6 ـ ايدىڭ 24 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارلاي كەلگەن سينگاپۋر زۇڭليى حۋاڭ شۇنسايمەن كەزدەستى.
□ سۋرەتتى شينحۋا اگەنتتىگىنىڭ ٴتىلشىسى يۋە يۋەۋي تۇسىرگەن
شينحۋا اگەنتتىگىنىڭ 6 ـ ايدىڭ 24 ـ كۇنى بەيجيڭنەن بەرگەن حابارى (ٴتىلشى دۇڭ شۋە). 6 ـ ايدىڭ 24 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارلاي كەلگەن سينگاپۋر زۇڭليى حۋاڭ شۇنسايمەن كەزدەستى.
شي جينپيڭ حۋاڭ شۇنسايدىڭ سايلاۋدا تاعى دا جەڭىپ ۇزدىكسىز مىندەت وتەگەنىن قۇتتىقتادى. شي جينپيڭ بىلاي دەپ اتاپ كورسەتتى: بيىل — جۇڭگو مەن سينگاپۋردىڭ ديپلوماتيالىق قارىم ـ قاتىناس ورناتقاندىعىنىڭ 35 جىلدىعى، ەكى جاق باستان ـ اياق ٴوزارا تۇسىنىسۋگە، ٴوزارا قۇرمەت ەتۋگە تاباندى بولىپ، جۇڭگو - سينگاپۋر قارىم ـ قاتىناسىنىڭ ورنىقتى، اقاۋسىز دامۋىنا بەرىك قامتاماسىزدىق ازىرلەدى. جۇڭگو - سينگاپۋر سەلبەستىگى جۇڭگونىڭ ٴارقايسى كەزەڭدەگى دامۋ بەتالىسى مەن تۇيىنىنە ۇيلەسەدى، سۋجوۋ ونەركاسىپ باقشاسى سياقتى ٴبىر قىدىرۋ سۇبەلى سەلبەستىك جەتىستىگىنە قول جەتكىزىپ، ەكى ەلدىڭ وزدەرىنىڭ وسىزامانداندىرۋ قۇرىلىسىنا ماڭىزدى دەمەۋشى كۇش ۇستەدى ٴارى وڭىردەگى ەلدەردىڭ سەلبەستىگىنە ۇلگى ورناتتى. ەكى جاق ەكى ەل قارىم ـ قاتىناسىنىڭ دامۋ بارىسىنان تاجىريبە جانە اقىل ـ پاراسات قابىلداپ، تاڭداۋلى داستۇرگە مۇراگەرلىك ەتىپ جانە ونى اسقاقتاتىپ، جۇڭگو - سينگاپۋر دوستىق اعاشىنىڭ ماۋەلەپ ٴوسىپ جەمىس بەرۋىنە مۇمكىندىك جاساۋى كەرەك.
شي جينپيڭ بىلاي دەپ باسا دارىپتەدى: جۇڭگو مەن سينگاپۋر ەكى ەل دوستىعىنىڭ ۇلكەن بەتالىسىن مىقتى يگەرىپ، جۇڭگو - سينگاپۋر قارىم ـ قاتىناسىنا باستان ـ اياق ستراتەگيالىق دەڭگەيدەن جانە ۇزاق بولاشاقتىق تۇرعىدان مامىلە جاساپ جانە ونى دامىتىپ، باعداردىڭ وزگەرمەۋىنە، قوزعاۋشى كۇشتىڭ ازايماۋىنا شىنايى كەپىلدىك ەتۋى كەرەك. جۇڭگو - سينگاپۋر دوستىعىنىڭ ساياسي نەگىزىن بەكەمدەپ، ٴبىر ـ ٴبىرىنىڭ وزەكتى مۇددەسىن جانە ٴجىتى قاداعالاپ وتىرعان كەلەلى ىستەرىن قولداپ، اناعۇرلىم جوعارى دەڭگەيدەگى ساياسي ٴوزارا سەنىمدىلىك ارقىلى ەكى ەل قارىم ـ قاتىناسىنىڭ دامۋىنا قىزمەت وتەۋ كەرەك. جۇڭگو جاق سينگاپۋر جاقتىڭ جۇڭگونىڭ دامۋىمەن ۇزدىكسىز تەرەڭ توعىسۋىن قارسى الادى، ەكى جاق ”ٴبىر بەلدەۋ، ٴبىر جولدى“ بىرگە قۇرۋ سەلبەستىگىن ىشكەرىلەي ىلگەرىلەتىپ، سيفرلى ەكونوميكا، جاسىل دامۋ، جاساندى زەردە سياقتى سالالاردا بەلگى سيپاتتى