شينجياڭنىڭ ”ٴۇش تەرىستىك“ ينجەنەرياسىنان قامال الۋ شايقاسىن جانە تاكلاماكان ٴشول جيەگى توسقاۋىل شايقاسىن ىلگەرىلەتۋ ٴماجىلىسى حوتاندا اشىلدى
شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، ەگجەي ـ تەگجەيلى ٴتۇسىنىپ، شىنايى اتقارىپ، باسىمدىققا يە كۇشتەردى شوعىرلاندىرىپ، ۇزدىكسىز كۇش توپتاپ قامال الىپ، ەلىمىزدىڭ سولتۇستىك ەكولوگيالىق حاۋىپسىزدىك قالتقىسىن باتىل بەكەمدەۋ كەرەك
ما شيڭرۇي، ليۋ گوحۇڭ ٴسوز سويلەدى، ەركىن تۇنياز باسقاردى، حى جۇڭيوۋ قاتىناستى
6 ـ ايدىڭ 24 ـ كۇنى شينجياڭنىڭ ”ٴۇش تەرىستىك“ ينجەنەرياسىنان قامال الۋ شايقاسىن جانە تاكلاماكان ٴشول جيەگى توسقاۋىل شايقاسىن ىلگەرىلەتۋ ٴماجىلىسى حوتاندا اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 24 ـ كۇنى حوتاننان حابارلايدى. 6 ـ ايدىڭ 24 ـ كۇنى شينجياڭنىڭ ”ٴۇش تەرىستىك“ ينجەنەرياسىنان قامال الۋ شايقاسىن جانە تاكلاماكان ٴشول جيەگى توسقاۋىل شايقاسىن ىلگەرىلەتۋ ٴماجىلىسى حوتاندا اشىلدى، ٴماجىلىس شي جينپيڭ ەكولوگيالىق وركەنيەت يدەياسىن ىشكەرىلەي امالياتتا ايگىلەپ، باس شۋجي شي جينپيڭنىڭ قۇمايتتانۋدان ساقتانۋ، قۇمدى تىزگىندەۋ جونىندەگى ماڭىزدى بايىمداۋلارىن، اسىرەسە، شولەيتتەنۋدەن جالپىلىق ساقتانۋ ـ تىزگىندەۋدى كۇشەيتۋ جانە ”ٴۇش تەرىستىك“ سياقتى ٴتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ماجىلىسىندە سويلەگەن ماڭىزدى ٴسوزىنىڭ رۋحىن ۇيرەنىپ، دايەكتىلەندىرىپ، ناتيجەلەردى، تاجىريبەلەردى قورىتىندىلاپ، ٴتۇيىندى قىزمەتتەردى ورنالاستىرىپ، ”ٴۇش تەرىستىك“ ينجەنەرياسىنان قامال الۋ شايقاسىنىڭ جەڭىسىنە بار كۇشپەن قول جەتكىزىپ، تاكلاماكان ٴشول جيەگى توسقاۋىل شايقاسىنىڭ جەتىستىگىن بەكەمدەپ، كەڭەيتىپ، ەلىمىزدىڭ سولتۇستىك ەكولوگيالىق حاۋىپسىزدىك قالتقىسىن باتىل بەكەمدەدى.
اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، مەملەكەتتىك ورمان شارۋاشىلىعى جانە جايلىم مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ليۋ گوحۇڭ ماجىلىسكە قاتىناستى ٴارى ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ قاتىناستى.
