پارتيا، ۇكىمەت ورگاندارى باستاماشىلدىقپەن ۇنەمشىل تۇرمىس كەشىرۋى كەرەك
حالىق گازەتىنىڭ شولۋشىسى
ۇنەمشىلدىكتى قاتاڭ اتقارۋ، ىسىراپشىلدىققا قارسى تۇرۋ — پارتيامىزدىڭ داڭقتى ٴداستۇرى جانە تاڭداۋلى ستيلى. باس شۋجي شي جينپيڭ بىلاي دەپ اتاپ كورسەتتى: ”پارتيا مەن ۇكىمەتتىڭ باستاماشىلدىقپەن ۇنەمشىل تۇرمىس كەشىرۋدەگى ماقساتى بۇقارانى جاقسى تۇرمىسقا كەنەلتۋ ٴۇشىن، مۇنى پارتيامىزدىڭ باستى ماقساتى مەن سيپاتى بەلگىلەگەن. مەيلى ەلىمىز دامىپ قاي دەڭگەيگە جەتسە دە، مەيلى حالىق تۇرمىسى جاقسارىپ قاي دارەجەگە جەتسە دە، قاجىرلىلىقپەن كۇرەس جۇرگىزۋ، ۇقىپتى، ۇنەمشىل بولۋ يدەياسىن ماڭگى جوعالتۋعا بولمايدى“. تاياۋدا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسى ۇزدىكسىز تەرەڭدەتىلىپ، ناقتىلانىپ جاتقان ساتتە، پارتيا ورتالىق كوميتەتى «پارتيا، ۇكىمەت ورگاندارىنىڭ ۇنەمشىلدىكتى قاتاڭ اتقارۋ، ىسىراپشىلدىققا قارسى تۇرۋ ەرەجەسىنە» تۇزەتۋ ەنگىزىپ، پارتيا، ۇكىمەت ورگاندارىنىڭ باستاماشىلدىقپەن ۇنەمشىل تۇرمىس كەشىرۋىنىڭ تۇزىمدىك بۇرانداسىن ونان ارى قاتايتتى. وڭىرلەر، تاراۋلار ستيل قۇرىلىسى پارتيانىڭ وبرازىنا سايادى، جۇرتتىڭ قۇپتاۋ ـ قۇپتاماۋىنا سايادى، پارتيا مەن مەملەكەت ىستەرىنىڭ ٴساتتى ـ ٴساتسىز بولۋىنا سايادى دەيتىن ساياسي تۇرعىدان جاڭادان تۇزەتۋ ەنگىزىلگەن «ەرەجەنى» ۇيرەنۋدى، ۇگىتتەۋدى، دايەكتىلەندىرۋدى مۇقيات ويداعىداي يگەرىپ، ٴتۇزىمنىڭ بۇلجىماس تەجەمدىلىگى ارقىلى استا ـ توك ىسىراپشىلدىق ستيلدەگى كىناراتتى، ارەكەتتەگى كىر ـ داقتى باتىل تەجەۋ جانە تۇبىرىنەن وڭاۋ كەرەك.
