ەركىن تۇنياز ىلە وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
جوعارى ساپالى دامۋدىڭ جەتىستىكتەرى ارقىلى ٴار ۇلت بۇقاراسىن باقىتقا كەنەلتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 18 ـ كۇنى قۇلجادان حابارلايدى. 6 ـ ايدىڭ 17 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ىلە قازاق اۆتونوميالى وبلىسىنىڭ قۇلجا قالاسىنا بارىپ، كەلەلى نىساندار، ەرەكشەلىككە يە كاسىپ سالالارى، حالىق تۇرمىسى قىزمەتى سياقتىلارعا ناقتى ورىندا تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: حالىقتى وزەك ەتكەن دامۋ ۇستانىمىنا تاباندى بولىپ، حالىقتى باستان ـ اياق كوڭىل تورىنە قويىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، ستيلدى ۇزدىكسىز جاقسارتۋ، بۇقارامەن تىعىز بايلانىس جاساۋ بارىسىندا ونان ارى قايراتتانا العا ۇمتىلىپ، شىنايى يگەرىپ ناقتى ىستەپ، جوعارى ساپالى دامۋدىڭ جەتىستىكتەرى ارقىلى ٴار ۇلت بۇقاراسىن اناعۇرلىم ويداعىداي باقىتقا كەنەلتۋ كەرەك.
ەركىن تۇنياز جۇڭگو پيڭمەي شىنما جارنا مەڭگەرۋ توبى شەكتى سەرىكتەستىگىنىڭ فوتوۆولتتىق زەردەلى جاساۋ، ٴوندىرۋ ـ زەرتتەۋ بازاسىنا بارىپ، نىسان قۇرىلىسى جاعدايىن سول جەردىڭ وزىندە تەكسەرىپ كوردى. ول كاسىپورىندى جەرگىلىكتى ورىننىڭ بايلىق، وڭىرلىك ورىن جانە ساياسات باسىمدىعىن تياناق ەتىپ، شينجياڭنىڭ جاڭا ەنەرگيا كاسىپ سالاسىن دامىتۋ ورنالاسىمىمەن بەلسەنە توعىسىپ، عىلىم ـ تەحنولوگيادا جاڭالىق اشۋدى جانە زەردەلى جاساۋدى بار كۇشپەن ىلگەرىلەتىپ، وزەكتى باسەكەلىك قۋاتتى ۇزدىكسىز ارتتىرۋعا جىگەرلەندىردى. شاڭ ـ ۋ ماشينا ـ ەلەكتر تەحنولوگياسى (شاڭحاي) شەكتى سەرىكتەستىگىنىڭ جىلىنا 19 ميلليون شارشى مەتر حيميالىق جۇقا پلاستينكا ٴوندىرۋ نىسانى قۇرىلىسىنىڭ جۇمىس باسىندا ەركىن تۇنياز بىلاي دەدى: شينجياڭ ”ون ٴىرى كاسىپ سالاسى شوعىرىن“ قۇرۋدا جاڭا ماتەريالداردى دامىتۋدا بولاشاعى نۇرلى، كاسىپورىننىڭ ورايدى مىقتى يگەرىپ، حاۋىپسىز ٴوندىرۋ نەگىزىندە نىسان قۇرىلىسىنىڭ اياق الىسىن جەدەلدەتىپ، ەرتە وندىرىسكە قوسۋدى، ەرتە ونىمدىلىك كورسەتۋدى جۇزەگە اسىرۋىن ٴۇمىت ەتەمىن. ىلە چۋاننيڭ بيولوگيالىق تەحنولوگيا جارنا شەكتى سەرىكتەستىگىندە ەركىن تۇنياز بىلاي دەدى: كاسىپورىننىڭ تومەنگى بۋىنداعى كاسىپ سالاسى تىزبەگى كاسىپورىندارىن بەلسەنە ەنگىزىپ، ”سىرتقا شىعۋدى“ جەدەلدەتىپ، ورتا ازيا جانە توڭىرەكتەگى ەلدەر بازارىن اناعۇرلىم ويداعىداي كەڭەيتۋىن ٴۇمىت ەتەمىن.