ماجىلىستە اۆتونوميالى رايوننىڭ باس ورمان باستىعى بۇيرىعى وقىلدى، شينجياڭنىڭ ”ٴۇش تەرىستىك“ ينجەنەرياسىنان قامال الۋ شايقاسىن جانە تاكلاماكان ٴشول جيەگى توسقاۋىل شايقاسىن ىلگەرىلەتۋ جاعدايى حابارلاندى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، باس شۋجي شي جينپيڭ ەكولوگيالىق وركەنيەت قۇرىلىسىنىڭ جاڭا ٴداۋىر جۇڭگوشا سوتسياليزم ىستەرىندەگى ماڭىزدى ورنى مەن ستراتەگيالىق ٴمانىن تەرەڭ يگەرىپ، ٴبىر قىدىرۋ ٴتول جاسامپازدىق جاڭا ۇستانىمداردى، جاڭا يدەيالاردى، جاڭا ستراتەگيالاردى جاسامپازدىقپەن العا قويىپ، شي جينپيڭ ەكولوگيالىق وركەنيەت يدەياسىن قالىپتاستىرىپ، كورىكتى جۇڭگو قۇرىلىسىندا بەرىك قادام تاستاۋعا جەتەكشىلىك ەتتى. باس شۋجي شي جينپيڭ ەلىمىزدىڭ سولتۇستىك ەكولوگيالىق حاۋىپسىزدىك قالتقىسى قۇرىلىسىنا ايرىقشا ٴمان بەرىپ، شولەيتتەنۋدەن جالپىلىق ساقتانۋ ـ تىزگىندەۋدى كۇشەيتۋ جانە ”ٴۇش تەرىستىك“ سياقتى ٴتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ٴماجىلىسىن باسقارىپ اشىپ، ”ٴۇش تەرىستىك“ ينجەنەرياسىنان قامال الۋ شايقاسىن ويداعىداي جۇرگىزۋ جونىندە جالپى جۇمىلدىرۋ بۇيرىعىن جاريالاپ، حىشي ٴدالىزى - تاكلاماكان ٴشول جيەگى توسقاۋىل شايقاسىن بار كۇشپەن ويداعىداي جۇرگىزۋ سياقتى بەلگى سيپاتتى ينجەنەريالار جونىندە ورنالاستىرۋ جاسادى. ٴبىز شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، ەگجەي ـ تەگجەيلى ٴتۇسىنىپ، شىنايى اتقارىپ، باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، ساياسي جاۋاپكەرشىلىكتى باتىل ارقالاپ، قۇمدى عىلمي تىزگىندەپ، قۇمدى دالمە ـ ٴدال تىزگىندەپ، ”ٴۇش تەرىستىك“ ينجەنەرياسىنان قامال الۋ شايقاسىنىڭ جانە تاكلاماكان ٴشول جيەگى توسقاۋىل شايقاسىنىڭ جەڭىسىنە بار كۇشپەن قول جەتكىزىپ، شينجياڭ ەرەكشەلىگىنە يە قۇمايتتانۋدان ساقتانۋ، قۇمدى تىزگىندەۋ جولىمەن قۇلشىنا ٴجۇرۋىمىز كەرەك.
ما شيڭرۇي بىلاي دەپ اتاپ كورسەتتى: ”ٴۇش تەرىستىك“ ينجەنەرياسىن اتقارۋ — مەملەكەتتىڭ كەلەلى ستراتەگياسى، پارتيا ورتالىق كوميتەتى بىزگە تاپسىرعان كەلەلى ساياسي مىندەت. اۆتونوميالى رايوندىق پارتكوم بۇكىل شينجياڭداعى ٴار ۇلت كادر ـ بۇقاراسىن ىنتىماقتاستىرىپ، باستاپ، تاپسىرمانى ەستە بەرىك