولشەمىنىڭ جاريالانۋى قۇمىل قاۋىنى كاسىپ سالاسىنىڭ كەمەلدى ”ولشەم + كۋالاندىرۋ + قىزمەت وتەۋ + ماركا“ سىندى ٴوندىرۋ، ساتۋ جۇيەسىن ورناتىپ، قۇمىل قاۋىنىنىڭ تۇتاس جىلدا ورنىقتى بازارعا شىعۋىنا نەگىز قالاعاندىعىن كورسەتەدى. قۇمىل قاۋىنى جاس جەمىس ـ جيدەك كاسىپ سالاسى تىزبەگى تۇعىرى ولشەمدى كۋالاندىرۋ ورتالىعىنىڭ جاۋاپتىسى يۋان جىڭ بىلاي دەدى: ”بۇل ولشەمنىڭ اتقارىلۋى قۇمىل قاۋىنى كاسىپ سالاسىن دامىتۋداعى ماڭىزدى بەلەس، كاسىپ سالاسىنىڭ ولشەمدەنۋدىڭ، ەگجەي ـ تەگجەيلىلەنۋدىڭ جاڭا كەزەڭىنە قادام تاستاعاندىعىنىڭ بەلگىسى. قازىر قۇمىل قاۋىنى ولشەمىن كۋالاندىرۋ ورتالىعى حاينان لىدۇڭ سۇرىپتاۋ ورتالىعى، قۇمىل قاۋىنى جاس جەمىس ـ جيدەك كاسىپ سالاسى تىزبەگى تۇعىرى جانە ايگىلى ماركانىڭ اعىن مولشەرىن جالپىلاستىرۋ حۋانان جوسپارلاۋ ـ ساتۋ ورتالىعى ىسكە قوسىلدى، حاينان، يۇننان، گۋاڭدۇڭنىڭ وڭىرلىك ورىن باسىمدىعىنان پايدالانىپ، بۇكىل ەلدىڭ زات اينالىمى تورىن اناعۇرلىم ساپالىلاندىرىپ، قۇمىل قاۋىنىن بۇكىل ەل كولەمىندە ٴوندىرۋدى، ساتۋدى جانە ايگىلى ماركا وبرازى قۇرىلىسىن جەدەل ىلگەرىلەتەمىز“.
