شينجياڭدا جارناسى بازارعا شىعارىلعان سەرىكتەستىكتەردىڭ سانى، كولەمى ورنىقتى ارتتى
انار بۇلت \ شينجياڭ گازەتىنىڭ ٴتىلشىسى ۋاڭ يۇڭفي
6 ـ ايدىڭ 13 ـ كۇنى توۋتۇنحى وزەنى جاعالاۋىندا تيانرۇن ٴسۇت شارۋاشىلىعىنىڭ جىلىنا 200 مىڭ توننا ٴسۇت ونىمدەرىن وڭدەۋ نىسانىنىڭ قۇرىلىسى ەڭ سوڭعى ۇمتىلىس كەزەڭىنە ٴوتتى. نىسان وندىرىسكە قوسىلعاننان كەيىن، تيانرۇن ٴسۇت شارۋاشىلىعىنىڭ ٴسۇت ونىمدەرىن جىلدىق وڭدەۋ قۋاتى 650 مىڭ تونناعا جەتەدى. بۇل تيانرۇن ٴسۇت شارۋاشىلىعىنىڭ جۇڭگونىڭ ٴسۇت شارۋاشىلىعىنداعى 20 مىقتىنىڭ قاتارىنا ٴساتتى كىرگەننەن كەيىن، كاپيتال بازارىنىڭ كۇش ـ قۋاتىنا سۇيەنىپ تاعى ٴبىر رەت ۇمتىلىس جاساۋعا اتىلعان بەلگى ناگانى بولدى.
30 نەشە جىلدان بەرى، شينجياڭدا جارناسى بازارعا شىعارىلعان سەرىكتەستىكتەر ٴبىر ـ ٴبىر باستاۋشىلارداي بولىپ، شينجياڭنىڭ بايلىق باسىمدىعىنا سۇيەنىپ ٴداۋىردىڭ دامۋ تىنىسىن يگەرىپ، مىعىم عىلىم ـ تەحنولوگيادا جاڭالىق اشۋ قۋاتىنا، بايلىقتى بىرىكتىرۋ قۋاتىنا، قوعامدىق ۇلەس قوسۋ قۋاتىنا سۇيەنىپ شينجياڭ ەكونوميكاسىنىڭ كولەمىن كەڭەيتۋىنە، تيبىن وزگەرتىپ دامۋىنا جانە ونىمدىلىگىن جوعارىلاتۋىنا دەم بەرەتىن قۋاتتى قوزعالتقىشقا اينالدى.
سان جانە كولەم جاعىندا باتىس بولىك بويىنشا الدىڭعى قاتاردان ورىن الدى
شارۋاشىلىق قۇرۋدىڭ العاشقى مەزگىلىندەگى وزىندە بار مال فەرماسىنىڭ جەتكىلىكسىز بولىپ، توڭىرەكتىڭ ٴتورت بۇرىشىنان جاڭا ٴسۇت جيناۋ قاجەت بولۋدان بۇگىنگى تاڭداعى وسىزاماندانعان، كولەمدەنگەن 26 مال فەرماسىنىڭ بۇكىل شينجياڭنىڭ بارلىق جەرىنە تارالۋىنا دەيىن؛ ەڭ باستابىنداعى ساتىلۋ بازارىنىڭ ٴۇرىمجى، سانجى توڭىرەگىندە شەكتەلۋىنەن بۇگىنگى تاڭداعى ساتىلۋ بازارىنىڭ بۇكىل ەلدەگى 33 ولكە، اۆتونوميالى رايون، توتە قاراستى قالانى شارپىپ، ساتىلۋ سوماسىنىڭ 2 ميلليارد 800 ميلليون يۋاننان اسۋىنا دەيىن مەملەكەتتىڭ اۋىل شارۋاشىلىعىن كاسىپ سالالاندىرۋداعى جەتەكشى كاسىپورىنعا اينالدى. تيانرۇن ٴسۇت شارۋاشىلىعىنىڭ ەسەيۋى شينجياڭدا جارناسى بازارعا شىعارىلعان سەرىكتەستىكتەردىڭ شينجياڭنىڭ بايلىق، ەنەرگيا، ٴوڭىر باسىمدىعىنا سۇيەنىپ ۇزدىكسىز دامۋىنىڭ، زورايۋىنىڭ ىقشام كورىنىسى بولدى.
