پارتيا تۋى تيانشان الابىندا زەيىن ـ زەردە مەن كۇش ـ قۋاتتى ۇيىستىرىپ، جاڭا داۋىردە شەكاراداعى ۇلتتار ٴوڭىرىنىڭ پارتيا قۇرىلىسى جاڭا تاراۋىن بىرگە جازۋعا جەتەكشىلىك ەتتى
— باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ۇيرەنۋدىڭ، دايەكتىلەندىرۋدىڭ شينجياڭ امالياتى
شين جىڭيان
پارتيا 18 ـ قۇرىلتايىنان بەرى، باس شۋجي شي جينپيڭ باستان ـ اياق شينجياڭنىڭ پارتيا قۇرىلىسىنا ايرىقشا ٴمان بەرىپ، ٴبىر قىدىرۋ جەلىلەس ماڭىزدى ٴسوز سويلەدى، ٴبىر قىدىرۋ ماڭىزدى نۇسقاۋ بەردى، بەكىتۋ جازدى، اسىرەسە، 2023 ـ جىلى اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا، ”شينجياڭ قىزمەتىن ويداعىداي ىستەۋدىڭ تەتىگى پارتيانىڭ جالپى بەتتىك باسشىلىعىنا تاباندى بولىپ، پارتيا قۇرىلىسىن شىن مانىندە كۇشەيتۋدە“ دەپ باسا دارىپتەپ، شينجياڭنىڭ جاڭا داۋىردەگى پارتيا قۇرىلىسى جاڭا ۇلى ينجەنەرياسىن ىشكەرىلەي ىلگەرىلەتۋىنە ٴتۇبىرلى بويسۇنۋ ولشەمىن جانە عىلمي جەتەكشىلىك ازىرلەدى. شينجياڭ شەكاراداعى ۇلتتار ٴوڭىرى رەتىندە، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ”پارتيانىڭ جالپى بەتتىك باسشىلىعىنا تاباندى بولىپ، پارتيا قۇرىلىسىن كۇشەيتۋ كەرەك“ دەگەن ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، پارتيانىڭ ساياسي قۇرىلىسىن ٴبىر تۇتاس باسشىلىققا الىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋعا قاجىماي ـ تالماي تاباندى بولىپ، پارتيانى قاتاڭ باسقارۋعا قاجىماي ـ تالماي تاباندى بولىپ، پارتيا مۇشەلەرى مەن كادرلاردى دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ۇزدىكسىز تەرەڭدەتىپ، جوعارى ساپالى كادر، دارىندىلار قوسىنىن كۇش سالا تۇلعالاپ، پارتيانىڭ باسشىلىعىن، پارتيا قۇرىلىسىن جاپپاي كۇشەيتۋدى قىزمەتتىڭ ٴارقايسى جاقتارىندا، تۇتاس بارىسىندا شىنايى دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى ساياسي كەپىلدىك ازىرلەۋگە جەتەكتەدى.
ٴبىرىنشى، ”ەكىنى تۇراقتاندىرۋدى“ تاباندىلىقپەن قولداۋ ارقىلى ساياسي نەگىزدى بەكەمدەپ، ”ەكىنى قورعاۋدى“ باتىل ورىنداۋ ارقىلى ساياسي بەتالىستى ٴدال يگەردى
باس شۋجي شي جينپيڭ بىلاي دەپ باسا دارىپتەدى: ساياسي بەتالىس — پارتيانىڭ ٴومىر سۇرۋىندە، دامۋىندا ٴبىرىنشى ورىندا تۇراتىن ماسەلە، ول پارتيانىڭ بولاشاعىنا، تاعدىرىنا جانە ىستەرىنىڭ گۇلدەنۋى مەن قۇلدىراۋىنا، ٴساتتى ـ ٴساتسىز بولۋىنا سايادى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتۋىندە قوعامدىق كەلەلى جاعداي ورنىقتى بولعان، ەكونوميكا ورنىقتى، اقاۋسىز دامىعان، ٴار ۇلت بۇقاراسى تىنىش ٴومىر، شات ـ شادىمان تىرشىلىك كەشىرگەن اسا تاماشا جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالاندى.
ۇيتقىعا ٴجىتى ىلەسىپ، ساياسي بەتالىستى بەكەمدەدى. 10 ـ كەزەكتى اۆتونوميالى رايوندىق پارتكومنىڭ توعىزىنشى جالپى ٴماجىلىسى باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعانداعى ماڭىزدى ٴسوزىنىڭ رۋحىن تەرەڭ ٴتۇسىنىپ ٴارى باتىل دايەكتىلەندىرىپ، تياناقتاندىرىپ، ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ ساياسي بيىگىنەن، پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولۋدى جانە ونى كۇشەيتۋدى ەڭ جوعارى ساياسي پرينسيپ ەتىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ٴتۇرلى قىزمەتتەرىنە ٴبىر تۇتاس باسشىلىق ەتتى. «باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا قۇرىلىسىن جاپپاي كۇشەيتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا قۋاتتى، پارمەندى ساياسي كەپىلدىك ازىرلەۋ جونىندەگى قاۋلىنى» اقىلداسىپ ماقۇلداپ، ٴتۇرلى قىزمەتتىڭ ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاپ، باس شۋجي شي جينپيڭ نۇسقاعان بەتالىسپەن بۇلجىماي ارشىندى قاداممەن العا باسۋىن ىلگەرىلەتتى.
ەرەجە ـ ٴتۇزىم ورناتىپ، جابىق اينالىم مەحانيزمىن تياناقتاندىردى. باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى ۇزاق مەزگىلدىك ساياسي مىندەت، ستراتەگيالىق مىندەت ەتۋگە تاباندى بولىپ، ٴارقايسى سالا، ٴارقايسى جاق، ٴارقايسى بۋىندا ساياسات بەلگىلەۋدەن، شىعارۋدان اتقارۋعا، تياناقتاندىرۋعا دەيىن، ٴسوز جوق، پارتيا ورتالىق كوميتەتىنىڭ رۋحىن دايەكتىلەندىرۋدى العى شارت ەتىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا سانالى بويسۇندى. دايەكتىلەندىرۋدىڭ، تياناقتاندىرۋدىڭ جابىق اينالىمدى باسقارۋ قىزمەت مەحانيزمىن اقاۋسىزداندىرىپ، كەمەلدەندىرىپ، ەسەپ ـ قيساپ ٴتىزىمى ۇلگىسىندەگى باسقارۋدى قاتاڭ اتقارىپ، قاداعالاپ اتقارىلۋىن قۋزاۋدى كۇشەيتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ، ساياسات ـ بۇيرىقتاردىڭ ىركىلىسسىزدىگىنە، بۇيرىق ـ تالاپتاردىڭ بۇلجىماي اتقارىلۋىنا، سوڭىنا دەيىن دايەكتىلەنۋىنە شىنايى كەپىلدىك ەتتى.
