انار بۇلت \ شينجياڭ گازەتىنىڭ ٴتىلشىسى چىن چياڭۋي
شينجياڭ ەلەكتر كاسىبى تاريحي سيپاتتى سەكىرۋدى باستان كەشىرۋدە.
10 نەشە جىلدا شينجياڭ ەلەكتر تورى وقشاۋ تور بويىنشا ىسكە قوسىلۋدان 20 نەشە ولكەگە ەلەكتر جەتكىزۋگە وزگەردى؛ تىرەكتى تور جۇلگەسى 750 كيلوۆولتقا دارەجەسىن جوعارىلاتىپ، بۇكىل ەلدەگى 750 كيلوۆولتتىق كەرنەۋ وزگەرتۋ پۋنكتى ەڭ كوپ، جەلىسى ەڭ ۇزىن ولكە دارەجەلى ەلەكتر تورىنا اينالدى؛ ەلەكتر كوزى كومىر ەلەكترىن نەگىز ەتۋدەن جاڭا ەنەرگيا گەنەراتورى جالپى گەنەراتور سيىمدىلىعىنىڭ جارىمىنان استامىن يەلەۋگە وزگەردى...
بۇل وزگەرىستەر شينجياڭنىڭ باسىمدىققا يە بايلىقتى كادەگە جاراتۋ ستراتەگياسىن زور كۇشپەن اتقارۋىمەن تىعىز قاتىستى، مەملەكەتتىك ٴبىر تۇتاس ەلەكتر بازارى جۇيەسىن جەدەل ورناتۋمەن تىعىز قاتىستى.
باس شۋجي شي جينپيڭ بىلاي دەپ اتاپ كورسەتتى: ەنەرگيا قامتاماسىزدىعى مەن حاۋىپسىزدىگى مەملەكەت جوسپارىنا، حالىق تۇرمىسىنا ساياتىن، استە نەمقۇرايدى قاراۋعا بولمايتىن ”مەملەكەتتىڭ زور ٴىسى“.
شينجياڭ باس شۋجي شي جينپيڭنىڭ مەملەكەتتىڭ ەنەرگيا حاۋىپسىزدىگى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، كاسىپ سالاسى ارقىلى شينجياڭدى گۇلدەندىرۋدى ٴوز مىندەتى ەتىپ، ٴىرى بازا + ٴىرى ەلەكتر تورى + ٴىرى جاڭالىق اشۋ سىندى جاڭالاۋ امالياتى ارقىلى شينجياڭنىڭ ەلەكتر كاسىبىنىڭ دامۋىن قايتا سومداپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدە بارعان سايىن ماڭىزدى جاۋاپكەرشىلىك ارقالاپ وتىر.
شەكسىز ”جەل، جارىقتان“ ۇتىمدى پايدالاندى
ۇلى تابيعات شينجياڭعا مول بايلىق سيلادى.
شينجياڭعا كەلگەن ادامداردىڭ بارلىعى شينجياڭنىڭ ٴدامى ٴتىل ۇيىرەتىن قاۋىن ـ قاربىز، جەمىس ـ جيدەكتەرىن اۋىز جاپپاي ماقتايدى، مۇنىڭ استارىندا جاز كۇندەرى 16 - 14 ساعاتقا سوزىلاتىن كۇن نۇرىنىڭ ٴتۇسۋى جاتىر. شينجياڭدا بۇكىل ەل بويىنشا اشىپ پايدالانۋعا بولاتىن ەڭ مول كۇن ەنەرگياسى بايلىعى بار.
شينجياڭعا كەلگەن ادامدارعا بۇل ارانىڭ جەلى دە تەرەڭ اسەر قالدىرادى، بارماقتاي تاستى ۇشىرىپ، جۇلقىلايدى سابالاپ، ەن جازىقتىڭ ۇستىندە جەل جەتەلەپ جەلدىرگەن، قيىرشىق تاستار بارادى جوسىلا جورتىپ دومالاپ، دۇلەي بوران ٴتىپتى پويەزدى دە اۋدارىپ تاستايدى. شينجياڭدا دابانچىڭ، ەرتىس وزەنى اڭعارى سياقتى 10 ٴىرى جەل ٴوڭىرى بار.