ساقتاپ، باتىلدىقپەن بورىش ارقالاپ، ٴار جاقتىڭ بار كۇشپەن قولداۋ كورسەتۋىندە تاكلاماكان ٴشول جيەگى توسقاۋىل شايقاسىن جاپپاي باستاپ، 3046 كيلومەترلىك قۇم بوگەيتىن جاسىل ىقتاسىن بەلدەۋىنىڭ ”جيەگىن تورلاپ تۇتاستىرۋدى“ جۇزەگە اسىرىپ، شينجياڭنىڭ قۇمايتتانۋدان ساقتانۋ، قۇمدى تىزگىندەۋ قىزمەتىندە كورنەكتى ونىمدىلىككە قول جەتكىزدى. ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان ورتالىقتىڭ جانە مەملەكەتتىڭ مينيسترلىك، كوميتەتتەرىنىڭ، ورتالىق كاسىپورىندارىنىڭ، شينجياڭعا كومەكتەسەتىن ولكە، قالالاردىڭ بار كۇشپەن قولداۋ كورسەتكەنىنە شىن جۇرەكتەن العىس ايتتى، ”ٴۇش تەرىستىك“ ينجەنەرياسىنان قامال الۋ شايقاسىنا، تاكلاماكان ٴشول جيەگى توسقاۋىل شايقاسىنا ات سالىسقان ٴار ۇلت كادر ـ بۇقاراسىنا جانە ٴار سالاداعى قايراتكەرلەرگە وسكەلەڭ قۇرمەت ٴبىلدىردى.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ ورنالاستىرۋلارىنا، تالاپتارىنا مۇقيات تۋرالانىپ، مەملەكەتتىك ورمان شارۋاشىلىعى جانە جايلىم مەكەمەسىنىڭ جەتەكشىلىگىندە، كومەگىندە سەنىمدى، بەكىمدى اناعۇرلىم نىعايتىپ، باسىمدىققا يە كۇشتەردى شوعىرلاندىرىپ، ۇزدىكسىز كۇش توپتاپ قامال الىپ، ”ٴۇش تەرىستىك“ ينجەنەرياسىنان قامال الۋ شايقاسىن جانە تاكلاماكان ٴشول جيەگى توسقاۋىل شايقاسىن شي جينپيڭ ەكولوگيالىق وركەنيەت يدەياسىن امالياتتا ايگىلەۋدىڭ بەلگى سيپاتتى ينجەنەرياسى ەتىپ تۇلعالاۋعا قۇلشىنۋ كەرەك. نازاردى تاكلاماكان ٴشول جيەگىن تورلاۋ جەتىستىكتەرىن بەكەمدەۋ، كەڭەيتۋ ”نەگىزگى شايقاس مايدانىنا“ شوعىرلاندىرىپ، ”ٴبىر شەڭبەر، ەكى اۋماق، ٴۇش جەلى“ ٴتۇيىندى ٴوڭىرىن ارقاۋ ەتە وتىرىپ، جەرگىلىكتى جاعدايعا قاراي ىستەۋگە، اپات جاعدايىنا قاراي قورعانىس جاساۋعا، تۇرگە ٴبولىپ شارا قولدانۋعا تاباندى بولىپ، جاسىلدانۋ اياسىن كەڭەيتۋدى نەگىزگى مازمۇن ەتىپ، سۋ بايلىعىنان ۇيلەسىمدى پايدالانىپ، بيولوگيالىق قۇم تىزگىندەۋ، ينجەنەريالىق قۇم تىزگىندەۋ، فوتوۆولتتىق قۇم تىزگىندەۋ سياقتى ۇلگىلەردەن عىلمي پايدالانىپ، تاكلاماكان قۇمدى ٴشولىنىڭ ”جاسىل ٴشارپىسىن“ اناعۇرلىم بەكەم توقۋ كەرەك. قۇربان تۇڭعۇت ٴشولىن جان ـ جاقتى وڭاۋدىڭ ”شەشۋشى ٴتۇيىنىن“ مىقتى يگەرىپ، وڭىرگە ٴبولىپ شارا اتقارۋعا