ەرىكتىدەن قىستاق تۇرعىندارىنىڭ ”تىرەگى“ بولۋعا دەيىن
انار بۇلت \ شينجياڭ گازەتىنىڭ ٴتىلشىسى ۋي يۇڭگۇي، ەرىكتى ٴتىلشى ما جيڭجيڭ
5 ـ ايدىڭ 30 ـ كۇنى تال ٴتۇس كەزى، قۇمىل قالاسى يجوۋ رايونى ليۋشۋگوۋ اۋىلى جالعىز اعاش قىستاعىنىڭ ”ٴسۇتتى شاي اڭگىمە تۇيىنىندە“ بىرنەشە قىستاق تۇرعىنى ٴسۇتتى شاي ىشە وتىرىپ جالعىز اعاش قىستاعى پارتيا ياچەيكاسىنىڭ شۋجيى لي داچىنعا ٴوز وتباسىلارىنداعى جۋىقتان بەرى شەشۋگە ٴتيىستى اۋرەشىلىكتەردى اڭىس ەتتى. لي داچىن تىڭداي وتىرىپ ەستەلىككە الدى، ونان سوڭ قىستاق تۇرعىندارى ورتاعا قويعان ماسەلەلەرگە باعىتتاي وتىرىپ سايكەستى شەشۋ ٴادىسىن اقىلداستى.
ٴسۇتتى شايدىڭ حوش ٴيىسى اڭقىپ، كۇلكى ٴۇنى كوتەرىلدى. بۇل ”ٴسۇتتى شاي اڭگىمە ٴتۇيىنى“ لي داچىن قاتارلى قىستاق كادرلارىنىڭ ٴار ۇلت قىستاق تۇرعىندارىمەن اڭگىمەلەسىپ، پىكىر اۋىستىراتىن تاماشا جەرى.
لي داچىن شاندۇڭدىق، 2016 ـ جىلى نانياڭ جاراتىلىستىق عىلىمدار شۋەيۋانىنان وقۋ تاۋىسقان كەزدە باتىس بولىك جوسپارىنا قاتىناسۋعا تىزىمدەلىپ، جوعارى مەكتەپ وقۋشىلارى ەرىكتىسى بولىپ، شينجياڭنىڭ قۇمىلىنا كەلىپ قىزمەت ىستەدى.
قۇمىل قالاسى يجوۋ رايوندىق پارتكومنىڭ اۋىل شارۋاشىلىق كەڭسەسىنە العاش كەلگەندە، لي داچىن اۋىل شارۋاشىلىق بىلىمدەرىن مۇقيات زەرتتەپ، قۇلشىنا قىزمەت ىستەپ، كوپشىلىكتىڭ جاپپاي القاۋىنا يە بولدى. 2021 ـ جىلى 6 ـ ايدا لي داچىن ليۋشۋگوۋ اۋىلىنا كەلىپ قىزمەت ىستەدى.
ليۋشۋگوۋ اۋىلىندا قىزمەت ىستەگەن بىرنەشە جىلدا لي داچىن قىستاقتاردى ارالاپ، كوپتەگەن ەگىنشى ـ مالشى دوستارمەن تانىسىپ، اۋىل شارۋاشىلىعى، اۋىل ـ قىستاق، شارۋالار جونىندەگى تانىمى ۇزدىكسىز تەرەڭدەدى. 2022 ـ جىلى 4 ـ ايدا لي داچىن ليۋشۋگوۋ اۋىلدىق پارتيا قۇرىلىسى كەڭسەسىنىڭ ورىنباسار مەڭگەرۋشىلىگىنە تاعايىندالدى. 2024 ـ جىلى ول تاعى جالعىز اعاش قىستاعى پارتيا ياچەيكاسىنىڭ شۋجيى مىندەتىن قوسىمشا وتەدى.
باتىس بولىك جوسپارىنداعى ەرىكتىدەن قىستاق ياچەيكاسىنىڭ شۋجيىنە دەيىن، لي داچىننىڭ ەڭ كوپ باس قاتىرعانى اۋىلداستاردىڭ تۇرمىسىن قايتكەندە بارعان سايىن جاقسارتۋ بولدى.
ونىڭ قاراۋىنشا، پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرۋ ماڭداي الدى قىزمەت. لي داچىن قىستاقتا تۇراتىن قىزمەت اترەتىمەن بىرگە حىناننىڭ شينجياڭعا كومەكتەسۋ باسىمدىعىنا سۇيەنىپ، جالعىز اعاش قىستاعى پارتيا ياچەيكاسىنىڭ حىبي قالاسىنداعى كوپتەگەن قىستاقتاعى پارتيا ۇيىمىمەن جۇپ قۇراپ بىرگە قۇرۋ كەلىسىمىنە قول قويۋىن جەبەپ، پارتيا مۇشەلەرى مەن كادرلاردى باسقارۋ ٴتۇزىمىن ۇيرەنىپ، پارتيا مۇشەلەرى وزەكتى وتباسىن قۇرىپ، قىستاق پارتيا ياچەيكاسىنىڭ ۇيىمداستىرۋ قۋاتىن، ۇيىستىرۋ قۋاتىن جانە جاۋىنگەرلىك قۋاتىن ٴونىمدى كۇشەيتتى.