كومىرگە كەلسەك، شينجياڭ بۇكىل ەلدەگى قورى ەڭ مول ٴوڭىر، مەجەلەنگەن جالپى مولشەرى بۇكىل ەلدىڭ %40ىن يەلەيدى.
وسىنداي مول بايلىقتان پايدالانباۋ دۇنيەنى وبالدى ەتۋ بولىپ تابىلادى.
«شينجياڭ ۇيعۇر اۆتونوميالى رايونىنىڭ حالىق شارۋاشىلىعى جانە قوعامدىق دامۋىنىڭ 14 ـ بەسجىلدىق جوباسى مەن 2035 ـ جىلعا دەيىنگى ۇزاق بولاشاقتىق نىسانا باعدارلاماسىنا» ساي، مەملەكەت شينجياڭنىڭ مەملەكەتتىك ٴىرى مۇناي ـ تابيعي گاز ٴوندىرۋ، وڭدەۋ جانە زاپاس ساقتاۋ بازاسىن، ٴىرى كومىر، كومىر ەلەكتر، كومىر حيميا ونەركاسىپ بازاسىن، ٴىرى جەل ەلەكتر بازاسىن، مەملەكەتتىك ەنەرگيا بايلىعىنىڭ قۇرلىقتاعى ۇلكەن ارناسىن قۇرۋىنا قولداۋ كورسەتتى.
سوڭعى جىلدارى شينجياڭ بايلىق باسىمدىعىنان تولىق پايدالانىپ، مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن كۇش سالا تۇلعالاپ، مەملەكەتتىك ەنەرگيا بايلىعىنىڭ قۇرلىقتاعى ۇلكەن ارناسىنان پايدالانىپ، مەملەكەتتىك ٴبىر تۇتاس ەلەكتر بازارىمەن تولىق توعىستى.
بيىل 3 ـ ايدا شينجياڭ 18 ورتالىق كاسىپورنىمەن بىرگە بەيجيڭدە كاسىپ سالاسى ارقىلى شينجياڭدى گۇلدەندىرۋدەگى ٴتۇيىندى نىساندارعا 2025 ـ جىلعى قارجى قوسۋدى ىلگەرىلەتۋ ٴماجىلىسىن وتكىزدى. كەلىسىم جاساسقان 54 نىساننىڭ كوبى ەنەرگيا، جاڭاشا ەنەرگيا ساقتاۋ نىساندارى بولدى.
وسىنداي قارجى قوسۋدى ىلگەرىلەتۋ ٴماجىلىسى شينجياڭدا ٴۇرتىس كوپ جىل وتكىزىلدى، ٴتۇيىندى كەلىسىم جاساسقان ەلەكتر نىساندارى تيانشان الابىندا ىركەس ـ تىركەس قۇرىلىس باستاپ، ىسكە قوسىلدى.
ورتالىقتان جەرگىلىكتى ورىندارعا دەيىن شينجياڭنىڭ ەنەرگيا جوباسىنىڭ كارتيناسى بىرتىندەپ رەالدىققا اينالۋدا.
2024 ـ جىلدىڭ سوڭىنا دەيىن شينجياڭدا قۇمىل، جۇندۇڭ، وڭتۇستىك شينجياڭداعى تارىمدى اينالعان 10 ميلليون كيلوۆات دارەجەلى 3 جاڭا ەنەرگيا بازاسى جانە ميلليون كيلوۆات دارەجەلى 10نان استام جاڭا ەنەرگيا بازاسى قۇرىلدى، قۇمىلدىڭ سولتۇستىگى، چارقىلىق سياقتى 10 ميلليون كيلوۆات دارەجەلى جاڭا ەنەرگيا بازاسى جەدەل قۇرىلۋدا.
ەنەرگيا بازاسى قۇرىلىسى شينجياڭنىڭ قاتىستى كاسىپ سالالارىنىڭ دامۋىن دا جەبەدى. شينجياڭنىڭ جاڭا ەنەرگيا جابدىقتارىن جاساۋ كاسىبىنىڭ دامۋ تەبىنى كۇشتى بولىپ، ەل ىشىندە الدىڭعى 8 ورىندى يەلەيتىن جەل ەلەكتر جابدىقتارىن جاساۋ كاسىپورىندارى شينجياڭدا ىسكە قوسىلدى.