ساياسي ٴتارتىپتى قاتاڭ ايقىنداپ، ەرەجە شىعارىپ قاتاڭ اتقاردى. پارتيانىڭ ساياسي ٴتارتىبىن جانە ساياسي قاعيداسىن، اسىرەسە، بولشەكتەۋشىلىككە قارسى تۇرۋ كۇرەس ٴتارتىبىن قاتايتىپ، ساياسي باقىلاۋدىڭ ناقتىلانۋىن، دالمە ـ دالدىگىن، ۇدايىلانۋىن ىلگەرىلەتتى. پارتيا ىشىندەگى ساياسي تۇرمىستى قاتايتىپ، كەلەلى ىستەردە نۇسقاۋ سۇراۋ، مالىمەت بەرۋ ٴتۇزىمىن قاتاڭ اتقاردى، بارلىق ارەكەت ولشەمى قاتاڭ تۇردە بەلگىلەمە بويىنشا جۇرگىزىلدى، ٴتارتىپ بويىنشا ىستەلدى، ٴتۇزىم بويىنشا باسقارىلدى. كادرلاردىڭ ساياسي ساپاسىن تەكسەرۋدى جانە پارتيا مۇشەلەرىنىڭ ساياسي دەنساۋلىق تەكسەرۋىن ۇدايىلاندىرا ورىستەتىپ، ساياسي تارتىپكە قايشىلىق جاساعان پارتيالى كادرلاردى قاتاڭ تەكسەرىپ ٴبىر جاقتى ەتىپ، پارتيا مۇشەلەرى مەن كادرلاردى مۇرات ـ سەنىمدى بەكەمدەۋگە، تارتىپكە، قاعيداعا قاتاڭ بويسۇنۋعا، ”ۇشكە استە جول قويماۋدى“ باتىل ورىنداۋعا يدەيانىڭ تەرەڭ قاتپارىنان تاربيەلەدى، جەتەكشىلىك ەتتى.
ەكىنشى، پارتيانىڭ جاسامپازدىق نازارياسىمەن زەيىن ـ زەردەنى ۇيىستىرىپ، رۋح سومداپ، شينجياڭداعى ٴار دارەجەلى پارتيا مۇشەلەرى مەن كادرلاردىڭ مۇرات ـ سەنىم نەگىزىن بەكەمدەدى
باس شۋجي شي جينپيڭ: نازاريالىق جاقتا سەرگەك بولعاندا عانا ساياسيدا تاباندى بولۋعا بولادى، ـ دەپ باسا دارىپتەدى. شي جينپيڭ جاڭا ٴداۋىر جۇڭگوشا سوتسياليزم يدەياسى — زامانىمىزداعى جۇڭگو ماركسيزمى، 21 ـ عاسىر ماركسيزمى، پارتيا مەن حالىقتىڭ امالياتتىق تاجىريبەلەرى مەن كوللەكتيۆ اقىل ـ پاراساتىنىڭ جاۋھارى. شينجياڭ شەكاراداعى ۇلتتار ٴوڭىرى رەتىندە، پارتيانىڭ جاسامپازدىق نازارياسىن ۇيرەنۋدى باستان ـ اياق كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن وي ـ سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولدى.
ۇدايى ۇيرەنىپ، ۇدايى جاڭالاپ، پارتيا مۇشەلەرىنىڭ يدەيا ـ نازاريا نەگىزىن بەكەمدەدى. جوعارىدان تومەنگە قاراي ىستەۋگە، جوعارى ارقىلى تومەنگە باسشىلىق ەتۋگە تاباندى بولىپ، پارتكوم (پارتيا باسشىلىق گرۋپپاسى) ٴماجىلىسى ”ٴبىرىنشى كەڭەستىك تاقىرىپ“ ٴتۇزىمىن جانە نازاريا ۇيرەنۋ وزەكتى گرۋپپاسى ۇيرەنۋىنىڭ ”تۇراقتى كەڭەستىك تاقىرىپ“ ٴتۇزىمىن قاتاڭ تياناقتاندىرىپ، پارتيانىڭ بۇرىنعى ٴار كەزەك شوعىرلى تاربيەسى، ”ٴۇش جيىن، ٴبىر ساباق“، ”پارتيا تۋى تيانشاندى نۇرلاندىردى“ نەگىزگى تاقىرىپتىق پارتيا كۇنى سياقتى ۇيرەنۋ امالياتىنان ويداعىداي پايدالانىپ، ٴار دارەجەلى پارتيالى كادرلاردى نازاريالىق جەتىلىمىن جوعارىلاتۋعا، زاڭمەن باسقارۋ كوزقاراسىن كۇشەيتۋگە، حالىقشىلدىق سۇيىسپەنشىلىكتى بەرىك ورناتۋعا، مۇرات ـ سەنىمدى بەكەمدەۋگە تاربيەلەپ، جەتەكتەپ، تانىم مەن ارەكەتتىڭ بىرلىگى بارىسىندا ۇيرەنۋ ونىمدىلىگىن كادەگە جاراتىپ، پارتيالى كادرلاردىڭ ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتتى. 2024 ـ جىلى ٴار دارەجەلى پارتيا ۇيىمدارى 500 مىڭنان استام رەت توپتىق ۇيرەنۋ، زەرتتەۋ ـ تالقى ورىستەتتى، 130 مىڭ رەتتەن استام ساقتاندىرۋ تاربيەسى قيمىلىن ورىستەتتى.
وزەكتى بەكەمدەپ، نەگىزدى جەتىلدىرىپ، پارتيا مۇشەلەرىنىڭ پارتياعا ادال بولۋ تاربيەسىن تەرەڭدەتتى. شي جينپيڭ جاڭا ٴداۋىر جۇڭگوشا سوتسياليزم يدەياسىن، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، ساياسي تانىم تاربيەسىن، پارتياعا ادال بولۋ تاربيەسىن ۇزدىكسىز كۇشەيتىپ، پارتيا ىشىندەگى ساياسي ەكولوگيانى ۇزدىكسىز تازارتتى، ٴار ۇلت پارتيا مۇشەلەرىنىڭ، كادرلارىنىڭ ”ەكىنى تۇراقتاندىرۋدىڭ“ شەشۋشى ٴمانىن ٴتۇسىنۋى اناعۇرلىم تەرەڭ، ”ٴتورت تانىمى“ اناعۇرلىم بەكەم، ”ٴتورت سەنىمى“ اناعۇرلىم بەرىك، ”ەكىنى قورعاۋى“ اناعۇرلىم باتىل بولدى.
