رايونىمىزدىڭ جەر ـ جەرى، تاراۋلارى ۇيرەنۋ تاربيەسىن تىڭعىلىقتى ورىستەتتى —
ستيل قۇرىلىسىنىڭ جاڭا ونىمدىلىگىن ٴىس تىندىرىپ ناتيجە جاراتۋدىڭ جاڭا اۋانىنا اينالدىردى
انار بۇلت \ شينجياڭ گازەتىنىڭ ٴتىلشىسى جاڭ يانفاڭ
”ۇيرەنۋدى“ ماڭداي الدى ورىنعا قويىپ شىنايى كۇش سالىپ، ”تەكسەرۋ“ جاعىندا قيىنشىلىقتى شەشىپ شىنداپ كىرىسىپ، ”تۇزەتۋ“ جاعىندا تۇبىرىنەن وڭاپ ناعىز ونەردى ايگىلەدى. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى ورىستەتىلگەننەن بەرى، شينجياڭنىڭ جەر ـ جەرى، تاراۋلارى نازاردى نەگىزگى تاقىرىپقا شوعىرلاندىرىپ، دالمە ـ ٴدال كۇش سالىپ، ۇيرەنۋ تاربيەسى مەن ٴىس جۇزىندىك قىزمەتتى ٴوزارا ۇشتاستىرىپ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتىپ، قالىڭ پارتيا مۇشەلەرىن، كادرلاردى پارتيالىلىقتى شىڭداپ، يدەيانى، سانانى جوعارىلاتىپ، ناقتى ىستەۋدى دارىپتەپ، ناقتى ناتيجەگە تالپىنىپ، ستيل قۇرىلىسىنىڭ جاڭا ونىمدىلىگىن ٴىس تىندىرىپ ناتيجە جاراتۋدىڭ جاڭا اۋانىنا اينالدىرۋعا تاربيەلەدى، جەتەكتەدى.
اۆتونوميالى رايوندىق حالىق ىستەرى مەڭگەرمەسى ماسەلەنى ٴجىتى قاداعالاپ، شىنداپ كىرىسىپ قيىن ماسەلەلەردى شەشتى. قارتتاردى كۇتىمدەۋ سالاسىنداعى حالىق تۇرمىسىنداعى تالماۋ تۇستارعا، بوگەتتى تۇيىندەرگە مەڭزەس، جەر ـ جەردىڭ جەرگىلىكتى جاعدايعا قاراي بۇقارانىڭ ماڭىنداعى ناقتى ىستەردى ويداعىداي ىستەۋىنە جەتەكشىلىك ەتتى. ”قايىرىمدىلىق بايلىعى + ماماندانعان قىزمەت وتەۋ + الەۋمەتتىك اۋماقتىڭ قولداۋى“ سىندى باياندى مەحانيزم جونىندە ىزدەنىس جاساۋعا جانە ونى ورناتۋعا قولداۋ كورسەتىپ، قايىرىمدىلىق نىسانى قارجىسىنا قول جەتكىزۋگە قۇلشىنىپ، ەرەكشە قيىنشىلىعى بار قارتتارعا دالمە ـ ٴدال، ۇزبەي وتباسىندا كۇتىمدەلۋ بويىنشا ۇيىنە بارىپ قىزمەت وتەۋ ازىرلەپ، ”قارتايعاندا كۇتىمدەلۋ قيىن بولۋدى“ ٴونىمدى شەشتى؛ الەۋمەتتىك اۋماق كۇندەلىكتى كۇتىمدەۋ ورتالىعىندا قارتتار اسحاناسىنىڭ ”شوعىرلى تاماق جەتكىزۋ + وتباسىلارىن ارالاپ جەتكىزۋ“ قىزمەت وتەۋىن ورىستەتۋىنە قولداۋ كورسەتىپ، ەرەكشە قيىنشىلىعى بار قارتتاردىڭ تاماقتانۋىنا قولايلىلىق جاراتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا شەشتى.