ىسىراپشىلدىققا قارسى تۇرۋدىڭ تۇزىمدىك توسپاسىن ۇزدىكسىز بەكەمدەۋ كەرەك. 2013 ـ جىلى ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدى، تياناقتاندىرۋدى ىلگەرىلەتۋ ٴۇشىن، پارتيا ورتالىق كوميتەتى «ەرەجەنى» جاساپ شىعاردى ٴارى «ەرەجەنى» تىرەك ەتكەن، ٴار جاقتىڭ ارناۋلى سايكەستى ەرەجە ـ تۇزىمدەرىنەن بىرگە قۇرالعان ىسىراپشىلدىققا قارسى تۇرۋ ٴتۇزىم جۇيەسىن بىرتىندەپ قالىپتاستىرۋدى ىلگەرىلەتىپ، ”اۆتوكولىك ىستەتۋدەگى بەيبەرەكەتتىك“، ”اس ـ سۋداعى ىسىراپشىلدىق“، ”مەيرامحاناداعى بۇرىس ستيل“ سياقتى ستيلدەگى كورنەكتى ماسەلەلەردى ٴونىمدى تەجەدى. سونىمەن بىرگە مىنانى دا سەرگەكتىكپەن كورە ٴبىلۋىمىز كەرەك: پارتيا ورتالىق كوميتەتى قايتا ـ قايتا بۇيرىق تۇسىرسە دە، ٴىشىنارا پارتيا، ۇكىمەت ورگاندارىندا بەيبەرەكەت ىستەۋ، استا ـ توك ىسىراپشىلدىق قۇبىلىسى ٴالى دە ۇنەمى تۋىلىپ وتىر، ٴىشىنارا پارتيالى كادرلاردىڭ قاسارىسا تارتىپكە قايشىلىق جاساۋ، كومەسكىلەنگەن، وزگەرگەن ”ٴتورت بۇرىس ستيل“ ماسەلەلەرى ٴالى دە تيىلماي كەلەدى. وسى رەتكى «ەرەجەگە» تۇزەتۋ ەنگىزۋدە نىسانانى باعدار ەتۋ مەن ماسەلەنى باعدار ەتۋدى ٴوزارا ۇشتاستىرۋعا تاباندى بولىپ، قاراجات باسقارۋ، ەل ىشىندەگى ٴىسساپار، ۇكىمەت جۇمىسىمەن ۋاقىتشا شەتەلگە (شەكارادان) شىعۋ، ۇكىمەتتىك كۇتىپ الۋ، ۇكىمەت كولىگىن پايدالانۋ، ٴماجىلىس قيمىلى، قىزمەت كەڭسەسى، بايلىقتى ۇنەمدەۋ سياقتى بەلگىلەمەلەردى داۋىرمەن بىرگە ىلگەرىلەي كەمەلدەندىرىپ، ۇقىپتى، ۇنەمشىل بولۋدى قاتاڭ اتقارۋ، استا ـ توك ىسىراپشىلدىققا قارسى تۇرۋ جاۋاپكەرشىلىگىن تياناقتاندىرۋدى كۇشەيتىپ، باعىتتامالى تۇردە ولقىلىقتاردى تەكسەرۋ، ولقىلىقتاردى تولىقتاۋ، جاڭالاۋ، دارەجەسىن جوعارىلاتۋ ارقىلى ىسىراپشىلدىققا قارسى تۇرۋدىڭ تۇزىمدىك توسپاسىن ونان ارى بەكەمدەدى.
باستاماشىلدىقپەن ۇنەمشىل تۇرمىس كەشىرۋ تالابىن قاتاڭ تياناقتاندىرۋ كەرەك. جاڭادان تۇزەتۋ ەنگىزىلگەن «ەرەجەدە» پارتيا، ۇكىمەت ورگاندارىنىڭ قاراجات پايدالانۋىن باسقارۋدى كۇشەيتۋ، ۇكىمەتتىك ساتىپ الۋدى باقىلاۋ ـ باسقارۋ ٴادىسىن كەمەلدەندىرۋ، ۇكىمەتتىڭ قارجى قوسۋ بەتالىسى مەن قۇرىلىمىن ساپالىلاندىرۋ، پارتيا، ۇكىمەت ورگاندارىنىڭ ەل ىشىندەگى ٴىسساپار قيمىلىن، ۇكىمەت جۇمىسىمەن ۋاقىتشا شەتەلگە (شەكارادان) شىعۋ قيمىلىن، ۇكىمەتتىك كۇتىپ الۋ قيمىلىن، ۇكىمەت كولىگىن پايدالانۋ، ٴماجىلىس قيمىلىن، قىزمەت كەڭسەسىن قاتاڭ، مىقتى باسقارۋ، بايلىقتان ۇنەمدى، شوعىرلى پايدالانۋدى كۇشەيتۋ جونىندە اناعۇرلىم جوعارى ولشەم، اناعۇرلىم قاتاڭ تالاپ قويىلدى. ٴار دارەجەلى پارتيا، ۇكىمەت ورگاندارى ۇنەمشىلدىكپەن تۇرمىس كەشىرۋدىڭ ٴتۇرلى تۇزىمدەرىن تياناقتاندىرۋدى قاتاڭ ويداعىداي يگەرىپ، بارلىق ٴىستى ۇقىپتىلىقپەن ىستەپ، قاتاڭ، ىقشام تۇردە ەگجەي ـ تەگجەيلى ەسەپ جاساپ، تەجەمدى كۇشەيتىپ، شىعىستى قاتاڭ تىزگىندەپ، شەكتى قازىنالىق قارجىنى قاجەتتى جەرگە جۇمساپ، دامۋدىڭ قاجەتىنە، حالىق تۇرمىسىنىڭ تىلەگىنە اناعۇرلىم كوپ قارجى بوساتۋ كەرەك.