پارتيا مۇشەلەرىنىڭ پارتيالىلىق جەتىلىمىن تاباندىلىقپەن كۇشەيتتى. ”اتتىلار ۇگىت لەكسيا اترەتى“، ”قىزىل كوشپەلى ساباقحانا“ سياقتى ەرەكشەلىككە يە دانەكەرلەردە جاڭالىق اشىپ، پارتيا تاريحىن ۇيرەنۋ تاربيەسىن، وتانشىلدىق تاربيەسىن، جۇڭحۋانىڭ تاڭداۋلى ٴداستۇرلى مادەنيەتى تاربيەسىن بۇقارانىڭ ٴوندىرىس، تۇرمىس بارىسىنا توعىستىرىپ، قۇمارتا تىڭداپ، ۇناتىپ كورەتىن، مادەنيەت ارقىلى ىقپال جاسايتىن فورمادا پارتيالىلىق تاربيەسىن ورىستەتتى. وسى زامانعى وركەنيەت امالياتتىق قيمىلىن ۇدايىلاندىرا ورىستەتىپ، سەنىم ارتۋعا بولاتىن، ۇيرەنۋگە تاتيتىن، باۋىرمال ٴبىر توپ پارتيا مۇشەسىنىڭ تيپتىك ىزگى ىستەرىن، قاھارمان ۇلگىلەر ۋاكىلدەرىن ماراپاتتاپ، تاڭداپ تۇلعالاپ، ٴار دارەجەلى پارتيا مۇشەلەرىنىڭ، كادرلاردىڭ پارتيا ىستەرىنە بەلسەنە ات سالىسۋداعى داڭق سەزىمىن، ماقتانىش سەزىمىن تاسقىنداتتى، ٴۇن ـ ٴتۇنسىز ىقپال جاساۋ، ٴۇنسىز نارلەندىرۋ بارىسىندا ماركسيزم نانىمى، جۇڭگوشا سوتسياليزم سەنىمى، جۇڭحۋا ۇلتىنىڭ ۇلى گۇلدەنۋى سەنىمى تۇقىمى قالىڭ پارتيا مۇشەلەرىنىڭ، كادرلاردىڭ جۇرەك اتىزىنا ەگىلدى، تامىر تارتتى، گۇل اشىپ، جەمىس بەردى. ساياحاتشىلاردى قيىندىقتان قۇتقارعان ابدۇجاپار مەڭدى پارتيا مۇشەسى زناگىن كورسەتكەن ساتتە، بۇكىل ەلدەگى توراپتاستار جۇرەگى مەيىرگە بولەنىپ، پارتيا مۇشەلەرىنە قۇرمەت ٴبىلدىردى، ”پارتيا زناگىن كورسەتكەن اعاي“ ٴىس جۇزىندىك ارەكەتى ارقىلى پارتيا مۇشەسىنىڭ جاۋاپكەرشىلىك ارقالاۋىن جاندى ٴتۇسىندىرىپ، پارتيا مۇشەلەرىنىڭ اۆانگارد، ۇلگىلىك كۇش ـ قۋاتىن ايگىلەپ، پارتيا مۇشەلەرىنىڭ شۇعىلالى وبرازىن ورناتتى.
ٴۇشىنشى، حالىقتى بارىنەن جوعارى قويۋدى شىعار ٴتۇيىن جانە تابان تىرەر تياناق ەتىپ، جاڭا داۋىردەگى پارتيانىڭ بۇقارالىق لۋشيانىن امالياتتا ىشكەرىلەي ايگىلەدى
باس شۋجي شي جينپيڭ بىلاي دەپ اتاپ كورسەتتى: بيلىك — حالىق، حالىق — بيلىك، حالىقتىڭ قۇپتاۋ ـ قۇپتاماۋى پارتيانىڭ ٴومىر ٴسۇرۋى مەن قۇرىپ ـ جوعالۋىنا سايادى. شينجياڭ ەجەلدەن بەرى كوپ ۇلت شوعىرلى قونىستانعان ٴوڭىر، 56 ۇلت بىرگە تۇرمىس كەشىرۋدە، ٴار ۇلت بۇقاراسىنىڭ قورعاۋى مەن قولداۋى — پارتيانىڭ شەكاراداعى ۇلتتار وڭىرىندە بيلىك جۇرگىزۋىنىڭ ەڭ بەرىك نەگىزى.
حالىق ٴۇشىن ىستەيتىن، حالىققا پايدا جەتكىزەتىن، حالىققا تيىمدىلىك جاسايتىن بورىشتى، جاۋاپكەرشىلىك ارقالاۋدى امالياتتا ايگىلەدى. حالىق ٴۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىق ورتاق يگىلىكتەنۋگە تاباندى بولىپ، حالىق تۇرمىسى ناقتى ىستەرىن دەن قويا، سۇيىسپەنشىلىكپەن، كۇش سالا ويداعىداي ىستەدى. 2024 ـ جىلى تۇتاس شينجياڭنىڭ قازىنالىق شىعىسىنىڭ %77تەن استامى حالىق تۇرمىسى سالاسىنا جۇمسالدى، قالا ـ قالاشىقتان 483 مىڭ 200 ادام جاڭادان جۇمىستاندى، جۇمىستانۋى قيىن بولعان 33 مىڭ 400 ادامنىڭ جۇمىستانۋى جۇزەگە استى. اۋىل ـ قىستاقتى جاپپاي گۇلدەندىرۋدى بار كۇشپەن ىلگەرىلەتىپ، كەدەيلىكتەن ارىلعان ٴبىر ميلليون 103 مىڭ ادامدى جۇمىستاندىرۋدى جۇزەگە اسىرىپ، كولەمدى قايتا كەدەيلەسۋ تۋىلماۋ تومەنگى شەگىن باتىل ساقتادى. حالىق رازى بولاتىن وقۋ ـ اعارتۋدى كۇش سالا ويداعىداي جۇرگىزىپ، ۇكىمەتتىك 1893 بالاباقشانىڭ بالاباقشا باسقارۋ شارت ـ جاعدايىن جاقسارتىپ، مىندەتتى وقۋ ـ اعارتۋدىڭ ساپالى، بىركەلكى دامۋىن، ادەتتەگى ورتا مەكتەپتەر باسىمدىعىن كەڭەيتىپ ساپاسىن جوعارىلاتۋدى ىلگەرىلەتتى. ەمدەۋگە قىزمەت وتەۋ جۇيەسىن اقاۋسىزداندىرىپ، كەمەلدەندىرىپ، مەملەكەتتىك 4 وڭىرلىك ەمدەۋ ورتالىعىن، ولكە دارەجەلى 4 وڭىرلىك ەمدەۋ ورتالىعىن سالىپ ىسكە قوستى، اۆتونوميالى رايوندىق جۇڭي ٴدارى ـ دارمەكتى باسقارۋ مەكەمەسى ماڭدايشالىق اسىپ قۇرىلدى، نەگىزگى ساتىنىڭ ەمدەۋ ـ دەنساۋلىق ساقتاۋعا قىزمەت وتەۋ قابىلەتى ۇزدىكسىز جوعارىلاپ، ٴار ۇلت بۇقاراسى پارمەندى ەمدەلۋگە يە بولىپ، وتباسى ماڭىندا ويداعىداي ەمدەلۋ شىن مانىندەگى حالىق تۇرمىسى قۇت ـ ىرىسىنا اينالدى. قوعامدىق قامتاماسىزداندىرۋدىڭ كولەمىن كەڭەيتىپ ساپاسىن جوعارىلاتۋ ينجەنەرياسىن اتقاردى، قالا، اۋىلدا ەڭ تومەنگى تۇرمىستى قامتاماسىز ەتۋ ولشەمى جەكە ـ جەكە %5، %12 ارتىپ، ٴتۇرلى قۇتقارۋ، كومەكتەسۋ قارجىسىنان 8 ميلليارد 560 ميلليون يۋان تاراتتى، قيىنشىلىعى بار بۇقارانىڭ نەگىزگى تۇرمىسى ٴونىمدى قامتاماسىز ەتىلدى.