پارمەندى القا بولعاننان كەيىن، ايقىن دامۋ نىساناسى دا بولۋ كەرەك. لي داچىن قىستاق ”ەكى كوميتەتىندەگى“ كادرلاردى باستاپ جالعىز اعاش قىستاعىنىڭ ٴىس جۇزىندىگىمەن ۇشتاستىرىپ، ”ياچەيكانى كۇشەيتۋ، حالىق تىلەگىن ۇيىستىرۋ، كاسىپ سالاسىن گۇلدەندىرۋ، شارۋالاردى بايىتۋ“ سىندى دامۋ نىساناسىن تۇراقتاندىردى. ول قىستاق ”ەكى كوميتەتى“ القاسىنىڭ مۇشەلەرىمەن بىرگە قىستاق تۇرعىندارىنان كەڭ كولەمدە پىكىر الىپ، كوپ ٴتۇرلى شارا قولدانىپ، قىستاقتا تۇراتىن قىزمەت اترەتىمەن بىرگە قىستاقتاعى تاريحتان قالعان قارىز ماسەلەسىن شەشىپ، قىستاق كوللەكتيۆ ەكونوميكاسىنىڭ دامۋىنداعى اۋىر جۇكتى ارىلتتى.
كاسىپ سالاسىن قالاي دامىتۋ كەرەك؟ كىرىستى قالاي ارتتىرىپ، حالىقتى بايىتۋعا بولادى؟ لي داچىن نازارىن ەرەكشە مال شارۋاشىلىق كاسىپ سالاسى — بيڭچا جۇيليگە (لاق) اۋداردى.
”لاق ٴىرى كاسىپ سالاسى“ وي جەلىسى بويىنشا لي داچىن مەن قىستاقتا تۇراتىن قىزمەت اترەتى ەرەكشە مال شارۋاشىلىق كاسىپ سالاسىن زور كۇشپەن دامىتىپ، ”ليۋياڭياڭ“ ماركالى بيڭچا جۇيليدى تىركەۋگە الدىرىپ، قىستاقتا قۇرىلعان كاسىپورىننىڭ شينجياڭعا باعىتتامالى كومەكتەسەتىن كاسىپورىنمەن سەلبەستىگىن ىلگەرىلەتىپ، شينجياڭعا باعىتتامالى كومەكتەسۋ قارجىسىنىڭ مال شارۋاشىلىق كاسىپ سالاسىنىڭ نەگىزدىك قۇرىلعىلارىن جوعارىلاتۋىنا قول جەتكىزدى. 2024 ـ جىلى جالعىز اعاش قىستاعى ىلگەرىندى ـ كەيىندى قۇمىل قالاسىندا، جىڭجوۋ قالاسىندا، حىبي قالاسىندا 19 رەت سوعىم مادەنيەتى جانە بيڭچا جۇيليدى جالپىلاستىرۋ، ساتۋ قيمىلىن وتكىزىپ، ليۋياڭياڭ ماركالى 5000نان استام بيڭچا جۇيليدى ساتىپ، 5 ميلليون يۋاننان استام كىرىس كىرگىزدى.
قازىر جالعىز اعاش قىستاعىنىڭ بيڭچا جۇيليى جىڭجوۋ قالاسىنداعى، حىبي قالاسىنداعى كوپتەگەن قالا تۇرعىنى ۇناتاتىن مەرەكەلىك تاماشا تارتۋعا اينالدى.
2024 ـ جىلى لي داچىن حىنان اۋىل شارۋاشىلىق عىلىم اكادەمياسىنىڭ تەحنولوگيالىق ۇيىرمەسىنە سۇيەنىپ، قىستاقتا 45 مۋ سىناق اتىزىن قۇرىپ، قىستاق تۇرعىندارى ەككەن جەر جاڭعاقتىڭ، جۇگەرىنىڭ مۋ باسىندىق ٴونىمىن جەكە ـ جەكە %13، %15 ارتتىرىپ، قىستاق تۇرعىندارىنا ناقتى پايدا جەتكىزدى. بىلتىر جالعىز اعاش قىستاعىنىڭ كوللەكتيۆ ەكونوميكالىق كىرىسى بۇرىنعى 600 نەشە مىڭ يۋاننان مولايىپ، ٴبىر ميلليون 500 مىڭ يۋاننان استى.
”وسى بىرنەشە جىلدا قىستاق كوپشىلىككە كوپتەگەن جاقسى ٴىس ىستەپ بەردى، جول شىراعىن ورناتتى، ورتا تازالىعى دا جاقساردى“، ـ دەدى جالعىز اعاش قىستاعىنىڭ تۇرعىنى مۇقامەتجان اسقابىل.
”كەڭ ـ بايتاق باتىس بولىكتىڭ بولاشاعى زور. مەن وسى ارادا تامىر تارتتىم، قىستاق تۇرعىندارىن، ٴسوز جوق، اناعۇرلىم جاقسى تۇرمىس كەشىرۋگە باستايمىن“، ـ دەدى لي داچىن.
