انار بۇلت \ شينجياڭ گازەتىنىڭ ٴتىلشىسى ۋاڭ يايۇن 6 ـ ايدىڭ 9 ـ كۇنى ۇرىمجىدەن حابارلايدى. اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، 4 ـ ايدىڭ سوڭىنا دەيىن شينجياڭنىڭ قورا ـ جاي كاسىبىندە كورسەتكەن ”اق ٴتىزىم“ نىسانى 369 بولىپ، مۇنىڭ ىشىندە 336 نىسان 32 ميلليارد 515 ميلليون يۋاندىق بانكە سەنىمدىلىك سوماسىنا يە بولعان، 322 نىسان ينجەنەريا اياق الىسىنىڭ قاجەتى نەگىزىندە بانكەنىڭ 24 ميلليارد 447 ميلليون يۋاندىق اينالىم قارجىسىنا يە بولىپ، قورا ـ جاي كاسىبى نىسان قۇرىلىسىنىڭ تاپسىرىلۋىن ٴونىمدى، دالمە ـ ٴدال قولداعان.
2024 ـ جىلى 1 ـ ايدان باستاپ تۇرعىن ٴۇي جانە قالا، اۋىل قۇرىلىسى مينيسترلىگى، فينانس باقىلاۋ ـ باسقارۋ باس مەكەمەسى قورا ـ جاي كاسىبى ”اق تىزىمدىك“ نىسانىنا قارجى قۇراۋدى قولداپ ـ قۋاتتاعاننان بەرى، شينجياڭ ”بىرەۋى تولىسىپ كەمەلدەنسە، سونى كورسەتۋ، سونى اتقارۋ“ پرينسيبى بويىنشا، اۆتونوميالى رايون مەن 14 ايماقتاعى (وبلىس، قالا) قالا قورا ـ جاي كاسىبىنە قارجى قۇراۋدى سايكەستىرۋ مەحانيزمىنىڭ رولىن تولىق ساۋلەلەندىرىپ، قورا ـ جاي كاسىبىنىڭ ”اق تىزىمدىك“ اۋماعىن كەڭەيتۋدى، ونىمدىلىگىن ارتتىرۋدى ۇزدىكسىز ىلگەرىلەتتى.
بيىل 2 ـ ايدا اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى حابارلاندىرۋ باسىپ تاراتىپ، اۆتونوميالى رايوننىڭ تۇرعىن ٴۇي جانە قالا، اۋىل قۇرىلىسى كاسىبى نىساندارىنىڭ قۇرىلىسىن باستاۋدى، جۇمىسىن قالپىنا كەلتىرۋدى جەدەل ىلگەرىلەتىپ، جەر ـ جەردىڭ كاسىپ نىساندارىنا قارجى قوسۋ قۇرىلىسىن بار كۇشپەن ويداعىداي مىقتى يگەرىپ، كاسىپ نىساندارى بويىنشا كومەكتەسۋ ـ سۇيەمەلدەۋ، رەتتەۋ مەحانيزمىن اقاۋسىزداندىرىپ، تياناقتاندىرىپ، نىساندى قاداعالاۋ، قىزمەت وتەۋ ونىمدىلىگىن جوعارىلاتىپ، نىسان قۇرىلىسىن تەز مالىمدەپ قۇرۋدى، تەز تەكسەرىپ بەكىتۋدى، تەز مەردىگەر شاقىرۋدى، تەز قۇرىلىس باستاۋدى، تەز تەكسەرىپ وتكىزىپ الۋدى ىلگەرىلەتىپ، ٴونىمدى قارجى قوسۋدى جەدەل قالىپتاستىرىپ، قالا قورا ـ جايىنىڭ قارجى قۇراۋعا سايكەستىرۋ مەحانيزمىنىڭ رولىن ۇزدىكسىز ساۋلەلەندىرۋىنە جەتەكشىلىك ەتتى.
” ’اق تىزىمدىك‘ تاپسىرۋعا كەپىلدىك ەتىلەتىن قورا ـ جاي نىساندارىنا جانە بيىل جاڭادان باستالعان قورا ـ جاي نىساندارىنا ٴتۇيىندى تۇردە باعىتتالىپ، كاسىپورىنداردىڭ نىسان ماسەلەسىن تۇزەتۋىنە كومەكتەسىپ، ىلگەرىلەتۋگە تيىستىلەرىن مۇمكىندىگىنشە ىلگەرىلەتۋدى، قارىز بەرۋگە تيىستىلەرىنە مۇمكىندىگىنشە قارىز بەرۋدى، ەرتەرەك بىتىرۋگە بولاتىندارىن مۇمكىندىگىنشە ەرتەرەك ٴبىتىرۋدى شىن مانىندە ورىندايدى“. اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى قورا ـ جاي بازارىن باقىلاۋ ـ باسقارۋ باسقارماسىنىڭ ورىنباسار باستىعى حۋ حايدۇڭ مىنانى ٴبىلدىردى: ۇكىمەت، بانكە، كاسىپورىن سەلبەستىگىنىڭ باياندى مەحانيزمىن ورناتىپ، اقاۋسىزداندىرىپ، تۇرلىشە مەنشىكتەگى قورا ـ جاي اشۋ كاسىپورىندارى مەن فينانس قۇرىلىمدارىنىڭ دالمە ـ ٴدال ٴتۇيىلىسۋىن ىلگەرىلەتىپ، ٴتۇيىلىستىرۋ قيمىلىنىڭ ۇدايىلانۋىن، تۇزىمدەنۋىن جۇزەگە اسىرىپ، قارجىنى جابىق باسقارۋدى تياناقتاندىرۋ، قارجى حاۋىپسىزدىگىنە شىنايى كەپىلدىك ەتۋ العى شارتىندا كاسىپورىنداردىڭ ۇيلەسىمدى قارجى قۇراۋ قاجەتىن قاناعاتتاندىرىپ، فينانس قۇرىلىمدارىن اۆتونوميالى رايوننىڭ قورا ـ جاي ىستەرىنىڭ جوعارى ساپالى دامۋىنا قارجى قۇراۋ قولداۋىن ازىرلەۋگە ىنتالاندىرامىز.
