شي جينپيڭ حىناندا قىزمەت تەكسەرگەندە بىلاي دەپ باسا دارىپتەدى
سەنىمدى بەكەمدەپ، جوعارى ساپالى دامۋدى، جوعارى ونىمدىلىكپەن باسقارۋدى ىلگەرىلەتىپ، ورتا جازىقتىڭ بايتاق دالاسىندا جۇڭگو ۇلگىسىندەگى وسىزامانداندىرۋدى ىلگەرىلەتۋ جاڭا تاراۋىن قۇلشىنا جازۋ كەرەك
5 - ايدىڭ 19 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىناندا قىزمەت تەكسەردى. سۋرەتتە: 5 - ايدىڭ 19 - كۇنى تۇستەن كەيىن شي جينپيڭ لوياڭ قازانشىق توبى جارنا شەكتى سەرىكتەستىگىنىڭ زەردەلى زاۆودىندا قىزمەت تەكسەرگەندە كاسىپورىنداعى جۇمىسشى - قىزمەتشىلەرمەن بىرگە.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
5 - ايدىڭ 19 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىناندا قىزمەت تەكسەردى. سۋرەتتە: 5 - ايدىڭ 19 - كۇنى تۇستەن كەيىن شي جينپيڭ لوياڭ لۇڭمىن تاس ۇڭگىرىندە قىزمەت تەكسەرگەن كەزدە ساياحاتشىلارمەن ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 5 ـ ايدىڭ 20 ـ كۇنى جىڭجوۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جاقىندا حىناندا قىزمەت تەكسەرگەندە بىلاي دەپ باسا دارىپتەدى: جاڭا ٴداۋىردىڭ جاڭا جورىعىندا حىنان پارتيا ورتالىق كوميتەتىنىڭ ورتا بولىك وڭىرلەردىڭ جەدەل ەڭسە كوتەرۋى، حۋاڭحى وزەنى الابىنىڭ ەكولوگياسىنىڭ قورعالۋى جانە جوعارى ساپالى دامۋى سياقتىلار جونىندەگى ستراتەگيالىق ورنالاستىرۋلارىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، رەفورمانى، ەسىك اشۋدى جاپپاي تەرەڭدەتىپ، وسىزاماندانعان كاسىپ سالاسى جۇيەسىن جانە اۋىل شارۋاشىلىعىندا قۋاتتى ولكەنى كۇش سالا قۇرىپ، كۇش سالا حالىق تۇرمىسىن جاقسارتىپ، قوعامدىق باسقارۋدى كۇشەيتىپ، ەكولوگيالىق ورتانى قورعاۋدى قۇلشىنا كۇشەيتىپ، مادەنيەتتىڭ گۇلدەنىپ ـ كوركەيۋىن كۇش سالا ىلگەرىلەتىپ، جوعارى ساپالى دامۋ جانە جوعارى ونىمدىلىكپەن باسقارۋ ارقىلى ورتا جازىقتىڭ بايتاق دالاسىندا جۇڭگو ۇلگىسىندەگى وسىزامانداندىرۋدى ىلگەرىلەتۋ جاڭا تاراۋىن قۇلشىنا جازۋ كەرەك.
5 ـ ايدىڭ 19 ـ كۇنىنەن 20 ـ كۇنىنە دەيىن شي جينپيڭ حىنان ولكەلىك پارتكومنىڭ شۋجيى ليۋ نيڭ جانە ولكە باستىعى ۋاڭ كايدىڭ سەرىك بولۋىندا ىلگەرىندى ـ كەيىندى لوياڭعا، جىڭجوۋعا بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.