دۇرىس ناتيجە كوزقاراسىن شىن مانىندە ورناتۋ جانە امالياتتا ايگىلەۋ كەرەك. جاڭادان تۇزەتۋ ەنگىزىلگەن «ەرەجەدە» ٴار دارەجەلى باسشىلىق ورگاندار مەن باسشى كادرلار، ٴسوز جوق، دۇرىس ناتيجە كوزقاراسىن ورناتىپ، حالىقتى كۇيزەلتىپ، قازىنانى وبالدى ەتەتىن ”وبراز ينجەنەرياسىن“، ”ناتيجە ينجەنەرياسىن“ جۇرگىزۋگە قاتاڭ تيىم سالۋ كورنەكتى باسا دارىپتەلدى. شەشىم جاساۋداعى اعاتتىق ەڭ ۇلكەن ىسىراپشىلدىق. ٴار دارەجەلى باسشىلىق ورگاندار مەن باسشى كادرلار دۇرىس ناتيجە كوزقاراسىن بەرىك ورناتىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، دامۋ جوباسىن جاساۋدا، ساياسات ـ شارالاردى شىعارۋدا، كەلەلى ىستەردى ۇيعارۋدا بەيبەرەكەت ىستەۋدەن، بۇگىندى عانا ويلاپ، ەرتەڭمەن ساناسپاۋدان بارىنشا ساقتانىپ، شەكتى قازىنا بايلىعىن رەفورمانى يگەرۋگە، دامۋدى جەبەۋگە، ناقتى ٴىس ىستەۋگە جۇمساپ، پارتيا ورتالىق كوميتەتىنىڭ جوعارى ساپالى دامۋ جونىندەگى شەشىمدەرى مەن ورنالاستىرۋلارىنىڭ شىن مانىندە تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك. ٴتۇرلى فورماداعى ”ناتيجە قىزبالىعىن“ باتىل تۇزەتىپ، باسشى كادرلاردىڭ ناتيجە كوزقاراسىندا قاتەلىك بولسا، كەلەلى شەشىمدەردە اعاتتىق جىبەرسە، اسىرەسە، ”وبراز ينجەنەرياسىن“، ”ناتيجە ينجەنەرياسىن“ جۇرگىزىپ، اۋىر ىسىراپشىلدىق تۋدىرسا، جاۋاپكەرشىلىگىن، ٴسوز جوق، قاتاڭ قۋزاستىرۋ كەرەك.
