2025 ـ جىلى ورتالىق قازىنا 20 قالانىڭ قالانى جاڭالاۋ ارەكەتىن اتقارۋىنا قولداۋ كورسەتەدى
ٴۇرىمجى وسى تىزىمدىككە ٴساتتى ەندى
انار بۇلت \ شينجياڭ گازەتىنىڭ ٴتىلشىسى جاڭ دۇڭمەي 6 ـ ايدىڭ 7 ـ كۇنى ۇرىمجىدەن حابارلايدى. 6 ـ ايدىڭ 4 ـ كۇنى ٴۇرىمجى قالاسى قازىنا مينيسترلىگى، تۇرعىن ٴۇي جانە قالا ـ اۋىل قۇرىلىسى مينيسترلىگى ۇيىمداستىرعان 2025 ـ جىلعى ورتالىق قازىنانىڭ قالانى جاڭالاۋ ارەكەتىن اتقارۋعا قولداۋ كورسەتۋ جونىندەگى ماماندار باعالاۋىنان جانە ناق مايدان ديسسەرتاتسياسىنان ٴساتتى ٴوتىپ، قولداۋ كورسەتىلەتىن 20 قالا تىزىمدىگىنە ٴساتتى ەنىپ، ورتالىق قازىنانىڭ جالپى سوماسى ٴبىر ميلليارد 200 ميلليون يۋاننان اسپايتىن قارجىلاي كومەك قاراجاتىنا يە بولدى.
ٴتىلشىنىڭ ٴۇرىمجى قالالىق تۇرعىن ٴۇي جانە قالا ـ اۋىل قۇرىلىسى مەكەمەسىنەن ۇعىسۋىنشا، 2025 ـ جىلى ورتالىق قازىنا قالانى جاڭالاۋ ارەكەتىن اتقارۋعا قولداۋ كورسەتۋدە، نەگىزىنەن، نازاردى ۇلگى نىسان قۇرىلىسى جانە مەحانيزم قۇرىلىسى سىندى 2 باعىتقا شوعىرلاندىرىپ، 3 جىل ىزدەنىس جاساۋ ارقىلى قالانىڭ جەر استى قۇبىر تورى سياقتى نەگىزگى قۇرىلىس دەڭگەيىن جوعارىلاتىپ، تۇرمىستىق لاس سۋدى ٴبىر جاقتى ەتۋ ونىمدىلىگىن كۇشەيتىپ، كونە، ەسكى اۋماقتاردىڭ جانعا جايلى ورتاسىن جاقسارتىپ، كوشىرىپ جالپىلاستىرۋعا بولاتىن ۇلگى تاجىريبەسىن قالىپتاستىرۋعا كۇش سالادى ەكەن.
ٴۇرىمجى قالالىق تۇرعىن ٴۇي جانە قالا ـ اۋىل قۇرىلىسى مەكەمەسىنىڭ قاتىستى جاۋاپتىسى بىلاي دەپ تانىستىردى: وسى جولى ٴساتتى كىرۋىمىز قوسىمشا كومەك قاراجاتى قولداۋىنا يە بولۋدان دەرەك بەرىپ قانا قويماي، ٴۇرىمجى قالاسىنىڭ قالانى جاڭالاۋ سالاسىنداعى ۇلگى كورسەتۋ اسەرىنىڭ مەملەكەت دەڭگەيىندە مويىندالعانىنان دا دەرەك بەرەدى. الداعى 3 جىلدا ٴۇرىمجى قالاسى جيىنى 8 ميلليارد 168 ميلليون يۋان قارجى قوسىلاتىن 70 نىساندى دەن قويا جوسپارلايدى، قالانى جاڭالاۋ ارەكەتىن اتقارۋ ارقىلى ”1 + 6“ ۇلگى كورسەتۋ اۋماعىن قۇرىپ، 3 ۇلكەن ۇلگىنى تۇلعالاۋعا قۇلشىنادى. ٴبىرىنشى، قالاداعى لاس سۋ قۇبىر تورىن تۇتاس قامتۋ مەن ”زاۆود تورىن ٴبىر تۇلعالاندىرىپ“ جۇمىس جۇرگىزۋدىڭ، قورعاۋدىڭ ۇلگى كورسەتۋ ۇلگىسىن تۇلعالايدى. 