ەرەكشە ترانسفورماتور جارنا شەكتى سەرىكتەستىگى، جينفىڭ عىلىم ـ تەحنولوگيا جارنا شەكتى سەرىكتەستىگى سياقتى ٴبىر توپ جەرگىلىكتى كاسىپورىندار كاسىپ سالاسىنىڭ سەركەسىنە اينالدى.
بيىل ٴبىرىنشى ماۋسىمدا شينجياڭنىڭ جاڭا ەنەرگيا نىساندارىنا قوسىلعان قارجى ٴۇرتىس، جەدەل ارتىپ، جەل كۇشى، فوتوۆولت ارقىلى ەلەكتر تاراتۋ قۇرىلىس نىسانى 346 بولىپ، تۇراقتى مۇلىككە قوسىلعان قارجىنىڭ 4 پايىز ارتۋىن جەبەدى.
شينجياڭنىڭ جەل، جارىق، كومىر سياقتى بايلىقتارى شينجياڭنىڭ ەكونوميكالىق دامۋىنىڭ مازداتقىشىنا اينالدى.
بۇكىل ەلگە ەلەكتر جەتكىزىپ، جالپى جاعدايعا ۇلەس قوستى
شينجياڭنىڭ مول ەنەرگيا بايلىعى ەگەر مەملەكەتتىك ٴبىر تۇتاس ٴىرى بازارمەن توعىسپاي، تەك ٴوزىنىڭ قابىلداۋىنا عانا سۇيەنسە، ەكونوميكالىق باسىمدىققا اينالۋى، ٴار ۇلت بۇقاراسىنا تيىمدىلىك جاساۋى قيىنعا سوعادى.
سونىمەن نەشە مىڭ كيلومەتردى ەندەي وتەتىن ەنەرگيا بايلىعىنىڭ قۇرلىقتاعى ۇلكەن ارناسى اۋقىمعا قاراي جارىققا شىقتى.
بايىنعولين وبلىسى - تىكەنلىك - چارقىلىق 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ جۇمىس باسىندا كۇمىس سىمنىڭ ”اجال تەڭىزى“ تاكلاماكان شولىنەن كەسىپ وتكەن كورىنىسى ادامدى قايران قالدىرادى.
وسى جەلىدەگى ينجەنەريا مەنشىك يەسى نىسانىنىڭ ديرەكتورى لي جۇننىڭ بىلتىر جازدا جوعارى تەمپەراتۋرالى اۋا رايىندا قۇمدى شولدە تاعانعا بەتون قۇيعان كەزدە جۇمىسشىلاردىڭ تامشىلاتۋ قوندىرعىسىمەن تەمىر مۇنارانىڭ تاعانىنا سۋ شاشىپ، تاعان بەتىنە بەتوندى قورعاۋ جارعاعىن وراپ جاتقان كورىنىس ٴالى ەسىندە.
ەلەكتر جۇمىسشىلارىنىڭ جاپالى ەڭبەگى سۇبەلى جەتىستىكتەرگە قول جەتكىزدى. 2024 ـ جىلدىڭ سوڭىندا ينجەنەريا سالىنىپ بولىپ، ىسكە قوسىلدى. ”اجال تەڭىزىندە“ ۇشى ـ قيىرسىز ”فوتوۆولت تەڭىز“ قالىپتاستى.
”ينجەنەريا چارقىلىق توڭىرەگىندەگى 7 ميلليون كيلوۆاتتىق فوتوۆولت پەن جەل ەلەكترىن تورلاندىرىپ جالعاۋعا ٴتيىمدى شارت ـ جاعداي جاراتتى، تارىم ويپاتىنىڭ مۇناي ـ گاز، جەل، جارىق، ەنەرگيا ساقتاۋ بايلىعىن اشۋدى تور جۇلگەسى تىرەگىمەن قامدادى“، ـ دەدى لي جۇن.
تاياۋ جىلداردان بەرى، شينجياڭ شينجياڭ ىشىندەگى ەلەكتر تورىنىڭ تىرەكتى تور جۇلگەسىن ۇزدىكسىز كەمەلدەندىرىپ، ٴار دارەجەلى ەلەكتر تورى قۇرىلىسىن جەدەلدەتىپ، ٴۇرىمجى قالاسىن وزەك ەتكەن، شىعىستا قۇمىل قالاسىنا، باتىستا ىلە قازاق اۆتونوميالى وبلىسىنا جەتكىزىلگەن، سولتۇستىكتە التاي ايماعىنا تۇتاسقان، وڭتۇستىكتە حوتان ايماعىنا جالعاسقان، بۇكىل شينجياڭنىڭ ايماق، وبلىس، قالالارىن قامتىعان ”ىشكى قامداۋ 5 اينالما تورى“ 750 كيلوۆولتتىق نەگىزگى تور جۇلگەسى جاعدايىن قالىپتاستىردى.
