2 ـ كەزەكتى جۇڭگو - ورتا ازيا باسشىلار ماجىلىسىنە قاتىناسۋىن تابىسپەن اياقتاتىپ
شي جينپيڭ بەيجيڭگە قايتىپ كەلدى
شينحۋا اگەنتتىگىنىڭ 6 ـ ايدىڭ 18 ـ كۇنى بەيجيڭنەن بەرگەن حابارى. 6 ـ ايدىڭ 18 ـ كۇنى تۇستەن كەيىن مەملەكەت ٴتوراعاسى شي جينپيڭ 2 ـ كەزەكتى جۇڭگو - ورتا ازيا باسشىلار ماجىلىسىنە قاتىناسۋىن اياقتاتقاننان كەيىن، ارناۋلى ۇشاقپەن بەيجيڭگە قايتىپ كەلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي قاتارلى ساپارلاستارى سول ۇشاقپەن بىرگە قايتىپ كەلدى.
شينحۋا اگەنتتىگىنىڭ 6 ـ ايدىڭ 18 ـ كۇنى استانادان بەرگەن حابارى (تىلشىلەر حان مو، لي اۋ). جەرگىلىكتى ۋاقىت 6 ـ ايدىڭ 18 ـ كۇنى تۇستەن بۇرىن مەملەكەت ٴتوراعاسى شي جينپيڭ 2 ـ كەزەكتى جۇڭگو - ورتا ازيا باسشىلار ماجىلىسىنە قاتىناسۋىن اياقتاتىپ بەيجيڭگە قايتتى.
استانادان اتتاناردا قازاقستان زۇڭتۇڭى توقايەۆ زۇڭتۇڭ كەڭسەسىنىڭ مەڭگەرۋشىسى دادەبايەۆ، ورىنباسار زۇڭلي، قوسىمشا سىرتقى ىستەر مينيسترى نۇرتىلەۋ، زۇڭتۇڭنىڭ سىرتقى ىستەر اقىلشىسى قازىحان، استانا قالاسىنىڭ باستىعى قاسىمبەك قاتارلى جوعارى دارەجەلى ٴمانساپتىلاردى باستاپ اۋەجايعا بارىپ اتتاندىرىپ سالدى.
شي جينپيڭ وتىرعان ارناۋلى ۇشاق ۇشقاننان كەيىن، قازاقستان اۋە ارمياسىنىڭ سوعىس ۇشاعى اۋە كەڭىستىگىنە كوتەرىلىپ قورعادى.
اۋەجايعا بارا جاتقان جولدا جۇڭگو قارجىلاندىرعان كاسىپورىندار مەن سول جەردە وقىپ جاتقان وقۋشىلاردىڭ ۋاكىلدەرى جولدىڭ ەكى جاعىندا جۇڭگو، قازاقستان ەكى ەلدىڭ مەملەكەت تۋلارىن بۇلعاپ، ٴتوراعا شي جينپيڭنىڭ جۇڭگو - ورتا ازيا باسشىلار ماجىلىسىنە قاتىناسۋىنىڭ تولىق تابىستى بولعاندىعىن قىزۋ قۇتتىقتادى.