نەگىزگى ساتىعا ىشكەرىلەي قىزمەت وتەپ، جۇرت تىلەگىن ىنتىماقتاستىردى، ۇيىستىردى. نەگىزگى ساتىنى قاۋىرت يگەرۋ ايقىن بەتالىسىنا تاباندى بولدى، قىستاقتا تۇراتىن ٴار دارەجەلى قىزمەت اترەتتەرىندەگى جانە اۋىل ـ قىستاق، الەۋمەتتىك اۋماقتارداعى پارتيا مۇشەلەرى مەن كادرلار جۇرت تىلەگىنە يە بولۋدى، جۇرت تىلەگىن ۇيىستىرۋدى نەگىز ەتىپ، بۇقارامەن بىرگە اعاش ساياسىندا قورالانىپ، ورىندىقتا وتىرىپ، سۇپى باسىنا جينالىپ، ىرىقتىلىقپەن دوستاسىپ، بۇقارانى ۇستاز تۇتىپ، بۇقارادان كىشى پەيىلدىكپەن اقىل سۇراپ، ٴار ۇلت بۇقاراسىن جۇمىستانۋ كوزقاراسىندا، ۇيلەنۋ، بالا تاربيەلەۋ كوزقاراسىندا، وقۋ ـ اعارتۋ كوزقاراسىندا بۇرىلىس جاساۋعا جەتەكتەپ، رۋحاني وركەنيەت جانە زاتتىق وركەنيەت جاعىندا وركەنيەتتىلىككە، وسىزاماندانۋعا جاناستىرىپ، بۇقارانى اقىل ـ پاراساتىنا جانە ەڭبەكشىل قوس قولىنا سۇيەنىپ كورىكتى مەكەندەرىن ويداعىداي قۇرۋعا ۇيىمداستىردى، جۇمىلدىردى. پارتيا مۇشەلەرى مەن كادرلار نەگىزگى ساتىنىڭ كادرلاردى شىڭدايتىن قايراق ەكەنىن، تەك بۇقاراعا كەڭ پەيىل دارقاندىق كورسەتىپ، ادالدىق، ىزگىلىك ارقىلى بۇقارانى مەيىرگە بولەپ، شىنايى يگەرۋ، ناقتى ىستەۋ ارقىلى بۇقاراعا قىزمەت وتەسە، ٴسوز جوق، قالىڭ بۇقارانىڭ شىن جۇرەكتەن قورعاۋىنا جانە قولداۋىنا يە بولىپ، ٴار ۇلت بۇقاراسىن پارتيانىڭ توڭىرەگىنە تىعىز ىنتىماقتاستىرا الاتىنىن جاپپاي سەزىندى.
ۇلتتاردىڭ ارالاسۋ، ىشتەسۋ، توعىسۋ جەتىستىگىن بەكەمدەدى، جوعارىلاتتى. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، شينجياڭ ”ٴتورت تاريحى“ تاربيەسىن كەڭ كولەمدى ۇگىتتەپ، جەتەكشىلىك ەتىپ جانە ىلگەرىلەتىپ، مادەنيەتپەن نارلەندىرۋ مەن سۇيىسپەنشىلىكتەردى بايلانىستىرۋدى كۇشەيتىپ، جاستار مەن ورەندەردىڭ ”نەگىز قالاۋ“ ينجەنەرياسىن دالمە ـ ٴدال اتقارىپ، از ۇلت بۇقاراسىنىڭ مەملەكەتتە ٴبىر تۇتاس قولدانىلاتىن ٴتىل ـ جازۋدى قولدانۋ تانىمىن، قابىلەتىن بەكەمدەپ، جوعارىلاتىپ، ٴار ۇلت بۇقاراسىن ”بەستى شىنايى مويىنداۋدى“ ۇزدىكسىز كۇشەيتۋگە جەتەكتەپ، جۇڭحۋا ۇلتىنىڭ ورتاق رۋحاني مەكەنىن قۇردى. ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، شينجياڭعا كومەكتەسۋ بويىنشا جۇپ قۇراۋدى، بيڭتۋان مەن جەرگىلىكتى ورىن اراسىنداعى جۇپ قۇراۋدى، اسكەري بولىمدەگى وفيتسەر ـ اسكەرلەر وزدەرى تۇرعان جەردەگى بۇقارامەن جۇپ قۇراۋدى كوپ ٴتۇرلى فورمامەن ىلگەرىلەتتى، پارتيا مۇشەلەرى، كادرلار ٴار ۇلت بۇقاراسىمەن بىرگە تاماقتانۋ، بىرگە تۇرۋ، بىرگە ۇيرەنۋ، بىرگە ەڭبەك ىستەۋ بارىسىندا بارىس ـ كەلىس جاساپ، ٴوزارا ۇيرەنىپ، كومەكتەستى، پارتيا مۇشەلەرى مەن بۇقارانىڭ، كادرلار مەن بۇقارانىڭ قارىم ـ قاتىناسى بارعان سايىن ەتەنە بولىپ، پارتيا مۇشەلەرىنىڭ، كادرلاردىڭ ”مىنەز ـ قۇلىق، وبرازى“ ٴتىپتى دە تاماشا بولدى، ٴار ۇلت بۇقاراسى شىن جۇرەكتەن باس شۋجيگە العىس ايتتى، كوممۋنيستىك پارتياعا العىس ايتتى، ۇلى وتانعا العىس ايتتى، قوعام ورنىقتىلىعى مەن ۇلتتار ىنتىماعىن سانالىلىقپەن قورعاۋ تانىمى بارعان سايىن كۇشەيدى.
ٴتورتىنشى، نەگىزگى ساتى ۇيىمىن كۇشەيتىپ قۇرۋدى قامتاماسىزدىق ەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ەڭ سوڭعى ٴبىر كيلومەترىن“ ىركىلىسسىزدەندىردى
باس شۋجي شي جينپيڭ: نەگىزگى ساتى پارتيا ۇيىمى — پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ەڭ سوڭعى ٴبىر كيلومەترى“، ”ۇزىلگەن جولداردىڭ“ بەلەڭ بەرۋىنە بولمايدى، ـ دەپ باسا دارىپتەدى. شينجياڭدا 108 اۋدان (قالا، رايون)، 1162 اۋىل ـ قالاشىق (ٴمالى)، 11 مىڭ 798 قىستاق (الەۋمەتتىك اۋماق) بار، ٴاربىر نەگىزگى ساتى ۇيىمى تۇگەلدەي پارتيا تۇلعاسىنىڭ ”نەرۆ ۇشى“، پارتيانىڭ قوعامنىڭ نەگىزگى ساتىسىنداعى جاۋىنگەر قامالى. تاياۋ جىلداردان بەرى، شينجياڭ نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق بولاشاقتىق جوسپارى جانە نەگىزدى بەكەمدەۋ شاراسى ەتۋگە تاباندى بولىپ، نەگىزگى ساتى ۇيىمدىق جۇيەسىن ۇزدىكسىز اقاۋسىزداندىرىپ، ٴبىرىنشى شەپتەگى قىزمەت كۇشىن تولىقتاپ، پارتيا تۋىن ٴاربىر نەگىزگى ساتى شەبىندە بيىك جەلبىرەتتى.