اۆتونوميالى رايوندىق دامۋ جانە رەفورما كوميتەتى نازاردى سەنىمدىلىك، حالىققا قولايلىلىق جاساۋ، كاسىپورىنعا تيىمدىلىك جەتكىزۋ جانە شارۋاشىلىق ـ ساۋدا ورتاسىن ساپالىلاندىرۋ وزەكتى مىندەتىنە شوعىرلاندىرىپ، اۆتونوميالى رايوندىق حالىق ۇكىمەتى كەڭسەسى باسىپ تاراتقان «ارناۋلى ٴتۇر سەنىمدىلىك مالىمەتىن زاڭعا قايشى، ەرەجەگە قايشى تاريحىنىڭ بار ـ جوقتىعى انىقتاماسىنىڭ ورنىنا باستىرۋدى اتقارۋ جوباسىن (سىناق رەتىندە اتقارىلادى)» قاتاڭ تياناقتاندىردى. ”سەنىمدى جۇڭگو (شينجياڭ)“ سايتىنا، ۇكىمەتتىك قىزمەت وتەۋ تۇعىرى ”ٴبىر ٴىستى جوعارى ٴونىمدى ٴبىتىرۋ“ ارناۋلى اۋماعىنا سۇيەنىپ، زاڭدىق ۋاكىلگە يە جانە زاڭدىق ۋاكىلگە جاتپايتىن ۇيىمعا قاراتا 24 ساعات دەمالمايتىن ارناۋلى سەنىمدىلىك مالىمەتىن اقىسىز تەكسەرۋ، ينتەرنەتتەن ٴتۇسىرۋ قىزمەت وتەۋىن ازىرلەپ، كاسىپورىنداردىڭ جانە بۇقارانىڭ جۇمىس ٴبىتىرۋ اۋىرتپالىعىن شىن مانىندە جەڭىلدەتىپ، ”ٴبىر پارشا مالىمەتپەن“ ” ٴبىر توپ انىقتامانىڭ“ ورنىن باسۋىن جۇزەگە اسىرىپ، سەنىمدىلىك قىزمەت وتەۋىنىڭ اناعۇرلىم جوعارى ٴونىمدى، اناعۇرلىم قولايلى بولۋىنا مۇمكىندىك جاسادى.
مىندەتكە تاعايىندالۋدان بۇرىن ٴبىر رەت پارتيا ىشىندەگى زاڭ ـ ەرەجەلەر جانە زاڭ بىلىمدەرى ەمتيحانىن الدى، پاكتىك قۇرىلىسى جونىندە ٴبىر رەت اڭگىمەلەسۋدى ۇيىمداستىردى، ٴبىر رەت ساقتاندىرۋ تاربيەسى فيلمىن كوردى، ٴبىر پارشا پاكتىك وتباسى حاتىن جولدادى، ٴبىر پارشا پاكتىك قۇرىلىسى ۋادەناماسىنا قول قويدى، ٴبىر رەت پاكتىك قۇرىلىسى تاربيە بازاسىن ەكسكۋرسيالادى. باعراش اۋدانى ۇيرەنۋ تاربيەسىن كادرلاردىڭ مىندەتكە تاعايىندالۋ تاربيەسىمەن توعىستىرىپ، جاڭادان مىندەتكە تاعايىندالعان باسشى كادرلارعا ”التى ٴبىر“ مىندەتكە تاعايىندالۋدان بۇرىنعى پاكتىك قۇرىلىسى تاربيەسى توپتاماسىن جاساپ، ولاردى ورتالىقتىڭ سەگىز ٴتۇرلى بەلگىلەمەسىنىڭ رۋحىن كوكەيگە ۇيالاتىپ، ارەكەتتە ايگىلەپ، ۇكىمەت ىسىندە پاك بولۋدىڭ ”ٴبىرىنشى تۇيمەسىن“ ويداعىداي تۇيمەلەۋگە جەتەكتەدى، ەسكەرتتى.
