شينجياڭنىڭ تارتىمدى حيكايالارى | ”قايسار“ تاكلاماكان ٴشولىن اينالۋ جارىس جولىنان اكەسىنىڭ ىزدەرىن ىزدەدى

　　انار بۇلت \ شينجياڭ گازەتىنىڭ ٴتىلشىسى دۇڭ لياڭ

　　5 ـ ايدىڭ 24 ـ كۇنى قۇمدى ٴشول تاس جولى (G580) حۇڭبايشان قىزمەت وتەۋ اۋماعىنىڭ ماڭىنداعى ايپاۋ 2025 . جۇڭگو تاكلاماكاندى اينالۋ حالىقارالىق راللي جارىسى (قىسقارتىلىپ ”تاكلاماكاندى اينالۋ راللي جارىسى“ دەلىنەدى) 4 ـ جارىس بولىگىنىڭ سوڭعى تۇيىنىندە 061 ـ ٴنومىرلى جەڭىل تۇرپاتتى جالپى جەر بەدەرىندىك دالالىق موتوتسيكل (ATV) جۇرگىزىپ، 246.02 كيلومەتر قۇرعاق وزەن ارناسىن كەسىپ ٴوتىپ، 22 جاسقا تولعان تۋعان كۇنىن قارسى العان چيانجياڭ مىسىق ايۋ موتوتسيكل كومانداسىنىڭ شەبەرى ٴالي احمەتتىڭ جۇزىنەن كۇلكى ەستى.

　　جارىس اۆتوكولىگى شەڭبەرىندەگىلەر، اسىرەسە، دالالىق موتوتسيكل ويناۋشىلاردىڭ ٴبارى دەرلىكتەي ٴاليدى بىلەدى، سونداي ـ اق ونى ”قايسار“ دەگەن كىشى اتىمەن شاقىرۋعا ادەتتەنگەن. بۇل قايساردىڭ تۇڭعىش رەت شەبەر سالاۋاتىمەن تاكلاماكاندى اينالۋ راللي جارىسىنا قاتىناسۋى. الدىڭعى 2 جارىس بولىگىندە موتوتسيكل سەبەبىنەن ول جارىس جولىندا ۇزدىكسىز اۋرەشىلىككە ۇشىرادى. ايتسەدە جارىستىڭ جۇرگىزىلۋىنە ىلەسە، قايسار بىرتىندەپ كۇيگە كەلىپ، ناتيجەسى بارعان سايىن جاقسارا ٴتۇستى.

　　قايسار 2003 ـ جىلى 5 ـ ايدىڭ 25 ـ كۇنى دۇنيەگە كەلگەن، اۋىلى شاۋەشەكتە، ول كىشكەنتايىنان اتا ـ اناسىمەن بىرگە ۇرىمجىدە ەرجەتكەن. اكەسى احمەت مامەت دالالىق موتوتسيكل شەبەرى بولاتىن، 2007 ـ جىلعى تاكلاماكاندى اينالۋ راللي جارىسىندا موتوتسيكل شاعىن ىعىستىرۋ مولشەرى گرۋپپاسىنداعىلاردىڭ اراسىندا جۇلدەگەر بولعان. 3 جاسقا تولعان تۋعان كۇنىندە اكەسى قايسارعا شاعىن تۇرپاتتى موتوتسيكل تارتۋ ەتتى، ول ونىڭ بالا كەزىندەگى ەڭ ۇناتاتىن ۇلكەن ويىنشىعى بولدى.

　　2009 ـ جىلى احمەت مامەت بايىنعولين موڭعۇل اۆتونوميالى وبلىسىندا وتكىزىلگەن شىعىسقا ورالۋ راللي جارىسىنا قاتىناسقاندا جولدان اداسادى. سول كەزدە قۇتقارۋ ـ كومەكتەسۋ شارت ـ جاعدايى شەكتى ەدى، قۇتقارۋ ـ كومەكتەسۋ گرۋپپاسى ونى تاۋىپ العاندا، ول ەسەڭگىرەپ كەتىپتى، ەڭ سوڭىندا شۇعىل قۇتقارۋدىڭ ٴونىمى بولماي، باقىتقا قارسى، قايتىس بولدى. ”شەشەم تاكلاماكان مەن موتوتسيكل ەڭ سۇيىكتىسىن اكەتكەنىن ايتتى، سول كەزدەن باستاپ ول مەنىڭ موتوتسيكلگە جۋىسۋىما ەرەكشە قارسى بولدى“، ـ دەدى قايسار.

　　2013 ـ جىلى دەمالىستا شاۋەشەكتەگى اتاسىنىڭ ۇيىنە بارعاندا، اكەسىنىڭ تاكلاماكاندى اينالۋ موتوتسيكلى مەن سيلىق ساۋىتىن تاعى كورەدى، سونداي ـ اق اعايى ابلەت مامەتتىڭ دە دالالىق موتوتسيكل ويىنىن ويناپ جۇرگەنىن كورەدى، ٴسويتىپ، ول موتوتسيكلدى تاعى دا ۇناتىپ قالادى. اعايىنىڭ ناسيحاتتاۋىمەن شەشەسى ەڭ سوڭىندا قايساردىڭ موتوتسيكل مىنۋىنە قوسىلادى.