بۇكىل سالا نەگىزگى ساتى ۇيىمدىق جۇيەسىن ٴجيى توقىدى. اۋىل ـ قىستاقتان قالاعا، ٴداستۇرلى كاسىپ كۇيىنەن جاڭا كاسىپ كۇيىنە دەيىن تاباندى بولىپ، پارتيا ۇيىمىن ٴاربىر قوعامدىق باسقارۋ كلەتكاسىندا قۇرىپ، پارتيا مۇشەلەرى، بۇقارا بار جەردىڭ بارىندە پارتيا ۇيىمى بولۋدى، پارتيا قىزمەتى بولۋدى ورىنداپ، نەگىزگى تۇلعاسى اۋداندا بولاتىن، اۋىلعا دەيىن كەڭەيگەن، قىستاقتا (الەۋمەتتىك اۋماق) تياناقتانعان، تۇيىنگە دەيىن ارناعا تۇسكەن نەگىزگى ساتى ۇيىمى تور جۇيەسىن قالىپتاستىردى. جاڭا داۋىردەگى وركەنيەت امالياتى ورتالىعى، جان ـ جاقتى باسقارۋ ورتالىعى، مادەنيەت ورتالىعى، ٴبىر بەكەتتىك زال سياقتى پارتيا مۇشەلەرى مەن بۇقاراعا قىزمەت وتەۋ ورتالىعىنان ويداعىداي پايدالانىپ، حالىق قۇرىلتايى ۋاكىلدەرىنىڭ بايلانىس جاساۋ پۋنكتى، ساياسي كەڭەس مۇشەلەرىنىڭ قىزمەت پۋنكتى (ٴبولىمى) قۇرىلىسىن بەلسەنە ىلگەرىلەتىپ، ”ورتالىق، پۋنكت، كەڭسە“ تۇيىندەرىن جەلى ەتىپ كەڭەيتىپ، بۇقارالىق قيمىل ورىستەتەتىن، ۇگىت، مادەنيەت، وقۋ ـ اعارتۋ، جۇمىستاندىرۋ بويىنشا دارىندى تاربيەلەيتىن، قايشىلىق پەن داۋ ـ شاردى شەشەتىن نەگىزگى ساتى قىزمەت وتەۋ تۇعىرىنا اينالدىرىپ، نەگىزگى ساتى قىزمەتىنىڭ حالىق تىلەگىنە جاناسىمدى بولۋىنا، حالىق تىلەگىنە ۇيلەسۋىنە، حالىق بۇقاراسىن باقىتقا كەنەلتۋىنە شىن مانىندە مۇمكىندىك جاسادى. اۆتونوميالى رايوندىق پارتكومنىڭ قوعامدىق قىزمەت ٴبولىمىن قۇرىپ، پارتيا قۇرىلىسىنىڭ نەگىزگى ساتىنى باسقارۋعا جانە نەگىزگى ساتى بيلىك قۇرىلىسىنا جەتەكشىلىك ەتۋىن ۇزدىكسىز ىلگەرىلەتىپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىمداستىرۋ قۋاتىن، ۇيىستىرۋ قۋاتىن ۇزدىكسىز كەڭەيتىپ، تۇرلىشە قوعامدىق توپتاردىڭ ەرەكشەلىگىنە مەڭزەس، ٴار ۇلت بۇقاراسىنا قىزمەت وتەپ، قوعامدىق قىزمەتتىڭ جوعارى ساپالى دامۋى ارقىلى نەگىزگى ساتىنى باسقارۋدىڭ وسىزاماندانۋ قابىلەتىن جوعارىلاتتى.
نەگىزگى ساتىنىڭ ومىرشەڭ كۇشىن جان ـ جاقتى قاۋلاتتى. نەگىزگى ساتى ۇيىمدارىنىڭ ورنالاسۋىن دالمە ـ ٴدال ساپالىلاندىرىپ، اۋىل ـ قالاشىقتاردىڭ (ٴمالى) قىزمەت جاۋاپكەرشىلىگىن وتەۋ ىستەرىن اناعۇرلىم ارناعا ٴتۇسىرىپ، رەتتەپ، قىستاقتىڭ (الەۋمەتتىك اۋماق) زاڭ بويىنشا مىندەت وتەۋ قىزمەت مەحانيزمىن اقاۋسىزداندىرىپ، كەمەلدەندىرىپ، سيفرلى تەحنولوگياعا سۇيەنىپ ينفورماتسيادان بىرگە يگىلىكتەنۋ، ٴبىر تۇلعالى توعىستىرۋ، ۇقساس سۇراۋعا بىرگە جاۋاپ قايتارۋ سىندى ”سيفرلى قۋات ۇستەۋ“ قىزمەت ۇلگىسى جونىندە ىزدەنىس جاساپ، ”نەگىزگى ساتىدا ٴبىر كەستە بولۋ“ رەفورماسىن ۇزدىكسىز ىلگەرىلەتتى. قۋزاۋ ـ تەكسەرۋدى، تەكسەرۋدى، باعالاۋدى ٴبىر تۇتاس ورنالاستىرىپ ارناعا ٴتۇسىرىپ، نەگىزگى ساتىنىڭ جۇگىن جەڭىلدەتىپ، ىرىق بەرىپ ساپانى كۇشەيتۋ، ادىستە بۇرىلىس جاساۋ، ناتيجەنى قولدانۋ جاعىندا باعالاۋ، شابىتتاندىرۋ مەحانيزمىن كەمەلدەندىرىپ، نەگىزگى ساتىنىڭ تەكسەرۋدى قارسى الۋ، باعالاۋدى قارسى الۋ اۋىرتپالىعىن جەڭىلدەتىپ، نەگىزگى ساتى كادرلارىنىڭ بۇقاراعا قىزمەت وتەۋدە اناعۇرلىم كوپ ۋاقىتى، زەيىن ـ زەردەسى بولۋىن قامتاماسىز ەتتى. حۇجاتتاردى ىقشامداپ، جيىندى ازايتۋ تەبىنىن ۇزدىكسىز ارتتىرىپ، حۇجات تاراتۋ سانىن ٴونىمدى تىزگىندەپ، ٴماجىلىس سانىن، ولشەمىن جانە رەت سانىن قاتاڭ تىزگىندەپ، نەگىزگى ساتى ٴۇشىن شىن مانىندە ”ازايتۋ امالىن“ قولدانىپ، نەگىزگى ساتىنى باسقارۋدىڭ ساپاسىن، ونىمدىلىگىن جوعارىلاتتى.
