گازەتىمىزدىڭ شولۋشىسى
بيىلعى وڭتۇستىك شينجياڭ قىزمەتى ٴماجىلىسىنىڭ اشىلعاندىعىنا 4 اي بولعان جوق، شينجياڭ وڭتۇستىك شينجياڭنىڭ جوعارى ساپالى دامۋ قىزمەتىن ىلگەرىلەتۋ ٴماجىلىسىن تاعى دا اشىپ، وڭتۇستىك شينجياڭ سىندى ”شاحمات كوزىن“ جانداندىرۋعا، جوعارى ساپالى دامۋعا تۇساۋ بولىپ وتىرعان كورنەكتى ماسەلەلەردى شەشۋگە قايتالاي زەرتتەۋ جۇرگىزىپ، قايتالاي ورنالاستىرۋ جاساپ، قايتالاي ىلگەرىلەتىپ، كۇشتى شوعىرلاندىرىپ وڭتۇستىك شينجياڭدا باياندى تىنىشتىققا ٴتىپتى دە پايدالى ٴتۇبىرلى سيپاتتى وزگەرىستەردى جۇزەگە اسىرۋدى ىلگەرىلەتتى، بۇل وڭتۇستىك شينجياڭنىڭ ورنىنىڭ ماڭىزدىلىعىن، وڭتۇستىك شينجياڭنىڭ مىندەتىنىڭ جاپالىلىعىن، وڭتۇستىك شينجياڭدا ماسەلەنى شەشۋدىڭ كوكەي تەستىلىگىن ايگىلەيدى.
شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا وڭتۇستىك شينجياڭ سىندى ”شاحمات كوزىن“ جانداندىرۋ شەشۋشى ٴتۇيىن. شينجياڭ باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، وڭتۇستىك شينجياڭ قىزمەتىن شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋداعى ماڭىزدىنىڭ ماڭىزدىسى ەتۋگە تاباندى بولىپ، ٴىس جۇزىندىكتى شىعار ٴتۇيىن ەتۋگە تاباندى بولىپ، باستى قايشىلىقتى مىقتاپ يگەرىپ، نازاردى ”بىرەۋى ارقىلى بارىنە اسەر ەتەتىن“ ٴتۇيىندى سالالارعا شوعىرلاندىرىپ، داعدىنى بۇزىپ، ەرەكشە ٴىستى ەرەكشە بىتىرۋگە تاباندى بولىپ، قايسى ماسەلە كورنەكتى بولسا، سول ماسەلەنى شەشۋگە باسا ٴمان بەرىپ، قايسى ماسەلە كوكەي تەستى بولسا، سول ماسەلەنى شەشۋدى مىقتى يگەرىپ، وڭتۇستىك شينجياڭنىڭ جوعارى ساپالى دامۋى جونىندەگى ارناۋلى تاقىرىپتىق ٴماجىلىستى ارت ـ ارتىنان كوپ رەت اشتى، ارناۋلى تۇردە وڭتۇستىك شينجياڭنىڭ جوعارى ساپالى دامۋىن قولداۋدىڭ 37 تارماقتى شاراسىن شىعارىپ، 10 ميلليارد يۋاندىق وڭتۇستىك شينجياڭدى دامىتۋ ارناۋلى قارجىسىن قۇرىپ، تارىمدى اينالعان ەكونوميكالىق بەلدەۋدى دامىتۋ جوسپارىن جاساپ، رەفورما جاساۋ وي جەلىسى مەن جاسامپازدىق شارالار ارقىلى وڭتۇستىك شينجياڭ قىزمەتىندە تىڭ ىلگەرىلەۋشىلىككە قول جەتكىزۋدى ىلگەرىلەتتى.
تارىم وزەنى جاعاسىندا، كۇنلۇن تاۋى ەتەگىندە كاسىپ سالاسىنىڭ دامۋى كۇن سايىن ورگە باسىپ، حالىق تۇرمىسى شىنايى جاقسارىپ، ۇلتتار ىنتىماعى جۇرت جۇرەگىنە تەرەڭ ۇيالادى، وڭتۇستىك شينجياڭنىڭ بايتاق دالاسىندا بۇرىن بولىپ كورمەگەن تىرشىلىك تىنىسى مەن ومىرشەڭ كۇش ايگىلەندى. بۇگىنگى وڭتۇستىك شينجياڭدا ورنىقتىلىقتىڭ نەگىزى ۇزدىكسىز بەكەمدەلدى، جۇڭحۋا ۇلتى ورتاق تۇلعا تانىمى جۇرت جۇرەگىنە تەرەڭ ۇيالادى، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسى جەدەل قالىپتاستى، وقۋ ـ اعارتۋ ىستەرى تاريحي سيپاتتى سەرپىلىسكە قول جەتكىزدى، كىرىكپەلى ۇلگىدەگى قالا ـ قالاشىقتاندىرۋ قۇرىلىسى ورنىقتى قاداممەن ىلگەرىلەدى، نەگىزگى ساتىنىڭ قىزمەت كۇشى تولىقتانا ٴتۇستى، بيڭتۋان مەن جەرگىلىكتى ورىننىڭ توعىسپالى دامۋىندا تىڭ سەرپىلىس سيپاتتى ىلگەرىلەۋشىلىكتەرگە قول جەتتى، پارتيا قۇرىلىسى جاپپاي كۇشەيتىلدى. ورنىقتى دا جاراسىمدى، ىزگىلىككە تولى وڭتۇستىك شينجياڭ، اشىق تا سيىسىمدى، جالىندى دا جىگەرلى وڭتۇستىك شينجياڭ جۇڭگو ۇلگىسىندەگى وسىزامانداندىرۋ جولىندا ەرلىكپەن العا ىلگەرىلەۋدە.