جۇڭشين نييا شينجياڭنىڭ ساپالى ٴجۇزىم ٴوندىرۋ ورنى باسىمدىعىنا سۇيەنىپ ٴجۇزىم ەگۋ، ٴوندىرۋ، ساۋدا، عىلمي زەرتتەۋ ٴبىر تۇلعالانعان ٴجۇزىم شارابى بويىنشا جارناسى بازارعا شىعارىلعان ٴىرى كاسىپورىن بولىپ بىرتىندەپ دامىپ، نييا، شييۇي، شينتيان قاتارلى كوپتەگەن ەل ىشىندە تانىمالى ٴجۇزىم شارابى ماركاسىنا يە بولدى؛ تيانشان بوعدا كولى، جالىنتاۋ سياقتى شينجياڭ ەرەكشەلىگىنە يە ساياحات بايلىعىنا سۇيەنىپ شييۇي ساياحاتى شينجياڭداعى ٴبىرىنشى ساياحات ٴتۇرى بويىنشا جارناسى بازارعا شىعارىلعان سەرىكتەستىككە اينالدى.
شينجياڭنىڭ جەتكىلىكتى جەل، جارىق بايلىعىن تياناق ەتكەن ليشين ەنەرگياسى وڭىردە بىرەگەي، ەل ىشىندە وزىق قايتا تۋىندايتىن ەنەرگيانى امبەباپ قولدانۋ بويىنشا قىزمەت وتەۋ كاسىپورنىن تۇلعالاۋعا كۇش سالدى. شينجياڭنىڭ مول مۇناي ـ گاز بايلىعى باسىمدىعىنا سۇيەنگەن جۇڭيوۋ ينجەنەرياسى ”دۇنيە جۇزىندە بىرەگەي ەنەرگيا ينجەنەرياسى بويىنشا امبەباپ قىزمەت وتەۋشى ساۋداگەر“ تۇلعالاۋعا قۇلشىندى.
بايلىق باسىمدىعىنان تىس، شينجياڭنىڭ وزگەشە وڭىرلىك باسىمدىعى دا جارناسى بازارعا شىعارىلعان سەرىكتەستىكتەردىڭ دامۋى ٴۇشىن قوزعاۋشى كۇش ازىرلەدى. شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى سىندى وڭىرلىك باسىمدىعىنا سۇيەنگەن ەرەكشە ترانسفورماتور، گۋاڭحۇي ەنەرگياسى، جينفىڭ عىلىم ـ تەحنولوگياسى، تيانشۇن جارناسى سياقتى كوپتەگەن جارناسى بازارعا شىعارىلعان سەرىكتەستىكتەر دە مەملەكەت اتتاعان شارۋاشىلىق جۇرگىزىپ، حالىقارالىق بازارداعى باسەكەلىك قۋاتتارىن جوعارىلاتتى.
بايلىق باسىمدىعىنا، ارتىقشىلىعىنا سۇيەنگەن شينجياڭ كاسىپورىنداردى جەتىلدىرۋ سەرپىنىن ارتتىردى. اۆتونوميالى رايوندىق جەرگىلىكتى فينانستى باسقارۋ مەكەمەسى ٴار جىلى جارناسى بازارعا شىعارىلاتىن 100 كاسىپورىندى تاڭداپ جەتىلدىردى، سونداي ـ اق سيلاۋ ٴادىسىن شىعارىپ، جارناسىن بازارعا شىعارۋ ٴتارتىبى بويىنشا كاسىپورىنداردى سيلادى؛ جارناسى بازارعا شىعارىلىپ بولعان كاسىپورىندار جونىنەن مال ـ مۇلكىن قايتا ۇيىمداستىرىپ، ۇزدىكسىز زورايۋعا، قۇدىرەتتەنۋگە ىنتالاندىردى.
