انار بۇلت \ شينجياڭ گازەتىنىڭ ٴتىلشىسى جاۋ شييا
6 ـ ايداعى وڭتۇستىك شينجياڭنىڭ بايتاق دالاسىندا بار الاپ جايناپ، تىرشىلىك تىنىسى تاسقىندادى. شينجياڭ تيانشان كاسىپتىك تەحنولوگيا داشۋەسىنىڭ قىزىلسۋ قىرعىز اۆتونوميالى وبلىسىنداعى مەكتەپ اۋماعى قۇشاعىندا جاستىق كوكتەمنىڭ لەبى ەستى. ٴار ۇلت وقۋشىلارى زەردەلى ساباقحانا مەن اماليات جاتتىعۋ بازاسى اراسىندا قايشالىسىپ، وسى وڭىردە ٴبىلىم مەن ارمانعا تالپىنۋدا.
2024 ـ جىلى شينجياڭ حوتان شۋەيۋانىنىڭ، شينجياڭ تيانشان كاسىپتىك تەحنولوگيا داشۋەسىنىڭ قىزىلسۋ وبلىسى مەكتەپ اۋماقتارىنىڭ ارت ـ ارتىنان قۇرىلۋىنا ىلەسە، وڭتۇستىك شينجياڭ ٴوڭىرى تولىق كۋرس وقۋ ـ اعارتۋى جاپپاي قامتۋ سىندى تاريحي سەرپىلىستى جۇزەگە اسىردى. تارىم ويپاتى جيەگىنەن پامير ٴۇستىرتىنىڭ ەتەگىنە دەيىن وسىزاماندانعان داشۋە مەكتەپ اۋلالارى ەڭسە كوتەرىپ، سانسىز جاس وقۋشىلاردىڭ دارىندى بولىپ جەتىلۋ جولىن نۇرلاندىردى.
جوعارى دەڭگەيدە ىلگەرىلەتىپ، نەگىزدى بەكەمدەدى
وڭتۇستىك شينجياڭ ٴوڭىرى كەزىندە شينجياڭ جوعارى وقۋ ـ اعارتۋ بايلىعىندا ەڭ ٴالسىز ٴوڭىر بولاتىن. اۆتونوميالى رايون قۇرىلعان العاشقى كەزدە وڭتۇستىك شينجياڭدا تارىم داشۋەسى، قاشقار داشۋەسى سىندى 2 تولىق كۋرس مەكتەبى عانا بار بولىپ، جوعارى وقۋ ـ اعارتۋ بايلىعىندا ”مولشەرى از، ٴتۇيىنى سيرەك“ سىندى جاعداي جارىققا شىققان. پارتيا 18 ـ قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا جانە ايرىقشا قامقورلىعىندا، اۆتونوميالى رايوندىق پارتكوم وڭتۇستىك شينجياڭ وڭىرىندە تولىق كۋرس وقۋ ـ اعارتۋىنىڭ جاپپاي قامتۋىن ىلگەرىلەتۋدى دامۋ بوگەتتەرىن تالقانداۋداعى، جوعارى ساپالى دامۋدى ىلگەرىلەتۋدەگى، قوعام ورنىقتىلىعى جانە باياندى تىنىشتىقتى جۇزەگە اسىرۋداعى كەلەلى شارا رەتىندە، تۇتاس رايوننىڭ كۇشىن جۇمساي وتىرىپ وڭتۇستىك شينجياڭ جوعارى وقۋ ـ اعارتۋىنىڭ قارىشتاپ دامۋىن ىلگەرىلەتتى.
قازىر وڭتۇستىك شينجياڭنىڭ 5 ايماق، وبلىسىندا تۇگەلدەي ٴوزىنىڭ تولىق كۋرس داشۋەسى بار: بايىنعولين موڭعۇل اۆتونوميالى وبلىسىندا شينجياڭ عىلىم ـ تەحنولوگيا شۋەيۋانى، اقسۋ ايماعىندا شينجياڭ جاراتىلىستىق عىلىمدار شۋەيۋانى، قاشقار ايماعىندا قاشقار داشۋەسى، حوتان ايماعىندا شينجياڭ حوتان شۋەيۋانى، قىزىلسۋ وبلىسىندا شينجياڭ تيانشان كاسىپتىك تەحنولوگيا داشۋەسى قىزىلسۋ وبلىسى مەكتەپ اۋماعى بار.