بايلىق ارقىلى قىزمەت وتەۋدىڭ ٴبىرىنشى شەپكە ٴتۇسۋىن ىلگەرىلەتتى. ٴار دارەجەلى ورگاندار ٴار جىلى تاڭداۋلى پارتيا مۇشەلەرىن جانە كادرلاردى ۇتىلامالى تۇردە قىستاقتا تۇرۋعا تاڭداپ جىبەرىپ، نەگىزگى ساتىنىڭ قىزمەت كۇشىن تولىقتاپ، نەگىزگى ساتىعا وي جەلىسىن ۇسىنىپ، ٴادىس ـ امال ۇيرەتىپ، تاجىريبە جەتكىزىپ، ”ۇيرەتۋ، كومەكتەسۋ، جەتەكتەۋ“ ارقىلى نەگىزگى ساتى كادرلارىنىڭ قابىلەت ساپاسىن السىزدەن كۇشەيتىپ، ”ارتقى ساحنادان“ ”الدىڭعى ساحناعا“ شىعارىپ، ”قوسالقى رولدان“ ”باس رولعا“ اينالدىردى، پارتيانىڭ نەگىزگى ساتى ۇيىمدارى رەفورما، دامۋ، ورنىقتىلىق ٴتۇرلى قىزمەتتەرىنە جەتەكشىلىك ەتۋدە ەڭ الدىڭعى شەپتە تۇردى. ساقشى كۇشتەرىن تومەنگە ٴتۇسىرۋدى، ساقشى ىستەرىن الدىعا جىلجىتۋدى ۇزدىكسىز ىلگەرىلەتىپ، قوعام اماندىعى بويىنشا جالپى تۇلعالىق ساقتانۋ ـ تىزگىندەۋدى كۇشەيتىپ، قوعام ورنىقتىلىعىنىڭ نەگىزىن ۇزدىكسىز بەكەمدەدى، تومەنگە تۇسكەن كۇشتەر شىن مانىندە نەگىزگى ساتى ورنىقتىلىعىنىڭ ”ورنىقتىرعىشىنا“ اينالۋدا.
بەسىنشى، ”ماڭگى جالعاسادى“ دەيتىن تاباندىلىقپەن ستيل قۇرىلىسىن يگەردى، تيانشان الابىندا قوڭىر سامال ەستى
باس شۋجي شي جينپيڭ: پارتيانىڭ ستيلى — پارتيانىڭ وبرازى، ول حالىقتىڭ قولداۋ ـ قولداماۋىنا، پارتيانىڭ ٴومىر ٴسۇرۋى مەن قۇرىپ ـ جوعالۋىنا سايادى، ـ دەپ اتاپ كورسەتتى. قازىر شينجياڭ ىلۋدە ٴبىر كەزىگەتىن جاڭا ورايعا ٴدوپ كەلدى، شي جينپيڭ جولداستى ۇيتقى ەتكەن پارتيا ورتالىق كوميتەتى زور ٴۇمىت ارتىپ وتىر. شينجياڭ كوسەمنىڭ تاپسىرماسىن ەستە بەرىك ساقتاپ، بورىش پەن اۋىر مىندەتتى ارقالاپ، يدەيانى ازات ەتۋگە، شىندىقتى ٴىس جۇزىنەن ىزدەۋگە، ستيلدە بۇرىلىس جاساۋعا بارىنشا كۇش سالىپ، ناقتى ٴىس ىستەۋگە ٴمان بەرەتىن، جاۋاپكەرشىلىك ارقالاۋعا باتىل، ٴىس تىندىرۋعا شەبەر جاڭا سالت، دۇرىس ستيل قالىپتاستىرۋدا.
توركىنىن تۇزەپ، قاينارىن الاستاۋعا تاباندى بولىپ، دۇرىس ناتيجە كوزقاراسىن بەرىك ورناتتى. بۇقارادان الىپ، بۇقاراعا قايتارۋعا تاباندى بولىپ، حالىقتى باقىتقا كەنەلتۋدى ەڭ ۇلكەن ناتيجە ەتىپ، وبيەكتيۆ ٴىس جۇزىندىك جاعداي مەن بۇقارانىڭ قاجەتىنە قۇرمەت ەتىپ، بارلىق قىزمەتتى بۇقارانىڭ تۇتاس تۇلعالىق مۇددەسى، ٴتۇبىرلى مۇددەسى، ۇزاق بولاشاقتىق مۇددەسى بويىنشا جوسپارلاپ ىلگەرىلەتىپ، حالىق ٴۇن قاتقان زامان جاۋاپ قايتارۋدى شىنايى ورىندادى. فورماشىلدىقتى، تورەشىلدىكتى باتىل جويىپ، ىلعي دا جوعارىنىڭ ەمەۋرىنىنە قاراپ ٴىس جۇزىندىك جاعدايمەن ساناسپاۋ، كوز الداعى پايدا مەن مۇددەنى عانا كوزدەۋ، بۇگىندى عانا ويلاپ ەرتەڭمەن ساناسپاۋ سياقتى قاتە ناتيجە كوزقاراسىن دەر كەزىندە بايقاپ جانە تۇزەتىپ، ٴىس جۇزىندىك ارەكەت ارقىلى ساياساتتى تياناقتاندىرۋدا ”ٴبارىن ٴبىر تاياقپەن ايداۋ“، قاراپايىمداستىرىپ اتقارۋ سىندى قىزمەت ٴتاسىلىن باتىل تيىپ، قاي ـ قاشان دا بارلىق جەردە ۇزاق بولاشاقتىق ونىمدىلىكتى ويلاپ، ەڭبەك ماعان جازىلماسا دا بولادى دەيتىن دارقاندىقپەن، ەڭبەك كورسەتۋدە مەن بولماسام بولمايدى دەيتىن جاۋاپكەرشىلىك ارقالاۋمەن كونە سۇردەك، كونە ٴادىس وي جەلىسى قۇرساۋىنان سانالى تۇردە قۇتىلىپ، ٴتۇرلى قىزمەتتەردە جاڭا بەينە جارىققا شىعارۋدى ىلگەرىلەتتى.
تەكسەرىپ ـ زەرتتەۋ ارقىلى جول اشىپ، قىزمەت ستيلىندە بۇرىلىس جاساۋعا تاباندى بولدى. پارتيا ورتالىق كوميتەتى جۇكتەگەن ”بەس ۇلكەن ستراتەگيالىق ورىندى“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولىپ، جوعارى دەڭگەيدە جوبالاۋ مەن حالىقتان اقىل ـ كەڭەس الۋدى ٴوزارا ۇشتاستىرىپ، تەكسەرۋ ـ زەرتتەۋدى بارىنشا ورىستەتىپ، ”ٴتورتتى نەگىزگى ساتىعا جەتكىزۋدى“ امالياتتا ايگىلەدى، ٴار دارەجەلى پارتيا مۇشەلەرى مەن كادرلار ماسەلەنى كوزدە ۇستاي وتىرىپ نەگىزگى ساتىنىڭ جاعدايىن تاباندىلىقپەن ۇعىسىپ، ماسەلەنى شەشۋگە ۇمتىلىپ، كىشى پەيىلدىلىكپەن بۇقارادان ٴتالىم الىپ، حالىق تىلەگىن كەڭ كولەمدە قابىلداپ، ماسەلەگە سالىستىرىپ شىنايى تەكسەرىپ، ناقتى تۇزەتىپ، بۇقارامەن ارالىعىن قادام سايىن جاقىنداتىپ، بۇقارامەن سۇيىسپەنشىلىكتى بىرتىندەپ توپتاپ، بۇقارالىق قىزمەتتى ويداعىداي ىستەۋدىڭ ىرىقتىلىق ۇقىعىن بىرتىندەپ يگەردى. شينجياڭنىڭ جوعارى ساپالى دامۋى مەن وسىزامانداندىرۋ قۇرىلىسىنىڭ ٴداۋىر تاقىرىبى جونىندە بەلسەنە وي جۇگىرتىپ، ىزدەنىس جاساپ، ”تورعاي بورشالاۋ“ ۇلگىسىندەگى تەكسەرۋ ـ زەرتتەۋ ارقىلى نەگىزگى ساتى ٴدوپ كەلگەن قيىن تۇيىندەردى، بوگەتتەردى دالمە ـ ٴدال سۇراپ دياگنوز قويىپ، تەرەڭ، مەيىرلى، تەبىندى تەكسەرۋ ـ زەرتتەۋ جەتىستىكتەرىن قالىپتاستىرىپ، دامۋ قاجەت ەتكەن، رەفورما ٴزارۋ بولعان، نەگىزگى ساتى ىنتىزار بولعان، حالىق اڭساعان ٴبىر توپ ماسەلەنى شەشۋدى ىلگەرىلەتتى.