30 نەشە جىلدان بەرى، شينجياڭداعى جارناسى بازارعا شىعارىلعان سەرىكتەستىكتەردىڭ سانى جانە كولەمى ورنىقتى ارتتى. بيىل 4 ـ ايدىڭ سوڭىنا دەيىن شينجياڭدا A جارناسى بازارعا شىعارىلعان جيىنى 61 سەرىكتەستىك بار بولىپ، بازار قۇنى جيىنتىعى 751 ميلليارد 900 ميلليون يۋان بولىپ، باتىس بولىكتەگى ولكە، اۆتونوميالى رايون، قالالار ىشىندە جەكە ـ جەكە 4 ـ ورىندى جانە 6 ـ ورىندى يەلەدى. مۇنىڭ ىشىندە جارناسى بازارعا شىعارىلعان ٴبىر سەرىكتەستىكتىڭ بازار قۇنى 100 ميلليارد يۋاننان استى، جارناسى بازارعا شىعارىلعان 3 سەرىكتەستىكتىڭ بازار قۇنى 50 ميلليارد يۋاننان استى، جارناسى بازارعا شىعارىلعان 13 كاسىپورىننىڭ بازار قۇنى 10 ميلليارد يۋاننان استى.
2024 ـ جىلى شينجياڭداعى جارناسى بازارعا شىعارىلعان سەرىكتەستىكتەردىڭ شارۋاشىلىق جۇرگىزۋ جالپى كىرىسى 709 ميلليارد 782 ميلليون يۋان بولىپ، شينجياڭنىڭ وڭىرلىك ٴوندىرىس جالپى ٴونىم قۇنىنىڭ %34.57ىن يەلەدى.
”باتىس بولىك ٴوڭىرى بويىنشا قاراعاندا، مەيلى سەرىكتەستىك سانى، بازار قۇنى كولەمى جونىنەن ايتقاندا بولسىن، الدە ەكونوميكاعا ۇلەس دەڭگەيى جونىنەن ايتقاندا بولسىن، 30 نەشە جىلدىق دامۋ ارقىلى شينجياڭداعى جارناسى بازارعا شىعارىلعان سەرىكتەستىكتەردىڭ قۋاتى اجەپتاۋىر مىعىم بولدى“، ـ دەدى شينجياڭ جارناسى بازارعا شىعارىلعان سەرىكتەستىكتەر قوعامىنىڭ باس حاتشىسى شيا شۋحۇي.
شينجياڭداعى جارناسى بازارعا شىعارىلعان سەرىكتەستىكتەردىڭ دامۋى ٴدال شينجياڭنىڭ بايلىق باسىمدىعىن، ارتىقشىلىعىن ەكونوميكالىق ارتىقشىلىققا اينالدىرۋىنىڭ جاندى ەسكەرتپەسى بولدى.
جول اشۋ اتويشىلارى كاسىپ سالاسىنىڭ دەڭگەيىن جوعارىلاتۋعا دەم بەردى
شينجياڭداعى جارناسى بازارعا شىعارىلعان سەرىكتەستىكتەر ەكونوميكانىڭ جىلدام دامۋىنا دەم بەرۋمەن بىرگە، ەكونوميكانىڭ تيبىن وزگەرتىپ دارەجەسىن جوعارىلاتۋعا دا ۇزدىكسىز باستاپ كەلەدى.
1994 ـ جىلى 2 ـ ايدا شينجياڭداعى العاشقى جارناسى بازارعا شىعارىلعان سەرىكتەستىك شينجياڭ حۇڭيۋان اماناتتىق قارجى قوسۋ جارنا شەكتى سەرىكتەستىگىنىڭ (قازىرگى شىنۋان حۇڭيۋاننىڭ توركىنى) جارناسى اشىق تاراتىلدى. الدىڭعى عاسىردىڭ 90 ـ جىلدارىندا شينجياڭدا جيىنى 14 جارناسى بازارعا شىعارىلعان سەرىكتەستىك بار بولىپ، فينانس، اۋىل شارۋاشىلىعى، ساۋدا، توقىماشىلىق، اراق اشىتۋ سياقتى سالالارعا بىتىراي ورنالاسقان.
2000 ـ جىلدان 2010 ـ جىلعا دەيىن شينجياڭداعى جارناسى بازارعا شىعارىلعان سەرىكتەستىكتەن 23ى كوبەيىپ، سالالاردى قامتۋ كولەمى ونان ارى ەنەرگيا، حيميا ونەركاسىبى، بيولوگيالىق ٴدارى ـ دارمەك، جاڭا ەنەرگيا جابدىقتارىن جاساۋ، قۇرىلىس جۇرگىزۋ سياقتى سالالارعا دەيىن كەڭەيدى.