5 ـ ايدىڭ 19 ـ كۇنى تۇستەن كەيىن شي جينپيڭ الدىمەن لوياڭ قازانشىق توبى جارنا شەكتى سەرىكتەستىگىندە قىزمەت تەكسەردى. بۇل سەرىكتەستىكتىڭ توركىنى ”1 ـ بەسجىلدىق“ مەزگىلىندە سالىنعان لوياڭ قازانشىق زاۆودى. زەردەلى زاۆودتا شي جينپيڭ كاسىپورىننىڭ دامۋ بارىسىن ۇعىسىپ، ٴتۇرلى تۇرپاتتاعى قازانشىق ونىمدەرىنىڭ قولدانىلاتىن ورنى جانە سيپاتى جونىندەگى تانىستىرۋدى تىڭداپ، ٴوندىرىس جەلىسىنە جاقىن بارىپ ٴوندىرىس بارىسىن تەكسەرىپ كوردى. ول قاۋمالاي كەلگەن كاسىپورىن جۇمىسشى ـ قىزمەتشىلەرىنە بىلاي دەدى: ”جاساۋ كاسىبى — حالىق شارۋاشىلىعىنىڭ ماڭىزدى تىرەگى، جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، جاساۋ كاسىبىنىڭ ۇيلەسىمدى سالىستىرماسىن ساقتاۋ كەرەك. وسى زامانعى جاساۋ كاسىبى عىلىم ـ تەحنولوگيانىڭ قۋات ۇستەۋىنەن ايرىلا المايدى، تەحنولوگيادان قامال الۋدى قۇلشىنا كۇشەيتىپ، دەربەس جاڭالىق اشۋ سىندى دامۋ جولىمەن ٴجۇرۋ كەرەك. ول جۇمىسشى ـ قىزمەتشىلەردى قوجايىندىق رۋحتى اسقاقتاتىپ، كاسىپورىندى دامىتۋ بارىسىندا قۇلشىنا ىسكەرلىك كورسەتىپ، كوبىرەك ۇلەس قوسۋعا جىگەرلەندىردى.
وسىدان كەيىن شي جينپيڭ شىعىس حان داۋىرىندە باستاپ سالىنعان بايما بۇتحاناسىنا بارىپ قىزمەت تەكسەرىپ، بۇددا ٴدىنىن جۇڭگوشالاندىرۋ جانە بۇتحانانىڭ مادەني ەسكەرتكىشتەرىن قورعاۋ جاعدايىن ەگجەي ـ تەگجەيلى ۇعىستى. ول بىلاي دەپ اتاپ كورسەتتى: بايما بۇتحاناسى بۇددا ٴدىنىنىڭ تارالۋى، دامۋى جانە ۇزدىكسىز جۇڭگوشالانۋ ۇردىسىنە كۋا بولدى. تاريح مىنانى دالەلدەدى: ەلىمىزدە ٴدىندى جۇڭگوشالاندىرۋ بەتالىسىنا تاباندى بولۋ بۇكىلدەي دۇرىس، ٴدىندى جۇڭحۋانىڭ تاڭداۋلى ٴداستۇرلى مادەنيەتىنە توعىسۋعا، سوتسياليستىك قوعامعا ۇيلەسۋگە بەلسەنە جەتەكتەۋ كەرەك.
1500 جىلدان ارتىق تاريحى بار لۇڭمىن تاس ۇڭگىرى ماڭىزدى دۇنيە جۇزىلىك مادەنيەت مۇراسى سانالادى. شي جينپيڭ وسى اراعا كەلىپ، تاس ۇڭگىردىڭ تۇتاس تۇلعالىق ورنالاسۋ بەت ـ بەينەسىن جانە ۋاكىلدىك سيپاتتى بۇت ۇياشىقتارىن، مۇسىندەردى تەكسەرىپ كورىپ، سول جەردەگى مادەني ەسكەرتكىشتەردى قورعاۋ قىزمەتكەرلەرىمەن ىقىلاسپەن اڭگىمەلەستى. ول بىلاي دەپ باسا دارىپتەدى: وسى جۇڭحۋا مادەنيەتىنىڭ اسىل قازىنالارىن ويداعىداي قورعاپ، ويداعىداي جالعاستىرىپ، ويداعىداي تاراتۋ كەرەك. ساياحاتشىلار باس شۋجيدى كورىپ، بارلىعى ايرىقشا قۋانىپ، تۇس ـ تۇستان باس شۋجيگە امانداستى. شي جينپيڭ ٴالسىن ـ ٴالى كوپشىلىكپەن اڭگىمەلەستى، كىشكەنتاي دوستاردى ناقتى ورىنعا كوبىرەك بارىپ جۇڭحۋا مادەنيەتى جونىندە ىزدەنىپ، بالا كەزدەن باستاپ مادەنيەت سەنىمىن ورناتۋعا ايرىقشا جىگەرلەندىردى. ول بىلاي دەپ اتاپ كورسەتتى: مادەنيەت پەن ساياحاتتى توعىستىرۋدىڭ بولاشاعى كەڭ، مادەنيەت ـ ساياحات كاسىپ سالاسىنىڭ جوعارى ساپالى دامۋىن ىلگەرىلەتىپ، شىن مانىندەگى تىرەكتى كاسىپ سالاسىن، حالىق تۇرمىسى كاسىپ سالاسىن، باقىت كاسىپ سالاسىن تۇلعالاۋ كەرەك.
