6 - ايدىڭ 20 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارلاي كەلگەن جاڭا زەلانديا زۇڭليى لاكسونمەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
شينحۋا اگەنتتىگىنىڭ 6 ـ ايدىڭ 20 ـ كۇنى بەيجيڭنەن بەرگەن حابارى (ٴتىلشى دۇڭ شۋە). 6 ـ ايدىڭ 20 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارلاي كەلگەن جاڭا زەلانديا زۇڭليى لاكسونمەن كەزدەستى.
شي جينپيڭ بىلاي دەپ اتاپ كورسەتتى: ديپلوماتيالىق قارىم ـ قاتىناس ورناتقان 50 نەشە جىلدان بەرى، جۇڭگو - جاڭا زەلانديا قارىم ـ قاتىناسى اۋمالى ـ توكپەلى حالىقارالىق جاعدايدى باستان وتكەردى، ەكى جاق باستان ـ اياق ٴوزارا قۇرمەت ەتىپ، قول ۇستاسا العا ىلگەرىلەپ، ەكى ەل قارىم ـ قاتىناسى ۇزاق مەزگىل جۇڭگو مەن باتىستاعى دامىعان ەلدەر قارىم ـ قاتىناسىنىڭ الدىندا ٴجۇرىپ، ەكى ەل حالقىنا ناقتى قۇت ـ ىرىس سيلادى. جۇڭگو - جاڭا زەلانديا جاپپاي ستراتەگيالىق سەرىكتەستىك قارىم ـ قاتىناسىنىڭ ەكىنشى 10 جىلدىعىن باستاۋ قارساڭىندا ەكى جاق جۇڭگو - جاڭا زەلانديا قارىم ـ قاتىناسىنىڭ جاڭا 10 جىلدا اناعۇرلىم زور دامۋعا قول جەتكىزىپ، ەكى ەل حالقىنا اناعۇرلىم ويداعىداي باقىت جاراتۋىن بىرگە ىلگەرىلەتۋى كەرەك.
شي جينپيڭ بىلاي دەپ باسا دارىپتەدى: جۇڭگو - جاڭا زەلانديا ەكى جاق سەلبەستىك جاساسۋدى ەكى جاقتى قارىم ـ قاتىناسىندا اناعۇرلىم كورنەكتى ورىنعا قويىپ، ٴوزارا تولىقتاۋ باسىمدىعىن ساۋلەلەندىرىپ، ساۋدا جانە قارجى قوسۋ سەلبەستىگىن تەرەڭدەتىپ، عىلىم ـ تەحنولوگيادا جاڭالىق اشۋ، كليمات وزگەرىسىنە توتەپ بەرۋ، نەگىزدىك قۇرىلعى سياقتى سالاداعى سەلبەستىكتىڭ كومەسكى كۇشىن اشىپ، وقۋ ـ اعارتۋ، مادەنيەت، جاستار، حالىق اراسى، جەرگىلىكتى ورىن اۋىس ـ كۇيىسىن كۇشەيتىپ، ەكى جاقتى قارىم ـ قاتىناستىڭ ىشكى ٴمانىن بايىتۋ كەرەك. جۇڭگو - جاڭا زەلانديا اراسىندا تاريحي ارازدىق، تۇيىنشەك جوق، ٴتۇبىرلى مۇددە قاقتىعىسى جوق، ٴوزارا قۇرمەت ەتىپ، ورتاقتىققا ۇمتىلىپ، پارىقتاردى ساقتاپ، ەكى ەلدىڭ پارقىنا جانە الاۋىزدىققا دۇرىس مامىلە جاساۋ جانە ونى ٴبىر جاقتى ەتۋ كەرەك. بيىل — دۇنيە جۇزىلىك فاشيزمگە قارسى سوعىسى جەڭىسىنىڭ 80 جىلدىعى جانە بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى، سوعىستان كەيىنگى حالىقارالىق ٴتارتىپتىڭ قۇرۋشسى جانە قورعاۋشىسى رەتىندە، جۇڭگو - جاڭا زەلانديا ەكى ەل بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى بىرگە قورعاپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ٴتۇزىلىسىن قورعاپ، حالىقارالىق ادىلدىكتى، تۋراشىلدىقتى بىرگە قورعاپ، حالىقارالىق ٴتارتىپتىڭ اناعۇرلىم ٴادىل، ۇيلەسىمدى بەتالىسقا قاراي دامۋىن ىلگەرىلەتۋى كەرەك.
لاكسون مىنالاردى ٴبىلدىردى: جاڭا زەلانديا - جۇڭگو قارىم ـ قاتىناسىنىڭ ٴمانى كەلەلى. 2014 ـ جىلى ٴتوراعا شي جينپيڭ جاڭا زەلانديادا ساپاردا بولىپ، ەكى جاق جاپپاي ستراتەگيالىق سەرىكتەستىك قارىم ـ قاتىناس ورناتتى. ەكى ەل باسشىلارىنىڭ ستراتەگيالىق جەتەكشىلىگىندە ٴار سالا سەلبەستىگى قارىشتاپ دامىدى. جاڭا زەلانديا جاق جۇڭگومەن قارىم ـ قاتىناسقا وسكەلەڭ ٴمان بەرەدى، ٴبىر جۇڭگو ساياساتىن ۇزدىكسىز اتقارادى، جۇڭگو جاقپەن ٴوزارا قۇرمەت ەتۋگە، ٴوزارا تۇسىنىسۋگە تاباندى بولىپ، جوعارى جىكتەگىلەردىڭ بارىس ـ كەلىسىن ساقتاپ، ساۋدا، قارجى قوسۋ كولەمىن كەڭەيتىپ، اۋىل شارۋاشىلىعى، بالىق شارۋاشىلىعى، ٴسۇت شارۋاشىلىعى سەلبەستىگىن تەرەڭدەتىپ، ساياحات، وقۋ ـ اعارتۋ سياقتى سالالارداعى گۋمانيتارلىق اۋىس ـ كۇيىستى جيىلەتىپ، جاڭا زەلانديا - جۇڭگو قارىم ـ قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. قازىر دۇنيە ٴجۇزى ايقىنسىزدىققا تولى، حالىقارالىق قوعام جۇڭگونىڭ اناعۇرلىم زور رول اتقارۋىن كۇتۋدە. جاڭا زەلانديا جاق جۇڭگو جاقپەن بەلسەندى تىلدەسىپ، سايكەسىپ، كوپ جاقتى ساۋدا ٴتۇزىلىسىن قورعاپ، الەمدىك سىن ـ سايىسقا بىرگە توتەپ بەرۋدى قالايدى. جاڭا زەلانديا جاق جۇڭگونىڭ كەلەر جىلى ازيا - تىنىق مۇحيت ەكونوميكالىق سەلبەستىك ۇيىمى ٴماجىلىسىن وتكىزۋىن قولدايدى.
ۋاڭ ي كەزدەسۋگە قاتىناستى.