قازىرگە دەيىن شينجياڭداعى جارناسى بازارعا شىعارىلعان سەرىكتەستىك 61گە كوبەيىپ، سالانىڭ قامتۋ كولەمى ونان ارى ازىق ـ تۇلىك وڭدەۋ، ساۋدا ـ زات اينالىمى، قاتىناس ـ تاسىمال، ينفورماتسيا تەحنولوگياسى، ساياحات كاسىبى سياقتى سالالارعا دەيىن كەڭەيدى.
كاسىپ ورنالاسىمى بويىنشا قاراعاندا، شينجياڭداعى جارناسى بازارعا شىعارىلعان سەرىكتەستىكتەردىڭ قامتۋ كولەمى 1 ـ كاسىپ سالاسىنان 2 ـ كاسىپ سالاسىنا دەيىن بولۋدان 3 ـ كاسىپ سالاسىنا دەيىن بولۋعا دەيىن بىرتىندەپ كەڭەيۋ اۋقىمىن قالىپتاستىردى. جارناسى بازارعا شىعارىلعان سەرىكتەستىك ٴارى شينجياڭنىڭ كاسىپ سالاسى قۇرىلىمىنىڭ ساپالىلانىپ دەڭگەيىنىڭ كوتەرىلۋىنىڭ تابيعي ناتيجەسى، ٴارى شينجياڭنىڭ كاسىپ سالاسى قۇرىلىمىنىڭ بىرتىندەپ دەڭگەيى كوتەرىلۋىنىڭ وراسان زور قوزعاۋشى كۇشى بولدى.
ايتا كەتەرلىك جايت، 2017 ـ جىلدان بەرى، شينجياڭدا شيليڭ ينفورماتسياسى، لي ـ اڭ تەحنولوگياسى سىندى ينفورماتسيا تەحنولوگياسى بويىنشا جارناسى بازارعا شىعارىلعان 2 سەرىكتەستىك دۇنيەگە كەلدى. ەكونوميكالىق دامۋى سالىستىرمالى مەشەۋ، عىلىم ـ تەحنولوگياسىنىڭ دامۋ ورەسى سالىستىرمالى ٴبىرشاما تومەن شينجياڭدا مۇنى شينجياڭنىڭ كاسىپ سالاسى دەڭگەيى جوعارىلاۋىنىڭ جول بەلگىسى دەۋگە ابدەن بولادى.
اسىرەسە، لي ـ اڭ تەحنولوگياسىنىڭ نەگىزگى جۇرگىزەتىن كاسىبى العاشقى كەزدەگى حابارلاسۋ تەحنولوگياسى بويىنشا قىزمەت وتەۋدەن بىرتىندەپ سيفرلى قالا جۇيەسى بويىنشا قىزمەت وتەۋ، حابارلاسۋ تەحنولوگياسى بويىنشا قىزمەت وتەۋ، ەسەپتەۋ قۋاتى ورتالىعى جانە بۇلتتىق ەسەپتەۋ بويىنشا قىزمەت وتەۋ، شارۋاشىلىق تۇلعالارىنىڭ ارتقان قۇنىنا قىزمەت وتەۋى سىندى 4 ۇلكەن كاسىپ سالاسىنا دەيىن كەڭەيدى؛ ٴوڭىر اتتاپ بىرىكتىرە ساتىپ الىپ قايتا قۇرۋ ارقىلى كاسىپ كولەمى باتىس سولتۇستىكتەن باتىس وڭتۇستىككە، حۋانان، حۋادۇڭ سياقتى وڭىرلەرگە دەيىن كەڭەيدى، ٴتىپتى، مەملەكەت اتتاپ، ورتا شىعىس وڭىرىنە دەيىن كەڭەيدى.
قۇرىلعاننان قازىرگە دەيىن لي ـ اڭ تەحنولوگياسى ابىرويمەن 70تەن استام ٴار ٴتۇرلى داڭققا يە بولدى. ”ٴبىزدىڭ نىسانامىز وڭىرلىك ينفورماتسيا تەحنولوگياسى بويىنشا قىزمەت وتەۋدىڭ ساڭلاعى بولۋعا كۇش سالىپ، جۇڭگوداعى ىقپال كۇشى بار ينفورماتسيا تەحنولوگياسى بويىنشا قىزمەت وتەۋ كاسىپورنىنا اينالۋ“، ـ دەدى لي ـ اڭ تەحنولوگيا جارنا شەكتى سەرىكتەستىگىنىڭ ۇنەمىلىك ىستەرگە جاۋاپتى ورىنباسار ٴتوراعاسى ۋاڭ زىشۋان.