وسى سۇرىپتالعان بولات قاڭقالى تور جۇلگەسى قان تامىر ىسپەتتى شينجياڭنىڭ جەر ـ جەرىندەگى مول ەلەكتر قۋاتىن شوعىرلاندىرىپ، قاجەتتى جەرلەرگە جەتكىزدى. شينجياڭ ەلەكتر تورى بۇكىل ەل بويىنشا قامتۋ كولەمى ەڭ كەڭ، ەلەكترمەن قامداۋ كولەمى ەڭ ۇلكەن ولكە دارەجەلى ەلەكتر تورىنا اينالدى.
2014 ـ جىلى ىسكە قوسىلعان قۇمىلدىڭ وڭتۇستىگى - جىڭجوۋ ±800 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ 10 جىلدا حىنان ولكەسىنە جەتكىزگەن ەلەكتر مولشەرى جيىنى 360 ميلليارد كيلوۆات ساعاتتان اسقان، بۇل حىنان حالقىنىڭ ٴار 10 ساعاتتا ىستەتكەن توگىنىڭ ٴبىر ساعاتى شينجياڭنان كەلگەنمەن بارابار.
3000 كيلومەتردەن استام ۇزىندىقتى ەندەي وتكەن جۇندۇڭ - انحۇيدىڭ وڭتۇستىگى ±1100 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى كەرنەۋ دارەجەسى، جەتكىزۋ سيىمدىلىعى، ەلەكتر جەتكىزۋ ارالىعى سىندى 3 تۇردەن دۇنيە ٴجۇزى بويىنشا ەڭ جوعارى دەڭگەيگە جەتەدى.
شينجياڭ ەلەكترىن سىرتقا جەتكىزۋدىڭ 3 ـ ارناسى — قۇمىل - چۇڭچيڭ ±800 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى بيىل ىسكە قوسىلادى، ”شينجياڭنىڭ ەلەكترىن چۇڭچيڭگە جەتكىزۋ“ جوباسى بيىل ىسكە قوسىلىپ رەالدىققا اينالادى.
ٴتىپتى دە زور حيكايالار شينجياڭنىڭ بايتاق دالاسىندا ورىستەتىلۋدە. شينجياڭ ەلەكترىن سىرتقا جەتكىزۋدەگى 4 ـ تۇراقتى توك جەتكىزۋ ارناسى جۇمىس باستادى، شينجياڭ تۇڭعىش رەت ەلەكتر قۋاتىن چىڭدۋ - چۇڭچيڭ قوس قالا ەكونوميكالىق شەڭبەرىنە تىكە جەتكىزۋدى جۇزەگە اسىرادى.
بيىل شينجياڭدا ەرەكشە جوعارى كەرنەۋلى ەلەكتر تورى ينجەنەرياسىنان 41ى جاڭادان سالىنىپ، جالعاستى سالىنىپ، 2024 ـ جىلداعىدان %50 ارتىپ، تاريحتاعى ەڭ جوعارى دەڭگەيگە جەتەدى.
مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى ەكونوميكا ـ تەحنولوگيا زەرتتەۋ ورنىنىڭ اقپارات مالىمدەمەشىسى ۋاڭ شياۋبين بولاشاق كارتينانى سۋرەتتەپ بىلاي دەدى: ”ٴبىز 5 ـ ەرەكشە جوعارى كەرنەۋلى تۇراقتى توك جەتكىزۋ ارناسىن جوبالاپ جاتىرمىز، سول كەزدە شينجياڭنىڭ سىرتقا جەتكىزۋ قۋاتى 44 ميلليون كيلوۆاتتان اسادى، بۇل ٴار كۇنى ورتا، شىعىس بولىكتەرگە 170 مىڭ توننالىق ٴبىر ’ەلەكتر قۋاتى كومىر پويەزىن‘ جونەلتكەنمەن بارابار“.