تاباندى بولىپ، ورمان، جايلىم ساپاسىن جوعارىلاتۋدى ٴتۇيىن ەتىپ، ٴتۇيىندى ورنالاستىرۋدى كۇشەيتىپ، تەحنولوگيالىق شارانى دالمە ـ ٴدال تاڭداپ، ەكولوگيانى قورعاۋداعى، قالپىنا كەلتىرۋدەگى ٴبىر توپ كەلەلى نىساننىڭ تياناقتانۋىن ىلگەرىلەتىپ، وسىمدىك جامىلعىلارىمەن كومكەرىلۋ دارەجەسىن جوعارىلاتىپ، قۇمدى جەرلەردىڭ، قۇم توبەشىكتەردىڭ تۇراقتىلىعىن كۇشەيتۋ كەرەك. ەكولوگيالىق ينجەنەرياداعى كەلەلى نىسان قۇرىلىسى سىندى ”باس جەتەكشىنى“ مىقتاپ يگەرىپ، مەملەكەتتىڭ كەلەلى ساياسات باعدارىنا تۋرالانىپ، قاجەتتىلىك سيپاتىن، اتقارىلۋ سيپاتىن، عىلمي سيپاتىن كورنەكتىلەندىرە وتىرىپ ٴبىر توپ كەلەلى نىساندى جوسپارلاپ، سالىنىپ جاتقان نىساندار قۇرىلىسىن جەدەلدەتىپ، باقىلاۋ ـ باسقارۋدى كۇشەيتىپ، قازىر ەڭبەك ٴسىڭىرىپ بولاشاقتا يگىلىگىن كورەتىن جاسىل ينجەنەريانى، ساپالى ينجەنەريانى، حالىق تۇرمىسى ينجەنەرياسىن تۇلعالاۋ كەرەك. قۇمايتتانۋدان ساقتانۋ، قۇمدى تىزگىندەۋ فاكتور قامتاماسىزدىعىنىڭ ”كەشەندى شاراسىن“ ويداعىداي جۇرگىزىپ، قۇمايتتانۋدان ساقتانۋ، قۇمدى تىزگىندەۋ 9 تارماقتى شاراسىنان جان ـ جاقتى، ويداعىداي پايدالانىپ، قۇم كاسىپ سالاسىن دامىتۋعا ساياساتتىق قولداۋ كورسەتۋدى جانە عىلىم ـ تەحنولوگيالىق تىرەكتى كۇشەيتىپ، ٴار ۇلت بۇقاراسىن بەلسەنە ات سالىسۋعا، قۇمايتتانۋدان ساقتانۋ، قۇمدى تىزگىندەۋ بارىسىندا پايداعا كەنەلۋگە جەتەكتەپ، ەكولوگيالىق ونىمدىلىكتىڭ، ەكونوميكالىق ونىمدىلىكتىڭ، قوعامدىق ونىمدىلىكتىڭ ورگانيكالى بىرلىگىن جۇزەگە اسىرۋ كەرەك. قىزمەت جاۋاپكەرشىلىگىن تياناقتاندىرۋ ”بۇيداسىن“ مىقتاپ يگەرۋ كەرەك، ٴار دارەجەلى پارتكومدار جانە ۇكىمەتتەر ساياسي جاۋاپكەرشىلىكتى باتىل ارقالاۋى، پارتكوم، ۇكىمەتتەگى نەگىزگى جاۋاپتى جولداستار ىرىقتى تۇردە ٴبىرىنشى شەپكە ىشكەرىلەي ارالاسۋى، ماسەلەنى سايكەستىرىپ شەشۋى، ٴار دارەجەلى قولباسشىلىق شتابتارى، باستاماشى ورىندار، ورمان ـ جايلىم تاراۋلارى قاتارلىلار ٴوز جاۋاپكەرشىلىكتەرىن ارقالاپ، بىرىككەن كۇش قالىپتاستىرىپ، كوز الداعى پايداعا جۇگىرۋ، جىلدام تىندىرۋعا ۇمتىلۋ يدەياسىن جويىپ، قۇمايتتانۋدان ساقتانۋ، قۇمدى تىزگىندەۋ قىزمەتىندە ناقتى ونىمدىلىككە قول جەتكىزۋگە شىنايى كەپىلدىك ەتۋى كەرەك.