كاسىپ سالاسى تىزبەگىنىڭ كەڭەيۋىنەن الىپ قاراعاندا، جارناسى بازارعا شىعارىلعان سەرىكتەستىكتەر الۋەتتى ساڭلاقتارداي وزدەرىنىڭ جارىس جولىندا كاسىپ سالاسى تىزبەگىنىڭ ەڭ الدىڭعى ۇشىنا قاراي ۇزدىكسىز كەڭەيۋدە.
ەرەكشە ترانسفورماتور جونىنەن ايتقاندا، قارجىسى قارىزىن جابۋعا جەتپەيتىن، كۇيرەۋگە تاياپ تۇرعان كوشە باسقارماسى كوللەكتيۆ شاعىن زاۆودىنان بۇگىنگى تاڭدا 100 ميلليارد يۋان مال ـ مۇلكى بار ٴىرى كاسىپورىن توبى بولىپ دامۋعا دەيىن ەلەكتر جەتكىزۋ، كەرنەۋ وزگەرتۋ وزىق جابدىقتارىن جاساۋ، كرەمني نەگىزدى جاڭا ەنەرگيا، اليۋمين نەگىزدى جاڭا ماتەريال سىندى ”ٴبىر جوعارى، ەكى جاڭا“ بولعان 3 ٴىرى مەملەكەتتىك ستراتەگيالىق اينالمالى ەكونوميكالىق كاسىپ سالاسى تىزبەگىن جەتىلدىردى.
بۇل جەردە ٴبىز شينجياڭ ەكونوميكاسىنىڭ ۇزدىكسىز تيبىن وزگەرتىپ دارەجەسىن جوعارىلاتىپ، جوعارى ساپالى دامۋعا قاراي قادام تاستاعان ەكپىندى قادامىن كورە الامىز.
بەرىك تىرەۋ كەلەلى ستراتەگيانى ۇستىنە الدى
جارناسى بازارعا شىعارىلعان سەرىكتەستىكتەر شينجياڭنىڭ مەملەكەتتىڭ كەلەلى ستراتەگياسىن، كەلەلى باستاماسىن ارقالاۋداعى قۋاتتى تىرەك.
— ەرەكشە ترانسفورماتور مەملەكەتتىڭ ”ٴۇش بازار، ٴبىر ارنا“ ستراتەگيالىق ورنالاستىرۋىن دايەكتىلەندىرىپ، تياناقتاندىرىپ، جۇندۇڭ كولەمدى كومىر، كومىر ەلەكتر، كومىر حيميا بازاسى قۇرىلىسىن ىلگەرىلەتىپ، شينجياڭداعى تۇڭعىش مەملەكەتتىك 1 ـ دارەجەلى ٴوندىرىس حاۋىپسىزدىگى ولشەمى بويىنشا ولشەمگە جەتكەن 10 ميلليون توننا دارەجەلى اشىق كومىر كەندى سالىپ بولدى.
— جينفىڭ عىلىم ـ تەحنولوگياسى ەنەرگيا وزگەرىسىن ىلگەرىلەتتى. سانشيا توبى مەن جينفىڭ عىلىم ـ تەحنولوگياسى سەلبەسىپ زەرتتەپ جاساعان GWH252 - 16MW تەڭىز ٴۇستى جەل ەلەكتر گەنەراتورلارى ”2022 ـ جىلعى ورتالىق كاسىپورىندارىنىڭ 10 ۇلكەن مەملەكەت قارۋى“ تىزىمىنە ەنىپ، ەل ىشىندە وندىرىلگەن ۇلكەن ۇشاق C919، ٴۇشىنشى اۋياماتكا فۋجيان اۋياماتكاسى، جاڭا ٴبىر ۇرپاق ”جاساندى كۇن“ سياقتىلارمەن بىرگە جۇڭگو پاراساتىمەن جاسالعان تيپتىك ۇلگىلەرمەن قاتار تۇردى.
