ما شيڭرۇي كورمەنىڭ اشىلعاندىعىن جاريالادى، ۋاننو قاتىناستى
ەركىن تۇنياز قارسى الۋ ٴسوزىن سويلەدى، ٴزۇمىرات وبۇل، حى جۇڭيوۋ، ساۋ حۇڭميڭ، جاڭ جۋ قاتىناستى
6 ـ ايدىڭ 26 ـ كۇنى 2025 ـ جىلعى (جۇڭگو) ازيا - ەۆروپا تاۋار ساۋدا كورمەسى شينجياڭ حالىقارالىق ٴماجىلىس ـ كورمە ورتالىعىندا اشىلدى. سۋرەتتە: اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاتارلىلار جۇڭگولىق، شەتەلدىك سيلى قوناقتارمەن سارايدى بىرگە ارالاپ، ٴتۇيىندى كورمە اۋماعىنىڭ ورنالاستىرىلۋ جانە كورمەلەۋ جاعدايىن تەكسەرىپ كوردى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 26 ـ كۇنى ۇرىمجىدەن حابارلايدى. 6 ـ ايدىڭ 26 ـ كۇنى ”ازيا - ەۆروپا سەلبەستىگىن بىرگە اقىلداسىپ، جىبەك جولىنىڭ گۇلدەنۋىنەن بىرگە يگىلىكتەنۋ“ نەگىزگى تاقىرىبىنداعى 2025 ـ جىلعى (جۇڭگو) ازيا - ەۆروپا تاۋار ساۋدا كورمەسى شينجياڭ حالىقارالىق ٴماجىلىس ـ كورمە ورتالىعىندا اشىلدى. اۆتونوميالى رايوندىق پارتكومنىڭ شۋجيى ما شيڭرۇي قيمىلعا قاتىناستى ٴارى كورمەنىڭ اشىلعاندىعىن جاريالادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قارسى الۋ ٴسوزىن سويلەدى.
تايلاند پارلامەنتىنىڭ ٴتوراعاسى، قوسىمشا تومەنگى پالاتاسىنىڭ باستىعى ۋاننو قاتىناستى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، مەملەكەتتىك حالىق قۇرىلتايى حۋاچياۋلار كوميتەتىنىڭ ورىنباسار مەڭگەرۋشى مۇشەسى ساۋ حۇڭميڭ، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ قاتىناستى.
وسى كەزەكتى تاۋار ساۋدا كورمەسى ”جوعارى دەڭگەيدە ەسىك اشۋدى كەڭەيتىپ، جاڭا دامۋ ارناسىنىڭ ستراتەگيالىق تىرەگىن قالىپتاستىرۋ، بازارلانعان ەكونوميكا ـ ساۋدا تۇعىرىن ورناتۋ“ ورنىنا تاباندى بولىپ، ”1+10+N“ كورمە اۋماعىن ورنالاستىرۋ ۇلگىسىن جاڭالىق اشا قولدانىپ، جوعارى دەڭگەيدە سىرتقا ەسىك اشۋ وبرازىن ايگىلەۋ نەگىزگى تاقىرىبىن كورنەكتىلەندىرىپ، شينجياڭنىڭ ”ون ٴىرى كاسىپ سالاسى شوعىرى“ قۇرىلىسىنىڭ جەتىستىگىن جۇيەلى ايگىلەدى. كورمە ـ ٴماجىلىس ەل ٴىشى ـ سىرتىنداعى 2800دەن استام كاسىپورىندى كورمەگە قاتىناسۋعا، ماجىلىسكە قاتىناسۋعا باۋرادى، وسى بارىستا 60 نەشە مايدان ساۋدانى جەبەۋ قيمىلى وتكىزىلەدى.