　　”تاكلاماكاندى اينالۋ راللي جارىسىن بۇرىننان بىلەمىن. 2007 ـ جىلى اكەم سيلىق ساۋىتىن اكەلگەندە، وسىنداي جارىس بار ەكەندىگىن بىلگەن ەدىم. 2014 ـ جىلى تاكلاماكاندى اينالۋ راللي جارىسى تۇڭعىش رەت شاۋەشەككە جەتتى، اعايىم ەكەۋىمىز ناقتى ورىندا جارىس كوردىك، سول كەزدەن باستاپ تاكلاماكاندى اينالۋدى اڭسايتىن بولدىم“، ـ دەدى قايسار.

　　قايسار ىلگەرىندى ـ كەيىندى اعايىنا جانە بۇرىنعى شينجياڭ دالالىق موتوتسيكل كومانداسىنىڭ جاتتىقتىرۋشىسى ابدۇحاميت سەيىتكە ىلەسىپ دالالىق موتوتسيكلگە جاتتىعىپ، دالالىق موتوتسيكلدى جۇرگىزۋ شەبەرلىگىن جاتىق يگەرەدى. 2024 ـ جىلى شاندۇڭداعى مىسىق ايۋ موتوتسيكل كومانداسى بۇكىل ەلدەن شەبەر قابىلداعاندا، حاباردى كورگەن قايسار ەڭ الدىمەن تىزىمدەلەدى.

　　مىسىق ايۋ موتوتسيكل كومانداسىنىڭ قۇرۋشىسى جوۋ حى 5 كەزەكتى تاكلاماكاندى اينالۋ راللي جارىسىنا جانە تالاي رەتكى ەبينۇر كولىن اينالۋ موتوتسيكل راللي جارىسىنا قاتىناسقان، ابلەتپەن بىردەي موتوتسيكل اۋەسكەرى ەدى، سونداي ـ اق قايساردىڭ اكەسىنىڭ ٴىسىن دە بىلەتىن. ول تاباندا جاۋاپ قايتارمادى، قايتا ارنايى شينجياڭعا ابلەتتى ىزدەپ كەلىپ، قايساردىڭ احۋالىن ۇعىستى. قايساردىڭ الاڭداعى دالالىق موتوتسيكلگە تالاي جىل جاتتىققاندىعىن، سونداي ـ اق دالالىق موتوتسيكلگە توتەنشە قىزىعاتىندىعىن بىلگەن سوڭ، اقىرى ونى ٴوزىنىڭ جاتتىقتىرۋ بازاسىنا الىپ باردى.

　　2024 ـ جىلعى تاكلاماكاندى اينالۋ راللي جارىسىندا جوۋ حى قايساردى ەرتىپ جارىسقا قاتىناستى، ايتسەدە قايساردى شەبەر سالاۋاتىمەن جارىسقا قاتىناستىرۋعا اسىقپادى، قايتا ونى ارتقى شەپ قىزمەتكەرى رەتىندە موتوتسيكل كومانداسىمەن بىرگە تۇتاس بارىستا ٴجۇرىپ، تاكلاماكاندى اينالۋ راللي جارىسىنىڭ جالپى بارىسىنا قانىعۋعا ٴارى جارىستىڭ جاپالىلىعىن سەزىنىپ كورۋگە بۇيىردى.

　　”قانشا دەگەنمەن ول بۇدان بۇرىن الاڭداعى جارىسقا عانا قاتىناسقان، تاكلاماكاندى اينالۋ سىندى ازياداعى ەڭ جوعارى دەڭگەيدەگى راللي جارىسى ونىڭ ٴالى دە ۇزاق جول ٴجۇرۋىن قاجەت ەتەدى“. جوۋ حى مىنانى ٴبىلدىردى: 2025 ـ جىلعى تاكلاماكاندى اينالۋ راللي جارىسىندا قايسار اقىرى شەبەر سالاۋاتىمەن جارىسقا قاتىناسقانىمەن، حاۋىپسىزدىك ٴۇشىن ونى اناعۇرلىم حاۋىپسىزدىككە يە جالپى جەر بەدەرىندىك دالالىق موتوتسيكل (ATV) جۇرگىزىپ، جارىستىڭ قيىندىعىن سەزىنىپ كورۋگە بۇيىرعاندى ٴجون كوردىم.