جوبا بويىنشا ”14 ـ بەسجىلدىقتىڭ“ سوڭىندا شينجياڭ ەلەكتر تورى ”ىشكى قامداۋ 7 اينالما تورى، سىرتقا جەتكىزۋ 5 ارناسى“ سىندى نەگىزگى تور جۇلگەسى جاعدايىن قالىپتاستىرادى.
قازىر شينجياڭنىڭ ەلەكتر قۋاتى ميللي سەكۋند دارەجەلىك جىلدامدىقپەن ەل ىشىندەگى باسقا ولكەلەرگە جەتكىزىلۋدە.
عىلىم ـ تەحنولوگيا قۋات ۇستەپ، قۇرىلىم جاڭالاندى
جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن قالاي ورناتۋ كەرەك؟ ەنەرگيا بايلىعى مول رايون رەتىندە، شينجياڭ ىزدەنىس جاساي باستادى.
شاحمات تاسى الدىمەن جاڭا ەنەرگيا گەنەراتور كولەمىن كەڭەيتۋگە باسادى. ٴوزىنىڭ بايلىق ارتىقشىلىعىن، وڭىرلىك ورىن باسىمدىعىن تياناق ەتىپ، شينجياڭ جاڭا ەنەرگيانى دامىتۋدى كاسىپ سالاسىن شوعىرلاندىرۋدىڭ، وسىزاماندانعان كاسىپ سالاسى جۇيەسىن تۇلعالاۋدىڭ شەشۋشى شاراسى ەتىپ، جاڭا ەنەرگيا نىسانى قۇرىلىسىن جەدەل ىلگەرىلەتتى.
4 ـ ايدىڭ باسىندا مەملەكەتتىك ەلەكتر قارجى قوسۋ سەرىكتەستىگى قۇمىل شىسان جيانفاڭ ٴبىر ميلليون كيلوۆاتتىق جەل ەلەكترىن، فوتوۆولتتى، ەنەرگيا ساقتاۋدى ٴبىر تۇلعالاندىرۋ نىسانى جۇمىس باسىندا 120 قۇرىلىسشى ٴۇرتىس شايقاس جاساپ، نىسان قۇرىلىسىن بار قارقىنمەن ىلگەرىلەتتى، مەجەمەن 9 ـ ايدىڭ سوڭىندا فوتوۆولتتىق تورلاندىرىپ ەلەكتر تاراتادى. نىسان جاپپاي ىسكە قوسىلعاننان كەيىن جىلىنا 2 ميلليارد كيلوۆات ساعاتتان استام جاسىل ەلەكتر شىعاراتىن بولادى.
سوڭعى جىلدارى شينجياڭنىڭ جاڭا ەنەرگيا گەنەراتورىنىڭ سيىمدىلىعى ۇزدىكسىز جاڭالانىپ، كۇرت ارتۋ جاعدايى جارىققا شىقتى. 2021 ـ جىلى 990 مىڭ كيلوۆاتتىق جاڭا ەنەرگيا گەنەراتورى تىڭنان قوسىلدى؛ 2024 ـ جىلى 12 ـ ايدىڭ 30 ـ كۇنىنە دەيىن جىل ىشىندە 35 ميلليون 570 مىڭ كيلوۆاتتىق جاڭا ەنەرگيا گەنەراتورى تىڭنان قوسىلدى. قىسقا عانا بىرنەشە جىلدا جىل ىشىندە جاڭادان قوسىلعان جاڭا ەنەرگيا گەنەراتور سيىمدىلىعى زور مولشەردە ارتتى.
بۇل شينجياڭ ەنەرگيا قۇرىلىمىنىڭ بارعان سايىن ”جاسىلدانعاندىعىنان“ دەرەك بەرەدى.
قازىر شينجياڭنىڭ جاڭا ەنەرگيا گەنەراتور سيىمدىلىعى 100 ميلليون كيلوۆاتتان اسىپ، جاڭا ەنەرگيا گەنەراتورىنىڭ يەلەگەن سالىستىرماسى %50تەن اسىپ، باتىس بولىكتەگى وڭىرلەردە جاڭا ەنەرگيا گەنەراتورى 100 ميلليوننان اسقان تۇڭعىش ولكەگە اينالدى.
