”حوش ٴيىس اڭقىعان ساڭزىدان باقىت تىلەۋ لەبى ەستى“
— رايونىمىزدىڭ جەر ـ جەرىندەگى قىستاقتا (الەۋمەتتىك اۋماقتا) تۇراتىن كادرلار ٴار ۇلت بۇقاراسىمەن بىرگە مەرەيلى مەرەكەنى قارسى الدى
انار بۇلت \ شينجياڭ گازەتىنىڭ تىلشىلەرى
قۇربان ايت كەلۋ قارساڭىندا رايونىمىزداعى ٴارقايسى قىستاقتا (الەۋمەتتىك اۋماق) تۇراتىن قىزمەت اترەتتەرى جابال حال سۇراۋ بۇيىمدارىن جانە ەڭ تاماشا تىلەكتەرىن الىپ بۇقارانىڭ ۇيىنە بارىپ، اڭگىمە دۇكەنىن قۇرىپ، وزگەرىستى تىلگە تيەك ەتىپ، بولاشاقتى ٴسوز قىلىپ، ٴار ۇلت بۇقاراسىمەن بىرگە مەرەكەنى قارسى الدى.
”اپاي، قۇربان ايت مەرەكەڭىز قۇتتى بولسىن“! 6 ـ ايدىڭ 5 ـ كۇنى تۇستەن كەيىن، ٴۇيى قۇلجا قالاسى ىلە وزەنى جولى ٴمالىسى بايكوشە الەۋمەتتىك اۋماعىندا تۇراتىن ۇمۇقسۇم حوشۇر ىقىلاستى قوناقتاردى قارسى الدى، ولار ىلە قازاق اۆتونوميالى وبلىستىق پارتكوم ۇگىت ٴبولىمىنىڭ وسى الەۋمەتتىك اۋماقتا تۇراتىن قىزمەت اترەتىنىڭ مۇشەلەرى مەن الەۋمەتتىك اۋماق كادرلارى ەدى.
”سىزگە العىس ايتامىز، وسى جىلداردا الەۋمەتتىك اۋماققا كوپتەگەن جاراستىرۋ قىزمەتتەرىن ىستەپ، بىزگە كومەكتەسىپ كوپتەگەن قايشىلىقتاردى، داۋ ـ شارلاردى شەشتىڭىز“، ـ دەدى ىلە قازاق اۆتونوميالى وبلىستىق پارتكوم ۇگىت ٴبولىمىنىڭ وسى الەۋمەتتىك اۋماقتا تۇراتىن قىزمەت اترەتىنىڭ باستىعى، ٴبىرىنشى شۋجي چىن حۇڭچۋان.
”زەينەتكە شىققانىممەن، ٴالى دە الەۋمەتتىك اۋماققا ٴبىراز قىزمەت ىستەۋىمە بولادى، تەك ٴاربىر ادام ٴبىراز قۇلشىنسا بولعانى الەۋمەتتىك اۋماق اناعۇرلىم تاماشا بولادى“، ـ دەدى ۇمۇقسۇم.
ساڭزى، كامپيت، جەمىس ـ جيدەك... سول كۇنى قىزمەت اترەتى مۇشەلەرى مەن الەۋمەتتىك اۋماق كادرلارى حال سۇراۋ بۇيىمدارىن جانە مەرەكەلىك تىلەكتەرىن الىپ، ىلگەرىندى ـ كەيىندى بايكوشە الەۋمەتتىك اۋماعىنداعى ساقا پارتيا مۇشەلەرىنىڭ، تۇرعىنداردىڭ ۇيىنە كەلىپ، كوپشىلىكپەن بىرگە سوڭعى بىرنەشە جىلدا الەۋمەتتىك اۋماقتا جارىققا شىققان وزگەرىستەردى اڭگىمەلەدى. ”بۇل قۇربان ايتتا قاتتى قۋاندىم، حوش ٴيىسى اڭقىعان ساڭزىدان باقىت تىلەۋىنىڭ لەبى ەستى“، ـ دەدى بايكوشە الەۋمەتتىك اۋماعىنىڭ تۇرعىنى ٴمۇياسسار ابدۇراحمان.
6 ـ ايدىڭ 4 ـ كۇنى شاۋەشەك قالاسى ەمىل اۋىلى ٴوبىسىن قىستاعىندا بايگە قيمىلى الاڭى كورەرمەندەردىڭ الاقايى مەن ايعايىنا بولەندى. شاباندوزدار اتتارىنا قامشى باسىپ قۇيعىتىپ، سول جەردەگى كورەرمەندەردى شەكسىز قۋانىشقا بولەدى. تارباعاتاي ايماقتىق توعىسپالى مەديا ورتالىعىنىڭ قىستاقتا تۇراتىن قىزمەت اترەتى ۇيىمداستىرعان بۇل قيمىل قىستاق تۇرعىندارىنا ەڭ تاماشا تىلەك جولدادى.
قۇربان ايت كەلۋ قارساڭىندا تيانشان الابىنىڭ بارلىق جەرىنەن قۋانىش پەن بەرەكەنىڭ لەبى ەستى. ”قارا الاقان، حۋاڭنو 9 ـ ٴنومىرلى جۇگەرىسى، قىسقىش، دالا باعىمىنداعى تاۋىق... مەرەكەنىڭ الدىندا وسى اۋىل شارۋاشىلىق ونىمدەرى توتەنشە ٴوتىمدى بولدى“، ـ دەدى وڭتۇستىك اۆياتسيا شينجياڭ بولىمشە سەرىكتەستىگىنىڭ گۇما اۋدانى پيشنا اۋىلىنىڭ جايتوعراق قىستاعىندا تۇراتىن قىزمەت اترەتىنىڭ باستىعى، ٴبىرىنشى شۋجي گاۋ يۇن.
سوڭعى جىلدارى جايتوعراق قىستاعى شيە ەگىمشىلىگىن دامىتىپ، شيە ەگۋ كولەمى 1000 مۋدان استى، بيىل 28 مۋ جەردەگى شيە جەمىس بەردى. ”پيشنا اۋىلى مەرەكە كەزىندە شيە ٴۇزۋ قيمىلىن ورىستەتەدى“. گاۋ يۇن بىلاي دەدى: مەرەكەدە كوپشىلىككە جاپالى ەڭبەكتىڭ جەمىسىنەن ٴدام تاتقىزىپ، مول ٴونىم شاتتىعىن سەزىندىرسەك، وزگەشە ٴبىر ەرەكشەلىككە يە بولماق.
قۇربان ايتتىڭ الدىندا اۆتونوميالى رايوندىق ورگان ىستەرىن باسقارۋ مەكەمەسىنىڭ اتۇش قالاسى قاراجول اۋىلى اياقسۇعۇن قىستاعىندا تۇراتىن قىزمەت اترەتى مەن قىستاق ”ەكى كوميتەتى“ پارتيا مۇشەلەرىن، بۇقارانى ”ۇلتتار ىنتىماقتاسىپ قۇربان ايتتى قۇتتىقتاۋ“ ادەبيەت ـ كوركەمونەر كونسەرتىن وتكىزۋگە ۇيىمداستىردى.
كونسەرت تاماشالاپ، ٴدامدى تاعامداردان اۋىز ٴتيىپ، ٴان سالىپ، بيگە باسقان دۋماندى راي سول جەردەگى ٴاربىر ادامدى اسەرلەندىردى. قىزمەت اترەتىنىڭ مۇشەلەرى تاعى ارناۋلى تۇردە بالاباقشاداعى بالاقايلار مەن باستاۋىش مەكتەپ وقۋشىلارىنا سومكە جانە سۋ بوياۋلى قالام سياقتى تارتۋلاردى ۇسىندى.
6 ـ ايدىڭ 4 ـ كۇنى اقسۋ ايماقتىق توعىسپالى مەديا ورتالىعىنىڭ شايار اۋدانى قىزىلتۋ قالاشىعى ىلعار قىستاعىندا تۇراتىن قىزمەت اترەتى قىستاق ”ەكى كوميتەتىمەن“ قول ۇستاسىپ، قىستاقتاعى 25 جالعىز قالعان قارتتار، مۇگەدەك سياقتىلاردان حال سۇراپ، كۇرىش، ۇن جانە شاي سياقتى تۇرمىستىق زاتتىق ماتەريالداردى جەتكىزىپ بەردى.
”قىزمەت اترەتىنىڭ مۇشەلەرى مەن قىستاق كادرلارى ماعان توتەنشە كوڭىل ٴبولىپ، مەرەكەلىك تارتۋ اكەلىپتى، ەرەكشە قۋاندىم“. قىستاق تۇرعىنى ساۋۇت اۋۇت سالدانعان قارت، ول تەبىرەنە بىلاي دەدى: قىزمەت اترەتى ماعان ەڭ تومەنگى تۇرمىستى قامتاماسىز ەتۋ جانە مۇگەدەكتەر كۋالىگىن ٴبىتىرىپ بەرىپ قانا قويماي، تاعى ۇلىما ٴبىر تۇراقتى قىزمەت تاۋىپ بەردى، ەرەكشە اسەرلەندىم.
اقسۋ ايماقتىق توعىسپالى مەديا ورتالىعىنىڭ ىلعار قىستاعىندا تۇراتىن قىزمەت اترەتىنىڭ باستىعى، ٴبىرىنشى شۋجيي ەركىن راحمان بىلاي دەدى: بۇقاراعا قىزمەت وتەپ، بۇقاراعا ناقتى ىستەر تىندىرۋ قىزمەت اترەتىنىڭ ماڭىزدى مىندەتى، ٴبىز بۇقارانىڭ تاماشا تۇرمىسقا كەنەلۋىنە كومەكتەسەمىز.
(ٴتىلشى سۇڭ ۋيگو، قاتىناسقان ٴتىلشى جاڭ جىلي، ەرىكتى تىلشىلەر ۋاڭ لىلى، دۇڭ چىڭجۇڭ)