5 ـ ايدىڭ 20 ـ كۇنى تۇستەن بۇرىن شي جينپيڭ حىنان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حىناننىڭ ٴتۇرلى جاقتاردا قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە تالاپ قويدى.
شي جينپيڭ بىلاي دەپ اتاپ كورسەتتى: جوعارى ساپالى دامۋ — جۇڭگو ۇلگىسىندەگى وسىزامانداندىرۋدىڭ قاجەتتى تالابى. كۇردەلى سىرتقى ورتا الدىندا سەنىمدى بەكەمدەپ، ٴوز ٴىسىمىزدى بۇلجىماي جاقسى ىستەپ، جوعارى دەڭگەيدە سىرتقا ەسىك اشۋدى بۇلجىماي كەڭەيتىپ، كۇش سالا جۇمىستاندىرۋدى ورنىقتىرىپ، كاسىپورىندى ورنىقتىرىپ، بازاردى ورنىقتىرىپ، مەجەنى ورنىقتىرىپ، جوعارى ساپالى دامۋدىڭ ايقىندىعى ارقىلى ٴتۇرلى ايقىنسىزدىققا توتەپ بەرۋىمىز كەرەك. حىنان ەكونوميكادا ٴىرى ولكە رەتىندە، ناقتى ەكونوميكا سىندى وسى نەگىزدى اناعۇرلىم بەكەمدەپ، عىلىم ـ تەحنولوگيادا جاڭالىق اشۋدى جەتەكشى ەتىپ، جەرگىلىكتى جاعدايعا قاراي جاڭاشا وندىرگىش كۇشتى دامىتىپ، وسىزاماندانعان كاسىپ سالاسى جۇيەسىنىڭ جوعارى ساپالى دامۋعا تىرەك بولۋ قابىلەتىن جوعارىلاتۋى كەرەك. ەگىستىك جەردى قورعاۋدى جانە قۇرۋدى كۇشەيتىپ، استىق حاۋىپسىزدىگى جاۋاپكەرشىلىگىن بەرىك ارقالاپ، وسى زامانعى اۋىل شارۋاشىلىعى كاسىپ سالاسى تىزبەگىن ۇزارتىپ، قالا مەن اۋىلدى توعىستىرا دامىتۋ ارقىلى اۋىل ـ قىستاقتىڭ جاپپاي گۇلدەنۋىن ىلگەرىلەتىپ، قالا مەن اۋىلدىڭ ورتاق بايۋىن جەبەۋى كەرەك. ٴتۇيىندى الاپتاردىڭ ەكولوگياسىن قورعاۋدى، وڭاۋدى تاباندىلىقپەن كۇشەيتىپ، لاستانۋدان ساقتانۋ ـ وڭاۋدان قامال الۋدى تەرەڭدەتىپ، ەكولوگيالىق حاۋىپسىزدىك قالتقىسىن بەكەمدەۋى كەرەك.