　　وسى كەزەكتى تاكلاماكاندى اينالۋ راللي جارىسىنىڭ 1 ـ جارىس بولىگى ونسۋ اۋدانى تيانشان تەمىر اڭعارى كورىنىس وڭىرىنە ورنالاسقان، ەرەكشە جارىس بولىگىنىڭ جالپى ۇزىندىعى 159.32 كيلومەتر. قايسار الدىڭعى جارتىسىندا ٴبىرشاما ابايلاپ ەدى، ايتسەدە كومبەگە جاقىنداعان سايىن جاس بولعان سوڭ ٴوزىنىڭ الاساتقان كوڭىلىن باسا الماي ”ونەرىن“ كورسەتە باستادى. كومبەگە 200 مەترگە جەتپەيتىن جەر قالعاندا، موتوتسيكلىمەن جول شەتىنە اۋدارىلىپ قالىپ، سول كۇنگى تاكلاماكاندى اينالۋ راللي جارىسى حابارىنداعى ۇلكەن ٴبىر ”قىزۋ تۇيىنگە“ اينالدى، ٴبىر جاقسىسى، ادام دا، موتوتسيكل دە ەشتەڭە بولماپتى.

　　2 ـ جارىس بولىگى ارال قالاسىنداعى قۇمدى ٴشول قاقپاسى كورىنىس ٴوڭىرىنىڭ ىشىندەگى تاكلاماكان قۇمدى ٴشولىنىڭ قويناۋىندا ەدى. سول كۇنى كۇن شىجىپ تۇرعان بولاتىن، قايساردىڭ موتوتسيكلى جارىس بولىگىنىڭ جارتىسىنان وتكەندە، جوعارى تەمپەراتۋرا سيگنالىن بەردى، ٴتۇسىپ سۋ ساندىعىن تەكسەرگەن ونىڭ قولىن بۋ شالىپ كۇيىپ جارالانادى. قاراپايىم ٴبىر جاقتى ەتكەننەن كەيىن، ارت جاعىنداعى 016 ـ ٴنومىرلى ايەل شەبەر لي يفيدىڭ موتوتسيكلىنەن كىنارات شىققاندىعىن كورىپ، ول ارتىنا قايتىپ ”في اپەكەسىنىڭ“ موتوتسيكل جوندەۋىنە كومەكتەستى، ەكەۋى جوعارى تەمپەراتۋرادا موتوتسيكل جوندەپ ٴجۇرىپ ىستىق ٴوتىپ قالادى، ٴبىر جاقسىسى، ”في اپەكەسى“ حوشياڭ جىڭچي سۋىن الىپ العان ەكەن. موتوتسيكلدى جوندەپ بولعاننان كەيىن، ەكەۋى سول ٴتۇنى ساعات 11 اينالاسىندا ەرۋجايعا ازەر قايتىپ كەلىپ، ەكىنشى كۇنى جولعا شىعۋدى اقساتپايدى.

　　2 ـ جارىس بولىگىنىڭ سوڭعى تۇيىنىنە قاس قارايا شارشاپ - شالدىعا جەتكەن ءالي احمەت . سۋرەتتى انار بۇلت \ شينجياڭ گازەتىنىڭ ءتىلشىسى دۇڭ لياڭ تۇسىرگەن

　　”1 ـ، 2 ـ جارىس بولىگىندە ٴار ٴتۇرلى احۋالدى باستان وتكەرگەن سوڭ، مەن تاكلاماكاندى اينالۋ راللي جارىسىنىڭ قيىندىعىنىڭ، كۇشەمەلىلىگىنىڭ ويلاعانىمنان الدەقايدا اسىپ تۇسەتىندىگىن شىنداپ ٴتۇسىندىم. بۇل رەت مەن ۇيرەنۋگە كەلدىم، كەيىنگى جارىستاردا، ٴسوزسىز، سابىرلى بولىپ، ورنىقتى ٴجۇرىپ، جارىستى حاۋىپسىز اياقتاتۋعا قۇلشىنامىن“. قايسار بىلاي دەپ قارادى: ٴدال وسى رەتكى تاكلاماكاندى اينالۋ راللي جارىسىنداعى كەشىرمەم ارقىلى اكەمنىڭ سول جىلداردا جارىسقا قاتىناسۋىنىڭ وڭاي بولماعاندىعىن ٴبىلدىم، ”قازىر ٴبىزدىڭ كولىگىمىز، جابدىعىمىز، قورعانىش بۇيىمدارىمىز تۇگەل ەرەكشە وزىق، ارتقى شەپ ۇجىمىنىڭ جوندەۋى جانە ۇيىمداستىرۋ كوميسسياسىنىڭ قۇتقارۋ ـ كومەكتەسۋ دەڭگەيىن بۇرىنعىمەن سالىستىرۋعا كەلمەيدى، سوندىقتان اكەمنىڭ سول جىلدارى تاكلاماكاندى اينالۋ راللي جارىسىنىڭ سيلىق تۇعىرىنا كوتەرىلگەندىگىنە تىپتەن سۇيىنەتىن بولدىم“.

　　”ٴوزىمنىڭ اكەم سياقتى بولاشاقتا تاكلاماكاندى اينالۋ راللي جارىسىنىڭ سيلىق تۇعىرىنا كوتەرىلۋىمدى ٴۇمىت ەتەمىن. انامنىڭ تالاي جىلدان بەرگى الاڭداۋشىلىعىن دا بىرتىندەپ ٴتۇسىندىم، مەن ٴوزىمدى قورعاۋ نەگىزىندە ارمان قۋىپ، انامنىڭ ماقتانىشى بولامىن“، ـ دەدى قايسار.