وسى ورنالاستىرۋ جوعارى وقۋ ـ اعارتۋ بايلىعىنىڭ جاعراپيالىق ورنالاسۋىندا سەرپىلىس جاساۋدى جۇزەگە اسىرىپ قانا قويماي، ونان دا ماڭىزدىسى، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، وڭتۇستىك شينجياڭ وقۋ ـ اعارتۋ ىستەرىنە ەرەسەن قولداۋ كورسەتكەندىگىنىڭ شوعىرلى بەينەسى.
شينجياڭ وڭتۇستىك شينجياڭ جوعارى وقۋ ـ اعارتۋىن دامىتۋدى ماڭىزدى ٴتۇيىن ەتىپ، جاراتىلىستىق عىلىمدار جانە ونەركاسىپ پاندەرى تۇرىندەگى مەكتەپتەردى قۇرۋدى جەدەل جوسپارلاپ، جاراتىلىستىق عىلىمدار جانە ونەركاسىپ پاندەرى ماماندىعىنداعى دارىندىلاردى جەتىلدىرۋ سالىستىرماسىن ۇزدىكسىز جوعارىلاتىپ، ماماندىق قۇرىلىمى مەن كاسىپ سالاسى دامۋىنىڭ ۇيلەسىمدىلىگىن جوعارىلاتتى. سونىمەن قاتار وقۋ ـ اعارتۋ ارقىلى شينجياڭعا باعىتتامالى كومەكتەسۋ بايلىعىنان تولىق، ويداعىداي پايدالانىپ، جوعارى وقۋ ـ اعارتۋدى دامىتۋدى وڭتۇستىك شينجياڭ وقۋ ـ اعارتۋ قىزمەتىنىڭ باستاماشىسى ەتۋگە تاباندى بولىپ، مەكتەپتەردىڭ ورنالاسۋ قۇرىلىمى مەن وقۋ ـ اعارتۋ بايلىعىن ورنالاستىرۋدى ساپالىلاندىرىپ، وقىتۋشىلار قوسىنىنىڭ ساپا، قابىلەت قۇرىلىسىن كۇشەيتىپ، جاراتىلىستىق عىلىمدار جانە ونەركاسىپ تۇرىندەگى پاندەر مەن ماماندىقتاردى كۇشەيتتى.
ساندى مالىمەتتەردە كورسەتىلۋىنشە، شينجياڭنىڭ وقۋ ـ اعارتۋدى قامتاماسىز ەتۋ تەبىنى ۇزدىكسىز ارتقان، 2023 ـ جىلى، 2024 ـ جىلى ٴۇرتىس 2 جىل ادەتتەگى الەۋمەتتىك مەجە ەسەپ بويىنشا وقۋ ـ اعارتۋ قاراجاتى 100 ميلليارد يۋاننان اسىپ، ارتۋ مولشەرى بۇكىل ەلدىڭ الدىڭعى قاتارىندا تۇردى.
شينجياڭ وڭتۇستىك شينجياڭ جوعارى وقۋ ـ اعارتۋىنىڭ ساپاسىن جوعارىلاتىپ سيىمدىلىعىن ارتتىرۋدى ۇزدىكسىز ىلگەرىلەتتى، تەك 2024 ـ جىلى مەكتەپ قۇرىلىسى ٴۇشىن 2 ميلليارد 844 ميلليون يۋان قارجى قۇراپ، قاشقار داشۋەسى سياقتى 3 مەكتەپتىڭ ساپاسىن جوعارىلاتىپ سيىمدىلىعىن ارتتىرۋدى ىلگەرىلەتتى، شينجياڭ حوتان شۋەيۋانى، شينجياڭ تيانشان كاسىپتىك تەحنولوگيا داشۋەسى قىزىلسۋ وبلىسى مەكتەپ اۋماعى جاڭادان قۇرىلدى. وسى نەگىزدە رايونىمىز وڭتۇستىك شينجياڭداعى ٴارقايسى جوعارى مەكتەپتەردىڭ مەملەكەتتىڭ كەلەلى ستراتەگياسىمەن جانە اۆتونوميالى رايوننىڭ ورنالاستىرۋلارىمەن، تالاپتارىمەن ورگانيكالى ۇشتاسۋىنا جەتەكشىلىك ەتىپ، ”ون ٴىرى كاسىپ سالاسى شوعىرى“ قۇرىلىسى، ”ٴبىر بەلدەۋ، ٴبىر جول“ وزەكتى رايونى قۇرىلىسى سياقتىلاردى ارقاۋ ەتىپ، ٴپان ورنالاسىمىن يكەمدى رەتتەپ، ساپالىلاندىرىپ، جوعارى ساپالى جاراتىلىستىق عىلىمدار جانە ونەركاسىپ پاندەرى دارىندىلارىمەن قامداۋدى كۇش سالا مولايتىپ، ٴوندىرىس پەن وقۋ ـ اعارتۋدىڭ توعىسۋىن، عىلىم مەن وقۋ ـ اعارتۋدىڭ شوعىرلانۋىن ىشكەرىلەي ىلگەرىلەتىپ، وقۋ ـ اعارتۋدا قۋاتتى رايون قۇرىلىسىن جەدەل ىلگەرىلەتتى.