جازالاۋ مەن ساقتانۋدى قاتار جۇرگىزۋگە تاباندى بولىپ، شىرىكتەسۋگە قارسى تۇرۋدىڭ قورعانىس شەبىن بەكەمدەدى. جازالاپ سەس كورسەتۋ، ٴتۇزىم ارقىلى تەجەۋ، سانانى جوعارىلاتۋ بويىنشا ٴبىر تۇتاس كۇش سالۋعا تاباندى بولىپ، كادرلاردىڭ كىرشىكسىز، ساياسيدىڭ ايقىن، قوعامنىڭ رەتتى بولۋىن جۇزەگە اسىرۋدى ىلگەرىلەتتى. نولدىك توزىمدىك پوزيتسياسىمەن شىرىكتەسۋگە قارسى تۇرىپ، جاماندىقتى جازالاپ، بايقالعان زامان دەر كەزىندە تۇزەتۋگە ەسكەرتىپ، تارتىپكە قايشىلىق جاساعانداردى قاتاڭ تەكسەرىپ ٴبىر جاقتى ەتىپ، شىرىكتەسۋگە باتىلدىق ەتكىزبەۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الدىرماۋ قىزمەت مەحانيزمىن ٴبىر تۇلعالى ىلگەرىلەتتى. پارتيانى جاپپاي قاتاڭ باسقارۋدىڭ نەگىزگى تۇلعالىق جاۋاپكەرشىلىگىن مۇقيات اتقارىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن دايەكتىلەندىرۋدى ۇزاق ۋاقىت ٴونىمدى قۇرىش قاعيدا، بەرىك ولشەم ەتۋگە تاباندى بولىپ، ۇقىقتى، ٴىستى، ادامدى ٴتۇزىم ارقىلى باسقارۋدى كۇشەيتىپ، ٴار دارەجەلى پارتيا مۇشەلەرى مەن كادرلاردىڭ ۇقىق جۇرگىزۋىن تەجەۋدى، باقىلاۋدى قاتايتىپ، بۇقارانىڭ ماڭايىنداعى شىرىكتەسۋدى جانە بۇرىس ستيلدەردى باتىل رەتتەپ ـ تۇزەتتى. پارتيانىڭ ٴتارتىپ تاربيەسىن ۇدايىلاندىرۋدى، ۇزاق ٴونىمدى جۇرگىزۋدى ىلگەرىلەتىپ، ٴار دارەجەلى پارتيا مۇشەلەرى مەن كادرلاردى وي ـ سانانى سەرگەك ۇستاۋعا، پارتيالىلىق ساناسىن جوعارىلاتۋعا، شىرىكتەسۋگە قارسى تۇرىپ وزگەرۋدەن ساقتانۋ قابىلەتىن كۇشەيتۋگە تاربيەلەدى جانە جەتەكتەدى، پارتيا ستيلى، ۇكىمەت ستيلى شىت جاڭا تۇسكە ەنىپ، قوعامدىق ستيل، حالىق ستيلى ۇزدىكسىز جاقساردى.
التىنشى، ٴبىر سارىندىلىققا بوي ۇرمايتىن كەڭ پەيىلدىلىكپەن دارىندىلاردى مولىنان باۋراپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە تەلەگەي كۇش توپتادى
باس شۋجي شي جينپيڭ بىلاي دەپ باسا دارىپتەدى: كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋدىڭ تەتىگى پارتيادا، تەتىگى ادامدا. جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىس ٴوزارا قاباتتاسقان، ٴبىر ـ بىرىنە ىقپال جاساعان جاعدايدا، مەملەكەتتىڭ ستراتەگيالىق جالپى جاعدايىنداعى شينجياڭنىڭ ورنى مەن رولى كۇن سايىن كورنەكتىلەنىپ، دارىندىلارعا تاريحتاعى ٴارقانداي كەزدەگىدەن دە ٴزارۋ بولدى، تاريحي اۋىر مىندەت ارقالاي الاتىن، ادال، كىرشىكسىز، جاۋاپكەرشىلىك ارقالاي الاتىن جوعارى ساپالى كادر، دارىندىلار قوسىنىن شۇعىل قاجەت ەتتى.
تاڭداۋ، جەتىلدىرۋ، باسقارۋ، ىستەتۋ ارقىلى نەگىزگى ساتى تىرەكتىلەرىن كۇشەيتىپ تۇلعالادى. نەگىزگى ساتىنىڭ دامۋ قاجەتىن كوزدە ۇستاپ، اۋدان، قالالاردىڭ ”ٴبىرىنشى باسشىلارىن“ جانە اۋىل، قالاشىق (ٴمالى)، قىستاق (الەۋمەتتىك اۋماق) پارتيا ۇيىمى شۋجيلەرىن ۇزدىكتەردەن تاڭداپ، مىقتىلاردان ورنالاستىردى. ٴوڭىر، سالاۋات، كاسىپ سالاسى شەك ـ شەكاراسىن بۇزىپ، قىستاق ”ەكى كوميتەتى“ القاسىن ساپالىلاندىرىپ، جوعارى مەكتەپتەن وقۋ تاۋىسقان وقۋشىلاردى، جوسپار ىشىندە ٴبىر تۇتاس قابىلدانعان وقۋشىلاردى، تاڭداپ ورنالاستىرىلعان وقۋشىلاردى، باتىس بولىك جوسپارىنداعى ەرىكتىلەردى، ”ۇشكە كومەكتەسىپ، ٴبىردى سۇيەمەلدەۋگە“ قاتىناسقانداردى، اۋىلداعى ىسكەرلەردى نەگىزگى ساتى پارتيا ۇيىمىنىڭ شەشۋشى قىزمەت ورىندارىنا تاڭداپ جىبەرىپ، باۋلىپ، قوعامدى باسقارۋعا ات سالىسۋدىڭ، اۋىل ـ قىستاقتى گۇلدەندىرۋدى ىلگەرىلەتۋدىڭ، ۇلتتار ىنتىماعىن جەبەۋدىڭ، قوعام ورنىقتىلىعىن قورعاۋدىڭ الدىڭعى لەگىندە، ٴبىرىنشى شەپتە جەتىلدىردى، شىڭدادى.