— ”ٴبىر بەلدەۋ، ٴبىر جولدى“ بىرگە قۇرۋ باستاماسىنىڭ قادامىنا ٴجىتى ىلەستى، تيانشۇن جارناسى تاس جول، تەمىر جول، اۆياتسيا، تەڭىز جولى ٴبىر تۇلعالاندىرىلعان، حالىقارالاندىرىلعان، امبەباپ زات اينالىمى قامداۋ تىزبەگى بويىنشا قىزمەت وتەۋشى ساۋداگەر تۇلعالاۋعا كۇش سالىپ، تەمىر جول، تاس جول، اۆياتسيا قاتار ٴومىر سۇرگەن زات اينالىمى بويىنشا قىزمەت وتەۋ تورىن قالىپتاستىرىپ، جىبەك جولى ەكونوميكالىق بەلدەۋى وزەكتى رايونىنىڭ ساۋدا ـ زات اينالىمى ورتالىعى قۇرىلىسىنا ٴونىمدى تىرەك بولدى.
جارناسى بازارعا شىعارىلعان سەرىكتەستىكتەر قوعامدىق جاۋاپكەرشىلىكتىڭ دە بەلسەندى امالياتتا ايگىلەۋشىسى بولدى.
شينجياڭ جارناسى بازارعا شىعارىلعان سەرىكتەستىكتەر قوعامىنىڭ ساناعى بويىنشا، شينجياڭداعى جارناسى بازارعا شىعارىلعان سەرىكتەستىكتەردىڭ 2022 ـ جىلى تاپسىرعان ٴار ٴتۇرلى سالىعى 60 ميلليارد 743 ميلليون يۋان بولىپ، تاريحتاعى ەڭ جوعارى دەڭگەيگە جەتتى. جارناسى بازارعا شىعارىلعان 34 سەرىكتەستىكتىڭ سالعان قارجىسى مولشەرمەن 123 ميلليون يۋان بولىپ، كەدەيلىكتەن ارىلتۋدان قامال الۋ شايقاسىنا ىرىقتىلىقپەن ات سالىستى؛ جارناسى بازارعا شىعارىلعان ٴبىر توپ سەرىكتەستىك تاعى وقۋدى سۇيەمەلدەۋ، جۇمىستانۋدى كەڭەيتۋ سياقتىلارعا بەلسەنە جىلۋ اتادى.
2016 ـ جىلدان بەرى، شىنۋان حۇڭيۋان 6 ميلليون 950 مىڭ يۋان قارجى شىعارىپ، ماكىت اۋدانى شەيىتدوڭ اۋىلىنىڭ يۋەتاڭ قىستاعىنا جاڭادان ٴبىر بالاباقشا سالىپ بەردى ٴارى دەر كەزىندە قاداعالاپ جوندەدى جانە جاسىلداندىردى. بۇل بالاباقشا 2017 ـ جىلى 9 ـ ايدا سالىنىپ بولىپ، قولدانىسقا بەرىلىپ، يۋەتاڭ قىستاعىنىڭ توڭىرەگىندەگى بالاباقشا جاسىنا جەتكەن سابيلەردىڭ تاياۋ ماڭدا وقۋى ماسەلەسىن شەشىم ەتتى.
2020 ـ جىلى مارالباسى اۋدانى كەدەيلەردى سۇيەمەلدەۋ قارجىسىنان پايدالانىپ ٴبىر وسىزاماندانعان باعىمشىلىق الاڭىن سالىپ، تيانرۇن ٴسۇت شارۋاشىلىعىنىڭ سيىر باعۋىنا جالعا بەرىپ، جالعا بەرۋ قارجىسىن العان سوڭ تاعى كەدەيلىكتەن ارىلعان وتباسىلارىنا ٴبولىپ بەردى. باعىمشىلىق الاڭى تاعى شارۋالاردى جەم ـ ٴشوپ ەگۋگە جەتەكتەپ، 150 كەدەيلىكتەن ارىلعان شارۋا وتباسىن جۇمىسقا قابىلدادى.
2022 ـ جىلى 2 ـ ايدا مارالباسى اۋدانى الاعىر اۋىلىنىڭ قىستاق تۇرعىنى ٴنابي سادىق پەن ايەلى باعىمشىلىق الاڭىنا جۇمىسقا كىرىپ، ايلىق كىرىستەرى 7000 يۋاننان استى.
”بىزدە تۇراقتى كىرىس بولىپ، ٴۇيىمىزدى اشەكەيلەدىك، جاڭا ٴۇي جيھازدارىن ساتىپ الدىق، بيىل تاعى اۆتوكولىك ساتىپ الدىق، تۇرمىسىمىز كۇننەن ـ كۇنگە جاقسارىپ كەلەدى“، ـ دەدى ٴنابي سادىق.