كاسىپ سالاسىمەن ٴتۇيىلىسىپ، دارىندىلاردى جەتىلدىردى
تاياۋدا شينجياڭ حوتان شۋەيۋانىنىڭ مەكتەپ باسشىلارى جانە 2 ـ دارەجەلى شۋەيۋان جاۋاپتىلارى بەيجيڭ، تيانجين سياقتى جەرلەردەگى باعىتتامالى كومەكتەسەتىن جوعارى مەكتەپتەرگە بارۋمەن قاربالاس بولدى، ٴپان قۇرىلىسى، دارىندى جەتىلدىرۋ سياقتى جاقتاردا دالمە ـ ٴدال ٴتۇيىلىسۋ جۇرگىزىپ، باعىتتامالى كومەكتەسۋ قىزمەتىنىڭ اناعۇرلىم تياناقتانىپ ونىمدىلىك كورسەتۋىنە مۇمكىندىك جاسادى.
وقۋ ـ اعارتۋ مينيسترلىگىنىڭ جانە اۆتونوميالى رايوننىڭ زور كۇشپەن قولداۋىندا، قازىر فۋدان داشۋەسى، تيانجين داشۋەسى، استانا شىفان داشۋەسى قاتارلى 30دان استام جوعارى مەكتەپ شينجياڭ حوتان شۋەيۋانىنا باعىتتامالى كومەكتەسىپ ـ سۇيەمەلدەپ، ماماندىقتى دامىتۋ، ۋنيۆەرسال باسقارۋ، دارىندى جەتىلدىرۋ، وقىتۋشىلار قوسىن قۇرىلىسى سياقتى جاقتاردا شينجياڭ حوتان شۋەيۋانى تولىق كۋرس وقۋ ـ اعارتۋىنىڭ جوعارى ساپالى دامۋىن سايكەستى ىلگەرىلەتتى.
”وتكەن جىلعى تۇڭعىش توپتاعى 1000 تولىق كۋرس وقۋشىسى نەگىزىندە وقۋشى قابىلداۋدى كەڭەيتەمىز، بيىل 2700 تولىق كۋرس وقۋشىسىن قابىلداۋدى جوسپارلاپ وتىرمىز، تولىق كۋرس ماماندىعى دا 6دان 13كە كوبەيەدى“. شينجياڭ حوتان شۋەيۋانى پارتكومىنىڭ ورىنباسار شۋجيى، شۋەيۋان باستىعى ۋاڭ جىجيان بىلاي دەپ تانىستىردى: ٴبىر جىلعا جۋىق دامۋ ارقىلى مەكتەپتىڭ وقۋ ـ اعارتۋ ۇستانىمى مەن باسقارۋى جاقتارىندا زور وزگەرىس تۋىلدى، وسى زامانعى داشۋە وقۋ ـ اعارتۋ ٴتۇزىم جۇيەسى، ٴپان، ماماندىق ورنالاسىمى ۇزدىكسىز كەمەلدەندى. كەلەسى قادامدا مەكتەپ باعىتتامالى كومەكتەسەتىن جوعارى مەكتەپتەر بايلىعىنا سۇيەنىپ ”مەكتەپ ماماندىقتى كوتەرىپ الۋ“، ”ماماندىقتى بىرلەسىپ قۇرۋ“ سىندى بىرگە قۇرۋ جوسپارىن اتقارىپ، مەكتەپ، ۇكىمەت، كاسىپورىن بىرلەسىپ ارەكەتتەنەتىن ٴوندىرىس پەن وقۋ ـ اعارتۋدى توعىستىرۋدان ۇلگى كورسەتۋ بازاسىن تۇلعالاپ، جاڭا جاراتىلىستىق ٴپان، جاڭا مەديتسينالىق ٴپان، جاڭا اۋىل شارۋاشىلىق ٴپانى، جاڭا قوعامدىق عىلىمدار ٴپانى سياقتى سالالاردى ارقاۋ ەتىپ، جاڭالىق اشۋ رۋحى مەن امالياتتىق قابىلەتكە يە اناعۇرلىم كوپ جوعارى ساپالى دارىندى جەتىلدىرىپ، جەرگىلىكتى سيپاتتى، كوپ ٴپان سيپاتتى، قولدانىلمالى تيپتەگى تولىق كۋرس جوعارى مەكتەبىن كۇش سالا قۇرادى.