اقسۋ قالالىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى پارتيا قىزمەتى كوميتەتى كاسىپتىك ەرەكشەلىكتى تياناق ەتىپ، ۇيرەنۋ تاربيەسىن ىشكەرىلەي ىلگەرىلەتتى. اكىمشىلىك قاراپ بەكىتۋ، قارجى بوساتۋ، ينجەنەريا قۇرىلىسى سياقتى ٴتۇيىندى قىزمەت ورىندارىن ٴجىتى قاداعالاپ، پارتيا مۇشەلەرىن، كادرلاردى ۇيىمداستىرىپ ”قىزمەت ورنى پاكتىك قۇرىلىسى حاۋىپ ـ قاتەرىن اداقتاۋ“ ورىستەتىپ، جۇيە ىشىندەگى تيپتىك دەلو مىسالدارىمەن ۇشتاستىرىپ، 9 رەت ساقتاندىرۋ تاربيەسى قيمىلىن ورىستەتىپ، شىرىكتەسۋگە قارسى تۇرىپ وزگەرۋدەن ساقتانۋدىڭ يدەيالىق قورعانىس شەبىن بەكەمدەدى. بۇقارانىڭ اڭىسى كۇشتى بولعان قالانىڭ قاتىناس ماسەلەسىنە مەڭزەس، پارتيا قىزمەتى كوميتەتى باسشىلىق القاسى باس بولىپ ورنالاستىرىپ، كۇشتەردى ۇيىمداستىرىپ، 45 ورىنداعى بۇلىنگەن جولدى، 18 ورىنداعى كىنارات تۋىلعان قاتىناس سيگنال شىراعىن جاپپاي جوندەپ، بۇقارانىڭ ٴجۇرىس ـ تۇرىس قولايلىلىق دارەجەسىن شىن مانىندە جوعارىلاتتى.
ستيل قۇرىلىسىنىڭ ناقتى ونىمدىلىگى ەڭ سوڭىندا بۇقارا ٴۇشىن قانشا جاقسى ٴىس، ناقتى ٴىس ٴبىتىرۋ جاعىندا بەينەلەنەدى، بۇقارانىڭ تىكە سەزىنۋىندە بەينەلەنەدى.
كەڭەس بەرۋ تەكشەسىن، انا ـ بالالار بولمەسىن كوبەيتىپ، ۋاقىتىن ۇزارتىپ قىزمەت وتەۋ، قاۋىرت كەزگە شوعىرلاندىرماي قىزمەت وتەۋ ازىرلەپ، ”قارتتار، قاۋقارسىز جاندار، اۋرۋلار، مۇگەدەكتەر، جۇكتى ايەلدەر“ سياقتى ەرەكشە قاۋىمعا جاسىل ارنا اشتى... ٴپىشان اۋداندىق ۇكىمەتتىك قىزمەت وتەۋ جانە الەۋمەتتىك بايلىق ايىرباس ورتالىعى ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرىپ، قىزمەت وتەۋ ساپاسىن جوعارىلاتۋدى، ونىمدىلىك دارەجەسىن ٴوسىرۋدى ارقاۋ ەتىپ، ۇكىمەتتىك ىستەر ورتاسىن ۇزدىكسىز ساپالىلاندىرىپ، ”ٴبىر ٴىستى جوعارى ٴونىمدى ٴبىتىرۋ“، ”ولكە اتتاپ ٴبىر تۇتاس ٴبىتىرۋ“ سياقتى حالىققا قولايلى شارالاردى اتقارىپ، جۇمىس ٴبىتىرۋ ماتەريالدارىن %30 ىقشامداپ، قاراپ بەكىتۋ ۋاقىت شەگىن %50 قىسقارتىپ، ”كومەكتەسىپ ٴبىتىرۋ، ۋاكىلدىك ٴبىتىرۋ“ تەكشەسىن ورنالاستىرىپ، بۇقارانىڭ جۇمىس بىتىرۋىنە كومەكتەسىپ، بۇقارانىڭ جۇمىس ٴبىتىرۋ قولايلىلىق دارەجەسىن جانە رازىلىق دارەجەسىن ۇزدىكسىز جوعارىلاتتى.
ورگان كادرلارىنىڭ نەگىزگى ساتىعا ىشكەرىلەي بارۋىن، ستيلدى جاقسارتۋىن جەبەۋ ٴۇشىن، قارامايلى قالاسى جايرانبۇلاق رايونى پارتيا مۇشەلەرى مەن بۇقاراعا قىزمەت وتەۋ ورتالىعى، رايوندىق كوميتەت قوعامدىق قىزمەت ٴبولىمى، رايون باس جۇمىسشى ۇيىمى بىرلەسىپ وتكىزگەن ”پارتيا مۇشەلەرى مەن بۇقارا ’جاڭالىققا‘ ۇمتىلىپ، قول ۇستاسا مەيىر ’جەتكىزۋ‘ ساپارىنا بىرگە اتتانۋ“ نەگىزگى تاقىرىپتىق قيمىلىن وتكىزىپ، ورگان كادرلارىن تاماق جەتكىزۋشى بولۋعا، كاسىپتى ٴوزارا اۋىستىرۋ ٴتاسىلى ارقىلى قىزمەت وتەۋ وبيەكتىسىنىڭ كۇندەلىكتى قىزمەتىن شىنايى سەزىنۋگە ۇيىمداستىردى.