كورمەنىڭ اشىلۋ قيمىلىندا ما شيڭرۇي، ەركىن تۇنياز قاتارلىلار جۇڭگولىق، شەتەلدىك سيلى قوناقتارمەن سارايدى بىرگە ارالاپ، ٴتۇيىندى كورمە اۋماعىنىڭ ورنالاسۋ جانە كورمەلەۋ جاعدايىن تەكسەرىپ كوردى. ما شيڭرۇي ەل ٴىشى ـ سىرتىنداعى كورمەگە قاتىناسقان ساۋداگەرلەرمەن ىشكەرىلەي اۋىس ـ كۇيىس جاساپ، كوپشىلىكتىڭ وسى رەتكى كورمەگە قاتىناسىپ، سەلبەستىك جاساۋ ورايىن قاراستىرىپ، بىرگە يگىلىككە كەنەلۋىن، دامۋدى جەبەۋىن قارسى الدى. ول بىلاي دەدى: ٴتوراعا شي جينپيڭنىڭ جانە جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگونىڭ شينجياڭى جۇرتتى جالت قاراتقان دامۋ جەتىستىكتەرىنە قول جەتكىزىپ، ەل ٴىشى ـ سىرتىنداعى كاسىپورىندار ايرىقشا ۇناتاتىن دامۋدىڭ بيىك بەلەسىنە، ەسىك اشۋدىڭ الدىڭعى شەبىنە، قارجى قوسۋدىڭ قۇنارلى توپىراعىنا اينالۋدا. ٴبىز جوعارى ساپالى دامۋ سىندى ماڭداي الدى مىندەتتى جانە ەسىك اشۋ، سەلبەستىك جاساۋ داۋىرلىك تاقىرىبىن مىقتاپ يگەرىپ، وزگەشە بايلىق ارتىقشىلىعى مەن وڭىرلىك ورىن ابزالدىلىعىنا سۇيەنىپ، ەكونوميكالىق دامۋدىڭ ساپاسىنىڭ جوعارىلاۋىن، ونىمدىلىگىنىڭ ارتۋىن بار كۇشپەن ىلگەرىلەتىپ، ”ون ٴىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن جەدەل قۇرىپ، جان ـ جاقتى حالىقارالىق اۋىس ـ كۇيىس، سەلبەستىكتى دۇنيە جۇزىندە ٴتىپتى دە كەڭ كولەمگە قاراي كەڭەيتتىك. وسى رەتكى تاۋار ساۋدا كورمەسى — شينجياڭنىڭ ەكونوميكالىق، قوعامدىق دامۋ جەتىستىگىن ايگىلەيتىن، جوعارى دەڭگەيدە ىشكە ـ سىرتقا ەسىك اشۋدى كەڭەيتەتىن، جۇڭگو - شەتەل كاسىپورىندارىمەن جىبەك جولى ەكونوميكالىق بەلدەۋى وزەكتى رايونى ورايىنان بىرگە يگىلىكتەنىپ، ”ٴبىر بەلدەۋ، ٴبىر جولدى“ بىرگە قۇرۋمەن قول ۇستاسا توعىساتىن ماڭىزدى تۇعىر. كورمەگە قاتىناسقان قالىڭ ساۋداگەرلەردىڭ ابزالدىلىقتى، ەرەكشەلىكتى تولىق ايگىلەپ، ەكونوميكا ـ ساۋدانى ٴتۇيىلىستىرۋدى ىشكەرىلەي ورىستەتىپ، اناعۇرلىم سۇبەلى كورمەلەۋ ـ جالپىلاستىرۋ، قارجى قوسۋ ـ سەلبەستىك جاساۋ جەتىستىگىنە يە بولۋىن ٴۇمىت ەتەمىز. جۇڭگونىڭ شينجياڭى جۇڭگو، شەتەل كاسىپورىندارىنىڭ ۇنەمى كەلىپ تەكسەرۋ جۇرگىزىپ، اۋىس ـ كۇيىس جاساپ، ناقتى ىستەر سەلبەستىگىن تەرەڭدەتىپ، گۇلدەنىپ ـ كوركەيۋدى، دامۋدى بىرگە جۇزەگە اسىرۋىن شىن جۇرەكتەن قارسى الادى.