شينجياڭ تيانشان كاسىپتىك تەحنولوگيا داشۋەسى قىزىلسۋ وبلىسى مەكتەپ اۋماعىندا وقۋشىلار جاتاعى كەڭ دە جارىق، دەربەس تازالىق — مونشا بولمەسى جانە اۋا رەتتەگىش ورنالاستىرىلعان؛ پامير اسحاناسىندا قۋىرماش تۇرلەرى مول، قورەكتىك پەن دامگە بىردەي ٴمان بەرىپ، وقىتۋشى ـ وقۋشىلاردىڭ ٴتۇرلى قاجەتىن قاناعاتتاندىرادى. مەكتەپ اۋماعىندا تاعى يقۋاتى تولىق دەنە تاربيە سارايى، عىلمي بايانداما زالى، مادەنيەت قيمىل ورتالىعى سياقتىلار سالىنىپ، وقىتۋشى ـ وقۋشىلار ٴۇشىن جايلى دا قولايلى ۇيرەنۋ، تۇرمىس ورتاسى قالىپتاستى.
شينجياڭ تيانشان كاسىپتىك تەحنولوگيا داشۋەسى قىزىلسۋ وبلىسى مەكتەپ اۋماعى 2024 ـ جىلدىق تولىق كۋرس ليفت ينجەنەرياسى تەحنولوگيا ماماندىعىنىڭ وقۋشىسى ۋاڭ ليزى بىلاي دەدى: ”مەكتەپتىڭ جۇمساق بولشەك، قاتتى بولشەك ورنالاستىرۋلارى ٴبىرشاما كەمەلدى، اسىرەسە، كىتاپحانا بايلىعى مول، ٴبىز، ٴسوز جوق، ورايدى قاستەرلەپ، وقىعان بىلىمنەن ناتيجە شىعارامىز!“
ماماندىق قۇرىلىسى — جوعارى مەكتەپتىڭ جان تامىرى جانە ماندىك مازمۇن قۇرىلىسىنىڭ وزەگى. نازاردى مەملەكەتتىڭ كەلەلى ستراتەگياسىنا شوعىرلاندىرىپ، اۆتونوميالى رايوننىڭ ”ون ٴىرى كاسىپ سالاسى شوعىرىن“ جانە قىزىلسۋ وبلىسىنىڭ ”ٴتورت ٴىرى كاسىپ سالاسى“ (جاڭا ەنەرگيا، جاڭا ماتەريال، جاڭا وڭدەۋ ـ جاساۋ، جاڭا كاسىپ كۇيى) جۇيەسىن ارقاۋ ەتە وتىرىپ، شينجياڭ تيانشان كاسىپتىك تەحنولوگيا داشۋەسى قىزىلسۋ وبلىسى مەكتەپ اۋماعى نەگىزگى مەكتەپ اۋماعىندا بۇرىن بار ماماندىق نەگىزىن تولىق ساۋلەلەندىرىپ، جىلدارعا ٴبولىپ ماماندىق ورنالاستىرۋ جوباسىن جاساپ، ٴتۇيىندى تۇردە قازىنا ـ ەكونوميكا ساۋدا، ەنەرگيا قوزعاۋشى كۇشى جانە ماتەريال، جابدىق جاساۋ، بايلىق، قورشاعان ورتا، ەلەكتروندى ينفورماتسيا، ەمدەۋ، ٴدارى ـ دارمەك، دەنساۋلىق ساقتاۋ سياقتى كاسىپ سالاسىندا سانى 40تان تومەن بولماعان تولىق كۋرس ماماندىعىن ورنالاستىردى، 2030 ـ جىلعا بارعاندا ونەركاسىپ پاندەرىن نەگىز ەتكەن، باسقارۋ عىلىمى سياقتى وزگە پاندەر سايكەسە داميتىن ماماندىق جۇيەسىن قالىپتاستىرادى.