جەتىستىكتەردى تۇلعالاپ، كەلەلى نىسانداردىڭ ساپاسىن جوعارىلاتىپ دەڭگەيىن ٴوسىرۋدى ىلگەرىلەتىپ، جوعارى ساپالى سەلبەستىكتىڭ تىڭ تاراۋىن ۇزدىكسىز جازۋى كەرەك. ەكى ەل حالقىن ۇنەمى بارىس ـ كەلىس جاساۋعا شابىتتاندىرىپ، گۋمانيتارلىق اۋىس ـ كۇيىستى، سەلبەستىكتى تەرەڭدەتىپ، جۇڭگو - سينگاپۋر دوستىعىن جۇرت جۇرەگىنە ٴتىپتى دە تەرەڭ ۇيالاتۋ كەرەك. جۇڭگو جاق باستان ـ اياق بىلاي دەپ قارايدى: بەيبىتشىلىك، دامۋ، سەلبەستىك، تەڭ يگىلىكتەنۋ سىندى ٴداۋىر اۋقىمى بوگەۋ بەرمەيدى، دۇنيە ٴجۇزىنىڭ زورەكەرلىككە قايتا اياق باسۋىنا بولمايدى، ورمان زاڭىنا قايتا قايتۋىنا بولمايدى. جۇڭگو جاق سينگاپۋر جاقپەن بىرگە تاريحتىڭ دۇرىس جاعىندا تۇرىپ، ادىلدىك، تۋراشىلدىق جاعىندا تۇرىپ، تەپە ـ تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن بىرگە دارىپتەپ، دۇنيە ٴجۇزىنىڭ بەيبىت، حاۋىپسىز، گۇلدەنگەن، العا باسقان جارقىن بولاشاققا بەت الۋىن جەبەۋدى قالايدى.
حۋاڭ شۇنساي مىنالاردى ٴبىلدىردى: سينگاپۋر مەن جۇڭگونىڭ دوستىعى ارىدان باستاۋ العان، ەكى جاق باستان ـ اياق ٴوزارا قۇرمەت ەتىپ، ٴبىر ـ بىرىنە سەنىم ارتتى، ەكى ەل قارىم ـ قاتىناسى ورنىقتى دامىدى، سەلبەستىگى جيىلەي ٴتۇستى. سينگاپۋردىڭ ٴار كەزەك باسشىلارى تۇگەلدەي جۇڭگومەن قارىم ـ قاتىناسقا ايرىقشا ٴمان بەردى، جۇڭگو مەنىڭ تاعى دا مىندەتكە وتىرعاننان كەيىنگى شىعىس وڭتۇستىك ازيا وداعى ەلدەرىنەن سىرت تۇڭعىش ساپاردا بولعان مەملەكەت. سينگاپۋر ٴبىر جۇڭگو ساياساتىنا ۇزدىكسىز تاباندى بولىپ، ”تايۋاندى دەربەستەندىرۋگە“ قارسى تۇرادى. ەكى ەل ديپلوماتيالىق قارىم ـ قاتىناس ورناتقاندىعىنىڭ 35 جىلدىعىن بىرگە قۇتتىقتاۋ ساتىندە، سينگاپۋر جاق جۇڭگونىڭ گۇلدەنىپ ـ دامۋى اكەلگەن ورايدان تولىق پايدالانىپ، ەكى جاقتى ساۋدا، قارجى قوسۋ كولەمىن ۇلعايتىپ، سيفرلى ەكونوميكا، جاساندى زەردە، جاڭا ەنەرگيا سياقتى سالالارداعى سەلبەستىكتى كەڭەيتىپ، گۋمانيتارلىق اۋىس ـ كۇيىستى كۇشەيتىپ، سينگاپۋر - جۇڭگو قارىم ـ قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. اۋمالى ـ توكپەلى حالىقارالىق جاعداي الدىندا، سينگاپۋر جاق جۇڭگو جاقپەن وڭىرلىك جانە كوپ جاقتى تۇعىردا سايكەسۋدى، سەلبەسۋدى جيىلەتىپ، كوپ جاقتىلىق پەن حالىقارالىق ٴتارتىپتى بىرگە قورعاۋدى قالايدى، جۇڭگونىڭ، ٴسوز جوق، دۇنيە ٴجۇزىنىڭ بەيبىتشىلىگى ٴۇشىن اناعۇرلىم ماڭىزدى رول ساۋلەلەندىرەتىندىگىنە سەنەدى.
ۋاڭ ي كەزدەسۋگە قاتىناستى.