ليۋ گوحۇڭ بىلاي دەپ اتاپ كورسەتتى: اۆتونوميالى رايوندىق پارتكوم، ۇكىمەت جانە بيڭتۋان باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، بۇكىل شينجياڭداعى ٴار ۇلت حالقىن باستاپ قۇم تەڭىزىندە قيان ـ كەسكى شايقاس جۇرگىزىپ، تاكلاماكان قۇمدى شولىنە ”جاسىل ٴشارپى“ وراپ، قۇمايتتانۋدان ساقتانۋ، قۇمدى تىزگىندەۋ مەن سۋدى تىزگىندەۋ، سۋ ىستەرىن گۇلدەندىرۋدىڭ ”قوس جوعارىلاۋىن“، شولەيتتەنگەن جەر مەن قۇمايتتانعان جەر كولەمىنىڭ ”قوس ازايۋىن“، تابيعي جاسىل القاپ پەن جاساندى جاسىل القاپ كولەمىنىڭ ”قوس ارتۋىن“، ەكولوگيالىق ونىمدىلىك پەن ەكونوميكالىق ونىمدىلىكتىڭ ”قوس جەبەۋىن“ جۇزەگە اسىرىپ، توسقاۋىل شايقاسىندا كەزەڭدىك، بەلگى سيپاتتى جەتىستىككە قول جەتكىزدى. قازىر بۇل قىزمەت جاپپاي ىلگەرىلەتۋدىڭ، كەزەڭ اسىپ كەدەرگىلەردەن ٴوتۋدىڭ، قامال الىپ قيىنشىلىقتاردى جەڭۋدىڭ شەشۋشى كەزەڭىندە تۇر، ورنىقتى، تىڭعىلىقتى ىستەپ، ۇزاق ۋاقىت كۇش سالىپ، مۇنان دا كوپ جەتىستىكتەرگە قول جەتكىزۋدى ىلگەرىلەتۋ كەرەك. وبيەكتيۆ زاڭدىلىققا بويسۇنىپ، تاۋ، سۋ، ورمان، اتىز، كول، جايلىم، قۇمدى ٴبىر تۇلعالاندىرىپ قورعاۋ مەن جۇيەلى وڭاۋدى ٴبىر تۇتاس جوسپارلاپ، ورمان وسىرۋگە وڭتايلى بولسا ورمان ٴوسىرىپ، ٴشوپ ەگۋگە وڭتايلى بولسا ٴشوپ ەگىپ، قاعىر جەر بولۋعا وڭتايلى بولسا قاعىر جەر كۇيىندە قالدىرىپ، قۇمدىققا وڭتايلى بولسا قۇمدىق كۇيىن ساقتاپ، ٴوڭىردىڭ بىرلەسىپ ساقتانۋىن، بىرلەسىپ تىزگىندەۋىن كۇشەيتىپ، ستەرەولدى ەكولوگيالىق قورعانىس تورىن قالىپتاستىرۋ كەرەك. ساپانى الدىمەن ويلاسۋعا تاباندى بولىپ، نىسان تۇراقتاندىرۋ وتكەلىن، جۇمىستى جوبالاۋ وتكەلىن، ينجەنەريانىڭ قۇرىلىس جۇرگىزۋ وتكەلىن، ساپانى تەكسەرىپ وتكىزىپ الۋ وتكەلىن قاتاڭ يگەرىپ، تاريحتىڭ سىنىنان سۇرىنبەي وتۋگە شىنايى كەپىلدىك ەتۋ كەرەك. جەتىستىكتەردى بەكەمدەۋدى كۇشەيتىپ، قۇم قاينارىنىڭ كەڭەيمەۋىنە شىنايى كەپىلدىك ەتۋدى نىسانا ەتىپ، ٴتۇيىندى وڭىرلەردى كورنەكتىلەندىرىپ، قۇمايتتانۋدان ساقتانۋ، قۇمدى تىزگىندەۋدىڭ ساپاسىن، ونىمدىلىگىن جوعارىلاتىپ، تورلاناتىن جاسىل قورعانىس بەلدەۋىنىڭ كەڭدىگىن ورنىقتى ۇلعايتۋ كەرەك. مەحانيزمدە جاڭالىق اشۋدى تەرەڭدەتىپ، قۇم كاسىپ سالاسىن عىلمي، ٴتارتىپتى دامىتىپ، ەكولوگياعا پايدالانىلاتىن سۋ ۇلگىسى جونىندە ىزدەنىس جاساپ، ”فوتوۆولت + قۇمدى تىزگىندەۋ“ مەحانيزمىندە جاڭالىق اشىپ، ورتالىق كاسىپورىندارىنىڭ ات سالىسۋ ساياسات ـ شارالارىن كەمەلدەندىرىپ، قىزمەتتىڭ ومىرشەڭ كۇشىن ۇزدىكسىز تاسقىنداتۋ كەرەك. عىلىم ـ تەحنولوگيالىق تىرەكتى كۇشەيتىپ، قۇمدى تىزگىندەۋدىڭ شەشۋشى تەحنولوگياسىنان قامال الۋدى كۇشەيتىپ، زەردەلىلەندىرۋ، ماشينالاندىرۋ دەڭگەيىن جوعارىلاتىپ، جەتىستىكتەردى جالپىلاستىرۋدى، قولدانۋدى جەدەلدەتۋ كەرەك. ٴبىر تۇتاس جوسپارلاپ سايكەستىرۋگە ٴمان بەرىپ، ولكە دارەجە دەڭگەيىندەگىلەر جالپى تۇلعالىق جاۋاپكەرشىلىكتى ارقالاپ، وڭىرلىك سيپاتتى ماڭىزدى ماسەلەلەردى اقىلداسىپ شەشۋى، قالا، اۋدان دەڭگەيىندەگىلەر ناقتى اتقارۋدى كۇشەيتىپ، مىندەتتى تياناقتاندىرۋدى ٴبىر تۇتاس جوسپارلاپ ويداعىداي يگەرۋى كەرەك. قۇمدى تىزگىندەۋ حيكاياسىن ويداعىداي بايانداپ، ”ٴۇش تەرىستىك رۋحىن“ بار كۇشپەن اسقاقتاتىپ، كورىكتى جۇڭگو قۇرىلىسى جەتىستىكتەرىن ايگىلەۋ كەرەك.
حوتان ايماقتىق، سانجى حۇيزۋ اۆتونوميالى وبلىستىق، ارال قالالىق، ماكىت اۋداندىق پارتكومنىڭ نەگىزگى جاۋاپتى جولداستارى جانە جۇڭگو تەمىر جول قۇرىلىسى دامۋ توبى شينجياڭ قولباسشىلىق شتابىنىڭ، شايار اۋدانى موشين اشۋ شەكتى سەرىكتەستىگىنىڭ، چەرشەن اۋدانىنداعى ساقا جاۋىنگەرلەر قۇمدى تىزگىندەۋ اترەتىنىڭ، حىشي ٴدالىزى - تاكلاماكان ٴشول جيەگى توسقاۋىل شايقاسى اۋماعى ماماندار گرۋپپاسىنىڭ ۋاكىلدەرى ماجىلىستە پىكىر اۋىستىرىپ ٴسوز سويلەدى.
چىن ۋيجۇن، قادەن كابەن، اۆتونوميالى رايوندىق حالىق قۇرىلتايىنداعى، ۇكىمەتتەگى، ساياسي كەڭەستەگى، بيڭتۋانداعى قاتىستى باسشىلار، مەملەكەتتىك ورمان شارۋاشىلىعى جانە جايلىم مەكەمەسىندەگى قاتىستى جولداستار، اۆتونوميالى رايوننىڭ ايماق، وبلىس، قالالارىنداعى جانە بيڭتۋاننىڭ شى، قالالارىنداعى، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى، شينجياڭعا كومەكتەسەتىن ولكە، قالالاردىڭ الدىڭعى شەپ قولباسشىلىق شتابىنداعى، ٴىشىنارا اۋدان، قالا جانە تۋان ـ الاڭدارىنداعى جاۋاپتى جولداستار، ماماندار جانە كاسىپورىن ۋاكىلدەرى قاتارلىلار نەگىزگى ٴماجىلىس الاڭىندا ماجىلىسكە قاتىناستى. اۆتونوميالى رايوندىق پارتكوم ورگانىندا، ايماق، وبلىس، قالالاردا، اۋدان، قالا، رايونداردا جانە بيڭتۋان شى، قالالارىندا، تۋان ـ الاڭدارىندا بولىمشە ٴماجىلىس الاڭى ورنالاستىرىلدى.
ماجىلىستەن ىلگەرى ماجىلىسكە قاتىناسۋشىلار جەكە ـ جەكە كەريا اۋدانى، بيڭتۋان 14 ـ شى سياقتى جەرلەرگە بارىپ، قۇمايتتانۋدان ساقتانۋ، قۇمدى تىزگىندەۋ، قۇم كاسىپ سالاسىن دامىتۋ سياقتى ادىستەرىن جانە ناتيجەلەرىن كوزدەن كەشىردى، تەكسەرۋ جۇرگىزدى.