قازىر شينجياڭ وقۋ ـ اعارتۋ، عىلىم ـ تەحنولوگيا، دارىندىلار دامۋىن ٴبىر تۇلعالى ىلگەرىلەتىپ، كاسىپ سالاسى قاجەتىن كوزدەپ، ٴپان قامالىن تالقانداپ، ٴپان، ماماندىق بويىنشا قامداۋ جاعىنداعى رەفورمانى تەرەڭدەتۋدە. اۆتونوميالى رايون جوعارى مەكتەپتەردىڭ، اسىرەسە، وڭتۇستىك شينجياڭدا قۇرىلعان جوعارى مەكتەپتەردىڭ ”ٴبىر مەكتەپكە ٴبىر جوبا“ بويىنشا مەكتەپتەردىڭ پاندەر مەن ماماندىقتاردى ورنالاستىرۋ جوباسىن جاساۋىنا جەتەكشىلىك ەتىپ، نەگىزگى پاندەردىڭ ٴتۇرىن، نەگىزگى ماماندىقتاردىڭ ۇلكەن ٴتۇرىن ايقىنداپ، ماماندىق تىزبەك شوعىرىن دامىتىپ، كاسىپ سالاسىنىڭ دامۋىندا ٴزارۋ، تاپشى بولعان جاراتىلىستىق عىلىم، ونەركاسىپ، اۋىل شارۋاشىلىعى، مەديتسينا پاندەرى دارىندىلارىن جەتىلدىرىپ، جوعارى مەكتەپتەردىڭ پاندەر مەن ماماندىق قۇرىلىمىن ۇزدىكسىز ساپالىلاندىرىپ، ”ون ٴىرى كاسىپ سالاسى شوعىرى“ قۇرىلىسىنىڭ جوبا كارتاسىن جوعارى ساپالى دامۋدىڭ ناقتى كورىنىس كارتاسىنا شىنايى اينالدىرىپ، وقۋ ـ اعارتۋدا قۋاتتى رايون قۇرىلىسىنا دارىندىلار جاعىنان پارمەندى تىرەك جانە جاڭالىق اشۋ قوزعالىس قۋاتىن ازىرلەدى.
ماندىك مازمۇنىن بايىتىپ، دامۋدى جەبەدى
6 ـ ايدىڭ 1 ـ كۇنى قاشقار داشۋەسىنىڭ جوعارى دەڭگەيلى دارىندى ەنگىزۋى ارقىلى شەتەلدەن وقىپ وتانعا ورالعان دوكتور جاڭ تيڭ وسى مەكتەپتىڭ تىرشىلىك جانە جاعراپيا عىلىمى شۋەيۋانىنىڭ وقىتۋشىسى بولدى. جاڭ تيڭنىڭ ۇيرەنگەن ماماندىعى بيولوگيالىق توعىسۋ جۇيەسى عىلىمى، ول قاشقار داشۋەسىنىڭ جاراتىلىستىق ٴپان قۇرىلىسى شۇعىل قاجەت ەتىپ وتىرعان دارىندى.
سوڭعى جىلدارى قاشقار داشۋەسى ”ٴبىر بەلدەۋ، ٴبىر جولدى“ بىرگە قۇرۋ ورايىن مىقتى يگەرىپ، وقىتۋ جۇرگىزۋ كەڭىستىگى مەن ٴپان قۇرىلىسىنىڭ قارىشتاپ دامۋىن جۇزەگە اسىردى. 2024 ـ جىلى دوكتورلىق اتاق بەرەتىن ورىن بولىپ بەكىتىلگەننەن كەيىن، بۇل مەكتەپ دارىندىلار ستراتەگياسىن تىڭ دەڭگەيگە كوتەرىپ، دارىندىلار قىزمەتىنە قاتىستى 3 جىلدىق ارەكەت جوباسىن شىعارىپ، ٴار جىلى 50 ميلليون يۋاننان كەم بولمايتىن ارناۋلى قارجى ٴبولىپ، ”مەكتەپتى دارىندىلار ارقىلى قۇدىرەتتەندىرۋ“ ينجەنەرياسىن اتقارىپ، جاڭا ونەركاسىپ پاندەرى، جاڭا مەديتسينا پاندەرى سياقتى سالالارداعى جوعارى دەڭگەيلى دارىندىلاردى ٴتۇيىندى تۇردە ەنگىزدى.