ەركىن تۇنياز ىلە شيڭمياۋ تيانجىلى اماناتتاپ باعۋ ورتالىعىنا بارىپ، بولمە ٴىشى ـ سىرتىنىڭ ورتاسىن ناقتى ورىندا تەكسەرىپ كورىپ، قۇرىلىس، اينالىم جاعدايى جونىندەگى مالىمەتتى تىڭدادى؛ قۇلجا قالاسى حايتاڭ جولى الەۋمەتتىك اۋماق كۇندەلىكتى كۇتىمدەۋ ورتالىعىندا قارتتارمەن شىنايى اڭگىمەلەسىپ، كۇندەلىكتى تۇرمىس جانە دەنساۋلىق جاعدايىن، سونداي ـ اق وسى ورتالىقتىڭ توسەك سانى، ادام ورنالاستىرۋ، اس ـ سۋ، تازالىق جاعدايى سياقتىلاردى ۇعىستى. ول بىلاي دەپ باسا دارىپتەدى: ”قارتتار مەن بالالار“ سان مىڭداعان وتباسىنا سايادى، بۇل ٴارى وتباسى ٴىسى، ٴتىپتى دە ماڭىزدىسى، حالىق تۇرمىسىنداعى ٴىرى ٴىس. مەملەكەت پەن اۆتونوميالى رايوننىڭ قاتىستى سۇيەمەلدەۋ ساياساتتارىن ويداعىداي تياناقتاندىرىپ، ساپالى قىزمەت وتەۋ قامداۋىن ۇلعايتىپ، ەلىكتەۋگە، جالپىلاستىرۋعا بولاتىن جوعارى ساپالى قارتتاردى كۇتىمدەۋ، اماناتتاپ باعۋ قىزمەت وتەۋ ۇلگىسىن بار كۇشپەن تۇلعالاۋ كەرەك.
ەركىن تۇنياز تاعى قۇلجا قالاسىنىڭ قامتاماسىزداندىرۋ سيپاتتى جالعا بەرىلەتىن ۇيلەر سايكەستى نەگىزدىك قۇرىلعى قۇرىلىسى نىسانىنىڭ (2 ـ مەرزىمدىك) جۇمىس باسىنا جانە نانيۋان شاعىن اۋماعىنا باردى، ول بىلاي دەپ اتاپ كورسەتتى: قامتاماسىزداندىرۋ سيپاتتى جالعا بەرىلەتىن ۇيلەردى جەدەل سالىپ، قالا ـ قالاشىق تۇرعىندارىنىڭ، اسىرەسە، جاڭا قالا تۇرعىندارىنىڭ، جاستاردىڭ تۇرعىن ٴۇي قيىنشىلىعىن شەشۋ كەرەك. كونە شاعىن اۋماقتى جاڭالاپ دەڭگەيىن جوعارىلاتۋدى قالانى جاڭالاۋمەن، قوعامدىق باسقارۋمەن ورگانيكالى ۇشتاستىرىپ، ”ٴمالى باسقارماسى ىسقىرىق شالۋ، تاراۋلار تىزىمدەلۋ“ سىندى قىزمەت مەحانيزمىنەن ويداعىداي پايدالانىپ، قونىسقا جايلى الەۋمەتتىك اۋماق قۇرۋ كەرەك. قۇلجا قالاسى ازاتتىق جولى ٴمالى باسقارماسى الەۋمەتتىك اۋماعىنىڭ دەنساۋلىق ساقتاۋعا قىزمەت وتەۋ ورتالىعىندا ەركىن تۇنياز مىنالاردى ٴبىلدىردى: ”ەمدەۋ قامسىزداندىرۋى ٴتۇزىلىس رەفورماسىن، دەنساۋلىق ساقتاۋ ٴتۇزىلىس رەفورماسىن جانە ٴدارى ـ دارمەك اينالىمى ٴتۇزىلىس رەفورماسىن“ بىرگە جۇرگىزۋدى ونان ارى كۇشەيتىپ، ەمدەۋ مەن كۇتىمدەۋدى ۇشتاستىرۋدى ىلگەرىلەتىپ، تۇرعىنداردىڭ سالاماتتىعىن قامتاماسىز ەتۋ كەرەك.
ەركىن تۇنياز تەكسەرۋ ـ زەرتتەۋ بارىسىندا بىلاي دەپ باسا دارىپتەدى: ىلە وبلىسى تىرەكتىك، جەبەۋشىلىك، جەتەكشىلىك سيپاتقا يە كەلەلى نىسانداردى جەدەل اتقارىپ، اناعۇرلىم كوپ ناقتى قىزمەت مولشەرىن قالىپتاستىرۋى كەرەك. ٴار دارەجەلى باسشى كادرلار ٴبىرىنشى شەپكە ىشكەرىلەي بارىپ، كاسىپورىننىڭ قاجەتىن دەر كەزىندە ۇعىسىپ، دالمە ـ ٴدال شارا قولدانىپ، فاكتور قامتاماسىزدىعىن بار كۇشپەن ويداعىداي ىستەپ، بىرىككەن كۇش قالىپتاستىرا وتىرىپ نىسان قۇرىلىسىن جەبەۋى كەرەك. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى رەتتەۋ ـ وڭاۋدى قاتاڭ، ناقتى ىلگەرىلەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ كەرەك.
ياڭ شيۋلي تەكسەرۋ ـ زەرتتەۋگە قاتىناستى.