شي جينپيڭ بىلاي دەپ باسا دارىپتەدى: حىناننىڭ جان سانى جالپى مولشەرى، جان سانى تىعىزدىعى، جان سانى جىلجىمالىلىعى تۇگەلدەي ٴبىرشاما جوعارى، قوعامدىق ماسەلەلەرى كۇردەلى، ٴار الۋان، قوعامدىق باسقارۋدى، ٴسوز جوق، تىڭعىلىقتى كۇشەيتۋ كەرەك. پارتيانىڭ باسشىلىعىن جاپپاي تياناقتاندىرىپ، قوعامدىق باسقارۋ ٴتۇزىلىس ـ مەحانيزمىن اقاۋسىزداندىرىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانعان قاۋىمنىڭ پارتيا قۇرىلىسى قىزمەتىن كۇشەيتۋ كەرەك. بۇقارانى اناعۇرلىم ويداعىداي ۇيىستىرىپ، قىزمەت وتەپ، بۇقارانىڭ مۇددەسىن سايكەستىرۋ مەحانيزمىن اقاۋسىزداندىرىپ، الەۋمەتتىك قىزمەت وتەۋ دەڭگەيىن جوعارىلاتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن شەشۋ كەرەك. نەگىزگى ساتىنى يگەرۋدى، نەگىزدى كۇشەيتۋدى، ٴتۇبىردى بەكەمدەۋدى كورنەكتىلەندىرىپ، بايلىقتى، قىزمەت وتەۋدى، باسقارۋدى تومەنگە ٴتۇسىرۋدى ىلگەرىلەتىپ، قوعامدىق باسقارۋدىڭ ٴتۇرلى قىزمەتىن بويلىقتا تۇبىنە، ەندىكتە شەتىنە دەيىن جەتكىزۋگە شىنايى كەپىلدىك ەتۋ كەرەك. زاڭمەن باسقارۋ جانە سەنىمدىلىك قۇرىلىسىنا ايرىقشا ٴمان بەرىپ، زاڭمەن باسقارۋدىڭ قوعامدىق باسقارۋدى ارناعا ٴتۇسىرۋ جانە قامتاماسىز ەتۋ رولىن ويداعىداي ساۋلەلەندىرىپ، ادال، سەنىمدى بولۋ سىندى قۇن جەتەكشىلىگىن كۇشەيتىپ، ۇكىمەت سەنىمدىلىگى، كاسىپورىن سەنىمدىلىگى، قوعام سەنىمدىلىگى دەڭگەيىن جوعارىلاتۋ كەرەك. حاۋىپ ـ قاتەردى، كومەسكى كىناراتتاردى ٴبىر ـ بىردەن تەكسەرۋدى جانە وڭاۋدى مىقتاپ قاداعالاپ، قوعام اماندىعى بويىنشا جالپى تۇلعالىق ساقتانۋ ـ تىزگىندەۋدى كۇشەيتىپ، ٴتۇيىندى سالالارداعى حاۋىپ ـ قاتەردەن ٴونىمدى ساقتانىپ جانە ونى جويىپ، قوعامنىڭ جاراسىمدىلىعىن، ورنىقتىلىعىن شىنايى قورعاۋ كەرەك. ٴار دارەجەلى باسشى كادرلار ىرىقتىلىقپەن ىسكەرلىك كورسەتىپ، قوعامدىق باسقارۋدى ىلگەرىلەتۋ بارىسىندا جاڭا جاعدايداعى پارتيانىڭ بۇقارالىق قىزمەت زاڭدىلىعىن قورىتىندىلاۋعا شەبەر بولىپ، تۇرلىشە قوعامدىق قاۋىمنىڭ ەرەكشەلىگىنە مەڭزەس قىزمەتتى ەگجەي ـ تەگجەيلى، ناقتى ىستەۋى كەرەك. فورماشىلدىقتى شىنايى رەتتەپ ـ وڭاپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ باتىلدىقپەن ٴىس تىندىرۋىنا، بەدەل ورناتۋىنا قولداۋ كورسەتىپ، بۇقارانىڭ ٴوز كۇشىنە سۇيەنىپ قوعامدىق باسقارۋداعى ماسەلەلەردى شەشۋىنە قولداۋ كورسەتۋ كەرەك.