قاشقار داشۋەسى ”ٴبىر بەلدەۋ، ٴبىر جولدى“ بىرگە قۇراتىن ەلدەرگە قىزمەت وتەۋ، وڭتۇستىك شينجياڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋ سىندى اۋىر مىندەتتى ارقالاپ وتىر، مەكتەپ اۆتونوميالى رايوننىڭ جانە قاشقاردىڭ ەكونوميكالىق، قوعامدىق دامۋ قاجەتىن تىعىز ارقاۋ ەتە وتىرىپ ماماندىق ورنالاسىمىن ۇزدىكسىز ساپالىلاندىرىپ، دارىندىلار اۋىس ـ كۇيىسىن كۇشەيتىپ، مەكتەپ پەن جەرگىلىكتى ورىننىڭ سەلبەستىگىن تەرەڭدەتىپ، دارىندىلاردى جەتىلدىرۋ ساپاسىن ۇزدىكسىز جوعارىلاتتى. مەكتەپ قۇرىلعان 63 جىلدان بەرى، شەكاراعا تامىر تارتقان جيىنى 140 مىڭنان استام ٴتۇرلى دارىندى جەتىلدىردى.
شينجياڭدى شاحمات تاقتاسى دەسەك، وڭتۇستىك شينجياڭ شاحمات كوزى. رايونىمىز وقۋ ـ اعارتۋدىڭ جوعارى ساپالى دامۋىن جاپپاي ىلگەرىلەتىپ، حالىق رازى بولاتىن وقۋ ـ اعارتۋدى قۇلشىنا ويداعىداي جۇرگىزدى، وڭتۇستىك شينجياڭداعى ٴىشىنارا جوعارى مەكتەپتەر ماندىك مازمۇن ۇلگىسىندە دامۋدىڭ جاڭا ساتىسىنا ٴوتتى.
بيىل 2 ـ ايدا شينجياڭ جاراتىلىستىق عىلىمدار جانە ونەركاسىپ شۋەيۋانى مەملەكەتتىڭ تولىق كۋرس وقىتۋ قىزمەتى تولىمدىلىعىن باعالاۋىنان ٴساتتى ٴوتتى. بۇل جەتىستىكتىڭ قولعا كەلۋى — مەكتەپ 2019 ـ جىلى اۆتونوميالى رايونعا توتە قاراسى ۇكىمەت باسقارۋىنداعى تولىق كۋرس جوعارى مەكتەبى بولىپ قۇرىلعاننان بەرى، وقۋ ـ اعارتۋ، وقىتۋ سالاسىنداعى ماڭىزدى ناتيجەسى، مەكتەپ وقىتۋ دەڭگەيىنىڭ جانە دارىندىلاردى جەتىلدىرۋ ساپاسىنىڭ كورنەكتى ىلگەرىلەۋشىلىككە قول جەتكىزگەنىن ايگىلەپ، شينجياڭ جوعارى وقۋ ـ اعارتۋ ىستەرىن، اسىرەسە، وڭتۇستىك شينجياڭ جاراتىلىستىق عىلىمدار جانە ونەركاسىپ پاندەرى جوعارى وقۋ ـ اعارتۋىن دامىتۋعا قۋاتتى قوزعاۋشى كۇش ۇستەدى.
جوعارى مەكتەپتى جاڭادان قۇرۋدان وقۋ ـ اعارتۋ مينيسترلىگىنىڭ باعالاۋىندا تولىمدى تولىق كۋرس مەكتەبى بولۋعا دەيىن، شينجياڭ جاراتىلىستىق عىلىمدار جانە ونەركاسىپ شۋەيۋانى نەبارى 5 جىل ۋاقىت جۇمساپ ”كولەمىن كەڭەيتۋدەن“ ”ماندىك مازمۇندى جوعارىلاتۋعا“ دەيىنگى قارىشتاۋدى ورىندادى. وسى دامۋ بارىسى — اۆتونوميالى رايوندىق پارتكومنىڭ ”شينجياڭدى وقۋ ـ اعارتۋ ارقىلى گۇلدەندىرۋ“ ستراتەگياسىنىڭ جاندى امالياتى، ونان دا ماڭىزدىسى، وڭتۇستىك شينجياڭ جوعارى وقۋ ـ اعارتۋىنىڭ ”قان قۇيۋدان“ ”قان جاساۋعا“ قاراي تيپ جاڭالاۋىنىڭ ىقشام كورىنىسى.
