تاياۋ جىلداردان بەرى، ماچاڭ بوزدالا قىستاعى بايلىق ابزالدىلىعىن تياناق ەتىپ، ءداستۇرلى ءبىرىڭعاي ەگۋ ۇلگىسىن وزگەرتۋ جاعىندا بەلسەندى ىزدەنىس جاساپ، اۋىل شارۋاشىلىعى ەگىمشىلىك قۇرىلىمىن ۇزدىكسىز ساپالىلاندىرىپ، جەرگىلىكتى جاعدايعا قاراي ەرەكشە ەگىمشىلىك كاسىپ سالاسىن دامىتىپ، قىستاقتىڭ كوللەكتيۆ ەكونوميكاسىن دامىتۋعا قۋاتتى قوزعاۋشى كۇش ۇستەدى.
قىستاق تۇرعىندارى ”شامعۇردى“ سىناق رەتىندە ەكتى.
2025-جىلدىڭ باسىندا، ماچاڭ بوزدالا قىستاعىنداعى قىستاقتا تۇراتىن قىزمەت اترەتى كۇندەلىكتى وتباسىلارىن ارالاۋ بارىسىندا بوزدالا قىستاعىنىڭ وزەن اڭعارىنا تاياۋ جەرگە ورنالاسقانىن، جەرىنىڭ تەگىس، توپىراعىنىڭ سورى كۇشتى، كۇن نۇرى تولىق تۇسەتىندىگىن، جۇڭگوشا ءشوپ ءدارى سانالاتىن ”شامعۇردى“ ەگۋگە قولايلى ەكەنىن بايقايدى. سونىمەن قاتار، قىستاق ەكى كوميتەتى باسشىلىق القاسى مەن قىستاقتا تۇراتىن قىزمەت اترەتى ”ءبىر قىستاقتا ءبىر ءونىم بولۋ“ دامۋ وي جەلىسىن ارقاۋ ەتىپ، بازاردى جان - جاقتى تەكسەرىپ زەرتتەۋ نەگىزىندە، بايلىق ابزالدىلىقتارىن تەرەڭ اشىپ، قىستاقتىڭ 50 مۋلىق كوللەكتيۆ جەرىن تاڭداپ شامعۇردى سىناق رەتىندە ەكتى.
ەگىمشىلىكتى تەحنيكالىق جاقتان جەتەكتەۋ ءۇشىن، قىستاقتا تۇراتىن قىزمەت اترەتى اۋداننىڭ اۋىل شارۋاشىلىعى تەحنيكتەرىن مەرزىمدى تۇردە اتىز باسىنا بارۋعا ۇسىنىس ەتىپ، داقىلداردى ەگۋ، اتىز باپتاۋ، سۋ، تىڭايتقىش بەرۋدى مەڭگەرۋ سياقتى جاقتاردان ەگىمشىلىككە تولىق تەحنيكالىق جەتەكشىلىك ەتىپ جانە قىزمەت وتەپ، ەگىس ءونىمىن ويداعىداي ارتتىردى.
ۇعىسۋعا قاراعاندا، ”شامعۇردىڭ“ ”شينجياڭنىڭ رىنسىن جەمىسى“ دەگەن اتاعى بار، قۇرامىندا ورگانيكالىق اكتيۆتەندىرىلگەن نەگىز سياقتى ورگانيكالىق قورەكتىگى مول زاتتار قامتىلعان، پىسىپ - جەتىلۋ مەزگىلى 90 كۇن اينالاسىندا، سۋىققا ءتوزىمدى، ساقتاۋعا قولايلى، دارىلىك قۇنى جوعارى سياقتى ەرەكشەلىكتەرگە يە.
قىستاق كادرلارى قىستاق تۇرعىندارىنىڭ ءشوپ وتاۋىنا كومەكتەستى.
”’شامعۇر‘ ەگۋدىڭ بازار بولاشاعى تاماشا، باپتاۋ تەحنيكاسى دا ءبىرشاما جەڭىل كەلەدى، الداعى جەردە ەگىمشىلىك كولەمىن كەڭەيتىپ، ءونىمدى ساتۋدىڭ ءتۇرلى جولدارىن اشىپ، ’شامعۇردى‘ وسى اۋىلداعى تۇرعىنداردى ’اۋقاتتانۋعا باستايتىن كوكونىسكە‘ اينالدىرامىز“،-دەدى بوزدالا قىستاعىنىڭ ءبىرىنشى شۋجيى، قىزمەت گرۋپپاسىنىڭ باستىعى الىمباي يبىراي اسا سەنىمدى تۇردە.