استا ـ توك ىسىراپشىلدىق، بۇرىس ستيل، تەرىس پيعىلداردى قاتاڭ تەجەۋ كەرەك. جاڭادان تۇزەتۋ ەنگىزىلگەن «ەرەجە» ”ٴتورت بۇرىس ستيلدى“ تۇزەتۋدى كۇشەيتۋگە، اسىرەسە، استا ـ توك ىسىراپشىلدىق قۇبىلىسىن ىشكەرىلەي جونگە سالۋعا باعىتتاي وتىرىپ، ٴتارتىپ تالابىن اناعۇرلىم قاتايتىپ، ٴتۇزىمنىڭ تەگەۋرىندى بولۋىنا مۇمكىندىك جاسادى. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋمەن ۇشتاستىرىپ، ۇكىمەتتىك ساتىپ الۋ، ۇكىمەتتىك قيمىلدار، ۇكىمەت كولىگىن پايدالانۋ، ٴماجىلىس قيمىلدارى، قىزمەت كەڭسەلەرى سياقتى ۇنەمشىلدىك بەلگىلەمەلەرىن قاتاڭ تياناقتاندىرىپ، ولشەمنەن اسىرىپ ساتىپ الۋعا نەمەسە ساۋلەتتى زاتتىق ماتەريال، جابدىقتاردى ساتىپ الۋعا قاتاڭ تيىم سالۋ، ولشەمنەن اسىرا ۇكىمەتتىك كۇتىپ الۋعا قاتاڭ تيىم سالۋ، ولشەمنەن اسىرا قۇرىلىس جۇرگىزۋگە نەمەسە سالتاناتتى اشەكەيلەنگەن كۇتىپ الۋ ورىندارىنا جانە قىزمەت كەڭسەلەرىنە قاتاڭ تيىم سالۋ، ۇكىمەت كولىگىندەگى جوعارى سورتتى جابدىقتاردى كوبەيتۋگە نەمەسە ٴىشىن اسىرا اشەكەيلەۋگە قاتاڭ تيىم سالىپ، مەرەكە ـ مەيرام، كورمە، تالقى مىنبەرى، سپورت جارىسى، جارىس سياقتى قيمىلداردا ٴوزارا قارا تالاسۋدان، استا ـ توك ىسىراپشىلدىقتان باتىل ساقتانىپ، اكىمشىلىك قىزمەت وتەۋدەگى ”بەت ـ بەدەل ينجەنەرياسىنان“ باتىل ساقتانۋ جانە ونى تۇزەتۋ كەرەك.
ۇنەمشىل ورگان قۇرىلىسىن تىڭعىلىقتى ىلگەرىلەتۋ كەرەك. جاڭادان تۇزەتۋ ەنگىزىلگەن «ەرەجەدە» ٴار دارەجەلى پارتيا، ۇكىمەت ورگاندارىنىڭ ۇنەمشىل ورگان قۇرىلىسىن ىشكەرىلەي ىلگەرىلەتۋى جونىندە ٴتىپتى دە كوپ تالاپتار قويىلدى. ٴار دارەجەلى باسشىلىق ورگاندار مەن باسشى كادرلار وزدەرى ونەگە بولۋعا، جوعارى ارقىلى تومەنگە باستاماشى بولۋعا تاباندى بولۋ، ورتالىق پەن مەملەكەت ورگاندارىنىڭ تاراۋلارى ۇقىپتى، ۇنەمشىل بولۋدى قاتاڭ اتقارۋ، استا ـ توك ىسىراپشىلدىققا قارسى تۇرۋدا الدا ٴجۇرۋ، ۇلگى بولۋ كەرەك. ٴار دارەجەلى پارتيا، ۇكىمەت ورگاندارىنىڭ جانە ونداعى قىزمەتكەرلەردىڭ «ەرەجەنىڭ» رۋحىن تەرەڭ ٴتۇسىنۋىن ىلگەرىلەتىپ، ۇنەمشىلدىك كوزقاراسىن، قاراپايىمدىلىق تانىمىن ورناتىپ، قارجى بايلىعىن ۇنەمدى، شوعىرلى پايدالانىپ، استىق ۇنەمدەۋ ارەكەتىن باستاماشىلدىقپەن ورىستەتىپ، ٴتۇرلى قارجى بايلىعىنىڭ ىسىراپ بولۋىن باتىل تيۋ كەرەك. ىسىراپشىلدىققا قارسى تۇرۋدى باقىلاۋ ـ تەكسەرۋ مەحانيزمىن ورناتىپ، اقاۋسىزداندىرىپ، باقىلاۋ تەبىنىن ارتتىرىپ، جاۋاپكەرشىلىكتى تياناقتاندىرۋدى كۇشەيتىپ، ۇنەمشىل ورگان قۇرىلىسىن ۇزدىكسىز ىشكەرىلەي ىلگەرىلەتىپ، تاماشا پارتيا ستيلى، ۇكىمەت ستيلى ارقىلى قوعامدىق سالتقا، حالىق سالتىنا جەتەكشىلىك ەتىپ، تۇتاس قوعامدا ىسىراپشىلدىق — نامىس، ۇنەمشىلدىك — داڭق دەيتىن قويۋ رايدى ونان ارى قالىپتاستىرۋ كەرەك.
(شينحۋا اگەنتتىگىنىڭ 5 ـ ايدىڭ 18 ـ كۇنى بەيجيڭنەن بەرگەن حابارى)