بيىل شينجياڭ عىلىم ـ تەحنولوگيا شۋەيۋانى سيفرلى ەكونوميكا، جاساندى زەردە، سالاماتتىق قىزمەت وتەۋى جانە باسقارۋ سياقتى 6 تولىق كۋرس ماماندىعىن جاڭادان قوستى، بۇلار تۇگەلدەي اۆتونوميالى رايونعا قاجەتتى تاپشى ماماندىق. سوڭعى جىلدارى شينجياڭ عىلىم ـ تەحنولوگيا شۋەيۋانى مەملەكەت ستراتەگياسىنا، ٴوڭىردىڭ ەكونوميكاسى مەن قوعامىنىڭ، سونداي ـ اق كاسىپ سالاسىنىڭ دامۋ قاجەتىنە بەلسەندى قىزمەت وتەپ، ”بايىنعولىن وبلىسىندا تەرەڭ ىزدەنىس جاساۋ، وڭتۇستىك شينجياڭعا تامىر تارتۋ، شينجياڭدى بەتكە الۋ، تۇتاس مەملەكەتكە ىقپال جاساۋ“ ورنىنا تاباندى بولىپ، ماماندىق قۇرىلىمىن ساپالىلاندىرۋ تەبىنىن ۇزدىكسىز ارتتىرىپ، ٴپان ـ ماماندىق قامالىن تالقانداپ، ٴداستۇرلى باسىمدىققا يە ٴپان ـ ماماندىقتار مەن جاڭادان گۇلدەنگەن ٴپان ـ ماماندىقتاردىڭ توعىسا دامۋىن ٴونىمدى جەبەپ، ماماندىق قۇرىلىمىن سايكەستى رەتتەۋدى جانە بولجامپازدىقپەن ورنالاستىرۋدى بەلسەندى ىلگەرىلەتىپ، ”قوعامدىق ٴپان ـ ماماندىقتاردى ساپالىلاندىرۋ، ونەركاسىپ ٴپان ـ ماماندىقتارىن كەڭەيتۋ، مەديتسينا ٴپان ـ ماماندىقتارىن گۇلدەندىرۋ“ سىندى ٴپان ـ ماماندىق ورنالاسىمىن شىنايى ىلگەرىلەتتى. مەكتەپتىڭ دارىندى جەتىلدىرۋ قابىلەتى جانە وقۋ ـ اعارتۋ، وقىتۋ ساپاسى ورنىقتى قاداممەن جوعارىلادى.
شينجياڭنىڭ قوعام ورنىقتىلىعىن قورعاۋدىڭ، باياندى تىنىشتىقتى جۇزەگە اسىرۋدىڭ نەگىزى ادامدا، تەتىگى وقۋ ـ اعارتۋدا. جاڭا تاريحي باستالۋ تۇيىنىندە وڭتۇستىك شينجياڭ جوعارى وقۋ ـ اعارتۋى ”تۇتاس قامتۋدان“ ”جوعارى ساپالى دامۋدىڭ“ جاڭا كەزەڭىنە قادام تاستاۋدا، ٴارقايسى جوعارى مەكتەپتەر ٴپان ـ ماماندىق قۇرىلىمىن ۇزدىكسىز ساپالىلاندىرۋ، وقىتۋشىلار قوسىنى دەڭگەيىن جوعارىلاتۋ، وڭىرلىك دامۋعا قىزمەت وتەۋ قابىلەتىن كۇشەيتۋ سياقتىلار ارقىلى ماندىك مازمۇن تيبىندەگى دامۋدى ىلگەرىلەتتى. جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، وڭتۇستىك شينجياڭ جوعارى وقۋ ـ اعارتۋى ٴتىپتى دە گۇلدەنىپ ـ كوركەيىپ، ۇلكەن ىسكە جارامدى، اۋىر مىندەت ارقالاي الاتىن اناعۇرلىم كوپ باتىس بولىك قۇرۋشىلارىن جەتىلدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە وقۋ ـ اعارتۋ كۇشىن ارنايتىندىعى داۋسىز.
