شينحۋا اگەنتتىگىنىڭ 6 ـ ايدىڭ 26 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «وزەن ـ داريالاردى قورعاۋدى، وڭاۋدى جاپپاي ىلگەرىلەتۋ جونىندەگى پىكىردى» باسىپ تاراتتى.
پىكىردە مىنالار اتاپ كورسەتىلدى: مەملەكەتتىڭ ”وزەن ـ داريا ستراتەگياسىن“ ىشكەرىلەي اتقارىپ، وزەن ـ داريالاردى قورعاۋدى، وڭاۋدى جاپپاي ىلگەرىلەتىپ، سۋ حاۋىپسىزدىگىن قامتاماسىز ەتۋ قابىلەتىن اناعۇرلىم جوعارىلاتۋ كەرەك.
پىكىردە مىنالار العا قويىلدى: 2035 ـ جىلعا بارعاندا وسىزاماندانعان وزەن الابىنىڭ تاسقىننان ساقتانۋ، اپات زيانىن ازايتۋ جۇيەسى نەگىزىنەن كەمەلدەنىپ، تاسقىننان ساقتانۋ، حاۋىپسىزدىكتى قامتاماسىز ەتۋ قابىلەتى كورنەكتى جوعارىلايدى؛ سۋ بايلىعىن ۇنەمدەۋ، شوعىرلى پايدالانۋ دەڭگەيى ونان ارى جوعارىلاپ، قالا، اۋىلدى سۋمەن قامداۋ حاۋىپسىزدىگىن قامتاماسىز ەتۋ دەڭگەيى كورنەكتى جوعارىلايدى؛ وزەن ـ داريالاردىڭ ەكولوگيالىق ورتا ساپاسى جاپپاي جاقسارىپ، سۋ ەكولوگياسى جۇيەسى اقاۋسىز، ورنىقتى بولادى؛ سۋ مادەنيەتى گۇلدەنىپ ـ كوركەيىپ، دامىپ، ىقپال كۇشى كورنەكتى كۇشەيەدى؛ وزەن ـ داريالاردى قورعاۋ، وڭاۋ ٴتۇزىلىس ـ مەحانيزمى اناعۇرلىم كەمەلدەنىپ، ادام مەن سۋدىڭ قارىم ـ قاتىناسى اناعۇرلىم جاراسىمدى بولا تۇسەدى.
پىكىردە وزەن ـ داريا تىنىشتىعىن بار كۇشپەن قامتاماسىز ەتۋ، سۋ بايلىعىن ۇنەمدەۋدى، شوعىرلى پايدالانۋدى كۇشەيتۋ، وزەن ـ داريالاردىڭ سۋ ەكولوگياسىن قورعاۋدى كۇشەيتۋ، وزەن ـ داريالاردىڭ سۋ ورتاسىن ۇزدىكسىز جاقسارتۋ، سۋ مادەنيەتىن جالعاستىرۋ، اسقاقتاتۋ، وزەن ـ داريالاردى قورعاۋ، وڭاۋ مەحانيزمىن كەمەلدەندىرۋ سياقتى جاقتاردا ورنالاستىرۋلار جاسالىپ، جوعارى ساپالى دامۋ مەن جوعارى دەڭگەيدەگى حاۋىپسىزدىك ٴبىر تۇتاس جوسپارلانىپ، چاڭجياڭ ەكونوميكالىق بەلدەۋىن دامىتۋ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋ سياقتى وڭىرلىك كەلەلى ستراتەگيالىق ورنالاستىرۋلاردى دايەكتىلەندىرىپ، تياناقتاندىرىپ، سۋ ۇنەمدەۋدى الدىڭعى ورىنعا قويۋ، كەڭىستىك جاعىندا بىركەلكى بولۋ، جۇيەلى وڭاۋ، ەكى جاقتان كۇش سالۋ سىندى سۋدى وڭاۋ وي جەلىسىنە تاباندى بولىپ، قورعاۋعا دەن قويۋ، وڭاۋدى ماڭىزدى ٴتۇيىن ەتۋگە تاباندى بولىپ، الاپتى بىرلىك ەتىپ، سۋ اپاتىن، سۋ بايلىعىن، سۋ ەكولوگياسىن، سۋ ورتاسىن وڭاۋدى ٴبىر تۇتاس جوسپارلاپ ىلگەرىلەتىپ، سۋ مادەنيەتىن جالعاستىرىپ، اسقاقتاتىپ، وزەن ـ داريالاردى قورعاۋ، وڭاۋ ٴتۇزىمىن اقاۋسىزداندىرىپ، وزەن ـ داريالار حالىقتى باعاتىن، حالىق وزەن ـ داريالاردى قورعايتىن، ادام مەن سۋ جاراسىمدى قاتار ٴومىر سۇرەتىن وزەن ـ داريالاردى قورعاۋ، وڭاۋ ارناسىن قالىپتاستىرۋ العا قويىلدى.