”بۇرىن كەڭسەدە تاماق جەتكىزۋشىلەردىڭ ۇقىق ـ مۇددەسىن قامتاماسىزداندىرۋ ماسەلەسىن ٴبىر جاقتى ەتكەندە، كوبىندە ساياساتتىق تۇرعىدان وي جۇگىرتەتىنبىز. وسى جولى بۇل كاسىپتىڭ جاپالىلىق دارەجەسىنىڭ مەنىڭ ويلاعانىمنان الدەقايدا اۋىر ەكەندىگىن شىنايى سەزىندىم.“ 2 ساعاتتا 16 تاپسىرىستى جەتكىزگەننەن كەيىن، جايرانبۇلاق رايوندىق پارتيا كوميتەتى قوعامدىق قىزمەت ٴبولىمىنىڭ ورىنباسار باستىعى فىڭ حاۋ اسەرلەنە وسىلاي دەدى. قيمىل باسىندا تاعى ”مەن تاماق جەتكىزۋشى جاستار ٴۇشىن ناقتى ٴىس ىستەيمىن“ اتىنداعى ۇسىنىس ـ پىكىر جيناۋ ارناسىن اشىپ، جاڭادان جۇمىستانعان قاۋىمنىڭ ارمان ـ تىلەگىن جانە ۇسىنىسىن كەزكەلگەن ۋاقىتتا جيناپ، ماسەلە تىزىمىنە ەنگىزىپ، شارا بەلگىلەپ وڭاپ، قىزمەت وتەۋدىڭ دالدىك دارەجەسىن جانە ناقتى ونىمدىلىك سيپاتىن شىنايى جوعارىلاتىپ، جاڭادان جۇمىستانعان قاۋىمنىڭ حاۋىپسىزدىك سەزىمىن جانە قاراستىلىق سەزىمىن ۇزدىكسىز كۇشەيتتى.
ات ۇستىندەگى ”جىلجىمالى قىزمەت وتەۋ پۋنكتى“ حالىققا قولايلى قىزمەت وتەۋدىڭ ”ەڭ سوڭعى ٴبىر كيلومەترىن“ تۇتاستىردى. ۇيرەنۋ تاربيەسىندە حوشۇت اۋدانى نارىنكىر اۋىلدىق پارتكوم نازاردى مالشىلىق رايونداعى بۇقارانىڭ قونىستانۋى بىتىراندى، جولى شالعاي، قاتىناس قولايسىز بولۋ سەبەبىنەن ارمان ـ تىلەكتى اڭىس ەتۋدىڭ اقىرىن بولۋى، داۋ ـ شاردى شەشۋ ىركىلىسسىز بولماۋ سياقتى قيىن تۇيىندەرگە شوعىرلاندىرىپ، ”ٴاربىر ادامعا دەيىن كوتەرمەگە الۋ، شەكتى ۋاقىتتا ٴبىتىرۋ، مەرزىمدى ۋاقىتتا قايتا قاراۋ“ تۇيىق اينالىمدى قىزمەت وتەۋ مەحانيزمىن ورناتىپ، اۋىل، قىستاق ەكى دارەجەلى كادرلار، قىستاقتا تۇراتىن قىزمەت اترەتى سياقتى كۇشتەردى بىرىكتىرىپ جىلجىمالى قىزمەت وتەۋ اترەتىن قۇرىپ، مەرزىمدى ۋاقىتتا مالشىلىق رايونعا بارىپ ساياساتتى ۇگىتتەۋ، مىندەتتى ەمدەۋ، جۇمىستاندىرۋ، جۇمىس ورنىن تانىستىرۋ سياقتى قىزمەت وتەۋ ورىستەتتى ٴارى ىرىقتىلىقپەن مالشىلارعا تۇرمىستىق ماتەريالداردى ۋاكىلدىك ساتىپ الىپ بەرىپ، جايلاۋعا كوشۋىنە كومەكتەسىپ، بۇقارانىڭ ەسىك الدىندا ـ اق شىنايى قىزمەت وتەۋدەن يگىلىكتەنۋىنە مۇمكىندىك جاساپ، ۇيرەنۋ تاربيەسى جەتىستىكتەرىن جۇرت سەزىنە الاتىن، يگىلىكتەنە الاتىن ەتتى.
