شينحۋا اگەنتتىگىنىڭ 5 ـ ايدىڭ 18 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تۇزەتۋ ەنگىزىلگەننەن كەيىنگى «پارتيا، ۇكىمەت ورگاندارىنىڭ ۇنەمشىلدىكتى قاتاڭ اتقارۋ، ىسىراپشىلدىققا قارسى تۇرۋ ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ٴارى حابارلاندىرۋ تاراتىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: «ەرەجەگە» تۇزەتۋ ەنگىزۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نىسانانى باعدار ەتۋ مەن ماسەلەنى باعدار ەتۋدى ٴوزارا ۇشتاستىرۋعا تاباندى بولىپ، پارتيا، ۇكىمەت ورگاندارىنىڭ قاراجات باسقارۋ، ەل ىشىندە ٴىسساپارعا شىعۋ، ۇكىمەت جۇمىسىمەن ۋاقىتشا شەتەلگە (شەكارادان) شىعۋ، ۇكىمەتتىك كۇتىپ الۋ، ۇكىمەت كولىگىن پايدالانۋ، ٴماجىلىس قيمىلى، قىزمەت كەڭسەسى، بايلىقتى ۇنەمدەۋ سياقتى بەلگىلەمەلەرىن داۋىرمەن بىرگە ىلگەرىلەي كەمەلدەندىرىپ، ۇقىپتى، ۇنەمشىل بولۋدى قاتاڭ اتقارۋ، استا ـ توك ىسىراپشىلدىققا قارسى تۇرۋ جاۋاپكەرشىلىگىن تياناقتاندىرۋدى كۇشەيتىپ، پارتيا، ۇكىمەت ورگاندارىنىڭ باستاماشىلدىقپەن ۇنەمشىل تۇرمىس كەشىرۋىنىڭ تۇزىمدىك بۇرانداسىن ونان ارى قاتايتۋ ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ، ”ٴتورت بۇرىس ستيلدى“ تۇزەتۋ ـ جونگە سالۋدى ۇزدىكسىز تەرەڭدەتۋ جونىنەن كەلەلى ٴمان الادى.
حابارلاندىرۋدا مىنالار تالاپ ەتىلدى: وڭىرلەر، تاراۋلار ستيل قۇرىلىسى پارتيانىڭ وبرازىنا سايادى، جۇرتتىڭ قۇپتاۋ ـ قۇپتاماۋىنا سايادى، پارتيا مەن مەملەكەت ىستەرىنىڭ ٴساتتى ـ ٴساتسىز بولۋىنا سايادى دەيتىن ساياسي تۇرعىدان «ەرەجەنى» ۇيرەنۋدى، ۇگىتتەۋدى، دايەكتىلەندىرۋدى مۇقيات ويداعىداي يگەرىپ، ٴار دارەجەلى پارتيا، ۇكىمەت ورگاندارىنىڭ جانە ونداعى قىزمەتكەرلەردىڭ «ەرەجەنىڭ» رۋحىن ىشكەرىلەي ٴتۇسىنۋىن ىلگەرىلەتىپ، «ەرەجەنىڭ» بەلگىلەمەلەرىن باتىل تياناقتاندىرىپ، ۇنەمشىل ورگان قۇرىلىسىن تىڭعىلىقتى ىلگەرىلەتىپ، بۇكىل قوعامدا ىسىراپشىلدىق — نامىس، ۇنەمشىلدىك — داڭق دەيتىن قويۋ رايدى ونان ارى قالىپتاستىرۋى كەرەك. وڭىرلەر، تاراۋلار «ەرەجەنى» اتقارۋداعى ماڭىزدى احۋالداردى جانە ۇسىنىستاردى دەر كەزىندە پارتيا ورتالىق كوميتەتىنە، مەملەكەتتىك كەڭەسكە مالىمدەۋى كەرەك.