152.4 شارشى كيلومەترلىك لاس سۋدى جيناۋ، ٴبىر جاقتى ەتۋ، پايدالانۋ ۇلگى كورسەتۋ اۋماعىن تۇلعالاپ، سوڭعى بۋىنداعى پايدالانۋشىلاردىڭ ”ەڭ سوڭعى ٴبىر كيلومەترىن“ كەمەلدەندىرىپ، تۇلەمە سۋدى پايدالانۋ ۇلكەن اينالىمىن ىركىلىسسىزدەندىرىپ، ”زاۆود تورىن ٴبىر تۇلعالاندىرعان“ كاسىپتىك جۇمىس جۇرگىزۋدى، قورعاۋدى ورىستەتىپ، لاس سۋدى جونگە سالۋ دەڭگەيىن جالپىلىق جوعارىلاتۋ جوسپارلاندى. ەكىنشى، كوپ نەگىزدى، ٴبىر تۇلعالى جۇڭحۋا مادەنيەتىن قورعاۋ، جالعاستىرۋ جانە جاڭالاۋ، دامىتۋ ۇلگىسىن تۇلعالايدى. كونە قالاداعى 27.4 شارشى كيلومەتر كەلەتىن 6 ٴتۇيىندى اۋماقتى ”ٴبىر اۋماققا ٴبىر جوبا“ بويىنشا جاڭالاۋدى اتقارۋ جوسپارلاندى. ٴۇشىنشى، قالانى جاڭالاۋ باياندى ۇلگىسى نۇسقاسىن تۇلعالايدى. قالانى تەكسەرۋ نەگىزىندە نىسان دەر كەزىندە دايىندالىپ جاسالاتىن، توقتاۋسىز اتقارىلاتىن ۇتىمدى اينالىمدى قالىپتاستىرىپ، قارجىنى ورنالاستىرۋ مەن دايىنداۋ مەحانيزمىن اقاۋسىزداندىرىپ، كوپ نەگىزدەنگەن قارجى قوسۋ، قارجى قۇراۋ ۇلگىسى جونىندە ىزدەنىس جاساپ، شارۋاشىلىق تۇلعالارىنىڭ ات سالىسۋ بەلسەندىلىگىن قاۋلاتادى. جەردەن پايدالانۋدى قامتاماسىزداندىرۋ جانە تەكسەرىپ بەكىتۋ مەحانيزمىن كۇشەيتىپ، تەحنولوگيالىق ولشەم جۇيەسىن كەمەلدەندىرىپ، قالانى جاڭالاۋ ارەكەتىنىڭ جوعارى ٴونىمدى اتقارىلۋىن ىلگەرىلەتەدى.
كەلەسى قادامدا ٴۇرىمجى قالاسى ٴتۇرلى قىزمەتتەردى جەدەل ىلگەرىلەتىپ، 2025 ـ جىلعى قالانى جاڭالاۋ ارەكەتىن اتقارۋ جوباسىن جانە جىلدىق نىساندى اتقارۋ جوسپارىن جاساپ، نىسان ۋاقىت ٴتۇيىنىن عىلمي بەلگىلەيدى؛ جۇمىس ٴونىمىن باعالاۋ مەن قارجى باسقارۋ ٴادىسىن شىعارىپ، ورتالىقتىڭ كومەك قاراجاتى جۇمىس ٴونىمىن باسقارۋدى كۇشەيتەدى؛ جوبالاۋ، جەتەكشىلىك ەتۋ رولىن كۇشەيتىپ، رايونداردىڭ رايون دارەجەلى جاڭالاۋ قۇرىلىس جوسپارىن، اۋماقتى جوسپارلاۋ جوباسىن جانە نىساندى اتقارۋ جوباسىن جاساۋدى ورىستەتۋىن جەبەيدى؛ قالانى جاڭالاۋ جەتەكشى پىكىرى مەن ەرەجەسىن شىعارىپ، زاڭمەن باسقارۋ قامتاماسىزدىعىن كۇشەيتەدى.
