شينحۋا اگەنتتىگىنىڭ 5 ـ ايدىڭ 19 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجات زەرتتەۋ مەكەمەسى رەداكسيالاعان «شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋگە قاتىستى ماقالالار جيناعىنىڭ» 11 ـ بولىمىنەن 15 ـ بولىمىنە دەيىن جۋىردا ورتالىق حۇجات باسپاسىنان باسپادان شىعىپ، بۇكىل ەلدە تاراتىلدى.
بۇل كىتاپتىڭ 11 ـ بولىمىنەن 15 ـ بولىمىنە دەيىن ورتالىق كوميتەت پارتيا تاريحى جانە حۇجات زەرتتەۋ مەكەمەسىنىڭ 2023 ـ جىلى 11 ـ ايدان بەرى ۇيىمداستىرىپ جازعان ٴارى حالىق گازەتى، «ىزدەنۋ» جۋرنالى سياقتىلاردا جاريالانعان جەلىلەس نازاريالىق ۇگىت ماقالالارىنان جيىنى 29 ماقالا ەنگىزىلگەن، شامامەن 230 مىڭ ٴارىپ. بۇل ماقالالار باس شۋجي شي جينپيڭنىڭ قاتىستى ماڭىزدى بايىمداۋلارىن ۇيرەنۋدى، دايەكتىلەندىرۋدى ارقاۋ ەتىپ، جاڭا داۋىردەگى پارتيانىڭ جاسامپاز نازارياسىن جۇيەلىلەندىرە زەرتتەۋدى، عىلمي قاعيدالى ٴتۇسىندىرۋدى قۇلشىنا ىلگەرىلەتكەن. بۇل كىتاپتىڭ 1 ـ بولىمىنەن 5 ـ بولىمىنە دەيىن، 6 ـ بولىمىنەن 10 ـ بولىمىنە دەيىن جەكە ـ جەكە 2020 ـ جىلى، 2023 ـ جىلى باسپادان شىعىپ تاراتىلعان.