سان مەن ساپاعا تەڭ ٴمان بەرىپ، كادرلار قوسىنىن ساپالىلاندىردى. جاڭا داۋىردەگى جاقسى كادر ولشەمى مەن ۇلتتار وڭىرىندەگى كادرلاردىڭ ”ٴتورت ەرەكشە“ ولشەمىن مۇقيات تياناقتاندىرىپ، ادام ىستەتۋدىڭ ايقىن باعدارىن ورناتىپ، ساياسيدا بەرىك، جاۋاپكەرلىكتى باتىلدىقپەن ارقالايتىن، بوران ـ شاشىننىڭ سىنىنان وتە الاتىن از ۇلت كادرلارىنا تولىق سەنىم ارتتى، ولاردى باتىل ىنتىماقتاستىردى، جۇرەكتىلىكپەن تاڭداپ ٴوسىرىپ، ەمىن ـ ەركىن ىستەتتى. تاربيەلەۋ ـ باۋلۋ، شينجياڭعا كومەكتەسەتىن ولكە، قالالارمەن قوس باعىتتا مىندەتكە ٴىلىپ شىنىقتىرۋ، بيڭتۋان مەن جەرگىلىكتى ورىنداعى كادرلاردىڭ اۋىس ـ كۇيىسى سياقتى جولدار ارقىلى شينجياڭنىڭ ٴىشى ـ سىرتىنداعى، پارتيا ٴىشى ـ سىرتىنداعى ٴار سالاداعى كادرلار مەن دارىندىلاردىڭ اينالمالى اۋىس ـ كۇيىس ارناسىن اشىپ، شينجياڭداعى كادرلار مەن دارىندىلار قوسىنىنىڭ ٴبىلىم قۇرىلىمىن، قابىلەت قۇرىلىمىن، كاسىپتىك قۇرىلىمىن ۇزدىكسىز جاقسارتتى.
ستراتەگيالىق دارىندىلاردى ەنگىزىپ، جوعارى ساپالى دامۋدىڭ قوزعالتقىشىن ىسكە قوستى. دارىندىلاردى توڭىرەكتىڭ ٴتورت بۇرىشىنان الۋعا، قابىلەتتىلەردى عانا مىندەتكە تاعايىنداۋعا تاباندى بولىپ، اۆتونوميالى رايوننىڭ ٴتۇيىندى دارىندىلار جوسپارىن كۇش سالا اتقارىپ، شينجياڭ دارىندىلاردى دامىتۋ توبىن قۇرىپ، 10 ميلليارد يۋاندىق دارىندىلاردى دامىتۋ قورىنان تولىق پايدالانىپ، جوعارى دەڭگەيلى دارىندىلار مەن شۇعىل قاجەتتى، تاپشى دارىندىلاردان 3200دەن استام ادامدى كوپ ارنامەن ەنگىزدى، باۋلىدى. بۇگىنگى شينجياڭدا وتاندى سۇيەتىن، ۇلەس قوساتىن، شەكاراداعى ۇلتتار وڭىرىندە ٴىس تىندىرىپ ناتيجە جاراتۋعا ات سالىساتىن جوعارى ساپالى، ماماندانعان دارىندىلار قوسىنى شوعىرلانىپ، جاڭالىق اشۋ، جاسامپازدىق جاراتۋ ومىرشەڭ كۇشى ۇزدىكسىز قاۋلادى.
كاسىپ پەن دارىندىلاردى توعىستىرىپ، دارىندىلاردى دامىتۋدىڭ قۇنارلى توپىراعىن بەكەمدەدى. جوعارى دارەجەلى وقۋ ـ اعارتۋدىڭ كولەمىن كەڭەيتىپ، ساپاسىن ارتتىرۋدى زور كۇشپەن ىلگەرىلەتىپ، وڭتۇستىك شينجياڭداعى 5 ايماق، وبلىستا تولىق كۋرس وقۋ ـ اعارتۋىنىڭ جاپپاي قامتۋىن تاريحي سيپاتتى جۇزەگە اسىردى. ”ون ٴىرى كاسىپ سالاسى شوعىرىن“ دامىتۋدى ارقاۋ ەتىپ، شينجياڭنىڭ ەرەكشەلىككە، باسىمدىققا يە كاسىپ سالالارىنا قاتىستى جاڭادان گۇلدەنگەن پاندەردى، شۇعىل قاجەتتى تاپشى پاندەردى جەتىلدىردى، بۇكىل شينجياڭداعى جوعارى مەكتەپتەردە 17 دوكتورلار ٴتۇيىنى، 45 ماگيسترلار ٴتۇيىنى تىڭنان قوسىلدى، مەملەكەتتىك جەل كۇشىمەن ەلەكتر شىعارۋ تەحنولوگيالىق جاڭالىق اشۋ ورتالىعى، تيانشان تاجىريبەحاناسى ماڭدايشالىق اشىپ قۇرىلدى، حۋايروۋ تاجىريبەحاناسى شينجياڭ بازاسى ورنىقتى جۇمىس باستادى، ٴار سالاداعى دارىندىلاردىڭ جاڭالىق اشۋ، ناتيجە جاراتۋ تۇعىرىنىڭ ورتاسى ۇزدىكسىز ساپالىلاندى، شينجياڭ شەكاراداعى ۇلتتار وڭىرىندە دارىندىلاردى توپتاۋدىڭ، دارىندىلاردى الىپ قالۋدىڭ جاڭا بيىگىنە اينالۋدا.
ٴجون ـ جوسىقتى اۋىز جۇزىندە عانا ايتۋعا، قيسىندى بوس سوزگە اينالدىرۋعا بولمايدى. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى وزىنە سەنىپ ٴوزىن الۋەتتەندىرۋگە، تۋراشىلدىقتان اينىماي جاڭالىق اشۋعا تاباندى بولدى، بۇل امالياتتان كەلدى ٴارى امالياتقا جەتەكشىلىك ەتتى، پارتيانىڭ شەكاراداعى ۇلتتار وڭىرىندە بيلىك جۇرگىزۋ نەگىزىن بەكەمدەۋدە، ٴار ۇلت بۇقاراسىن جۇڭحۋا ۇلتى ورتاق تۇلعا تانىمىن بەكەمدەۋگە جەتەكتەۋدە، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا كەلەلى ٴمان الادى. ايبىندى تاۋلاردىڭ، ٴسوز جوق، شوقتىقتى شىڭى بولادى، ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ۇزاق بولاشاقتىق ٴادىس قاراستىرىپ، نەگىزدى بەكەمدەۋ شاراسىن اتقارىپ، جاڭا داۋىردەگى پارتيا قۇرىلىسىنىڭ جاڭا، ۇلى ينجەنەرياسىن تاباندىلىقپەن ىلگەرىلەتىپ، پارتيانىڭ شينجياڭداعى بيلىك جۇرگىزۋ نەگىزىن بولاتتاي بەرىك، تايشان تاۋىنداي ورنىقتى ەتىپ، تيانشان الابىنداعى وسىناۋ قۇتتى مەكەندە ٴار ۇلت كادرلارى مەن بۇقاراسىن پارتياعا تاباندىلىقپەن، باتىلدىقپەن ىلەسىپ، بىرگە قۇلشىنا كۇرەس جۇرگىزۋگە ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن بىرگە ويداعىداي جازايىق!