”شالاعاي ىستەگەندەر تابىسقا جەتە المايدى، ال ەگىنشىلىكتە جالقاۋلار قۇرالاقان قالادى“. وڭتۇستىك شينجياڭ قىزمەتىندەگى جاڭا سالتتى، جاڭا بەينەنى كورۋمەن بىرگە، وڭتۇستىك شينجياڭدا ٴالى دە كورىنىسىنەن مانگە قاراي ٴوتىپ ىستەۋگە ٴتيىستى قىرۋار قىزمەت بار ەكەندىگىن، سونداي ـ اق تەرەڭ قاباتتاعى كوپتەگەن ماسەلەنىڭ شەشۋدى كۇتىپ تۇرعاندىعىن ايقىن كورە ٴبىلۋىمىز كەرەك، ٴسوزسىز، ورنىقتىلىق بارىسىندا العا ىلگەرىلەۋگە، قاجىماي ـ تالماي ەڭبەك ەتۋگە تاباندى بولىپ، ەڭ ماڭىزدى، ەڭ كوكەي تەستى ماسەلەلەردى يگەرىپ، ىستەردى بىرىنەن سوڭ ٴبىرىن جالعاستىرا تىندىرىپ، ٴاربىر ”ماسەلە تىزىمدىگىن“ ”جەتىستىك تىزىمدىگىنە“ اينالدىرۋ كەرەك. قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، وڭتۇستىك شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتى بولۋ نەگىزگى جاعدايىن بەكەمدەۋ؛ جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتى يگەرىپ، جۇرت تىلەگىن ۇيىستىراتىن، ىنتىماقتاسا ەكپىندەي ىلگەرىلەيتىن قۇدىرەتتى رۋحاني دانەكەر قالىپتاستىرۋ؛ بايلىق ارتىقشىلىعىن كەلەلى كاسىپ سالاسى نىسانىنا اينالدىرۋدى جەدەلدەتىپ، وڭتۇستىك شينجياڭنىڭ ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن قۇرۋ كەرەك؛ وڭتۇستىك شينجياڭنىڭ نەگىزدىك قۇرىلعىلارىنداعى قارىزدى جانە ولقىلىقتاردى جەدەل تولىقتاپ، وڭتۇستىك ـ سولتۇستىك شينجياڭ سايكەسە دامۋىنىڭ نەگىزگى شارت ـ جاعدايىن جاراتۋ؛ رەفورمانى ونان ارى جاپپاي تەرەڭدەتىپ، وڭتۇستىك شينجياڭ جوعارى ساپالى دامۋىنىڭ قوزعاۋشى كۇشىن، ومىرشەڭ كۇشىن ۇزدىكسىز تاسقىنداتۋ كەرەك؛ بيڭتۋان مەن جەرگىلىكتى ورىن ”ٴبىر تۇتاس جۇيە“ يدەياسىن بەرىك ورناتىپ، بيڭتۋان مەن جەرگىلىكتى ورىننىڭ تەرەڭدەي كىرىگۋىن، توعىسا دامۋىن بۇلجىماي جەبەۋ كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، باسشى كادرلاردىڭ دامۋ مەن حاۋىپسىزدىكتى ٴبىر تۇتاس جوسپارلاۋ قابىلەت ـ دەڭگەيىن كۇش سالا جوعارىلاتىپ، تاباندىلىقپەن، باتىلدىقپەن ورنىقتىلىقتى ساقتاپ، ٴبىر نيەت، ٴبىر تىلەكپەن دامۋدى جوسپارلاۋ كەرەك.
وڭتۇستىك شينجياڭ قىزمەتىن ويداعىداي ىستەۋدىڭ بورىشى داڭقتى، جاۋاپكەرشىلىگى اۋىر. ساياسي دەڭگەيدى شىنايى جوعارىلاتىپ، يدەيالىق تانىمدى تەرەڭدەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قاجىماي ـ تالماي ەڭبەك ەتۋ تاباندىلىعىمىزدى جانە ۇدايى ەڭبەك ەتۋ قاجىرلىلىعىمىزدى ساقتاپ، جاسامپازدىق وي جەلىسىمەن كورنەكتى ماسەلەلەردى ۇزدىكسىز شەشىپ، نىق قاداممەن وڭتۇستىك شينجياڭ قىزمەتىندە ۇزدىكسىز جاڭا جاعداي اشىپ، ۇزدىك ناتيجەمەن اۆتونوميالى رايون قۇرىلعاندىعىنىڭ 70 جىلدىعىن قارسى الايىق.