شي جينپيڭ بىلاي دەپ اتاپ كورسەتتى: ورتالىقتىڭ سەگىز ٴتۇرلى بەلگىلەمەسى — پارتيا ورتالىق كوميتەتىنىڭ حالىقتىڭ سەنىمىنە يە بولۋ شاراسى، جاڭا داۋىردەگى پارتيانى باسقارۋ، پارتيانى جونگە سالۋدىڭ بەلگى سيپاتتى شاراسى. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ — بيىلعى پارتيا قۇرىلىسى قىزمەتىنىڭ ٴتۇيىندى مىندەتى. ۇيرەنۋ، تەكسەرۋ، تۇزەتۋدى ٴبىر تۇلعالى ىلگەرىلەتۋ جاعىندا كۇش سالىپ، پارتيا مۇشەلەرى مەن كادرلاردىڭ ٴوز ماسەلەسن تەكسەرىپ ورتاعا قويۋى مەن رەتتەپ تۇزەتۋىن جانە ۇيىمنىڭ تەكسەرىپ ورتاعا قويۋى مەن رەتتەپ تۇزەتۋىن تىعىز بىرلەستىرىپ، ستيلدەگى قاتاڭ تالاپتى قاتاڭ شاراعا شىنايى اينالدىرىپ، قۇرىشتاي قاعيدانىڭ تەمىر تەگەۋرىندىك رولىن ساۋلەلەندىرىپ، ۇيرەنۋدىڭ ساپالى، تەكسەرۋدىڭ تەبىندى، تۇزەتۋدىڭ ٴونىمدى بولۋىنا شىنايى كەپىلدىك ەتۋ كەرەك. ۇيرەنۋ تاربيەسى بويىنشا ورتالىقتىڭ جەتەكشىلىك ەتۋ گرۋپپاسى مۇقياتتىلىقپەن مىندەت وتەپ، جاۋاپكەرشىلىگىن ادا ەتىپ، قىزمەت ٴتۇيىنىن ماسەلەنى شەشۋدى ىلگەرىلەتۋگە قويىپ، دالمە ـ ٴدال جەتەكشىلىك ەتىپ، ناقتى ونىمدىلىككە ۇمتىلۋى كەرەك.
شي جينپيڭ بىلاي دەپ باسا دارىپتەدى: بيىل جىل باسىنان بەرى، ەلىمىزدىڭ كەيبىر وڭىرلەرىندە قۋاڭشىلىق تۋىلدى، كەيبىر وڭىرلەردە ٴالى دە جالعاسۋدا، قاتىستى تاراۋلار تىعىز سايكەسىپ، پايدالاناتىن سۋدى ورنالاستىرۋدى كۇشەيتىپ، قالا، اۋىل تۇرعىندارىن سۋمەن قامداۋعا جانە اۋىل شارۋاشىلىعىنداعى سۋارۋ قاجەتىنە شىنايى كەپىلدىك ەتۋى كەرەك. قۋاڭشىلىق بولسا سۋ باسۋ دا بولۋى مۇمكىن، قۋاڭشىلىق پەن سۋ باسۋدىڭ شۇعىل اۋىسۋىنان قاتاڭ ساقتانۋ كەرەك. تاسقىن مەزگىلى كەلىپ جەتتى، جەر ـ جەر تاسقىننان ساقتانۋعا، سەلدەن قورعانۋعا، ٴسوز جوق، مۇقيات دايىندىق كورىپ، دايىندىق جوبانىڭ تولىق بولۋىنا، سالماقتىلىقپەن توتەپ بەرۋگە شىنايى كەپىلدىك ەتۋى كەرەك. تاسقىن، لاي ـ شاعىل كوشكىنى سياقتى جاراتىلىستىق اپات وڭاي تۇتقيىل تۋىلاتىن وڭىرلەر شۇعىل جاعدايعا توتەپ بەرۋ، ٴبىر جايلى ەتۋ جاۋاپكەرشىلىگىن جاپپاي تياناقتاندىرۋى كەرەك.
حى ليفىڭ، سونداي ـ اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى ورتالىق 2 ـ جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ ماجىلىسىنە قاتىناستى.