جاڭا ەنەرگيا جاسىل بولعانىمەن، تەحنولوگيالىق جاقتان ەلەكتر تاراتۋدىڭ ٴۇزىلىپ قالۋى مەن تۇراقسىزدىعى ٴالى دە ورىن تەبۋدە.
بۇل ماسەلەنى شەشۋ ٴۇشىن، جاڭالىق اشۋ ٴسوزسىز جۇرگىزىلۋى كەرەك. جاڭاشا ەنەرگيا ساقتاۋ نىسانى ەلەكتر تورى حاۋىپسىز اينالىمىنىڭ ”ورنىقتىرعىشى“، ”رەتتەگىشى“ رەتىندە، جۇرت نازارىن اۋدارا باستادى.
شينجياڭنىڭ جاڭاشا ەنەرگيا ساقتاۋ نىسانى فوسفور قىشقىلدى تەمىر ليتي، تولىق ۆاناديلىق سۇيىقتىق، ٴتىستى دوڭگەلەك، اسقىن كوندەنساتور سياقتى كوپ تۇرلەردى قامتىدى. عىلىم ـ تەحنولوگيادا جاڭالىق اشۋ وسى نىسانداردا وبرازدى تۇردە جارىققا شىقتى.
4 ـ ايدىڭ 2 ـ كۇنى شينجياڭنىڭ جاڭاشا ەنەرگيا ساقتاۋ جالپى گەنەراتور كولەمى 10 ميلليون كيلوۆاتتىق ۇلكەن وتكەلدەن ٴوتىپ، گەنەراتور كولەمى بۇكىل ەل بويىنشا الدىڭعى قاتاردا، باتىس بولىكتە ٴبىرىنشى ورىندا تۇردى. جاڭاشا ەنەرگيا ساقتاۋ نىسانى كەڭ كولەمدە ىسكە قوسىلعاننان كەيىن 2024 ـ جىلى شينجياڭ ەلەكتر تورىنىڭ جاڭا ەنەرگيادان پايدالانۋ مولشەرى %3.6 جوعارىلادى.
ۇرىمجىدەگى مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ ەلەكتر قۋاتىن رەتتەۋ ـ مەڭگەرۋ ورتالىعىندا ۇلكەن ەكراننان شىققان سيفرلار ەنەرگيانى باسقارۋدىڭ وسى زامانعى ەسكەرتپەسىن ايگىلەدى — جاڭا ەنەرگيانى مەجەلەۋدىڭ دالدىگى 10 جىلدىڭ الدىنداعى %67تەن %96كە جوعارىلاپ، ەنەرگيا ساقتاۋ جۇيەسىنىڭ ۇندەسۋ ۋاقىتى 150 ميللي سەكۋندقا قىسقاردى...
عىلىم ـ تەحنولوگيا كۇشى ەلەكتر تورىنىڭ اناعۇرلىم حاۋىپسىز، جوعارى ٴونىمدى بولۋىنا ٴارى جاڭاشا ەلەكتر قۋاتى جۇيەسىنىڭ جوبادان بىرتىندەپ رەال تۇرمىسقا بەت الۋىنا مۇمكىندىك جاسادى.
وسى ەنەرگيا توڭكەرىسى ادامداردىڭ ەنەرگيا پايدالانۋ ٴتاسىلىن بىرتىندەپ وزگەرتتى. قازىرگە دەيىن بيىل شينجياڭنىڭ جاسىل ەلەكتر ساۋدا مولشەرى 5 ميلليارد 510 ميلليون كيلوۆات ساعاتقا جەتىپ، ”14 ـ بەسجىلدىقتىڭ“ العاشقى مەزگىلىندەگىنىڭ 190 ەسەسىندەي بولدى.
وسى ساندى مالىمەتتەر شينجياڭنىڭ ەنەرگيا تۇتىنۋىنىڭ بارعان سايىن جاسىل بولىپ، قورشاعان ورتانى قورعاپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدىڭ تاياپ قالعاندىعىن دالەلدەدى.
بۇگىنگى شينجياڭ ٴشول دالاداعى جالعىز ٴتۇتىندى سان مىڭداعان وتباسىنىڭ شىراعىنا اينالدىرىپ، بولات ـ تەمىر مەن اقىل ـ پاراساتتى بىرىكتىرۋ ارقىلى دۇنيە جۇزىنە ەنەرگيا وزگەرىسىنىڭ جۇڭگو جاۋابىن جەتكىزۋدە.