ەركىن تۇنياز ارناۋ سوزىندە بىلاي دەدى: ازيا - ەۆروپا قۇرلىعى — ”ٴبىر بەلدەۋ، ٴبىر جولدى“ بىرگە قۇرۋ حالىقارالىق سەلبەستىگىنىڭ ٴتۇيىندى ٴوڭىرى. 2 ـ كەزەكتى جۇڭگو - ورتا ازيا باسشىلار ماجىلىسىندە ٴتوراعا شي جينپيڭ جۇڭگو - ورتا ازيا رۋحىن جاريالاپ، اناعۇرلىم تىعىز جۇڭگو - ورتا ازيا تاعدىرلاس ورتاق تۇلعاسىن قول ۇستاسا قۇرۋعا ستراتەگيالىق جەتەكشىلىك جانە ماڭىزدى بويسۇنۋ ولشەمىن ازىرلەدى. جۇڭگونىڭ شينجياڭى ”ٴبىر بەلدەۋ، ٴبىر جولدىڭ“ وزەكتى رايونى رەتىندە، جۋىق جىلداردان بەرى وزگەشە وڭىرلىك ورىن ابزالدىلىعىن تولىق ساۋلەلەندىرىپ، جوعارى دەڭگەيدە سىرتقا ەسىك اشۋدى ۇزدىكسىز تەرەڭدەتىپ، ازيا - ەۆروپا التىن ارناسىن جانە جۇڭگونىڭ باتىسقا ەسىك اشۋىنىڭ الدىڭعى شەبىن جەدەل تۇلعالاپ، سىرتقا اشىلعان ەسىك ونان ارى ايقارا اشىلىپ، ٴتىپتى دە كوپ مەملەكەت پەن ٴوڭىردىڭ گۇلدەنىپ ـ كوركەيۋىنە، دامۋىنا جاڭا وراي اكەلدى. ٴبىز بۇل رەتكى كورمەنى وراي ەتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەردىڭ جەرگىلىكتى ورىندارىمەن اناعۇرلىم كەڭ كولەمدەگى، اناعۇرلىم كەڭ سالاداعى، اناعۇرلىم تەرەڭ ساتىداعى ەكونوميكا ـ ساۋدا سەلبەستىگىن جانە گۋمانيتارلىق اۋىس ـ كۇيىستى ۇزدىكسىز تەرەڭدەتىپ، جىبەك جولىنىڭ كوركەيۋىن بىرگە سومداپ، سەلبەستىك سالتاناتىن بىرگە وتكىزىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋعا ۇلەس قوسامىز.
چىن ۋيجۇن، قادەن كابەن، اۆتونوميالى رايونداعى قاتىستى باسشىلار، قازاقستان، رەسەي، بەلۋروسسيا، ەفيوفيا، ۋرۋگۆاي، قىرعىزستان، موڭعۇليا، پاكيستان، تۇركيا سياقتى ەلدەردىڭ مينيستر دارەجەلى سيلى قوناقتارى جانە جۇڭگودا تۇراتىن ەلشىلەرى، ٴىشىنارا ەلدەردىڭ ۇكىمەت جانە كاسىپورىن ۋاكىلدەرى، مەملەكەتتىڭ قاتىستى مينيسترلىكتەرىندەگى، كوميتەتتەرىندەگى جولداستار، اۆتونوميالى رايوننىڭ قاتىستى ورىندارىنداعى جاۋاپتى جولداستار، ٴىشىنارا ولكە، اۆتونوميالى رايون، قالانىڭ سيلى قوناقتارى جانە كورمەگە ٴتۇيىندى قاتىناسقان ساۋداگەرلەردىڭ ۋاكىلدەرى قاتارلىلار كورمەنىڭ اشىلۋ سالتىنا قاتىناستى.
