شينحۋا اگەنتتىگىنىڭ 5 ـ ايدىڭ 26 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «جۇڭگوشا وسى زامانعى كاسىپورىن ٴتۇزىمىن كەمەلدەندىرۋ جونىندەگى پىكىر» 5 ـ ايدىڭ 26 ـ كۇنى سىرتقا جاريالاندى.
«پىكىردە» مىنالار اتاپ كورسەتىلدى: جۇڭگوشا وسى زامانعى كاسىپورىن ٴتۇزىمى — جۇڭگوشا سوتسياليستىك ٴتۇزىمنىڭ ماڭىزدى قۇرامداس ٴبولىمى. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، سوتسياليستىك بازار شارۋاشىلىعى رەفورماسىنىڭ بەتالىسىنا تاباندى بولىپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ٴبىر تۇتاس جوسپارلاپ، پارتيانىڭ باسشىلىعىنا تاباندى بولۋدى جانە ونى كۇشەيتۋدى نەگىز، مال ـ مۇلىك ۇقىعى ايقىن، ۇقىق پەن جاۋاپكەرشىلىك ايقىن، ۇكىمەت پەن كاسىپورىن بولىنگەن، باسقارۋ عىلمي بولۋدى نەگىز، سەرىكتەستىكتى باسقارۋدى كەمەلدەندىرۋدى ٴتۇيىن، رەفورما جاساۋدى، جاڭالىق اشۋدى قوزعاۋشى كۇش ەتىپ، كاسىپورىنشىلار رۋحىن اسقاقتاتىپ، ٴتىپتى دە كوپ دۇنيە جۇزىندەگى بىرەگەي كاسىپورىندى جەدەل قۇرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى تىرەك ازىرلەۋ كەرەك.
«پىكىردە» مىنالار العا قويىلدى: پارتيانىڭ جالپى بەتتىك باسشىلىعىنا تاباندى بولىپ، پارتيانىڭ لۋشيان، باعىت ـ ساياساتتارىن بۇلجىماي تياناقتاندىرىپ، پارتيا ۇيىمى مەن قىزمەتىنىڭ ٴونىمدى قامتىلۋىن ىلگەرىلەتىپ، پارتيا ۇيىمىنىڭ رولىن ساۋلەلەندىرەتىن ٴتۇزىم مەحانيزمىن كەمەلدەندىرۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ جانە ونى تياناقتاندىرىپ، ٴتۇرلى مەنشىكتەگى شارۋاشىلىقتىڭ ارتىقشىلىقتارىمەن ٴبىرىن ـ ٴبىرى تولىقتاۋىن، بىرگە دامۋىن جەبەپ، ٴتۇرلى كاسىپورىنداردىڭ ىشكى قوزعاۋشى كۇشى مەن جاڭالىق اشۋ ومىرشەڭدىگىن تولىق قاۋلاتۋ كەرەك. ٴتۇزىم قۇرىلىسى ارقىلى دامۋدى جەبەۋگە تاباندى بولىپ، ٴتۇزىلىس ـ مەحانيزم كەدەرگىلەرىن جويىپ، سەرىكتەستىكتەردى باسقارۋ قۇرىلىمى مەن ۇيىمدىق فورماتسياسىندا جاڭالىق اشۋدى ىلگەرىلەتىپ، كاسىپورىن ٴتۇزىمىن كەمەلدەندىرىپ، ٴتۇرلى كاسىپورىننىڭ بايلىق فاكتورلارىنان پايدالانۋ ونىمدىلىگى مەن شارۋاشىلىق باسقارۋ دەڭگەيىن جوعارىلاتۋىنا قولداۋ كورسەتۋ جانە جەتەكشىلىك ەتۋ كەرەك. تۇرگە ٴبولىپ جەتەكشىلىك ەتۋگە، ٴبىر تۇتاس جوسپارلاپ ىلگەرىلەتۋگە تاباندى بولىپ، كاسىپورىنداردىڭ كولەمى، دامۋ ساتىسى، مەنشىك سيپاتى سياقتىلارعا قاراي تۇرگە ٴبولىپ شارا قولدانىپ، اناعۇرلىم ومىرشەڭ كۇشكە يە، اناعۇرلىم يكەمدى، اناعۇرلىم باسەكەلىك قۋاتقا يە وسى زامانعى كاسىپورىنداردى جەتىلدىرۋ كەرەك.
«پىكىردە» العا قويىلعان باستى نىسانالار مىنالار: مولشەرمەن 5 جىلدان كەيىن، شارت ـ جاعداي ازىرلەگەن كاسىپورىنداردىڭ مەملەكەت جاعدايىنا ۇيلەسەتىن، ٴىس جۇزىندىككە ۇيلەسەتىن، دامۋ قاجەتىن قاناعاتتاندىراتىن جۇڭگوشا وسى زامانعى كاسىپورىن ٴتۇزىمىن جاپپاي ورناتۋىن ىلگەرىلەتىپ، كاسىپورىنداردىڭ پارتيا قۇرىلىسىن جاپپاي كۇشەيتىپ، باسقارۋ قۇرىلىمىن اناعۇرلىم اقاۋسىزداندىرىپ، بازارلانعان اينالىم مەحانيزمىن اناعۇرلىم كەمەلدەندىرىپ، عىلمي باسقارۋ دەڭگەيىن اناعۇرلىم جوعارىلاتىپ، دەربەس جاڭالىق اشۋ، كاسىپ سالاسىنىڭ دارەجەسىن جوعارىلاتۋعا تىرەك بولۋ، قوعامدىق جاۋاپكەرشىلىكتى اتقارۋ سياقتى رولدارىن تولىق ساۋلەلەندىرۋدى ىلگەرىلەتۋ. 2035 ـ جىلعا بارعاندا جۇڭگوشا وسى زامانعى كاسىپورىن ٴتۇزىمىن اناعۇرلىم كەمەلدەندىرىپ، كاسىپورىنداردىڭ حالىقارالىق باسەكەلىك قۋاتىن جاپپاي جوعارىلاتىپ، دۇنيە جۇزىندەگى بىرەگەي كاسىپورىن قۇرۋدى جەدەلدەتۋگە بەرىك نەگىز قالاۋ.
«پىكىردە» تاعى پارتيانىڭ باسشىلىعىنا تاباندى بولۋ جانە ونى كۇشەيتۋ، سەرىكتەستىكتى باسقارۋ قۇرىلىمىن كەمەلدەندىرۋ، كاسىپورىنداردىڭ عىلمي باسقارۋ دەڭگەيىن جوعارىلاتۋ، كاسىپورىنداردىڭ جاڭالىق اشۋعا شابىتتاندىرۋ ٴتۇزىمىن اقاۋسىزداندىرۋ، كاسىپورىنداردىڭ قوعامدىق جاۋاپكەرشىلىگى مەن كاسىپورىن مادەنيەت جۇيەسىن ورناتۋ جانە اقاۋسىزداندىرۋ، كاسىپورىنداردى جان ـ جاقتى باقىلاۋ ـ باسقارۋ جانە قىزمەت وتەۋ جۇيەسىن ساپالىلاندىرۋ سياقتىلار جونىندە تالاپتار قويىلدى.
